الختم الذهبي حلا السنافر (1 زائر)

[الزمـردة]

السلآم عليكم ورحمة الله وبركآته كيفك ماجيكىل سآن ؟
ي ربي تكون تمامز
عنوان موضوعك جذبني مشان ادخل واشوف حلى السنافر متوقعة حلوى على شكل سنآفر ،
بس اجتني خيبة امل ، على الاقل كنت حطيت ملون ازرق مشان توهمنا ان فيه علاقة بين الاسم والوصفة
شسمه هذا انتقاد بسيط اتمنى تتقبله ،
ترا عنجد احترحت وكمان فرحت ان في اولاد يطبخون اشياء ن مش مثل اللي عندي عايشين سلاطين لا ويتكبرون كمان
ي ولد انا كمان اعمل حلا شرايك نفتح شسمهآ ، حتى الكلمة والله غابت من بالي ~
الزبدة هو مكان يبيعون فيه الحلى ، >.<
ترا عارفة احكيها بلهجتنا بس ما اعرف ايش تحكونها بلهجة المنتدى
الزبدة الوصفة شهتني ، فمي فيه ماء كاني اكلت ليمون دلالة على الجوع
وصفتك تشبه كثير ل وصفة التيراميسو الايطالي
وصف شهيرة كثير عندهم وخفيفة تماما مثل وصفتك بس فيه فوارق بين اثنيناتهم ،
م شاء الله شغلك نظيف وتعطي نصائح كمان ي ولد طلعت متمرس واحنا ما ندري
اذا كنت مهتم بالطبخ او الحلويات فيني اساعدك تعال لي اعطيك وصفاتي اللي مجربتها
ودي منجد اجرب الوصفة بس المكونات مشكلة ، المكونات موجودة عندنا بس ما اعرف ايش المقادير بالضبط
مثلا الاشياء اللي استخدمتها ما موجودة في بلدنا و ولا يوم سمعت فيها
ي ريت تقرا مقادير بالجرام وترسلها لي عالملف او الخاص ورح اكون من الشاكرين

بس عندي نصيحة لك ، اذا كان بدك تساوي الوصفة مرة ثانية ، استعمل اناء عميق مشان تخلط فيه الخلطة
واستعمل الخفاق الكهربائي ، شو شغلة الاناء العميق تقلل من الفوضى ،
وشغلة الخفاق الكهربائي يخلي الخليط يكتسب اكبر نسبة من الهواء ويكون خفيف ويذوب السكر في اللي مكونات ويمتزج كلشي

شي اخر عجبني اختيارك للنكهة مين ما يحب الكراميل من النكهات المفضة عندي
بس ما احبها لما تكون حلوة كثير

في النهاية بدي احكي مرة اخرى نورت القسم بموضوعك الخوراااافي ، يستاهل التميز
عجبني التصميم وطريقة الطرح خفيفة ، الصور واضحة

في امان الله

 

[LILITH]

السلآم عليكم ورحمة الله وبركاتةة
آهليين فيك خلووف منور القسسم بشيفنه الجديد
الله يسعد مساءك بالخير .. شحآلك ياشيف ؟! يارب تكون بخير وماتشوف شر
اعرف صار وقت طويل من نزل الموضوع وانآ الحين شرفتك >الحين تتذكر الموضوع
طبعآ وصلني ع المسن بس النتيجة النهاية ~ الطريقةة مرة سهلةة ومافيها مطبخ اهم شي
الاخ عامل غرفته مطبخ ماحد جر اذونك ع هل عملةة > لاتعيدها بعد
آحب هيك حلى سهلةة وبسيطةة ومافيها مواد اوفر >ماتتعب
اعتقد اي بسكوت عادي وابشر راح احاول اعملها بس ما النتيجة مضبوطه عندي
اسمها شوي غريب هل اكلة المفروض تخبرنه ليش هيك اسمها
يعني الي عملها يحب السنافر شي برة
انا كمان اشوفها بلا تزيين احلى هيك صفرة بس
اتمنى شوف لك حلى جديدة بالقسسم لاعدمنآ شيفنآ و ابداعةة وحلوياتة الطيبةة يم يم
تقبل مروري المتأخر لك خالص ودي ~ في آمان الله

 

[HOPE]

السلام عليكم ورحمة الله وبركاتهه
كييف الحال ....؟
ان شاء الله بخيير وصحه وعاافيهه يارب ..
منووور هالقسم بهالحلا الحلووو
م شاء الله والله حتى العياال يعرفون يسوون حلا
صراحهه انا قد سوويت هالحلااا طعمهه لذيييييييذ بشككل ..*-*
م اقدر اقاومه كثييير ححلو ..يميييييي
يعني اكل الصينيه ورااه جد لذيييذ
خصوووص انا مررره احب اسوي مثل هالشغلات
دابما اتفنن لأهلي ويااا حظهم فييني
احب هالأنواااع من الحلا الي م يحتاج لها شغلاات وطلباات لين اموووت
يعني سهله وبسيطه ولزييييييزه
والحيين مرره مشتهيه اسوي هالحلا
بسم الله ببدأ على بركة الله
ويلا فمان الله
بإنتظاار المزييد ابي اتعلم عشان اتفنن

