ملتقي الاوتاكو - Welcome To Anime World (1 زائر)

[Mr.C]

هلا يا اخوان
سمعتوا اخر خبرمؤلف فيري تيل مألف مانجا جديده

انا لما شفت الخبر قلت حمدلله ان احنا امه لاتقرأ.
بس عن نفسي اذا بتصير انمي بشوفها لاني متأكد ان الفتيات سيكونون شي خرافي

 

[Mr.C]

صراحه الانمي بايخ حده هو فيه قصه وقصته جيده للامانه لكن الانمي رتمه بطيئئئئ وبااارد حده انا واحد احب السرعه فالاحداث والتطور والاكشن والمصخره , مب البرود الموجود فالانمي ! الانمي باختصار عن واحد محترف شطرنج ياباني يشارك في بطولات وماعرف شنو وهو اصلا تهاوش مع العائله الي تبنته لانه كان يعلم شطرنج احسن من بنتهم الكبيره ومن هالكلام الفاضي اما العائله الموجوده فالصوره فهذي اصلا مب عائلته , هذول يعني شافوه محذوف فالشارع وخلوه يسكن عندهم للامانه الجزء الثاني الي تقييمه عالي فالمال اما الجزء الاول صراحه مامنه فايده وبايخ . اتوقع انه من نوعية الانميات الي طول الانمي يكون بايخ وفالنهاية يبدع صراحه انا مب فاضي اشوف انمي فاشل بس لان نهايته محترمه شفت من هالانمي خمس حلقات وعطيته دروب .
+

فالبدايه كان جيد لين سالفة بلاك جوكو من عقب سالفة بلاك جوكو ادخلوا فالارك الاخير الفاشل الارك الاخير كان عباره عن قتالات وهواش مامنه فايده وبدون هدف تخيلوا ارك كامل اربعين حلقه قتالات على اسباب سخيفه لدرجه اني وصلت لمرحله الي خلاص مايهمني من بيفوز ومن بيخسر لكني عطيته دروب عقب ماشفت ان هذي الحال الي وصل لها مع الاسف دراجون بول سوبر كان انمي ممتاز لين الارك الاخير الارك الاخير هو البايخ الي خرب الانمي بالكامل

 

[Mr.C]

الانمي كان جيد وصراحه انصح فيه لكن انا مادخل راسي المشكله فيني اي نعم واعترف بهالشي القصه باختصار ان في بلادين يتحاربون بينهم نهر فالنص وفي جزيرة فوسط النهر وفيها كنز يوقف الحرب بين البلدين وبس ابطال القصه يروحون ويحاولون انهم يسترجعونه مادري اذا بيصير شي اوكي بعدين لكني شفت 3 حلقات وكان جيد لكني زهقت منه وانشغلت الفتره الماضيه والحين خلاص مالي خاطر اكمله فعطيته دروب

بااااااااااااااااايييخ وفاااشل افشل فلم شفته في حياتي انا طبعا ماتابعت الانمي ولادريت عنه دخلت على طول اشوف الفلم وطبعا كان مثل الزفت وبايخ قصته باختصار ان في واحد شايب شرير يسوي تجارب على بنات صغار ويدمر مشاعرهم واحاسيسهم بسبب التجارب ويخليهم مثل الحيوانات يعني وتعرفون انتوا طبعا هالحركات المأخوذ خيرها ذي مطبقينها في هالانمي الزباله وفي وحده منهم تشرد من المختبر وتروح حق الابطال وبس هم يقررون ينقذونها بدون سبب وطبعا طووول الفلم يحاولون يطلعون البطل على انه الجامد والخشن والهيبه وهو ماعنده الا الزفت ومايدق سلف ولايقدر يسوي اي شي صراحه الفلم بايييخ قلت بنتضر للنهايه يمكن القتال يكون اوكي وطلع بايخ وسخيف كل شي فالفلم بايخ ومانصح حد يشوفه صراحه والله ان بعض المقاطع طوفتها فالفلم من سخافتها
اعطيه 2 من 10

