مدونة مميزة A Ca$e for a Gentle Thief and a Treasured Heart - 7sN (1 زائر)

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]

مادري لو ذكرت هالشي من قبل ولا لا بس انا ما اتابع ناروتو بشكل عام , لعبت الألعاب
و شفت فيلم بوروتو لكن كـ متابعة ما تابعت ولا مرة .. في بداية بوروتو تابعت 6 حلقات
تقريباً و ما كملت لأنه ما شدني .. لكن من ناحية الشخصيات فـ انا في شخصيات احبهم بقوه
نفس : شيكامارو - هيناتا - نيجي و غيرهم .. اكثر شخصية احبها بـ ناروتو من غير منازع
هي شخصية روك لي , احبه و احب الرسالة اللي تُرسل خلاله من ناحية ان العمل الجاد ممكن
يهزم الموهبة

اليوم اخوي قالي اشوف الحلقة 70 من بوروتو ( كوْني احب روك لي و ابنه ميتال لي ) و قالي
ان القتال بالنهاية راح يعجبك بسبب تطور شخصية ميتال لي و بسبب الأنيميشن .. شغلت الحلقة
و حطيت من القتال و عجبني الأنيميشن طبعا و كملت الحلقة للنهاية .. و ما حبيت النهاية بسبب
الرسالة اللي ارسلوها

باختصار للي ما يعرف , ميتال لي عنده فوبيا معينة و هي انه ما يقدر يأدّي بأفضل ما عنده لما
يكون في جمهور يشاهدونه , غالباً يخاف و ادائه يكون سيء و الجمهور يضحكون عليه , بنهاية
الحلقة 70 بدل ما يتخلص من خوفه , استوعب بأن الخوف هو جزء منه و لازم ما يتخلص منه
بل لازم يحبه و يفتخر فيه .. و انا اكره هالشي

احنا حاليا عايشين بزمن يقولنا "لا تتخلص من سلبياتك بل سلبياتك هي بنفسها ايجابياتك" , بمعنى
آخر هل جسمك مو صحي؟ قول ان جسمك صحي .. هل فيك مرض خطير تقدر تتفاداه بس انت
كسول لدرجة ان مالك نفس تتفاداه؟ قول ان هالمرض مو خطير و عيش حياتك كسول .. و بحالة
ميتال لي : هل عندك فوبيا من شي معين و معقدك طول حياتك؟ بدل ما تتخلص من الفوبيا قول
ان الفوبيا هي جزء من حياتك و عيش خايف و مو مرتاح طول حياتك

كميّة الناس اللي عايشين على تفكير انهم "Perfect" و ما يحتاجون يغيرون شي بداخلهم , هي
كميّة غير طبيعية و غير صحّية , هل هالتفكير راح يخلي عندك هدف بحياتك؟ هل راح يخليك
تعمل عشان تفيد نفسك و تفيد المجتمع؟ هل راح تكون انسان مُحترم و معروفة عنك صفة العمل
بجد و صفة القوة الداخلية؟ لا , ليش؟ لأنك كسول و ما تبي تتخلص من سلبياتك

هذي بالضبط رسالة ميتال لي بنهاية الحلقة , و هي مثال على تفكير المجتمع بهالزمن اللي يقولك
انت غير مخطئ حتى لو كنت مخطئ

ما اقدر اقول غير : لا تربّون عيالكم على هالتفكير



[/TBL][TBL=https://www.anime-tooon.com/up/uploads/at152754376800213.png]


[/TBL]

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]

ممثل دراما - قدوتك الشخصية - شخصية من قصة ( فيلم , انمي , رواية ..إلخ )

أنقر للتوسيع...

قدوتي الشخصية : Jordan Peterson

جوردان بيترسون هو بروفيسور علم نفس قمت اتابعه من بعد مشاكل حصلت له مع الجامعة
اللي يشتغل فيها بسبب كلامه مع الطلاب عن احقّية حرية الرأي , بداية متابعتي له كنت احسه
شخص رسمي بزيادة و كل ما صرت اشوف فيديوهاته كبر بنظري اكثر و اكثر , نصايحه روعة
و اسلوبه بالكلام و التعبير من افضل ما يكون .. شخصيته حلوة و انسان مو ناقصه شي و مع ذلك
نشوفه يشتغل و يحاول يساعد غيره

يقول ان خلال فيديوهاته اكتشف ان الرجال يشوفون فيديوهاته اكثر من النساء رغم ان تخصص
علم النفس نسبة النساء اكثر من الرجال , اكتشف بعدين ان سبب هذا الشي هو انه يتكلم غالباً عن
المسؤوليات و عن ايجاد الطريق المناسب للحياة .. و هذا شي فعلا جميل لأن الرجال متعطشين
للبحث عن الطرق اللي تناسبهم لحياتهم , لأن الرجال مجبورين على ايجاد الطريق المناسب , و
ممكن يكون هذا سبب مشاهدتي له

