MAKE SOME NOISE (1 زائر)

[Selene]

. Your time is limited . so don't waste it living someone else's life
Don't be trapped by dogma which is living with the results
of other people's thinking Don't let the noise of others' opinions
. drown out your own inner voice And most important, have the courage
to follow your heart and intuition


M A Y . 17.19 . 10:49


: My blog content

My Diaries . Art History & Information
Photoshop Tools . Quotes . Photoshoot

Be Near




​

 

[Selene]

ابرا كدابرا​

 

[Selene]

-​

​

​

​

​

​

​

​

هلا رح احكيلكن بتجربتي مع اللغات ​

طبعا الواحد كلما يكبر بتصير عندو هوايات جديدة​

و ما تخيلت بيوم تكون هوايتي اللغات لاني لما كنت بالإمارات​

ما كنت سافر ابدا ايمت حسيت بحب اللغات؟ لما طلعت من الامارات​

رحت تركيا كانت لغة غريبة عني و تعلمت كم من كلمة مع اني مو من عشاق التركي​

بس بالمعاشرة بيتعلم الشخص رحت اليونان و كانت لغتهم كتيير حلوة عنجد و هيك​

لما بنت او شب يحكوها بتكون كتير مثيرة من بين كتير لغات و خاصتا اني انا ما بحب اللغات الخفيفة​

متل الفرنسي كتير ناعمة و خفيفة ما بحب هيك لغات مثلا كلمة شكراَ باليوناني افخراستو شايفين ما احلاها ​

​

بحب اللغات الدفشة و الي فيها حروف الخاء و الشين كتير اللغة اليونانية مليان فيها هيك كلمات​

و الروسية عشششق من زمااان لغة فخمةة و ثقيييلة و اللغة الألمانية مخلوطة بين الفرنسي و الانجليزي ​

عندهم حرف الغين كتير بكلماتهم و حرف الخاء و الشين يوم عن يوم عم بتعلق فيها كتيير ​

مثلا كلمة فغوم ؟ يعني لماااااذااا اديشا كيوووت​

و قبل كل هاد بحب لغتي و ما كنت متمسكة فيها كتير الا لما وصلت المانيا و صرت شوف الالمان كيف​

بيعتزوا بلغتهم ​

​

المهم في عندي انسة بتدرسني الماني يا الله شو بحبها هي الانسة بتحب تتعلم لغات بتعرف فرنسي ​

و ايطالي و اسباني و الماني و عم تتعلم عربي و لما تسالنا مثلا شو الضمائر بالعربي و نحكيلا شي عشرين ضمير ​

و بالالماني بينعدوا ع الاصابع بتحكيلنا ( انتوا بتحكوا عن الالماني صعب ؟ بس مو اصعب من العربي ) ​

بصراحة معها حق الالماني وين و اعرب ما تحته خط وين هههههههههههههههه ​

​

اخي مثلا من عشاق اللغات ما بعرف ليش هو دائما بيلهمني اني كون احسن دائما بتطلع عليه مشان صير احسن​

هو الي علمني ع الجم و كمان ع اللغات ​

​

​

​

​

​

​

​

​

​

​

​

 

[Selene]

-​

​

​

​

​

​

​

​

​

​

​

​

HAVING A SOFT HEART IN A CRUEL WOLD ​

IS A COURAGE NOT WEAKNESS​

​

the most Amazing Anime I have ever seen and the story is knitted in​

an exciting and attractive way I wish if they had more 10 parts ​

 

[Selene]

-​

​

​

​

​

​

​

​

​

​

صباح الخير او مابعرف مسا الخير قبل شوي صحيت من النوم ​

بتعرفوا شو احلى شي بألمانيا ؟ الويكند ياربااااه ما بسدء ايمت يجي لانو كل ​

الأسبوع ضغط ضغط ضغط و صيام كمان و فوق هاد ماعندي سيارة ف عم ​

بطلع بالقطارات هو صح حلو كتير ومناظر خلابة ههههههه بس عذااااب . ​

بتعرفوا انا بركض للقطار اكتر من ما اركض بالجم ههههههههههههههههه​

عندي توقيت القطار مصيبة خاصتاَ اني انا كنت متعودة ع السيارة و الترفيه ​

بس جد ما رح تحسوا بهل الاحساس الا لما تبلشوا تركضوا ورا القطار ههههههه​

مرة كنت متأخرة و صرت اركض اركض اركض للقطار و المصيبة انو القطار فوق ​

و لازم اطلع ع درج و الدرج طويل و انا اركض ع الدرج وصلت لفوق روووحي طلعت ​

و الله العظيم اخر شي شو ؟ الله ياخدو القطار مشي و قدامي و الله حسيت ​

حلقي هداك اليوم رح يتقطع على اد ما كنت تعبانة من بعدا حرمت اركض للقطار ​

و انا عارفة ما رح لحق ​

​

و بتعرفوا شو احلى بالويكند انو عندهم الأحد الناس بتموت فيه < لا تستغربوا من الكلام ​

