MAKE SOME NOISE (1 زائر)

[Selene]

-​

​

​

​

​

​

​

​

​

​

عــدنــا الـيـكـم . انـا عـنجد عنجد بتعذر ع هالقطـعة​

بس عـم بـشتـغـل ع موضـوع رح يـنـزل الـيـوم او بــكـرا​

اخد كـتـيـر من وقـتي و الـلـه و تـعـب مـع اني ما بتـعب​

كتــير بحس بإسـمتاع بـس لـأنـي صـرت قـاطـعـة فـتــرة ​

عن جو المنـتديات و هـيـك ف صــرت اخـتـصـر كـل شي ​

مشان اخلـص و طبـعـا عـنـدي كــتـير اشياء اعرضها​

عليكم بمدونـتـي و مــجــهــزتــها بس قلت ما رح نــــزلها ​

لحتى مخي يـفضى مــن هــالــمــوضــوع الــي مـــــاعـــم ​

يــخلـص بتسدئوا اني ماسكة اللاب من ســـاعة 12 ​

الضهر للساعة 1 الصــبـح يعني 13 ساعة ​

​

الــحلــو بـالـمـوضوع انــي سـويــت ريـفريش لمهاراتي​

بــالـفـوتـوشوب خـاصـتاَ صرلي تاركتو فترة . صار عليه​

غبرة . ​

​

الــمـهـم انــا عـم فـكـر حـط بـمـدونـتي دروس مختصرة ​

لـلـألـمـانــي اذا حــــدا الــــو رغـــبـــة يـــخـــبـــرنــي ​

^ طــبـعـا مــو دفــعــة وحدة كل فترة درس خفيف ​

​

انا هـلــأ صـار لـازم سـكـر اللاب حتى عيوني مو حاسة ​

فـيــهـم . تــصــبـحــوا ع خــيــر يــا حــلــوين ​

 

[Selene]

-​

​

​

​

​

​

مرحبا ايها الاصدقاء . اليوم يوم جميل و مٌشرق .​

الحمدالله مافي غيوم او مطر او حتى برد هالايام صارت بتنشرى بمصاري ​

خاصتا هون لأنو هالفصل كتير بيتقلب الجو فيه مرة حرررر ومرة برد و مطر ​

من زمان ما فتحنا شبابيك البيت بدون ما نبرد و الهويات ياااااه كتير حلوين ​

خاصتاَ انو اطلالة البيت ع الغابة حتى بتسمعوا صوت الشجر و العصافير ​

​

​

​

صورة مباشرة مشان تحسوا فيني كيف منسكر الشبابيك ع هيك منظر ​

^ اختي مرة حكت هالبيت خرج يكون بيت اعادة تأهيل ​

​

المهم بعد ما خلصنا من الجو الاكتر من رائع . الكورس تبعي باعتلي ورقة انو رح يسووا رحلة ​

ياااااي الله يرحم هالكلمة اخر مرة سمعتا ب 2012 المهم ع اساس ياخدونا ع معلم سياحي ​

و كافيه و مابعرف شو كمان . لا و الي بضحك انو الرحلة جمب بيتي . يعني الكورس تبعي​

بعيد عن بيتي شي 45 دقيقة و انا ساكنة بسانت فيندل و تخيلوا الرحلة لسانت فيندل​

و رح يتجمعوا عند الكورس اول ما قرأت الورقة قلت هدول عنجد عم يتمسخروا ​

في حدا بيترك مدينة و بروح ع قرية هههههههههه ف ما بعرف روح او لا و خاصتاَ انو الرحلة​

بيوم عطلتي يعني مابغلبوا حالن و ياخدونا بيوم دوام لا بيوم عطلة . ف احتمال كبير ماروح .​

​

​

​

​

​

​

​

 

[Selene]