حبي لـ جوردان بيترسون له اسباب كثيرة و من اكثر الأسباب هي الرسالة اللي دايما يرسلها و
دايماً يقولها "قوم اعمل شي بحياتك" , نفس ما قلت بالتدوينة السابقة , الزمن اللي عايشين فيه
يشجع على الكسل و يشجعك على انك ما تلوم نفسك على مشاكلك بل تلوم غيرك و ما تسوي
شي عشان تعدل من نفسك , جوردان بيترسون يقولك انت الغلطان و انت المصلّح , قوم اشتغل
و شوف الحياة و طوّر من نفسك عشان تصلّح المشكلة اللي انت حطيت نفسك فيها , لا تتذمر
, لا تقول ليش , بس تحرّك

شخصية من قصة

احب كثير شخصيات طبعا و ذكرتهم كثير بالمدونة نفس : شيغيو كاغياما - ريغان اراتاكا -
ريتسو كاغياما < كلهم من موب سايكو 100 لكن بما اني قاعد اتابع ون بيس فـ بختار
لوفي

للتوضيح انا للآن ما احس اني اقدر اقول كلام معبّر عن اي شخصية بـ ون بيس , لكن لوفي
حبيت شخصيته من ناحية انه ما يهتم بالتفاصيل لأن بالنسبة له التفاصيل غير مهمة , يترك
التفاصيل لأصحابه لأنه عنده ثقة عالية فيهم و بقدراتهم , و فعلا كـ شخص قيادي لما تترك
شي مهم عند احد افراد فريقك راح تزيد ثقة هالفرد و راح يحس نفسه عنصر مهم بالفريق ,
غير ان لما صار آرك آرلونغ , لوفي ما كان يبي يسمع بقصة نامي ولا كان يبي يعرف بأي
شي , بس كان يبي نامي تطلب منه المساعدة , و طبعا بس طلبت المساعدة صار مجنون و
راح يقاتل آرلونغ صحيح شخصيته مكررة من ناحية الوصف و مافيه اي تجديد ,
بس احس توظيف تكراره هو السبب بتميّزه عندي , و اللي يعرفني يعرف ان ما عندي مشكلة
بالتكرار بل عندي مشكلة بتوظيف التكرار نفسه , بالنسبة لي اشوف لوفي موفّق بهالشي

+

شكرا على تعليقاتكم بالتدوينة السابقة نورتوا زوزو و نوناشا و بانك

احد التعليقات :

فاهمك بس احس المقصد يعني انك تحب نفسك على عيوبك عشان تقدر تتخلص منها اسرع واسهل من انك تحاول تتخلص منها وانت خايف ولاشايل هم و تحس ان هالشي كبير والكل يحاسبك عليه او انك لو فشلت بانك تتخلص منه هاذي نهاية العالم. والفوبيا احيانا صعب انك تتخلص منها فـ في ناس تضر نفسها على هالسبب. طالما الي فيك مايضرك صحيا خلاص انت مافيك عيوب ولاتفكر فهالشي. لكن تقدر تقول رسالتهم ماكانت موجهه بشكل متكامل او مفهومه اكثر .

كلام جميل بس هذا كان تفكيري ببداية مشاهدتي للقتال , قلت اكيد هذا قصدهم لأنه اهو الصح , بس بنهاية
الحلقة تفاجأت ان ميتال لي قال ما راح اتخلص من الفوبيا , اتمنى لو الرسالة ما كانت متوجهة بشكل مفهوم
بس ميتال قالها و وضحها على انها جزء منه و اهو فخور بوجودها .. مادري لو تتواجد نية انهم يعدلون هالشي
بالمستقبل ولا لا بس اتمنى يعدلونها و يطبقون اللي تقصده



[/TBL][TBL=https://www.anime-tooon.com/up/uploads/at152754376800213.png]


[/TBL]

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]

تعرفون صرخة Wilhelm ؟

الصرخة هذي طلعت من شخصية بفيلم Distant Drums بسنة 1951 , كما هو موضح بهاللقطة :


هالصرخة بقوه انشهرت لما حطوها بأفلام Star Wars :


و من بعد ستار وارز صرت ألاحظها تطلع بأغلب الافلام اللي اشوفها الصرخة صارت
اسطورية و كل ما اسمعها بفيلم معين دايماً احس بالانجاز اني اعرفها و اعرف تاريخها , لو
احد منكم يعرف Team Four Star بيعرف ان في وحدة من اللقطات كانوا يتواجدون جنديين
يتكلمون عن هالصرخة :


[/TBL][TBL=https://www.anime-tooon.com/up/uploads/at152754376800213.png]


[/TBL]

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]