ويستمر مسلسل الانميات البايخه والفاشله والي ميزتها الوحيده انها تسد نفسك عن الاكل وتضعف بسببها الانمي الي فوق فاشل حده وبايخ وسخيف ومانصح حد فيه ابدا قصته باختصار ان البطل في يدرس فمدرسه تعلمه شلون يكون مرتزقه لكن البطل مميز فالانمي عنده انفصام شخصيته لما يكون طبيعي يكون فاشل وغبي واهبل لكن لما يشوف بنت حلوه ويتعب عليها شخصيته الثانيه الناجحه تطلع ويصير اوكي الانمي للامانه اول 3 حلقات كان اوكي لكن في النهايه سيئ ويصيير دراما الجبد وخياااس ومن نوع الدراما الي تكون زهقان وانت تطالع ومالها اي معنى الشرير الاخير شرير فاشل عباره عن بنت ابوها يتحول حق وحش وتصرخ بابا بابا صراحه السيناريو كان تعبان حده شخصيا مانصح حد يشوفه او يضيع وقته معاه
شخصيا عطيته 5 من 10 ولا منزلين له جزء ثاني بعد وهانتر وون بنش مان والانميات الناجحه يسحبون على امها السيفون هذا يدل على المستوى الوضيع الي وصلت له اليابان في انتاج الانميات

فااااااااااااااااااااااشللل وبايخ حدده وقصته اي كلام وكل شي فالانمي اي كلام مهما حاولت ارقع له ماقدر قصته باختصار عن واحد عنده وشم في يده وهالوشم فيه قوة خارقة انا فاضي اقعد اتابع هالانميات البايخه والفاشله
دروب

 

[Mr.C]

الفلم بصراحه ميه ميه ولا فراخ الجمعيه واحد من افضل الافلام الي شفتها هذي السنه وانصح الكل انه يشوفه صراحه هم صح ذلونا عليه خلونا ننتضر 3 سنوات عشان نشوفه بس والله انه يستاهل القصه رهيييييبه تحذير حرق : انا حاكتني صراحه ابي اعرف من هالمخلوق الي طلع الي محد يدري شنو سالفته !! وصراحه الشايب جد ساكورا اسطوووووري انا كان عاجبني من ايام فيت زيرو لكن في هالفلم بدعوا ابدااااع مب طبيييعييييي انصح الكل يشوفه هذا غير القتالات الي توديك عالم ثاني والاجواء الي بتدخل معاها جو غصبب عنك الفلم يسوى الوقت الي ضيعته فيه وانصح الكل يشوفه , المشكله الحين انهم بيذلون امنا عالجزء الثاني الله يعلم متى بينزل صراحه محد فاضيلهم ينطر سنتين عشان فلم.
اعطيه 9 من 10

الانمي حلوو لكنه مايعتبر اسطوري بالنسبه لي عالاقل القصه باختصار ان البطل كومبارس والبنت تستهبل عليه طول الوقت وتطقطق عليه ويكون يوميا هو جدولها اليومي الي تستمتع فيه بس الانمي صراحه فيه سلبياااات كثييييره مثال :-
1- تكرار الافكار بس تغيير المواقف , مثلا في الانمي فيه افكار كثييره تتكرر بس المواقف تتغير

 

[Mr.C]

انا خاطري اطيح على انمي عدل لو مره وحده في حياتي بس , ياخي شنو هالفشل الذريع ! هالجزء فااااشل حده ! اول شي الاحدااث ممله وبااارده حدها ثاني شي من الحلقة 3 سحبوا على ام البطل وخطته وراحوا يركزون على شخصيه ثانيه مامنها فايدها بس عشان يضيعون وقت وفي واحد تابعه كامل نصحني ماكمل قالي ان البطل مابيهجم لين الحلقه الاخيره وكل تركيزهم بيكون منصب على تطوير هالشخصيات صراحه انا واحد جدولي متروس انميات وماعندي وقت فاضي اضيعه مع اشياء فاشله وسخيفه مثل اوفر زفت .
التقييم النهائي 5 من 10 وعطيته دروب عقب الحلقه 5 خلاص مابي اشوفه

الفلم جيد صراحه ومستواه متوسط لكنه مب اسطوري او خيالي يعني فلم الساحره الي شعرها احمر احلى منه بالف مررررهههه هالفلم صراحه ضيعت الاحداث فالنص واخر شي الشرير طلع تجربة فاشله من الحكومه ! انا توقعت ان في واحد خشن وجامد وراه وهو الي يعززله من تحت الطاوله لكنه طلع كله كلام فاضي وصراحه حقيقة الشرير احبطتني كنت متوقع شي افضل بكثير وانا صراحه ماعجبتني فكرة الفلم من الاسلاس ومانصح حد فيه لكن قتالاته كانت ممتعه ورائعه وهذا الي رفع مستواه بالنسبه لي اما قصته عاديه
التقييم النهائي 7 من 10

