انمي تون AniMe TOoN

هههههههههههههه يا ساتر
لا عيل خل ينتحر نبي نعرف النهاية صار لنا ٢٠ سنة
بس من جد ياخي أفكر به هو و توغاشي مؤلف هنتر هنتر ..
بما أنهم مطولين وكل فترة يوقفون .. ش وضعهم ؟ خاصة مؤلف كونان أحسه بيموت قبل لا يخلص القصة .. مجهز هو نهاية احتياط ولا ما يدري وين اللي حاطنه ؟
أخاف نتوهق احنا المتابعين بسببهم

هههههه اعانكم الله انا مريحه نفسي و ما عاد تابعت شي
شي فوق 12 حلقه نادرا ما اشوف و اذا فلم يكون احسن
تابعت شي و تفاجات انهم طلعوا بعده موسم ثاني اسحب عليه
بس طبعا في حالات تشذ عن القاعده
و انا بالاغلب اتابع الاشياء المكتمله شغله استنا كل اسبوع حلقه مااتحملها كيف تتحملوها انتم
مره حاولت اتابع جا الاسبوع الي بعده و قد نسيت الانمي و ما عاد اهتمت فيه
فربي يعينكم اذا متوا و انتوا تستنوا النهايه

أمااا عن نفسي أحب أتابع ما أعتبر ترك هالشغلات راحة
اووه عاد من جد بالسنوات الأخيرة صاروا يدلعونا ويسوون مواسم بعد xD
بس قبل أسبوع كذا كنت أتكلم عن الأنميات اللي سووا لها مواسم جديدة وتراكمت علي والحين قاعد أكمل فيها
أنا بعد أفضّل الأشياء المكتملة
بس الأنميات الطويلة استثناء .. لأن ما يندرى متى تنتهي أصلًا
لاااااا خاصة ون بيس من جد أخاف أموت قبل لا أشوف نهايته أستغفر الله

ما شاء الله عليك عندك صبر
ما اقدر اصبر خاصه لما يمطوا و يحطوا شي ماله داعي
من جد يدلعوكم في اشياء مطوله كل شوي موسم كل ما الاقي اعلان لموسم اقول ما خلص الانمي هذا
طيب كيف تجلسوا ذاكرين الشخصيات كثيره ما تحسوا ان رؤسكم فرت
ياخي ون بيس مخلص قبل ما يبدا معروف بيحقق حلمه و يصير زعيم اللصوص قصدي القراصنه ما لازم لها تحقيق بس تمشو ما احداث حياته

يب يب
ايييه التمطيط مستفز صراحة وعشان كذا بالأنميات الطويلة أسحب عليها فترة وأرجع لها بعدين
ايه خليهم يدلعونا .. تعبنا من الأنميات اللي انسحبت عليها
أكيد يعني أنسى بعض الشخصيات والأحداث .. بس أغلبها أسترجعها مع أحداث الموسم الجديد يعني واللي نسيته تمامًا ف معناه أن خلاص ما عاد حدث مهم
ون بيس أحس هذي النهاية الظاهرية بس الأغلبية متوقعين أن الفكرة أعمق وأكبر من كذا بوايد نشوف ش يصير

ههههه انا كنت اقفز ثلاث قفزات بالحلقه و بكذا اخلصها ب5 دقايق
و اخوي ما كان متقبل الفكره بس صار يسويها بالاخير
هم يمطو و احنا نختصر و نشوف من يغلب
اوه ناسيه ما عندك زهايمر ما شاء الله
اسماء الابطال ما اتذكرهم كلهم و تلاقيني احط لهم القاب الي شعره اصفر و ابو شال فكيف بباقي الشخصيات الي يجي بحلقه و بعد عشر حلقات يرجع

فيري تيل ما انادي البطل انا و اختي الا ابو شعر وردي زي البنات هذا و اخوي الي يتابعه مو احنا
ههههه حلوه اعمق حسستني انه كتاب في النفس البشريه
عاد اذا جات النهايه عاديه لا تذبحوا المانجاكا من القهر
اذا تبغا شي عميق اقرى روايه مزرعه الحيوان وصف واقع الحياه باسلوب غير مباشر

هههههههههه أنا ما أحب أقفز أخاف يفوتني شي مهم بالغلط xD بس أزيد سرعة الفيديو .. وبكذا تنتهي الحلقة بوقت أقصر من دون ما يفوتني شي
ههههههههه
يب شي طبيعي أصلًا أنا صرت أسحب ع أسامي شخصيات الأنمي صرت أحسها أصعب من أنها تنحفظ، أهم شي لا قالوا الاسم أعرف مين يقصدون بس حفظ ما أحفظ يعني مثلًا بوكو نو هيرو ٣ مواسم وأنا يمكن مو حافظ غير أسامي ٥ شخصيات
أكثر شي أمشي بنظام الألقاب زيك

ما أقصد أعمق من ناحية نفسية بس يعني مو سالفة كنز فلوس ويلقونه وتنتهي السالفة xDD
اووه أحب أسلوب الإسقاط بس ملاحظة أنك تنصحيني بروايات وايد وأنا للحين ما دخلت فعليًا بجو الروايات ؟