-​

​

​

​

​

​

​

​

​

​

هلأ ببالي احكي عن مسلسلات بتعجبني مع انها قديمة ​

اول مسلسل ضبوا الشناتي طبعا هو مسلسل سوري بس رهيب​

عم يحكي عن الاحداث الي صارت بسوريا بس بطريقة فكاهية ​

بتخليك تضحك و تبكي بنفس الوقت . عنجد انو مسلسل ولا من مية مسلسل​

نادر ما لاقي مسلسلات متل هيك . الي كتب القصة عبقري . و أغنية المسلسل​

ياااااه عنجد بتحزن مع اني ما عشت بسوريا ابداَ و مع هيك هالمسلسل​

خلاني حس بهل الاحساس مع اني كنت فاقدتو . ​

​

و التاني هو ضيعة ضايعة . صح مافي لاذقاني او لاذقانية ما بحبوا هالمسلسل و​

دامها بدمي ف اكيد بحضروا < ع فكرة انا ما بشرب متة هههههههههههههههههه ​

مع انو عيلتي كلها بتشرب و انا لحد هلا ماعرفت وين النكهة الطيبة بالمتة لا و بتخلي​

اللسان يصير نفس السجادة ههههههههههههههه . المهم ماعلينا هاد ضيعة ضايعة​

الو عنا معزة كبيرة لدرجة مستحيل ننام قبل ما نشغلو يكون خلفية هيك راحة نفسية ​

بنحس كأني ببلدنا . ​

​

الله يرجع كل مغترب ع بلده مع انو في ناس انولدت بالغربة و صارت الغربة بدمها ​

​

​

​

​

 

[Selene]

-












اليوم كان حلو و مسلي نوعا ما رحت ع كورس اللغة و هيك و ما كنت بعرف انو
رح يجهزونا للعبة رح تنعرض ب فيستيفل عندهم . و اللعبة كتير حلوة . المهم قبل هاد كلو
كل يوم توقيت كورسي من ال 1 لل 5 العصر الا الاربعاء من ال 1 ونص لل 5 ونص و دائما
بنسى انو يوم الأربعاء لازم اتأخر نص ساعة و طلعت من البيت ع اساس من ال 1 لل 5 و تذكرت
اني مبكرة نص ساعة و طبعا لما اوصل بكون واصلة ابكر ب ربع ساعة يعني عندي 45 دقيقة زيادة .
رحت شتريت دخان و معسل من عند البقالة لأني بكرا عطلة و الكل بكون مسكر ولما رجعت
لسا كان في وقت كتير قلت ارسم ع السبورة ضليت ارسم لاجى وقت الكورس.

اجا مدرس بحبو كتير مع انيه هو ما بدرسني بس بحب طريقتو بالحكي بتضحكني و اجا المدير و عنا المدراء
مو متل مدراء العرب بحسن نفسيات و قال يعني انا شخصية ولا حدا يمزح معي . لا تعوا شوفوا
المزح الي صار بين الاستاذ و المدير شي بفرط من الضحك ياخي الالمان عسسسل المهم
صاروا يشرحولنا عن اللعبة و اللعبة حلوة كتير عبارة عن تقليل من التلوث البيئي مشان يقدروا ولاد ولادنا
بالمستقبل يقدروا يعيشوا و لعبة كبيرة يعني و فيها ارقام و حساب و بجيبوا خريطة كبيرة بمدوها ع الارض
و كل شخص بيمسك قارة و على حسب كل قارة بيوقف عليها كم من شخص و اديش بهل القارة فيها مصاري
يعني غنية ولا فقيرة و اديش عدد سكانها و هيك الي بضحك اني مسكت قارة امريكا الشمالية و طبعا امريكا
بهل الوقت غنية متلا متل اوروبا ف صاروا يحطولي كراسي عند قارتي ( كراسي بمعنى المصاري ) و قال المدير
اني شيل كرسي و اقعد عليه حكالي لازم كون مرتاحة دام قارتي غنية . ف تخيلوا انو قارة امريكا
و اوروبا اخدة 5 كراسي يعني 10 كراسي للتنين و قارة افريقيا اخدة كرسي واحد و افريقيا كتير كبيرة ف انتوا تخيلوا
كمية المجاعة الموجودة ب افريقيا اما قارة اسيا ف حطوا عليه كتير ناس و كتير مصاري بمعنى انو قارة اسيا هي
اكتر قارة بتطلع ثاني اكسيد الكربون و هو مو مفيد و هالشي بأدي الى الاحتباس الحراري الي بأدي للفيضانات و
التسونامي و بقارات اخرى متل افريقيا ما بيجيهم مطر ابدا 5 دقايق بالسنة هاد اذا اجاهم . يعني مصادر طبيعية
مافي . مي اكل مافي . ف شو سووا بأخر اللعبة ؟ صرنا نوزع الكراسي بالتساوي ع حسب مساحة القارات و انو لازم
نكون كلنا متساويين . بمعنى القارات الغنية تعطي القارات الفقيرة مساعدات . و هاد غير انو نخفف من التلوث
البيئي و هيك في حكي كتير بهل الخصوص و الحفلة الكبيرة لهل اللعبة ب شهر 6 يوم 9 و رح يجوا ناس كتار و
تكون احلى . ان شاء الله رح صورلكم وقتها