 

[Mr.C]

باااااااااااااااااايخخخخخخخ مانصح حد يشوفه ويضيع وقته واحد من ازبل الانميات الي ضيعت وقتي معاها وعطيتها اكبر من حجمها قبل ماشوفه كنت عاده شي كبير وانه واحد من الانميات الخشنه والاسطورية اخر شي طلع زباله حاله كحال كثير من الانمياات الزباله شفته لين الحلقه 3 وعطيته دروب عقبها انمي تعباااااان صراحه ولايطاق ولا انصح حد فيه
5\10

صراحه واحد من افشل واسوء الانميات الي مرت علي يعني صراحه الانمي مجرد رسم وجرافيكس حلو والوان والباقي كله خياس فخياس اوكي الرسم ماختلفنا فيه حلو لكن القصه عدلوها شنو هالقصه الفاشله المأخوذ خيرها المكرره في مليون انمي ! انا اسف بس صراحه القصه بايخه حدها ! القصه باختصار عن وحده كانوا يستعملونها في الجيش كاداة حرب وخلصت الحرب وتورطت فيها الحكومه وماعرفت شتسوي فيها فشغلوها خدامه في محل خياطه صراحه عطيته دروب شفت منه حلقتين وعرفت جوهرة وعرفت انه بيكون تضييع وقت وانا واحد مب فاضي اضيع وقتي مع هالانميات الفاشله صراحه

 

[Mr.C]

بالمناسبه هل يوجد لدينا فريق ترجمه في المنتدى ؟

 

[Mahdicchi]

أهلًا @Mr.C ما شاء الله عليك ، شوي شوي خلنا نلحّق ع كلامك
بعلّق تعليقات سريعة ع الأنميات اللي تابعتها من اللي أنت ذكرتهم

- سوما ما بديت بالموسم الثالث للحين فـ ما قريت كلامك تجنبًا للحرق
- هيناماتسوري للحين ما تابعته ، بس حاط عيني عليه من قبل لا ينعرض حتى xD
- جوجو بالانتظار طبعًا
- فيلم هاروهي جميل جدًا .. لكن معليش ما أقدر أعتبره أفضل فيلم أنمي
فيه عدة أفلام لـ غيبلي أفضل منه و أولهم Spirited away
- كونان أكيد أتفق وياك بأن لو كان أقصر من كذا كان بيكون شي أسطوري .. بس الشكوى لله xD
و من زمان ما تابعت أفلام كونان ، آخر فيلم تابعته كان #13
- المانغا الجديدة لمؤلف فيري تيل يب سامع بها .. طبعًا أنا مو من قراء المانغا فـ أكيد ماني مهتم
لكن حتى لو سووا لها أنمي ما أظن أتابعه من بعد المستوى "الأقل من عادي" لفيري تيل
- فايوليت .. أتفق بأن القصة ماهي عادية ..
لكن العمل درامي بحت .. يعني أكيد مو منتظر يكون فيه شي واو من ناحية القصة
العمل درامي بسيط أغلب اعتماده كان ع الرسم و الدراما ، بعيدًا عن التعقيد من ناحية القصة والسيناريو
فـ أعتبر فايوليت عمل درامي جميل جدًا جدًا

أما البقية ما تابعتهم فـ ما أقدر أتكلم عنهم مع الأسف xD
^ تكلمت باختصار .. بس لو حاب نتكلم أكثر بخصوصهم ما عندي مانع

+ ما فيه بالمنتدى فريق لترجمة الأنمي .. بس فيه فريق لترجمة المانغا

 

[Mr.C]

أهلًا @Mr.C ما شاء الله عليك ، شوي شوي خلنا نلحّق ع كلامك
بعلّق تعليقات سريعة ع الأنميات اللي تابعتها من اللي أنت ذكرتهم

