لعبــه الاعــترافـــات (3 زائر)

[Black tear]

رد: لعبــه الاعــترافـــات

اعترف
احتاج اصدقاء

 

[ƒℓσωєя]

رد: لعبــه الاعــترافـــات

اعرف اني اليوم حسيت بالغباء

 

[S H I N E E]

رد: لعبــه الاعــترافـــات

اعترف ، طولت الغيبة هنا

 

[R O C K S P E C I A L]

رد: لعبــه الاعــترافـــات

اعترف اشعر بالحماس لسبب ما

 

[ENORI]

رد: لعبــه الاعــترافـــات

اعترف النت عندي ميت يقهر :/

 

[نـَجْم]

رد: لعبــه الاعــترافـــات

آعترف .,~اني مبسوط.,~رغم الهموم هههه.,~ت4

 

[The-superior]

رد: لعبــه الاعــترافـــات

^

أعترف أهم شي السيد المحترم
^
وأخر شي يرفضوني xD

 

[Black tear]

رد: لعبــه الاعــترافـــات

^
^
اعترف الشي الوحيد الي جذبني ديفل ماي كراي

 

[Black tear]

رد: لعبــه الاعــترافـــات

اعترف
ان مافي اطيب مني

 

[happy freinds]

رد: لعبــه الاعــترافـــات

خخخ لا عادي شي طبيعي تحصل معاي مرات ماعرف شو أقول
مب مهم تقدرين اتواسيهم أو لا أهم شي انه ندعيلهم لأن الشي اللي نحن ما نقدر انسويه أكيد الله يقدر

أعترف كلنا عشنا هالمرحلة اتأكدي الشك بيتحول الى يقين وآخر شي لواقع حلو ك6
مثلا أنا في البداية كان فخاطري وحدة ومتعرف عليها بس هي مب من الإمارات وكنت أتواصل معاها بنية الارتباط والزواج بس صارت مشاكل والوالدة تعبت الله يحفظها وقالتلي أمنيتي تتزوج وتستقر وما قدرت أقولها لا فكرت فيها بالمنطق كيف أعصي امي اللي ربتني طول عمرها عشان وحدة ماعرفها؟
المهم عقب ما اتحسنت قلتلها خلاص ماني رادنج وبطيع شورج وانتي تعرفين مصلحتي أكثر مني
اهني استوا شي غريب وعجيب عمري ما بنسى هالموقف
سبحان الله مافي شي يقطع النصيب لأن هالنصيب رزق والرزق في السما محد يعلمه غير الله وكل شي بايده
أحيد أول وحدة اتقدمتلها بعد الإستخارة ما ارتحت مع ان البنت محترمة وأهلها طيبين
بس حسيت اني بظلمها من نواحي وايد لأنها شادة حيلها ومتفوقة في دراستها وأنا من شروطي انه مابي الحرمة تشتغل
وام البنت تستوي ربيعة الوالدة بس مادري وهي الصراحة المشكلة كانت فيني ولا هم بكل أمانة ناس ينضرب فيهم المثل
المهم ربيعة الوالدة قالتلها تعرف وحدة فعجمان فسرنا انشوفهم والبنت طلع ابوها متوفي الله يرحمه وهي تدرس في الجامعة
حددنا موعد عشان انزور أهلها وانقرر الخطبة وجي وأنا وقتها كنت أدرس المهم هني صار الموقف لما رحت العيادة العسكرية بطلع ورقة اجازة
عساس اني بغيب في هاليوم لأني بكون في عجمان وبرد متأخر في هاللحظة وأنا واقف أستلم الورقة يا عندي واحد بزي عسكري اللي هو ابو حرمتي الحين يقوللي سلامات عسى ما شر
طالعته وقتله الله يسلمك الشر ما اييك والصراحة ويهه ما كان غريب علي مادري ليش حسيت اني أعرفه
قاللي ما تذكرني أنا شليتك وانت ياهل xD
ويوم سويت عملية القلب كنت معاك في الطواري وامك كانت معانا في نفس القسم طلعو هو والوالدة زملاء في الدوام زمان خخخ
المهم قتله عن سالفة الخطبة تم يباركلي وعطاني رقمه وحلفني اذا صار نصيب أعزمه
عموما سرنا عجمان وسألوني شو شروطك قتلهم والله ما عندي غير شرط واحد أبي الحرمة اتداري البيت والعيال ومابيها تتوظف
قالولي ما يصير هي تاعبة ودارسة وماعرف كيف المهم شوي شوي اقتنعو بس لما خبرتهم عن سالفة العملية حسيت انهم ما بيوافقون لأن ابوها الله يرحمه كان نفس الشي يمكن كانو خايفين أو شي مالومهم من حقهم
على كل حال اليوم الثاني دقو علينا واستسمحو منا وقالو ان البنت مب موافقة
عقب أنا دقيت للريال اللي أخذت رقمه في المستشفى وقتله ان الخطبة انلغت وماشي عزيمة
قاللي أفا عليك عزيز وغالي أنا عندي بنات واتشرفونا ووو الخ,, (طلعو ساكنين في نفس منطقتنا) صدمني الصراحة بس قلت له ان شاء الله مع اني لحظتها نفس كلامج كنت شاك ان بيصير شي لكن ربج يسر الأمور الحمدلله وهذا كان نصيبي والحين عايش أحلى عيشة الحمدلله
+ شوفي سبحان الله البنت اللي كنت متعرف عليها اختها الكبيرة كانت مسوية حادث وايدها كانت مجروحة وهم عندهم عيب الصغيرة تتزوج قبل الكبيرة
فكانو يبوني أتريا لين ما تتعالج وتتزوج ان شاء الله وبعدين عادي أتقدملها
سبحان الله أنا زوجتي وهي صغيرة ابوها بعد مسوي حادث وايدها مشوهة ومكسورة شوي ويوم النظرة الشرعية قاللي تراها وايد متأثرة من هالشي ونفسيتها تتعب وهي كانت تبي تعالجها قبل عن تتزوج عسب اتخاف حد يعايرها الخ,,
تميت أطمنها وأقولها ترا حتى أنا مسوي عملية ومسويلي خياطة في صدري وبالعكس أعتبره علامة جمال مب تشوه أو شي xD
واذا تبين عقب ما يصير نصيب انسافر وانعالج ايدج ما عندي مانع مع اني ماشوف ان فيها شي
و الحمدلله الباقي ربج يسره أنا أخذت الكبيرة واخوي الكبير اتقدم بعدي واخذ اختها الصغيرة وكانو كلهم مستغربين خخخ كيف الكبير ماخذ الصغيرة والصغير ماخذ الكبيرة xD

