انمي تون AniMe TOoN

و بعد فيه مسلسل بلاك ميرور -قلتلك عنه قبل- ، فيه حلقة فازت بالإيمي مع أنها كانت عادية جدًا وفيه عدة حلقات مستواها أفضل بمراحل =\
مدري يعني كل هذا عشان يطبقون فكرة المساواة وكذا ؟ انزين درينا عن وجهة نظركم ماله داعي تظلمون أعمال محترمة ع حساب ثانية بس عشان تثبتون هالشي

أوه يعني لساتك ببدايه الكرف الله يكون بعونك و يوفقك
ههههه تعرف رحت أدورها ما طلعت لي إلى وحده من كتابه كريستين هانا بس لازم أسجل بالمنتدى و يمكن بعد كل هذا يكون الرابط خربان لانه من سنتين
ايه النوعيه هذي موجوده بكل بيت لا تقول لي إسمه ابراهيم عشان تكمل كل إلي كذا و نعرفهم كلهم لهم نفس الاسم

يب تسوروني أنا ما شفت الإعلان على طول دخلت بالأنمي من جد مدلعين و المشكله تحملت الثلاث الحلقات قلت يمكن يتحسن بس مافي فايده
و حتى رمايه الأسهم حقهم بايخه ميريدا إلي بفلم بريف بتغلبهم بسهوله
على حسب ما سمعت إن إلي ماسكين لجنه تحكيم الجوايز لهم دخل بالماسونيه فاكيد بيحاولوا يخربوا الناس أكثر و يجذبوهم لهذي الأمور الله لا يوفقهم مخربين كل شي

يب يب جميعًا يارب
يب يب هي هذي عاد يا كرهي للمنتديات إذا سووا هالحركة ، أسحب عليهم أصلًا
أنا أصلًا اللي جذبني للرواية الغلاف
لا لا مو إبراهيم تطمني
يب دامهم دلوعين وش بتوقع من رمايتهم أكيد ميريدا أطلق
يا ذي الماسونية اللي كل شي لازقينه فيهم

ههههه من جد حركة بايخه و انا نفس الشي أسحب عليهم
كيف الغلاف ما شفته بلا كتبوا اسم الروايه باروح أشوف الغلاف على إن مافي فايده مافي أمل أجيبه على الأقل الحين
صح شفت و انا ابحث فلم بنفس الإسم لا يكون مقتبس من الروايه بارجع أبحث بموضوع الفلم
اشوى قلت لا يكونوا منتشرين عالميا

هههه أصلا الرمايه كرياضه عند اليابانين بايخه من الحلقات الي شفتها حسيت إنها كانت من أساليب تسليه الملوك
عادهم يدخلوا واحد و احد و بعدين يجلسوا و بعدين يوقفوا و لفه طويله بتروح الفريسه و عادهم مكانهم و القوس من جد كبير ما أتوقع كان يستخدم بحروب

هههههه عني أنا ما أكذب النظريه هذي كل شي جايز و النظريه و الادله إلي فيها كانت مقنعه نوعا ما ما أقول كل ما حصل شي خلاص الماسونيه وراها بس ما ننكر إن في أشياء كثير تصير من ورا الستار

جذبتني ألوانه مع اللمعة اللي فيه < وياريته يقرأ
أمااا ، معقول تحمسوا وسووا له فيلم بهالسرعة ؟
أما كذا نظامهم بس مو شرط يعني لا تاخذين بأي شي تشوفينه بعالم الأنمي .. ياما عشنا وشفنا
كله ولا لما يسوون أنميات تاريخية وحروب وكذا ويسوون الأبطال شعورهم ملونة وكذا
صح تصير شغلات يعني بس مدري معقول كل شي بالحياة لهالدرجة يعني xDD لأن من جد كل شي والثاني قالوا منهم

هههه شكلك ما راح تقرا إلا لما تروح مكان ما فيه نت فما راح يكون عندك إلى الكتاب تتسلى فيه
ياخي طلع في كم من فلم بنفس الإسم تقريبا 3 إلى الآن شفتهم بس الروايه الي معك بينزل الفلم عليها في 2019 ما باقي كثير يعني

أنا جاني فضول أشوف الهبل حق السهام و رحت أبحث و لقيت مقطع و هم يصوبوا نفس المط الغبي ما أستغرب إذا مطو بالإنمي حتى برمايه الأسهم عرفوا يمطوا فيها
ايه صح و يجيك حلو و شعره ملون و خصلات ما كانه محارب كانه ملك جمال