- سوما ما بديت بالموسم الثالث للحين فـ ما قريت كلامك تجنبًا للحرق
- هيناماتسوري للحين ما تابعته ، بس حاط عيني عليه من قبل لا ينعرض حتى xD
- جوجو بالانتظار طبعًا
- فيلم هاروهي جميل جدًا .. لكن معليش ما أقدر أعتبره أفضل فيلم أنمي
فيه عدة أفلام لـ غيبلي أفضل منه و أولهم Spirited away
- كونان أكيد أتفق وياك بأن لو كان أقصر من كذا كان بيكون شي أسطوري .. بس الشكوى لله xD
و من زمان ما تابعت أفلام كونان ، آخر فيلم تابعته كان #13
- المانغا الجديدة لمؤلف فيري تيل يب سامع بها .. طبعًا أنا مو من قراء المانغا فـ أكيد ماني مهتم
لكن حتى لو سووا لها أنمي ما أظن أتابعه من بعد المستوى "الأقل من عادي" لفيري تيل
- فايوليت .. أتفق بأن القصة ماهي عادية ..
لكن العمل درامي بحت .. يعني أكيد مو منتظر يكون فيه شي واو من ناحية القصة
العمل درامي بسيط أغلب اعتماده كان ع الرسم و الدراما ، بعيدًا عن التعقيد من ناحية القصة والسيناريو
فـ أعتبر فايوليت عمل درامي جميل جدًا جدًا

أما البقية ما تابعتهم فـ ما أقدر أتكلم عنهم مع الأسف xD
^ تكلمت باختصار .. بس لو حاب نتكلم أكثر بخصوصهم ما عندي مانع

+ ما فيه بالمنتدى فريق لترجمة الأنمي .. بس فيه فريق لترجمة المانغا

اهلا بك عزيزي مهدي تشي
انا اشارك في اكثر من منتدى لهذا السبب كان سهلا علي نسخ ردودي من هناك ووضعها هههه
1- أبدأ بسوما ياعزيزي في اسرع وقت ممكن صدقني لم يعد الامر مجرد نزالات طبخ سخيفه بل تعدى هذا الى ابعد حد
2- انا كذلك لم اتابع هيناماتسوري بعد ولكنه فالقائمه اتوقع اغلب الاعضاء لم يتابعوه بعد ولكن شخصيا انصح به وبقوه وسوف ابدا به بعد ان انهي دارلينق اوف ذا فرانكس
3- بالنسبه لي فيلم spirited away اخذ اكبر من حجمه بكثير, انا ارى ان افضل افلام جيبلي هو الاميره مونونوكي وليس المخطوفه
+
على طاري الافلام , هل رأيت سلسلة افلام الكيزومونوجاتري ؟ صدقني انها اسطورية

4- احسن لاتشوفه , عن نفسي قد اعطي كونان دروب بعد المسخرا التي حصلت فيه
5- بصراحه كل انميات نيتفليكس سيئه وليس فايوليت فقط مايميزها هو الرسم الاسطوري والاخراج فقط والباقي كله هراء

 

[cloudy knight]

اهلا بك عزيزي مهدي تشي
انا اشارك في اكثر من منتدى لهذا السبب كان سهلا علي نسخ ردودي من هناك ووضعها هههه
1- أبدأ بسوما ياعزيزي في اسرع وقت ممكن صدقني لم يعد الامر مجرد نزالات طبخ سخيفه بل تعدى هذا الى ابعد حد
2- انا كذلك لم اتابع هيناماتسوري بعد ولكنه فالقائمه اتوقع اغلب الاعضاء لم يتابعوه بعد ولكن شخصيا انصح به وبقوه وسوف ابدا به بعد ان انهي دارلينق اوف ذا فرانكس
3- بالنسبه لي فيلم spirited away اخذ اكبر من حجمه بكثير, انا ارى ان افضل افلام جيبلي هو الاميره مونونوكي وليس المخطوفه
+
على طاري الافلام , هل رأيت سلسلة افلام الكيزومونوجاتري ؟ صدقني انها اسطورية

4- احسن لاتشوفه , عن نفسي قد اعطي كونان دروب بعد المسخرا التي حصلت فيه
5- بصراحه كل انميات نيتفليكس سيئه وليس فايوليت فقط مايميزها هو الرسم الاسطوري والاخراج فقط والباقي كله هراء

شكلك تحتفظ بردودك فمكسات،
شي طيب انا مانصحك في دارلنق ذا فرانكس