و هي صورة عن الأفكار الي مبنية عنها اللعبة . حبيت خط الاستاذ كأنيه رسما رسم مو كتابة

بعد ما خلصوا من هاللعبة راحوا المسؤولين ف حكينا للمس انو ما النا خلق انو ندرس و كل واحد صار راسوا قد
الطبلة خاصتا انو كانوا يحكوا الماني بسرعة و المخ بدو وقت ليجمع . و كان باقيلنا ساعة و نص حكت يلا
رح نلعب .

هي برا حدث اليوم ولازم احكيلكن ياه في مرة لعبتتنا بينقو اذا بتعرفوها و مع اني مستحيل العب اي لعبة
بالقمار يعني مقابل مصاري و هي يخربيتا خلت الصف كلو يحط مصاري ههههههههههههههههههههه و انا ما كنت
حاسبتا هيك فكرت رح ترجعن بالاخر . كل واحد دفع 10 سنت ع اللفة و كان في 3 لفات يعني 30 سنت
طبعا عند الالمان كبيرة عندهم يلعبوا اي لعبة حظ بدون تراهن ههههههه و بصراحة كانت كتير حلوة و كانت اول مرة
بلعبها و يخربيتو حظي ما كان يضرب ولا مرة .

المهم ف اليوم لعبتنا لعبة عطت كل واحد فينا ورقتين ورقة نكتب فيها فعل و التانية اسم طبعا اي اسم و فعل
ببالنا . بعد ما خلصنا خلطت الورق مع بعضن و حطتن بصندوق و حكت انو في 3 جولات اول جولة كل واحد بدورو
بياخد ورقة ولازم يحكي معنى هالكلمة بدون ما يحكي الكلمة نفسها و نحن نحزر شو هية و اذا كانت صح بياخد
نقظة تاني لفة نوصل معنى الكلمة باشارات الجسم بدون ما نحكي تالت لفة منستخدم بس راسنا مشان نوضح
ممنوع الكلام طبعا عن طريق الاصوات و تعوا شوفوا الضحك هون و الله دمعت اليوم من كتر ما ضحكت
انا طلعتلي كلمة Fluegzueg معناها طيارة وما كنت بعرف كيف اشرحا بالصوت بس قمت طلع صوت ع اساس
صوت طيارة نفاثة طبعا حزروها اخر شي قام واحد طلعلي هاد صوت طيارة ؟ < .

تاني لعبة هية منختار واحد و بسكر ادنيه مشان ما يسمعنا و نحن منختار شخصية و منكتب اسمها ع الورقة و
منلزقها ع جبينو بدون ما يعرف شو هي الشخصية و هو لازم يسألنا و يحزرها شي نختار باربي ع شب ههههههههههه
شي نختار محمد علي كلاي شي مايكل جاكسون عنجد كانت حلوة و على فكرة كل هالالعاب بالالماني

و هيك خلصت اليوم . مع اني كنت متأملة انو نحن ندرس هههههههههههه و مع هيك اليوم كلو لعب بلعب
و اخر شي انا مو شاطرة بالتعبير الكتابي يعني لو شفت حدا منكن ع الحقيقة رح تشوفوني متل
ايمينيم عم احكيلكن القصة قثنتثباصثقعخباثقبىثتقبىثصقبهاخت < هيك بالضبط