حتى في الجريدة ما عرفو شو يكتبون بس آخر شي رقعوها لول "إلى كريمتي نبيل عوض الحارثي" :D

http://www.albayan.ae/five-senses/occasions/2013-03-29-1.1850945




العبرة من هالقصة كلها ان كل شي له سبب وكل واحد ما بياخذ غير نصيبه مهما لفت الدنيا ودارت فينا
اذا لج رزق بتاخذينه واذا لج نصيب بعد بتحصلينه أهم شي نيتج اتكون صافية لأن أعمالج وأفعالج هي اللي اتحدد اذا انتي تساهلينهم أو لا يعني بالعربي سعادتج بايدج انتي وقصتي أكبر مثال بالذمة لو أنا عاندت الوالدة كان بيستوي كل هذا؟ :P


أعترف آمين الله يحفظهم ويجعلنا من البارين فيهم
+ مافي انسان كامل اخوانج مقصرين في نواحي وفي نواحي ثانية مب مقصرين ولو فرضنا أنا اخوج ما بقصر في نواحي بس شي نواحي ثانية بقصر فيها مب بس أنا واخوانج هذا حال البشر كلهم ادعي الله يحنن قلبهم عليج ودايما ركزي عالجوانب الإيجابية وعلى فكرة اللي ما يذوق المر كيف بيعرف طعم الحلو؟ اللي ما جرب الحزن كيف بيعرف شعور الراحة والسعادة؟ عشان جي فيه شي اسمه دنيا وشي اسمه جنة الانسان اللي يسعى لآخرته بيبان هالشي في دنياه


أعترف أدري ماشي فرق بيني وبينج عشان جي قلت "شوي"
+ اللي اكبر منك بيوم اعلم منك بسنة :P < ولا انقرضت هالمقولة؟ xD



أعترف مالهم علاقة هم خخخ تبينهم يشوتوني الشركة اتدور مصلحتها
أنا رفضت عقد الطاقة لأنهم يبوني أداوم قريب حدود السعودية وانتي اتقوليلي كوريا xD


أعترف آمين ,, هيه نسبة الدهون في الجسم تختلف من لشخص لشخص حتى لو مسوين نفس الريجيم النتيجة تختلف
على ماظن فيه شي اسمه مقاومة الجسم للدهون يمكن حرق الدهون عندج أبطأ من ربيعتج عشان جي تنزل أكثر منج
يب أهم شي انج ما تقطعين لأن اذا تتمرنين و اتوقفين ما تستفيدين شي وبتكونين تعبتي عالفاضي بس يقولون كثرة شرب الماي اتساعد ف7

اعترف: معاك حق, اذا انا ما قدرت الله يقدر.. والنعم بالله

اعترف: سبحان الله! كل شي بوقته وكل شي يستوي بقضاء الله وقدره , وبعد الام قلبها ما يرتاح الا للي بيريح عيالها
عشان جي الامهات دوم يعرفون مصلحتنا اكثر عنا, الحمدلله.. الله يديم لكم الراحة والسعادة ان شاء الله (:

اعترف: سبحان الله اخوي دوم ما يسوي لي طلب الا وياخذ منه مقابل xD, اما امس طرشته شي لبيت ربيعتي وداه وما قال شي
واليوم قالي يوم بتخلصي فاينلاتج انا بييبج , وايد فرحانه خخخ .. دوم اخلص الاربعا متاخر مثلا محد يتفيج يردني فاتم لين الجمعة
او انزل فباص الخباز خخخ الحمدلله والله, ربي يحسنا للافضل ان شاء الله اعجبني3
--> انا نسيت عن نفسي بعد اني اغلط مرات xD

اعترف: الحين المقولة اللي اصغر عنك بيوم اعلم منك بسنة

اعترف: ههههه ما شي فايدة يعني محد بيسفرني خخ xD

اعترف: شكله جي او يمكن انا امصخها بالفري داي xD
+ وسالفة الماي : مستحيل يمر يوم انسى اكل فيه بس عادي انسى اشرب خخخ
الخميس اللي طاف وحدة من كلاسنا قالتلي ضعفانة كنت بقوم وبحبها فوق راسها حتى, جي الناس هههه


اعترف: موفق بالمقابلة, شد حيلك لا تلعب