اهزم عدوّك

خلال حياتي ( القصيرة جداً ) لاحظت كثير من الناس اللي يحاولون ينشرون الإيجابية للي حوالينهم ,
غالباً يقولون لك "ابتسم" او "اذكر ربك و راح تنحل مشاكلك" او غيرهم من الكلام "الإيجابي" , شنو
تعلمنا من خلال سماعنا لنصايحهم؟ الابتسامة تحل المشاكل؟ الواحد يصدق و يبتسم لين يصير فيه شلل
بس عشان شخص قاله ابتسم و بتنحل مشاكلك

المشاكل عمرها ما تنحل الا بالحركة و العمل , لمتى نسمع نصايح الابتسامة و نبتسم لو ما كانت الابتسامة
هذي عفوية؟ اذكر ربي و بتنحل مشاكلي؟ طيب ربي قالي انه راح يساعدني لما اتحرك و اسعى , يعني
حتى ربي يقول اشتغل عشان تحقق مرادك و ما يقول بس ابتسم

شفت الناس اللي ينصحون مثل هذي النصايح و شفت وين صاروا من بعد نصايحهم , كلهم صاروا نفس
الناس اللي كانوا ينصحونهم , مكتئبين و زهقانين من الحياة و نصايحهم ما فادت نفسهم .. لأنهم اهتمّوا
بمشاعر الناس بدل ما يهتمون بالشي الأهم و هو واقع الناس .. بمعنى ان في فرق لما اقولك شي انت تبي
تسمعه و بين لما اقولك شي واقعي , الناس اللي يبحثون عن المدح ما يبون شي ثاني غير المدح , لكن
الناس اللي يبحثون عن تطوير نفسهم راح يتقبلون النقد و راح يتعلمون منه و يتطورون من خلاله لأن
هذا واقع

الانسان فيه جميع الصفات السيئة , وفوق هالصفات الدنيا مو سهلة , لكن ليش نصعبها على انفسنا؟ هل
احنا اعداء نفسنا؟ عيل لازم نصارع نفسنا عشان نطلّع الصفات الجيدة اللي فينا , هل هالشي صعب؟ ممكن
لكن التفكير بصعوبته ما راح يفيد اي شخص , لأن المطلوب منك شي واحد و هو انك ما تتدلّع زيادة و
تقوم تسوي شي بحياتك

لاحظت كثير ناس يبحثون عن اللي يتقبلهم بدون ما يحاولون يتقبلون المجتمع اللي عايشين فيه , اعرف ان
المجتمع سيء و اهتماماته سيئة لكني ما انصحك بإنك تكون واحد منهم , انصح بإنك تفهمهم , غالباً احنا لما
نتكلم عن المجتمعات نتكلم عنهم كأنهم اعداء لنا و كأنهم ناس ما عندهم عقل و يمشون ورا المشهور نفس
الخرفان , ممكن هذا اهو التفكير اللي احنا نبيه , لكنه مو الواقع , الواقع يقول اشياء مختلفة تماماً عنهم لأن
بالنهاية هم بشر حالهم حالك .. ممكن لما المجتمع يروحون ورا المشهور لأنهم يشوفون فيه شي انت ما
تشوفه , نفس لما انت تدخل منتديات و تشوف شي المجتمع ما يشوفه .. بس تفهم المجتمع بتلاقي انك ارتحت
لأنك ما صرت تفكر فيهم زيادة عن اللزوم , ابتعد عن السلبية اللي بمخك لأن السلبية هذي اهي اللي بتخليك
تكتئب او تزيد اكتئابك .. انت عدو نفسك .. و اذا ما صارعت نفسك؟ تحمّل العواقب بدون تذمّر


[/TBL][TBL=https://www.anime-tooon.com/up/uploads/at152754376800213.png]


[/TBL]

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]

سابقاً كنت احب افلام استوديو Marvel , احب افلامهم و دايما انتظر الأفلام القادمة لهم بحماس
و دايما اشوف افلامهم و ما انحبط .. لكن خلال مرور الزمن قعدت ألاحظ نفسي ما استمتع بـ ولا
شي يسوونه , من هالاحساس صرت استوعب ان ولا شي سووه كان بالمستوى الجميل من البداية
و كل هذا بسبب "العالم المشترك"

فكرة العالم المشترك اشوفها سلبية لأنها تقيّد المؤلف و ما تخليه يبدع او يسوي اي شي ابتكاري , و
هالتقييد يخليه يسوي فيلم مكرر و شايفينه مليون مرة , و طبعا هذي افلام مارفل كلها , كلها فيها نفس
القصة و كلها ماشية على نمط محدد الكل عارفه و الكل زهق منه :

تقديم البطل - تقديم الشرير - القتال النهائي

و اوكي مافي مشكلة لأن هذا اساس كل الأفلام , لكن شنو اللي يميّز الفيلم الناجح بتطبيق هذا النمط
عن الفيلم اللي يفشل بالتطبيق؟ كثير اشياء تميّز لكني راح اركّز بأفلام السوبرهيروز بما اني يبت
طاري مارفل .. تحديداً راح اتكلم عن افضل فيلم سوبرهيرو عندي و هو Spider-Man 2 بسنة 2004