انو عنجد مو طبيعي يازلمة اديش بقدسوا العطلة ههههههههههههه كل شي يوم الاحد بسكر مافي ​

مخلوق فاتح و هون المصيبة ف بتجي ليوم السبت تعوا شوفوا الزحمة ع السوبرماركتات والله ​

مافي محل تحطوا رجلكن فيه . و اذا صار معكن ظرف و ما قدرتوا تروحوا تشتروا غراضكن ​

اللازمة راحت عليكم ههههههههههههه ​

​

مرة ماما نست تجيب خبز و اجا يوم الأحد مافي حدا فاتح تخيلوا طبخنا طبخة بتتاكل بدون خبز متل ​

اكلات الي فيها رز لانو عنجد الوضع موطبيعي هون والله بالخليج احلى كل شي بكون ​

فاتح الله يرحم ايام الكارفور​

​

و من المغامرات الي اول ما اجيت المانيا والله لتفرطوا ضحك علي اول ما اجيت كنت ما بعرف الكتابة ​

ولا حكي بالالماني ف ماما اخدتني ع كافيه ع اساس نتمشور و هيك و ما كنت بعرف انو بالكافيهات عندن ​

حتى قهوة بالكحول تخيلوا ؟ يعني جاية من بلد محافظ وما عندي اي خلفية عن بلاد الاوروبية . المههم​

ف طلبنا بوظة ماما طلبت غير طلبي و انا طلبت هيك بوظة متل البرج الكاسة تبعيتا طويلة ههههههههههه ​

المهم لما بلشنا ناكل و انا عم حس البوظة تبعيتي فيها طعمة و ريحة الكحول بتنشم من بعد 10 كيلو و انا عم ​

احكي ببالي ياخي البوظة فيها شي و المشكلة انها مو طيبة مو انها طيبة و انا عم احكي البوظة فيها شي يعني ​

حسيت اني رح استفرغ و انا قلت ببالي يمكن هاد نوع الحليب اخر شي صار ​

الوضع لا يحتمل كاستي كبيرة لو شو ما بتخلص لاني جبت اكبر كاسة بالمنيو ههههههههههههههههههههه ​

اخر شي حكيتلا لماما انو البوظة فيها شي و ماما كانت حاسة بشي مشان هيك لما حكيتلا دوقي ما كانت ترضى​

تذوق لما نادت للويتريس حكتلا هي البوظة فيها كحول حكت ايه و لما حكت ايه من هون و انا اجتني كهربا بكل ​

جسمي من هون هههههههههههههههههههههه و حسيت رح راجع للعادة اخر شي حطيتا ع جنب يا خسارة ​

البرج فيها ههههههههههههههههه قامت جابتلي الويتريس بوظة تانية بدون كحول و مشي الحال الحمد الله ​

و اخر مرة بطلب شي قبل ما اتأكد منو حتى تخيلوا عندهم شوكولا من جلكسي بتجي من المصنع مع كحول و ​

بتكون غالية ياريت لو رخيصة كمان . و كنت اسمع قصص من اهل امي انو وحدة جابت شوكولا لرفقاتها قاموا سطلوا ​

و ماعرفوا ليش اخر شي عرفوا انو الشوكولا فيها نسبة كحول ههههههههههههههههههههههه لا والله مغامرات المانيا ​

​

 

[Selene]

-










LOST SUNSET . BLACK HAWK . THE FOURTH AVENUE . SLOWLY ONE

​

 

[Selene]

-​

​

​

​

​

​

​

​

​

من الموسيقى المفضلة لدي هي موسيقى الروك عنجد انها شي خيالي خاصتاَ اذا كانت موسيقى بدون كلمات​

الموسيقى اذا كانت صحيحة هية بتقدر توصل الكلمات بدون كلمات من العازفين الي اشتهروا بعزف الروك بشكل ​

خرافي Steve Vai هالفنان اقل كلمة ممكن احكيها الو انو هو مبدع . دمج موسيقى الكمان مع الروك مع انو هالنوعين ​

مستحيل يندمجوا لأنو الأول رومنسي و التاني صاخب متناقضين بشكل و مع هيك دمجهم بطريقة رائعة و خيالية و من ​

اهم معزوفاته معزوفة crying machine ومن اسمها كارينق من بكاء و مشين من الة - الة البكاء و عنجد انو المقطوعة ​

كان اسمها بمحلها لأنو بمجرد سماع طريقة عزفه بالجيتار رح تحسوا انو الجيتار عم يبكي و ربي شي خيااالي و بما انو ​