صح تو خلصت فيلم wonder
عجيييييب الفيلم أنصحك فيه أكيد

تسريع الفيديو تصدق ما جات ببالي و اصواتهم بتصير تضحك نجربها بالمرات الجايه
انا المشكله انسى الشخصيه بالمره تنمسح من القاموس لما يرجع بحلقه ثانيه اناظر و اقول شايفتك من اول بس مدر ايش سالفتك
و الانميات الي فيها شخصيات كثير احس يجيبوا لي صداع ما احب الزحمه

هههه ايه اشجعك يمكن كذا انحس نتك و ما يصفي معك نت زي الناس و ترجع للروايات مثلي
ملاحظه _ اي خلل في نتكم المحترم لا علاقه لي به ترى عيني بارده
من جد انا قلت لازم يكون رهيب الروايه و هي الروايه لها شهره و ناس كثير غيرت في حياتهم
اجل اروح ادور عليها ض

ايييه بس حركة تفك أزمة والله خاصة للي زيي كوني إذا تابعت شي ما أسحب عليه حتى لو كان خايس
أماااا هههههههههههه لا أنتِ حالتك صعبة
لاااااا بليز تبين ينرفع ضغطي من النت
يب يب حلو وأتوقع الرواية فيها تفاصيل أكثر ما انذكرت كالعادة xD ف مفروض تكون أحلى من الفيم بعد

أحس كنت بقول شي بعد ونسيت وش هو
الزهايمر بدا ينتقل شكله

اوه الله يعينك انا استحاله اكمل شي و هو مو عاجبني
انا حتى انميات حلوه وقفتها لما موتوا الشخصيه الي احبها زي دث نوت لما مات ال حذفت الانمي للابد
لا بس اقول يمكن يعديه نتي يعني
حلو انا محمله الروايه اخلص من الفلم و ارجع اقراها ان شاء الله
ههههههه لا ترا ما اعدي شكله وراثه عندكم

يب أنا الحين صرت أسحب أحيانًا + صرت ما أتابع أي شي والسلام أحاول قدر الإمكان أختار بعناية
ههههههههههه أمااا بس زين سويتِ لأن ديث نوت نزل مستواه بعد موت إل.. وأنا بعد أسحب لو حسيت المسلسل بيخترب موت الشخصيات.. سويتها أكثر من مرة بالذات المسلسلات التركية
اوك مشاهدة وقراءة ممتعة
ما شاء الله نتك يعدي بس انتِ ما تعدين كيف تجي هذي

ههههه انت تختار بعنايه انا احط شروط تعجيزيه اشوى الي يسو الانمي مو عندي و لا باجلطهم
في مسلسلات سحبت عليها بعد 5 دقايق بس انمي واحد كرهته من قلبي من اول خمس دقايق و هو انمي هاروهي
كرهت البطله مستفزه و تذكري بكل البنات اللئيمات الي شفتهم بحياتي
اوه المسلسلات التركيه اكيد من طولها لما يخربوا شي بتطفش و بتسحب
ايه النت يعدي عشانهم متصليل بالذبذبات و الاسلاك فيمدي يعدي
انا بعيده ما يمدي يوصل شي

هههههههههه وش هي شروطك انزين
ايييه هاروهي غثييييثة أنا صبّرت نفسي وأنا أتابعه بس يقهر يقهر وكنت أبي أعرف ليش مشهور وكذا ف كملته الفيلم تبعه هو الحسنة الوحيدة
ايييه ترا حتى بسبب التركي صرت أسرع الفيديو
بالله بس صراحة أقنعتيني

شروطي ابغا البنات و الاولاد محتشمين و لا على الاقل مو ثلاثه ارباع الجسم طالع
ثاني شي ما يكون الانمي كله رومنسيه هذا شي غثيث و يسد نفسي و خاصه لما جيش يجرو ورا البنت ولا جيش بنات يجرو ورا ولد
ثالث شي ما يركزو على شي واحد يعني رياضي مافي مشكله بس مو كل شي محصور بالرياضه كان العالم يدور حولها هذا يخلي الشخصيات سطحيه و بايخه

احب يكون الانمي متعمق بالشخصيات و نفوس الشخصيات و بمشاكل المجتمع
اخر شي ما يكون فيه ايحاءت جنسيه و شذوذ من اي نوع لان اغلب الانميات الحين لازم بتلاقي ايحاء حتى في انميات الاكل تلاقي ياكلون بطريقه الله لايبلانا بس
ما عليك اعرف كيف اعطي حجج

بالعكس شروطك أحسها طبيعية ومنطقية ، ماهي تعجيزية أبددد
سالفة جيش البنات ورا ولد والعكس من جددددد استفزااااز هالنوعية من الأنميات
و التنوع يب حلو وهالشي يبيّن قيمة الكاتب وذكاءه بعد .. ولو أن بالنسبة لي شفت مثلًا كوروكو كان التركيز ع الرياضة بس إلا أنه كان رائع