و في صورة حابة اعرضها عليكم و انا عارفة انو الأغلب بحب المناظر الطبيعية هي اطلالة كلاسي



و احلى شي لما يكون في غيم و هوا و الشجر يكون عم يتحرك و انت بالصف متدفي

29/5/2019
​

 

[Selene]

-






حابة علق على تدوينك @WaNteD

مع اني هي اول مرة بعلق فيها ع تدوينة حدا بس الموضوع جذبني و حسيت بحزن لأني مريت بهل الشي ( نوعاَ ما )
بس مشان اختصر كتييييير كلام بهل الموضوع و خاصتا بهيك موضوع فلسفتو طويلة بس هاد اكتر شي ممكن اختصر فيه
هاد الكلام من تجربتي الخاصة وممكن تكون خطأ و ممكن صح . حبيت اعطيك كلام من عندي ك دافع معنوي للشي الي صار
معك يمكن يهون عليك و يخفف حزنك او ندمك و بشكرك ع صراحتك بهيك موضوع و خاصتاَ بهيك مواضيع الواحد بفضل
يخليها لنفسه ف جدا انعجبت بصراحتك المهم ما بطول عليك .

I'm into adventure بحب غوص بالاعماق و بحب الفضول هو الي يجرني لأشياء الجديدة و بحب خاطر لاني لولا المخاطرة ما كنت
عرفت اشياء الحلوة الي بالحياة لو كنت بنت طبيعية و بتخاف و بتفكر مليون مرة قبل ما تخطو خطوة ما كنت عشت الحياة .
اليوم انا حسيت اني عايشة ف ليش الواحد ليفكر بالندم و الحزن و هلأشياء ؟ بتسدء اني عشت احلى علاقة و كل ذكرى فيها صدقني
مابتتنسى مع ان الجرح اعمق بكتير من هالحكي بس انا عرفت اتعامل مع حزني و اقلبوا لصفي بدل ما يكون ضدي و اصنع منو
لوحة فنية و بيعها بمزاد علني و مع كل هاد حبيت مرة تانية و ما خليت هالشي حاجز او يأثر علي اني ما حب و احكي كرهت الحب و ندمت اني حبيت .

الحياة مو حسابات و اني عد كم مرة غلطت بحياتي و اجي حاسب حالي ع الأخطاء ترا الحياة مو معادلة حسابية . عيش حياتك حب اغلط
جن سوي اشياء بعيدة عن العقل . وقتها رح تعرف معنى الحياة و رح تحس انك عايش . ومو الخطأ انو الواحد ما يستخدم مخو.
و خاصتا انو بالحب مافي عقل ف ليش تفكر بمواضيع كتيرة ( عيش اللحظة وبس ) و اذا انزعجت سوي دليت يا انك تكمل يا انك توقف
شفت الحياة ما ابسطها ؟ بكل بساطة Life's a GAME


^ كتبت محاضرة بعرف و يمكن تكون برا الموضوع بس انا ركزت ع نقطة وحدة اني لما قرأت كلامك اكتر شي كنت حاسة فيه انك ندمان لانك
كنت بتعرف انو خطأ و كملت مع انك ذكي و مستحيل تندم ع شي و ندمت هالمرة. كلامي كان بالتحديد ع هالنقطقة نقطة الندم
الحزن مضيعة الوقت . و حط هالشي ببالك دائما ( هالعلاقة ابدا ما كانت مضيعة للوقت ورح تكتشف هالشي لبعدين )

و اعذرني لو بدر مني اي خطأ و انا بحكي هالكلام من قلبي قبل ما يكون مجرد كتابة او كلام
and I hope you get out of this soon

​

 

[Selene]

-




أنا في عزلة، والعزلة الداخلية أقوى وأصلب من ذاك الذي يحشر نفسه في حجرة
أنا أخالط العالم دون أن أخوض حوارًا حقيقيًا أو كاملاً حتى

من هالناحية صحيحة هالمقولة. العزلة مو بالضرورة انك تكون منعزل عن العالم الخارجي العزلة الداخلية اشد الم من
الخارجية و جربت التنين الاولى اني اعزل حالي بغرفة عادية و ممكن بأي يوم اتحسن و اطلع و اشارك الناس وهيك بتكون
حالة مؤقتة اما التانية العزلة الداخلية هي العزلة ما بتجي الا بعد صدمات كتيرة و خلتنا نشوف الاشخاص بمنظور اخر لدرجة
اني اطلع و يكون في ناس و زحمة و حس اني لحالي . لاني معزولة داخلياَ مو خارجيا و هون دخل العامل النفسي .