 

[Donicchi]

​

بسم الله الرحمن الرحيم
السلام عليكم ورحمة الله وبركاته
كيف حالك خلوف؟ إن شاء الله بخير يارب
اف اف خليفه هنا ؟ من جد صدمـه
ماتوقعت انك تعرف تتفنن بالمطبخ وحركات كذا
الحلى هذا معروف ومره لذيذ احلى شي ان فيه بسكوت يعطيه طعم حلو بس ماعمري جربت بسكوت الجلكوز
عاد قبل ادخل الموضوع توقعت القى الحلى بشكل السنافر ولا مزين بشكل يشبههم بس طلع ماله علاقه
المقادير جدًا سهله ومتوفره بـ أي بيت وطريقة التحضير مره سهله برضو
فـ أكيد إن شاء الله رح اعملها وخاصة ان ماجي هو اللي حاط الوصفه
يعطيك العافيه وماقصرت وبإنتظار جديدك وإن شاء الله نشوف مواضيع لك أكثر هنا
متحمسه اعرف وش من طبخات تعرف تطبخ بعد

 

[~GO~]

..

السلام عليكم و رحمة الله و بركاته ..

هلا جيكو ، كيف الحال ؟! ان شاء الله بخير يارب و بأحسسن حال ..

ما شااء الله طلعت احسسن مني تسوي حلا ، انا نقطة ضعفي الحلا دايم يطلع امواج بحر ،،

المهم من جد العنوان ذكرني بمنتديات حواء ، لهم تسميات عجيبه عن الحلا ..

انصدمت انك مصور الخطوات اخر شي ممكن اسويه بحياتي اني اطبخ و اصور الخطوات

المهم والله ما قصرت بانتظار جديد طبخاتك و كان بودي اسويه بس اعرف انه ما يمشي معي ..

يعطيك العافيه و لاننحرم جديدك القادم ..

في امان الله و رعايته

 

[H A V E N ~]

السلام عليكم و رحمة الله و بركاته
يا اهلين و سهلين بماجيكل بوي منور القسم يا شيف
أخبارك و كيف أمورك غن شاء الله مستمتع بصحن حلى
صراحه ما توقعت إنك تطبخ و حلى مره وحده يا بخت اخوك فيك يحلي كل ما يبغى
مدري جا ببالي بيكون الحلى كور صغار او شي لونه أزرق عشان إسمه سنافر
بس طلع لا هذا و لا ذاك بس بعد الحلى هذا حلو كثير
ذكرني بحلى كنا نسويه زمان بس ناقصنا الكريم كراميل
أفكر أسويها بالكريم كراميل و أشوف كيف بتطلع بتكون احلى و لا كيف
بس بما ان اخوك كان على وشك يقضي على الصحن فمتأكده بتكون حلوه
و للمعلوميه يسموك بتيسيير لانك متخصص حلويات
ودي أشوف إيش بتهبب بالكبسه و الاكلات الصعبه بس بتنفع بالعصيد إذا أنت قوي
شكرا على الوصفه و الشرح المفصل ما قصرت
و شكر لفريق التصميم و للحلوه إلي عدلت الصور لك
تسلم ايدك على الحلا اللذيذ
نور القسم مره ثانيه بحلويات ثانيه اوكي
تقبل مروري البسيط
لك ودي
في أمان الله

 

[Zhang Xin]

شكرا شيفنا على الوصفة اممم مزكاها شكرا على المعلومة المميزة بالتوفيق


















[/TBL][TBL=https://www.anime-tooon.com/up/uploads/at152467320015063.png]
السلام عليكم ورحمة الله وبركاته
هلا والله بأعضاء وزوار انمي تون .. شحالكم/شخباركم ؟ عساكم طيبين
طبعا أكيد الكل منصدم .. ماجيكال شو يسيوي هنا بالقسم
وبيقولون بعد أكيد مضيع وياي القسم الغلط والخ..
بس للعلم ترا مو مضيع القسم ولا شيء من هالقبيل
أنا شيف من يومي بس انتوا ما تدرون
طبعا أنا أحب أسوي حلويات وسويتات بس وماحب أسوي الطبخات الثانية المعقدة
فقبل كم يوم سويت حلا اسمها حلا السنافر > نداء إلى @MISIZO @R O S E x
طبعا أنا ما اقصدكم ياللي فوق للعلم والتوضيح يعني > بنطق بالشهادة قبل لا تقتلوني
ما أطول عليكم وأخليكم مع الموضوع الجميل



[ المقادير ]
أنا بكتب المقادير اللي استخدمتها وكانت كافية لي يوم سويت الحلا
وطبعا تقدرون تزيدوا الكمية على القدر اللي انتوا تبونه