المنتدى ممنوع انشر فيه اغاني ف لا استطيع ان اضع مقطع منها هنا و لكن الي عندو فضول يسمعها و مقطوعة ​

for the love of god في حب الله هالمقطوعة قطعة فنية نادرة و اخدت جوائز كتيرة - دمج فرقة موسيقى ضخمة من ​

عدة الات و عمل عرض خيالي مع الروك عنجد انو هالعازف عرف ينشر ثقافة الروك بالشكل الصحيح . و من العازفين الأخرين ​

عازف اسمه joe satriani هاد العازف رهييب و طريقة عزفه كتير سلسة و ممتعة و من اجمل ما عزف مقطوعة made of tears ​

صنعت من الدموع - و في عازفين تانيين بس هدول اكتر شي جذبوني .​

​

انتشرت ثقافة الروك بالعالم بشكل خاطىء الكل اخد فكرة انو الروك فن منبوذ و محدا بيسمعوا لانو كلو صراخ لما تجي كلمة روك ​

ببالنا دائما بيجي ببالنا كلمة صراخ بس هالشي خطأ الروك متلو متل اي فن اخر . هدول الفنانين الكبار هن من صنعوا الروك ف دائما ​

لما بدنا نعرف شي الصحيح نروح على منبع هالفن مو على الهاويين الصغار . الروك في الو عدة اقسام مو بس صراخ متل هالمقطوعات ​

الي ذكرتها مافيها صراخ و في روك هادي تخيلوا ؟ بينحط بالبارات طبعا مو حابة اذكر هالشي بس ب المانيا بحطوا موسيقى روك هادية​

بالبارات و هون كتير منتشرة ثقافة الروك . متل ما في بالدول العربية بحطوا اغاني عربية هادية و هون عندهم بالكافيهات نفس الشي . ​

​

اخدين فكرة عن الروك انو وشوم و خزء للاذن و كفر و غضب و لعن بس هالشي كتير خطأ على سبيل المثال ستيف فاي هو من اسس موسيقى ​

الروك و لو تشوفوا صوره شخص كتير محترم حتى مو مسوي تاتو واحد و جو ساترياني كمان مو حاط ولا تاتو و لو تشوفوا لبسهم كتير متواضع ​

وماعندهم حركات الروكرز الي طالعين هلأ و فوق هاد ستيف فاي بيجلس لساعات بالتأمل لأنو التأمل بالطبيعة هو الي بيلهمه بالموسيقى مو الغضب ​

و هو كتير شخص متسامح من جوا مع انو هو حتى مانو مسيحي . ​

​

موسيقى الروك انتشرت بشكل خطأ متلها متل الراب هلأ لو قارنتوا بين الراب القديم الاولد سكول و الراب الجديد رح تشوفوا انو الرابرز الجداد ​

كتير سخفوه بطريقة . و الي بدو يدخل مجال الراب و يسمع لا يسمع الجديد يسمع القديم و ياخد صورة صحيحة عنه . حبيت اني انقل شيء مما تعلمته . ​

الروك فن راقي جداَ و مليء بالحيوية و الطاقة فن لا يشبهه فن اخر ​

 

[Selene]

-​

​

​

​

​

​

احلى شي ب المانيا يوم الصداقة . و انا رايحة مع رفيقتي اشتري شي من محل و انا ​

عم حاسب كان عندهم صدوق مليان ورود فكرت اول شي هدول للي بيشتروا كتير من ​

عندهم بس لما عطتني وردتين وحدة الي ووحدة لرفيقتي و سالت ليش حكتلي اليوم يوم ​

الصداقة . اديشو حلو THIS ONE ABSOLUTELY MADE MY DAY ​

 

[Selene]

” stars live in your eyes A N D glory and grace live in your bones “​

 

[Selene]

-






ليس بالضرورة أن تكون المحاضرات بين أربعة جدران .. فعندما يبدع الأستاذ يأخذك الى عالمٍ آخر ..
عالمٍ مليءٍ بالتساؤلات و المتعة في تلقّي المعرفة .. فمحاضرات العالم " آينشتاين " كانت تتمحورُ حول
التخيّل . . ومحاضرات المبدع " والتر لوين " كانت قائمة على التجارب . . فعلاً ، الذين يجعلون الفيزياء مملة
هم مجرمون . . عندما يعشق المعلم وظيفته يبدع فيها ليس لمجرد الدخل المادي لا بل لأنه يحب ما يفعله .
سوف اعطيكم احد الأساتذة في عصرنا هذا . لقد ابهرني فعلاًَ لقد عرضَ نفسه للخطر فقط لكي يثبت لِ
تلامذته احد قوانين الفيزياء . كم اعشق المعلمين الذين يغامرون بحياتهم لكي يثبتوا لنا نقطة معينة في
القوانين . ليست فقط نظرية بل عملية و هذا ما يجذبني بالفيزياء بشكل خاص .

​