بفيلم سبايدرمان 2 نشوف ان عدو البطل بالفيلم هو ليس الشرير , انما العدو هو نفسه بيتر باركر بطل
الفيلم .. الفيلم بشكل عام يتكلم عن التضحية و المسؤولية فـ الأحداث كلها تتكلم عن وجهة نظر بيتر
من ناحية البطولة و من ناحية المسؤولية اللي لازم يتخذ قراراته بناءاً عليها , و الفيلم مو بس احداثه
جميلة بل اخراجه روعة , الشكل و الأجواء الكرتونية انعكست بشكل اكثر من جميل مع الجدية و مع
بعض اللقطات المرعبة ( كوْن المخرج أساساً مخرج افلام رعب ) و هالدمج انتج فيلم فريد من ناحية
الأجواء و عميق من ناحية الصراع

بينما مع مارفل ما نشوف العنصر الفريد بالشكل كوْن ان كل افلامهم نفس الشكل بالضبط و نفس
اشكال افلام اخرى عاديين بدون اي اضافات بالصورة + ما نشوف العمق بالصراع المتواجد بأفلامهم
, و مشكلة مارفل تتكوّن بأشياء عديدة نفس اللي ذكرتهم و معاهم مشكلة القصص بشكل عام , دايما
القصص تتكلم عن شخص كان فاشل و صار ناجح

توني ستارك كان مغرور و صار بطل خارق
دكتور سترينج كان ما يصدق بغير العلم و صار يصدّق
سكوت لانغ كان قدوة غير حسنة لبنته و صار قدوة حسنه

قصصهم دايماً بسيطة و لها هدف واحد و ما يعطون احساس البطولة اللي نحتاجها منهم , لهالسبب الناس
يكرهون الأبطال الخارقين لأن الفكرة المتّخذة عنهم هي انهم يلبسون لبس غريب و يقاتلون اشرار يبون
يفجرون المدن او يتحكمون بالعالم , و صحيح فيلم سبايدرمان 2 فيه شرير عنده نفس الهدف تقريباً بس
الفرق هو توضيف و تركيز الصراع بالفيلم نفسه .. و هذا اللي يميّز الأفلام بشكل عام عن بعضها رغم
ان فيهم نفس النمط بالضبط

+

تعليقاتكم اسعدتني


[/TBL][TBL=https://www.anime-tooon.com/up/uploads/at152754376800213.png]


[/TBL]

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]

نظرتي للدنيا تخليني اشوف الأمور من وجهات اخرى , و هالوجهات دايماً
تبهرني بالناس و بالمجتمعات لدرجة اني اكون مهتم اكثر و اكثر بعقلية الإنسان
و كيفية التفكير و الاحساس

انبهر لما اشوف مسلمين يتكلمون عن السلام بينما نشوف عدد منهم ارهابيين , متشددين
و عنصريين .. و انبهر زيادة لما اشوف الغرب يتكلمون عن الانسانية بينما نشوف ان
الأمور الإباحية و الجنسية عندهم تحوّل الانسان إلى أداة للشهوة + العنصرية و كثرة
الانتحار و الاعتداءات على الغير .. و الناس اللي يبون يتخلصون من العنصرية نشوفهم
يتحولون إلى عنصريين اتجاه العنصري , و بهذا يحاولون يحلّون المشكلة بمشكلة أخرى
ما تسبب غير زيادة المشكلة نفسها

اشوف ان من اهم المسؤوليات اللي لازم الانسان يتّخذها هي مسؤولية النقد الشخصي , شوف
نفسك و ادرس نفسك , هل اللي قاعد تسويه صح؟ هل قاعد تهزم المشكلة؟ ولا قاعد تصير جزء
منها؟ البشر عندهم كبرياء يخلّيهم ما يعترفون بأخطائهم أمام احد و لهذا النقد الشخصي مهم لكل
انسان , كيف قاعد تعيش و كيف قاعد تغيّر من نفسك؟ هل تحتاج تكون انسان غير محترم عشان
تحصّل الاحترام اللي تحتاجه؟ ولا في طرق اخرى تخليك محترم و تجبر اللي يتعامل معاك على
احترامك؟

فيما سبق سمعت مقولة "مافي قصة افضل من قصتنا" و الحين اقدر اقول بأني فهمت معناها


[/TBL][TBL=https://www.anime-tooon.com/up/uploads/at152754376800213.png]


[/TBL]

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]

أي شخص يلعب او يتابع الألعاب أكيد سمع عن شركة Telltale اللي سوّت ألعاب
كثيرة أشهرهم The Walking Dead بسنة 2012 , هذي اللعبة اتذكرها بالتفصيل
لما نزلت لأول مرة و اتذكر اليوتيوب لما كان كله عبارة عن اكثر من يوتيوبر مشهور
يلعبها .. كسّرت الدنيا و أخذت جوائز أفضل لعبة بالسنة , جزء كبير من هذا النجاح
يرجع إلى ان اللعبة تخلّيك تختار حوارات شخصيتك بنفسك , انت اللي تختار لو الشخصية
يتكلم ولا لا , انت تختار شنو يقول الشخصية من خلال الـ 3 اختيارات الموجودة أمامك باللعبة ,
ولو في شخصيتين راح يموتون , انت اللي تختار منو راح تنقذ من بينهم