شوف أنا قناعتي تقولي إن حتى لو كانوا سبب بشي فهذا بيكون خمسه بالمئه البقيه بسببنا إحنا ففكره إن حد يرمي كل اللوم على جهه و هو ما حاسب نفسه شي ما أقدر أتقبله لو ما كنا نقلد الأجانب بالجوانب السلبيه بس و لو إفتخرنا بديننا و حافظنا عليه ما كان حالنا كذا الفساد و البلاوي تجي من ضعفنا قبل أي شي ثاني >> بديت أتفلسف

ايييه شكله كذا نظامي ما أقدر ع فراق المسلسلات
اوووه، دام كذا عيل لازم أقراها قبل لا ينزل الفيلم
أبي أعيش جو اللي يقرون الرواية أو المانغا قبل لا يسوون لها فيلم وكذا وأقعد أقارن ومن هالكلام < برا
أما قاعدين يمطون بعد
يب يب أكيد إلا كلامك صح xD

الله يعينك ما فكرت إنه قد ينقطع النت عن العالم ويش بتسوي وقتها
زي اليومين هذي النت يقطع عندي ادخل للمنتدى و دخولي زي عدمه
ما عرفت حتى أرد على الرسايل ارتفع ضغطي
الله يعينك مدري حاسه بعد كل هذا ما راح تقراها
يب يمطوا أنا حاسه الأسلوب الغبي بالرمايه له دخل بتسليات الملوك
او طقوس دينيه

يعتمد ع الوضع صراحة
يعني فيه كذا مرة انطفت علي الكهربا بالشقة، وكانت أجهزتي مو مشحونة، ف كنت وقتها منعزل عن العالم
و أذكر مرة بعد نت البيت طفى فجأة، و نت جوالي مخلص وما شحنته لأني كنت قريب أسافر، وظليت منعزل عن العالم
المشكلة أني بالحالة الأولى كنت محتاج أذاكر ، وأنا مذاكرتي كلها ع اللاب ف توهقت "بدون كهربا" xD و في الحالة الثانية كنت أبي أكلم أمي وما قدرت بدون نت xD غير كذا أحس عادي

آهااا ، الله يعينك
هههههههههههه لا لا إن شاء الله بقراها يا رب بس
أمااا طقوس دينية بعد =\

هههه منحوس يطفا عندك باوقات صعبه
ذكرتني إحنا ما يطفا الكهرب إلا بعز الحر و يجلس من خمس ساعات و نتصل بأخواني يكلموا شركة الكهرب حسيت وقتها إني أنطبخ و من كثر الحر كل واحد إنسدح بزاويه و جانا نوم غريب أشبه بالإغماء ما أدري كيف أفسر بس من جد جسمي تكسر و حرارتي إرتفعت و راسي كان يوجعني أشوى ما حصل شي كبير

على العموم ما فهمت قصدي قصدي تجلس شهرين و أكثر من دون نت و لا حتى تلقطه من بعيد إيش بيكون شعورك ما تخيلت الموقف
مدري حسيت إنها طقوس لان بالأنمي آخر حلقه فتحت عليها و بعدين سحبت جابو سيره آلهه الرمايه حتى هذا حطوله آلهه

أهلًا -أدري متأخر- اليوم كان أول يوم اختبارات وكان مالي خلق لشي الفترة اللي طافت أبد ، يالله أدخل وأطلع على طول بدون ما أكلم أحد
واااو أحيانًا بالصيف تطفي الكهربا عندنا بالبيت والوضع يصير خااايس
أستغفر الله من جد عندنا ما نعيش بدون مكيفات
يب أدري بس أقولك عن وضعي بدون نت لساعات قليلة ، ف كيف لفترة طويلة

بصراحة صعبة وااايد في الوضع الطبيعي ما أظن بقدر أعيش
إلا إذا قررت أحمل نفسي وأروح لقرية معزولة في دولة ما وأعيش بهدوء وسط الطبيعة هذا شي ثاني < ودي أسويها في يوم ما
هههههههههههه نعم؟؟ حتى للرماية إله بعد استغفر الله

اهلين مهدي - ولا يهمك خذ راحتك مقدره الظروف الله يعينك و ييسر لك هانت ان شاء الله شد حيلك
احنا نعيش بس بالمراوح و على اقل درجه و يمكن نرفعها درجه واحده عشان اختي تمرض من المكيف بس لما تطفى الكهرب يصير البيت تنور
عشان بيتنا اصلا دافي مدري ليه بس كل الي يجو يقولولنا بيتكم دافي يا حظكم مو دارين انه يطبخنا كل ما جات فرصه