2 قشطة

2 حليب أبو قوس

بسكوت جولوكوز > ينفع بعد بسكوت الاولكار مو شرط ها بس

علبة ونصف كريم كاراميل

2 كيس دريم ويب

[ طريقة التحضير ]
وصلنا الحين لطريقة التحضير وللعلم تراها سهلة جدا وما تحتاج جهد أو تعب
تخيلوا اني سويتها بغرفتي حتى من كثر ما هي بسيطة
نبدأ بالطريقة

أول شيء نسكب علبة حليب ابو قوس في إناء دائري

بعدها نقوم بغمس بسكوت الجولوكوز في إناء الحليب
والهدف من هذه الحركة هو انه نخلي البسكويت يتشرب الحليب
ويصير لين بدل ما يكون جابس لكن تحملوا من يتشرب وايد حليب وبعدها يصير لين وايد
وقتها ما راح تقدرون تشيلونه من الإناء لانه رايح يتفتت فانتبهوا له وهو بالإناء

بعد ما نشرب البسكوت بالحليب نشله ونحطه بإناء بايركس زجاجي > كلمة بايركس خذيتها من ميسيزو الخايسة
المهم صفوهم بهذا الشكل لين تغطون الإناء كله

بعد ما تخلصون من أول طبقة تسوون نفس الخطوات عشان الطبقة الثانية
ويفضل انه أقل شيء تسوون طبقتين وترا قابل للزيادة عدد الطبقات بس الأفضل
بعد كل طبقتين تحطون الخلطة اللي راح نتطرق لها الحين إن شاء الله
بحيث يكون الطعم ألذ وأحلى
وهذي صورة للإناء بعد ما انتهيت من الطبقتين

[ طريقة تحضير الخلطة ]

الحين بعد ما خلصنا الخطوة الأولى ولله الحمد بنبدأ بالخلطة
واللي هي اساس السنافر وتراها سهلة وما تحتاج أي مجهود

نبدأ أول شيء بوضع علبتين قشطة في إناء دائري

وبعدها نضع 2 كيس من الدريم ويب
العلبة اللي انا شارنها فيها أربع أكياس لكن 2 بس كانوا كافيين وكل ما كثرنا كل ما زاد الحلى أكثر
لكن بالنسبة لي 2 كانوا مناسبين

نضع 1 كيس ونصف من الكريم كاراميل
للعلم كل علبة فيها كيس واحد + 1 دبس [ عسل كثيف ] وطبعا نحن ما نحتاج العسل بالسنافر
والكريم كاراميل تعطي نكهة الكاراميل طبعًا مع اللون الأصفر الجميل
وكل ما زودتوا الكمية زادت حلاوة الخلطة وزاد اللون الأصفر

وبعدها نبدأ بالخلط وأنصح هنا بعدم استخدام آلة الخلط حتى ما يتطاير الدريم ويب والكريم كاراميل
فأنصح بالخلط أول شيء باستخدام ملعقة كبيرة وبعد التأكد من ان البودرة اختفت وامتزجت تمام
تقدرون تستخدمون آلة الخلط بس تحملوا من تكون تكتلات بالخلطة
مرات المودرة تصوير بشكل كرات فحاولوا انكم تمزجوها تمام وتقللون من هذا الشيء

وبعد ما نخلص من الخلطة نقوم بسكبها على البسكويت ونقوم بتوزيعها على كامل الإناء
وبعد ما تنتهوا من توزيعها بالكامل .. ضعوها بالثلاجة لمدة ساعة إلى ساعتين
حتى تتماسك الخلطة وطبقات البسكوت مع بعضها البعض وبالهناء والشفاء لكم
وهذي الصورة النهائية

للعلم تقدرون تزينون السنافر بالمكسرات أو قطع فواكه مثل ما تحبون
لكن أنا ماحب أضيفهم وأحبها بسيطة مثل ما هي
ملاحظة : زينوها قبل ما تضعونها بالثلاجة حتى تتماسك الزينة بالخلطة



وإلى هنا أصل لختام موضوعي هذا وأتمنى أكون عرفت كيف أشهيكم
ولو تبون تعرفون لو طعمها لذيذ ولا لا فسووها وبعدها احكموا عليها
أو اسألوا الأخ أخوي لأنه زين قدرت ألحق عليها قبل ما يخلصها عني
ونقولكم مرة ثانية بالعافية عليكم السنافر مقدمًا
وترقبوني إن شاء الله مع حلا ثاني > إذا ما تعايزت وقررت أسوي غيرها يعني
وقبل ما أنهي الموضوع ما أنسى أشكر S U I S E N على تعديلها للصور
وأشكر فريق التصميم ع الطقم الجميل
مع خالص تحياتي .. أخوكم MaGicaL Boy
[/TBL][TBL=https://www.anime-tooon.com/up/uploads/at152467319999352.png]

[/TBL][/QUOTE]