لكن قبل كم يوم طلع خبر ان شركة Telltale طردوا 250 عضو من شركتهم بسبب ان الألعاب
ما قامت تجذب الناس ولا صارت تعطيهم الربح الكافي , شي صعب ان من بعد كل هالسنوات اللي
تعوّدنا نشوف ألعابهم بكل شهر و فجأه نشوفهم خلاص انتهوا .. بتكلم عن هالشي

انا واحد من الناس اللي انحبطت من هالشركة من بعد الموسم الأول من The Walking Dead ,
الموسم الأول كان يتحصّل على شخصيات روعة و مختلفة , شخصية لاري الحقير اللي يبي يضمن سلامته
سلامة بنته على مصلحة الجميع , كيني اللي هدفه يحمي عايلته بشراء قارب , و هالشي يخليه يتخذ قرارات
سيئة و يكون بأغلب الأوقات انسان سيء و أناني , كارلي اللي تحاول تطلّع نفسها من مشاكل المجموعة بس
تقرر تساعد بطل القصة إنه ياخذ راحته من بينهم , و اخيرا و ليس آخراً كليمينتاين البنت اللي تهتم فيها كـ
بطل القصة من بداية اللعبة إلى نهايتها .. و في المزيد و المزيد من الشخصيات اللي عندهم أهداف معينة
و سمات خاصة فيهم و مختلفة .. لكن لما ننتقل للموسم الثاني راح نلاحظ الاختلاف ..

بالموسم الثاني كل الشخصيات الموجودين عندهم واحد من هالهدفين : 1- يبون يهربون من شخص اسمه
كارفر .. 2- يبون يعيشون .. و بس

الشخصيات كانوا جداً عاديين و مافيهم أي اختلاف او تواجد لدرجة انهم اعتمدوا على حب الناس
لشخصية من الموسم الأول فـ خلّوه يرجع لهالموسم .. يعني الموسم الثاني كان ماله شخصية لدرجة
انهم اعتمدوا على نجاح الموسم الأول .. و هالشي مستمر للموسم الثالث اللي كان سيء بشكل ما اقدر
اوصفه , غالباً بسبب الشخصيات و الأحداث و القصة .. و اخيراً الموسم الرابع اللي قاعد ينزل حالياً
و ما اقدر اشوف حلقة منه إلا و انا كاره نفسي , لأن الحين صار The Walking Dead قصة
رومانسية و فيها مراهقين يحبون بعض

لما بحثت شوي لقيت ان هالشي منطقي لأن أساساً مؤلف الموسم الأول اسمه Sean Vanaman و من
بعد نجاح الموسم الأول , طلع من شركة Telltale و راح سوا شركة ثانية بإسم Campo Santo مع
أول لعبة لهم بإسم Firewatch .. و كـ تجربة رحت شفت هذي اللعبة عشان اشوف مستوى التأليف هل
فعلا هو مؤثّر لهالدرجة بـ The Walking Dead ولا لا .. و فعلا , لعبة Firewatch تميّزت بشكل
كبيير بأسلوب الحوار و بالشخصيتين الروعة .. سماتهم روعة و انتقلت لنا بشكل جميل , حواراتهم من افضل
و امتع ما يكون .. و بهذي اللحظة عرفت ان هالمؤلف فعلا خروجه من الشركة كان له تأثير كبير على اللي
صرنا نشوفه منهم من بعد الموسم الأول

للآن نزلت حلقتين من الموسم الرابع من The Walking Dead و محد يعرف لو انهم راح يخلصون
هالموسم ولا لا .. راح انتظر بس مستحيل اترقّب للأفضل


[/TBL][TBL=https://www.anime-tooon.com/up/uploads/at152754376800213.png]


[/TBL]

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]

احس اننا الحين عايشين بفترة ما ينعرف فيها هل الرسائل الأخلاقية مرغوب فيها
أم لا , الناس صار فيهم تدقيق قوي بكل شي , الدقة جميلة و ليست سيئة , لكن لما
تكون دقة مالها اساس ولا معنى , تكون دقة مميتة للأخلاقيات و تشجّع الأفكار اللي
مافيها اي فكر او مبادئ صالحة

الحين احنا عايشين بـ وقت يطلعون فيه ناس يقولون انهم مظلومين و ان النظام ضدهم ,
يقولون انهم يستحقون الأكثر بدون ما يتعبون على الأقل , يطالبون بالتسامح مع اي
شي مختلف بدون ما يعترفون بالآثار الجانبية لهالشي

