انمي تون AniMe TOoN

اي واحد فيهم

ردك عموضوع الرمزيات انا ودي أتعلم اسوي حقوق حلوة

كل شي مع التدريب بصير اول شي اكيد رح تكون اوفر لانو الحقوق بالذات بحسها اصعب شي
لانها الها موقع معين بالتصميم + حجم معين + خط معين بيختلف من تصميم لتاني
انتي لو تشوفي اول ايامي بكاتة الحقوق كنتي حسيتي فيني

دعواتك يا قلبي اكيد بحاول وربك يعين وأتمنى أكون تلميذة مجتهدة

اذا بدك بعطيكي بسد مفتوح فيه كم من مثال للحقوق ؟
اذا هالشي بساعدك انك تبتكري حقوقك الخاصة بعدين

لاني في مرة دخلت منتدى تصميم كل الي فيه مصممين محترفين بشكل خيالي
المهم ففي مرة وحدة نزلت بسد مفتوح فيه كذا نوع حقوق للمنتدى و حبيت الفكرة
بحيث بتختصر وقت انك تكتبي حقوقك كل مرة لما بدك تصممي تكون جاهزة متل توقيع

+ النت اكبر معلم للتصميم وربي النت كنز كنز و المصممين ماعم يستغلوه مزبوط !
بتقدري تفتحي ع النت و تشوفي امثلة لا تعد و لا تحصى من انواع الحقوق

اذا عندك يا قمر ياريت اشوف الطريقة منه
كنت اسوي كذا ببسد الأطقم عالنت
فعلا معك حق في كتير كنوز بس الواحد محتاج حد يحطه على أول الطريق

و نصيحة مني مع اني لا اعتبر محترفة تصميم بس تعلمت من كتير اخطاء سويتها بالماضي
احظي بسد لكل تصميم بتسويه و صورة كمان خليه عندك كأرشيف حتى لو مو حلوين او مو مكتملين
لانو بعد سنة من الان رح تطوري بالتصميم و ترجعي لهل الملفات و تكملي عليهم و تشوفي نتيجة رح تعجبك بإذن الله
حاليا بدأت اطبق هالفكرة من سنة 2017 و كتير فايدتني يعني شايفة التصاميم الي عم نزلها اغلبها تصاميمي القديمة
بس طورت منها

الله فكرة جميلة بجد وفعلا راقية جا ي تنفيذها من الحين أن شآء آلله

هالفكرة مو اجبارية بس قصدي اذا مهتمة انك تطوري بالتصميم سويها رح تساعدك كتير
حتى اذا بعدين قدمتي ع وظايف بتختص بالتصميم و تورجيهم نبذة من شغلك رح يعجبهم
بس لأنك مأرشفة شغلك و هالحركة حركة مصممين محترفين

لا انا عجبتني الفكرة جديدة ومميزة

تخيلي رورو مرة حكيت وحدة متخرجة هندسة ديكور و بتعرفي هالتخصص كلو تصميم
حتى في مادة خاصة للفوتوشوب بالجامعة و الها عدة مستويات مو مادة وحدة
حكيتلها عطيني تصميم سويتيه حكتلي ماعندها استغربت بشدة كيف متخرجة هندسة و ماعندك
ولا تصميم او على الاقل ك هواية ف عرفت انها عم تبهر كلام ههههههههههههههههههه لا هي متخرجة
ولا هم يحزنون ختى بشك انها دارسة هالتخصص من الاساس ف تخيلي ابسط شغلة شو ممكن تسوي
انا بقرقر زيادة اعذريني

واو حلو بجد كل أنه يعرف بتخصصه ليكشف الكذابين
أنا ما كنت أعرف أنه في مادة فوتوشوب في قسم هندسة ديكور
أنا تخصصي لغة عربية إن شاء الله

انا انصدمت لما درست اول سنة كان في تخصص فوتوشوب و الليستريتور
و اذا انتي شايفة انو في فلسفة كتيرة بالدرس بالاول والله ماشفتي شو كانوا يعطونا نظري
بالجامعة و كنت انصدم انو معقول التصميم يكون فيه كل هالفلسفة ؟
بس هلأ صار يعتبر علم متلو متل اي تخصص

تخصصك بجنن و غريب هي اول مرة بقابل حدا بهل التخصص لانو اغلب هالتخصصات كانت بسوريا
و انا ما عشت فيها . بس صعبة بنفس الوقت لانو اللغة العربية ضخخخخمةة يعني هون عنا الاستاذة
الي عم تدرسنا الماني بتخب تتعلم لغات ف كذا مرة بتسألنا شو معنا هل شغلة بالعربي و بتكتبها بالدفتر
و كتير بتحكي معنا بمصطلحات عربية

ف يوم من الايام سألتنا شو هن الضمائر بالعربي مفكرة متل الالماني
انا انت هم هؤلاء بس باللغة العربية مليانة ضمائر عدينالا ما يقارب فوق ال 10 ضمائر انصدمت حكت انتوا بتحكوا
عن لغتنا صعبة ؟ شوفوا لغتكم ههههههههههههههههه عنا هاذان و هاتان هدول مو موجودة بالالماني
هدول يعتبروا عندهم جمع ف تخيلي اديش لغتنا صعبة حتى للثنائي عنا مذكر و مؤنث هن ماعندهم

هاد غير هية ما دخلت على تقطيع بحور الشعر ولا على الاعراب و لا على الشعر الجاهلي الي لليوم لما اقرأو
وقسما بالله بحس اني مو عربية لاني مابفهم شي طبعا انا من عشاق الشعر الجاهلي بحب اقرأو كتير اذا عندك
مقتطفات منو ابعتيلي

ياقلبي أنا كنت بحب الفوتوشوب بعد أول درس انحولت واعدت النظر
فعلًا اللغة العربية سيدة لغات العالم لغة رائعة بكل معاني الكلمات
نفسي أعمل دورة بالتون لأساسيات النحو والإملاء والبلاغة
شوفي ياقمر حتى لو ما درستيها من زمان لازم تتعلميها لأنها لغتك الأم ولغة كتابك
وحبة حبة حتلاقي نفسك بريفكت فيها لأن دراستها لمريدها مسلية جدًا جدًا

انا بقدس اللغة العربية تقديس عجيييب يعني لما يجيني واحد عربي بيحكي معي الماني او انجليزي
بحكيلو مو انا عربية احكي معي عربي لانو هاللغات تعلمناها للتواصل مو للبرستيج
و بحب اقرأ من فترة لفترة اشياء باللغة العربية متل شعر طبعا بعديني عن النحو لاني ماحبيتو
بس المشكلة هون بالدول الاوروبية الي بيدرس لغة عربية تخصصو رح يكون ترجمة بحت يعني يترجم لناس و هيك
طبعا لازم تتعلمي لغة البلد و بعدها بتشتغلي مترجمة غير هن هيك ما بتنفع الا بالدول العربية ف مشان هيك
كتيرة منيحة اذا انتي بدولة عربية خاصتا متل مصر لانها دولة الثقافة بكفي جامعاتها تدرس باللغة العربية