صرنا لما نشوف قصة تحث الولد على انه يكون رجل , يطلعون لنا ناس يقولون
الرجولة سيئة و تأثيرها سلبي على المجتمع

قصة تتكلم عن ان المرأة لازم يكون فيها انوثة , يطلعون لنا ناس يقولون ان المرأة
مو شرط يكون فيها انوثة و الأنوثة هي عنصرية ضد المرأة

قصة تحث الرجل على الزواج , يطلعون ناس يقولون ان الرجل ما ينفع للزواج
و هو اللي يخرب الأسرة

قصة تحث المرأة على الزواج , يقولون المرأة لا تحتاج الرجل ولو قلت انها
تحتاج الرجل فـ انت عنصري

يعني شسويلكم بالله؟

الأفكار صارت متداخلة ببعضها و ما صار ينعرف شنو هي الرسالة المقبولة , في الغد
ممكن نكتب قصة عن اهمية الشجاعة و يطلعون لنا ناس يقولون "حتى الجبان انسان
ولو تجاهلته فـ انت عنصري ضد الجبناء"

لو انت مؤلف و قاعد تسمع هالكلام بشكل مستمر بحياتك اليومية , انصحك بإنك تتجاهل
كل اللي تسمعه او تقراه من هالنوع من الناس , قدراتك هي لك و تفكيرك مافي شخص
ممكن يغيره , بالنهاية انت نتيجة ظروفك , و اللي يمشي بعقلك هو اللي لازم ينكتب باوراقك

[/TBL][TBL=https://www.anime-tooon.com/up/uploads/at152754376800213.png]


[/TBL]

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]



﴿ وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ (216)﴾

آية البعض منا يعتبرها شعار حياته , و البعض الآخر لازم يعتبره شعار حياته , الكثير منا يبحث
عن أمر يحس انه بإمتلاكه تكمل حياته و يعيش مرتاح , لكن أغلب الأوقات يتّضح ان هذا الشي
خطأ و يضطر الشخص بتغيير توجّهه للشي اللي فعلا راح يفيده و يوصله للمطلوب

هذي قصة كلنا نعرفها , لكن رغم معرفتنا لها نلاقي انفسنا نصمم على الوصول للشي اللي نبيه حتى
ولو كان خطأ , تقريباً غير معروف ما هو الخير و الشر لنا لأننا لا نعرف ما يعرفه الله , لكن هل
ممكن يتواجد مقياس يوضّح من وين نبدأ خطوتنا؟ ممكن .. على سبيل المثال راح اتكلم عن الشي
اللي اغلبنا نبحث عنه و اغلبنا ينتهي حزين لعدم امتلاكه , هذا الشيء هو البحث عن السعادة , كلنا
نبي السعادة تكون جزء مننا و كلنا نقاتل للوصول للسعادة , لكن هل السعادة شي مطلوب و مرغوب
فيه؟

طبعا السؤال ممكن يكون غريب لأن الإجابة بكل بساطة هي "طبعا السعادة مرغوب فيها و مطلوبة"
لكن ما احس ان الاجابة بسيطة .. أصلا ما هي السعادة؟ هل السعادة هي اني اعيش مبتسم؟ او أحصل
على اصدقاء يفهموني؟ او التعبير عن مشاعري براحة و بدون خوف او رهبة؟

هذي كلها اشياء حلوة و مرغوب فيها , لكنها غير مستمرة للمدى البعيد , بل بعضهم ياخذون
دقايق إلى ان تنقلب الأمور من سعادة إلى حزن - ندم - كراهية للنفس - كراهية للغير - التوتر
و غيره من الأشياء السلبية على النفسية و الشخصية , ليش؟ لأن هذي سعادة مبنية على افعال
غيرك و ليست أفعالك , و لما تكون معتمد على ان غيرك يبني سعادتك فـ بتكون هذي اول
و اكبر خطوة للحزن اللي تكرهه .. السعادة اللي تبحث عنها لازم تكون نابعة من أفعالك اتجاه
غيرك و اتجاه نفسك , كن محترم لغيرك و كن محب لنفسك , اتخذ قرارات و حقق اهدافك
و اتعب و اصبر عليهم , لأن الصبر على التعب نهايته راحة , و الراحة دايماً مشبعة .. حبك
و كرهك للشي مو معناه انه خير او شر , دراستك للشي قبل العمل له هو المقياس اللي يحدد
لك لو كان الشي مرغوب فيه أو لا .. و كل شي بالنهاية بيكون معتمد عليك مو على غيرك


[/TBL][TBL=https://www.anime-tooon.com/up/uploads/at152754376800213.png]


[/TBL]

[TBL=https://www.anime-tooon.com/up/uploads/at15275437679221.png]


























[/TBL][TBL=https://www.anime-tooon.com/up/uploads/at152754376797832.png]


من زمان ما اخترت فيلم و تكلمت عنه بالمدونة , ممكن آخر واحد تكلمت عنه كان Justice
League , و بالصدفة الحين بتكلم عن Avengers Infinity War , هالفيلم شفته قبل
كم شهر و وقتها كان مزاجي اشوف افلام كوميكس فـ هذا كان واحد منهم

من البداية ابي اوضّح ان هالفيلم ما عجبني , كان محبط جداً خصوصاً بعد ما سمعت ان كل
الناس يعتبرونه افضل فيلم لـ مارفل , طبعاً انا ما احب افلام مارفل بل اعتبرهم افلام عاديين
و اكثر من عاديين , لكن في افلام احبهم بشكل قوي ومن بينهم افضل فيلم عندي بهالسلسلة
هو Guardians of the galaxy 2 .. اتذكر شفته و بعدين قررت اشوف افنجزر

ندخل بالموضوع على طول

يجتمع اعضاء الأفنجرز لمواجهة اقوى شرير للآن في عالم مارفل و هو ثانوس , ثانوس بمهمة
لتجميع كل الـ 6 احجار للتخلص من نصف العالم .. و خلال الفيلم يحاولون جميع اعضاء الفريق
بإنهم يوقفونه عن الحصول على الأحجار

القصة ممكن تكون عادية و مكررة من ناحية ان في شرير يبي يقضي عالعالم و عشان يحقق هدفه لازم يحصل
على شي راح يخليه يحقق الهدف .. لكن رغم التكرار إلا اننا نشوف ثانوس بشكل مختلف عن الأشرار الباقيين
من ناحية إنه شخص طيب وليس شرير , و هذا يصنع لنا شخصية له فلسفته الخاصة و فريد من نوعه من بين
الأشرار اللي فقط يبون يتحكمون بالعالم بدون ما نحس بإن لهم شخصية من الأساس .. ثانوس طبعا واحد من
ايجابيات الفيلم و بالنسبة لي هو ثاني افضل شخصية

من افضل شخصية؟ سبايدرمان طبعا .. سارق الأضواء بكل فيلم يطلع فيه , سبايدرمان افضل شخصية بتاريخ
مارفل و استخدامه بهالفيلم كان موفّق ولا يحتاج اي تعديل او اضافات , بكل مرة يطلع بالشاشة يقنعني بإنه مراهق
يحاول يسوي الشي الصح و يحاول يحصل موافقة توني ستارك بما انه يعتبره بمثابة اب له , غير هالشي خلال
الفيلم هو الشخصية الوحيدة اللي توظّفت بشكل صحيح بالكوميديا لأن كل جملة و كل كلمة تطلع منه تكون كأنها
موجودة له فقط .. و من احسن الجمل عندي بالفيلم لما قال : لا يمكن ان يتواجد صديق الحي سبايدرمان عندما
يُمحى الحي

رغم هذي الشخصيتين و روعتهم إلا ان الفيلم كان يعاني من مشاكل ممكن انها ما تكون قوية لغيري , لكنها كانت
مؤذية لي و كنت اتمنى انها تخلص بسرعة او انها تتصلح بسرعة , لكن للأسف الفيلم استمر و معاه استمر كل شي
سلبي .. من بين الأشياء السلبية : الكوميديا

افلام مارفل مشهورة بالكوميديا قبل أي شي ثاني و هذا مو شي خطأ , بل ممكن يكون شي جميل لأنه يعطي السلسلة
شخصية خاصة فيها , لكن لما تسوي فيلم فيه كمية خطر مو طبيعية و تبيني آخذ الخطر على محمل الجدية , لازم
ما تحط نكتة بعد ( او خلال ) اللقطات الجادة .. على سبيل المثال :

توني ستارك و بيبر بوتس كانو يتكلمون عن تجهيزات فرحهم و فجاه دكتور سترينج طلع لهم عشان يحذّر توني ستارك
من قدوم ثانوس و قال : توني ستارك , ثانوس مدمر العوالم قادم و ممكن كوكب الأرض يكون بخطر شديد , و مبروك
على الفرح

مهما كنت تحب الكوميديا بحياتك , جملة ( مبروك على الفرح ) خطأ تحطها بعد تنبيه عن شخص ممكن يقتلك و يقتل
كل اللي تحبهم و يحبونك , كيف ممكن آخذ الخطر بشكل جاد لما تقول التنبيه لأول مرة بالفيلم و بعدين تنهي التنبيه
بنكتة مالها داعي ولا لها مكان باللقطة كلها؟

و هالنوع من النكت موجودة طول الفيلم و بكل اللقطات الخطأ , دكتور بروس بانر اللي معروف عنه انه دكتور هادئ
و سلبي بأغلب الأوقات صاير بهالفيلم شخص كله مبتسم و يصارخ بسعادة كأنه مو بخطر الموت .. طيب بكل الأفلام
اللي فاتت كنت سلبي و الحين لما وصل خطر اكبر من اللي فات حسيت انك تبي تصير كوميدي قبل ما تموت؟

محتوى مخفي: حرق لفيلم Thor Ragnarok

ممكن احد يقول ان بروس بانر بفيلم ثور راغناروك كان شخصية كوميدية و هالشي ما كان سلبي هناك .. بروس بانر بالفيلم كان محبوس داخل هولك سنتين و بعدين لما استرجع جسمه لقى نفسه بمكان غريب , هذا حدث يبرر تحوّله إلى شخصية كوميدية بشكل مؤقت إلى ان يستعيد نفسه بالشكل الكامل .. لكن بفيلم افنجرز هو صار كوميدي بعد ما انضرب من ثانوس ببداية الفيلم و عرف ان مافي شي ممكن انه يهزم ثانوس .. و هذا الشي السلبي الأكبر بشخصيته

غير السلبية بالكوميديا نشوف سلبية بالصراع بين الشخصيات

الشي الجميل بفيلم افنجرز الأول هو ان الشخصيات كان بينهم صراع واقعي و محسوس فيه , كابتن اميركا و آيرون مان
كان صراعهم معتمد على انهم يبون يكونون بقيادة الفريق نفسه و طول الوقت نشوف الانعكاس بينهم و بين بعض من ناحية
شخصيتهم و تفكيرهم و تأقلمهم مع الأفراد , من الناحية الأخرى نشوف بروس بانر و هو يحاول يمسك اعصابه عشان ما
يبي يعصب و يتحول لـ هولك و يفقد تحكّمه و هذا كله صعب عليه خلال الصراع الأساسي للقصة , و من الناحية الثالثة
نشوف صراع بين ثور اللي يبي يحاول يرجّع اخوه لكوكبه

كل شخصية له صراع قوي .. بس خلونا نشوف الصراعات بين ابطال الفيلم بـ Avengers Infinity War

بيتر كويل ( بطل Guardians ) يكره ثور .. لأن .. ثور احلى منه .. واو صراع قوي
طيب نشوف أحد ثاني .. توني ستارك يكره دكتور سترينج .. لأن .. مممم .. لأن نحتاج توني ستارك بصراع بس

و طوول الفيلم لما يطلعون هالشخصيات مع بعض نشوفهم يكرهون بعض بدون أيييي سبب غير ان الفيلم يحتاج
كوميديا على ما اعتقد -_- .. عشان ما اظلم الفيلم هو يتضمن على صراعات جميلة نفس سبايدرمان و توني ستارك ,
توني ستارك يحاول يبعد سبايدرمان عن القتال لأنه يحس انه مسؤول عنه لكن سبايدرمان يحاول يثبت له إنه
يقدر يهتم بنفسه .. و فعلا لو انهم اخذو هالصراع و سحبو على صراع توني ستارك و دكتور سترينج كان طلع
الفيلم بشكل افضل .. بس نحتاج كوميديا على ما اعتقد -_-

محتوى مخفي: حرق للنهاية الغبية للفيلم

خلال الفيلم ثور يحصل على السلاح الوحيد اللي ممكن يقتل ثانوس , اوه شي حلو , ثور المحارب الأسطوري قدر انه يحصل على السلاح و اكيد راح يستخدم السلاح بالشكل الصحيح .. صح؟ المهم بنفس الوقت ثانوس قدر انه يجمّع كل الأحجار و كان راح يستخدمهم لمحي نص الحياة بالعالم .. لكن بطلنا ثور الثور كان عنده السلاح و هجم على ثانوس عشان يقضي عليه و يخلصنا منه .. و قفز البطل المحارب الأسطوري اللي طول حياته تعود على القتال و صار من افضل المحاربين بالتاريخ , رفع السلاح و ضربه .. على بطنه .. رفع السلاح .. و ضربه .. على بطنه .. -_- .. ثانوس شخصية يقدر يدمّر كل شي و لابس ملابس كثيرة تغطي جسمه و كل شي فيه إلا راسه .. راسه بنفسجي و كبير و طالع من ملابسه و مافيه درع .. فـ احسن شي سويته يالثور انك تضربه على بطنه؟؟؟ ضربته على بطنه لأننا نحتاج جزء ثاني يعني؟ ثانوس قال ( كان المفروض تضربني براسي ) بس هذي الجملة ما تغطي على ان اللقطة نفسها تعتبر خطأ , هو فعلا المفروض هالثور يضرب ثانوس براسه بس لييش ما ضربه؟ لأن استوديو مارفل حسّو انهم يبون جزء ثاني فـ لازم ننهي الجزء الأول على غباء شخصية

اعتقد عندي مشاكل ثانية بس مثل ما قلت الفيلم شفته قبل كم شهر و ما ودي اعيده ابداً , هو مو فيلم سيء
لكنه فيلم معتاد من استوديو ما يبي يتجدد بأفلامه و شاطر بس يسوي نفس الأفلام بكل سنة مع اختلاف
الشخصيات بس


[/TBL][TBL=https://www.anime-tooon.com/up/uploads/at152754376800213.png]


[/TBL]