مشكلة كبيرة لما نوصل لهل المرحلة لما القلب بحس بالوحدة الشديدة مع انو محتاج حدا معو و مع هيك كترة الصدمات خلتو
ما يتقبل اي شخص . ينفر من الكل . هالشي مصيبة اذا صار لانو بياكل القلب يوم عن يوم الوحدة بتأكل الانسان وهو عايش .
و للأسف هالشي صار كتير منتشر عكس زمان .

زمان مستحيل نلاقي واحد قاعد لحالو بكافيه لازم يكون معو الشلة و رفقاتو و الناس الي بحبهم اما هلأ صار جدا جدا
عادي تلاقي حدا قاعد لحالو طبعا ممكن تكون اختلفت الثقافة بس القلوب كلها تغيرت .

]

انا عم حاول اطلع برا هالحلقة حلقة كوني وحيدة مع انو شخصيتي حلوة و جذابة و بعيدة عن التعقيد و الغموض مليئة بالنشاط و الايجابية
حتى طريقة كلامي البعض شافها جذابة يعني عندي كل المؤهلات الي بتخليني كون حلقة صداقة قوية و كبيرة مع الكل و مع هيك حاسة اني
كرهت كل شي بعد ما مريت بتجارب جدا جدا فاشلة ان كانت بالحب او بالصداقة .

مابخفي عليكم انجرحت و حزنت ع هالايام الحلوة الي كانت مع هالاشخاص ف هالشي كون لي حاجز قوي و ماعم بقدر شيلو . لما حكيتلكم مرة
اني بخلي حلقة الصداقة صغيرة هالشي ما كان بإيدي . هالشي كان غصبن عني . بتسدئوا مرة حكيت لبنت كانت رفيقتي بس لأنها زعجتني بأكتر
من شغلة حكيتلها بكل بساطة انتي مو رفيقتي ولا عاد تسألي عني. يا اصدقائي انا وصلت لمرحلة من اللامبالاة لأقصى درجة . بطل اي شي
يهمني و ما عاد يهمني اخسر حدا او حتى حدى يخسرني لأني خسرت اشياء اكتر بكتير من مجرد خسارة اشخاص. انا خسرت نفسي . صار اكبر همي
من كل هاد انا وين شايفة سعادتي و شو الي بخليني فرحانة بغض النظر عن النتيجة و مو هاممني ولا حتى شوي رأي الناس فيني . ان
كان فيني شي سلبي او ايجابي . لأني ضعت و ضيعوني معهم . ف كبرت و عرفت انو العزلة الداخلية كانت ملاذي الاخير حبي لنفسي هاد الي
كان لازم سويه من البداية و مانها انانية لأني شفت كتير. me, myself and I . The End of this story

[

​

 

[Selene]

-








حابة عيد عليكم بما انو اول عيد الي ب أنمي تون و ان شاء الله ما بكون الأخير .

@Daffodil @SKY NET @Bella Manaka @rïn @Loti @WaNteD @Laurel
@Pinkish Hanji @Hp Senpai @S T E L L A @JELLO @D E B O R A × @Mahdicchi
@الأسطورة الخالدة غربون @كَـآإرِينـﮪﮧََ ❖ @NERO @WiSHES @~GO~ @Milli
@S A I T A M A @Bright Moon @RELENA @r ơ m e ơ @^^ ChaNcY ^^

كل عام و انتم بخير و ينعاد عليكم بالصحة و السلامة ​

 

[Selene]

-​

​

​

​

​

​

​

​

اليوم خمول مو طبيعي . حتى مو حاسة انو عيد . حتى ما شتريت تياب العيد و من اسبوع قلت بدي اطلع​

روح اشتري و انا بكررره الشوبنق خاصتاَ ب المانيا كل شي بميييل و كل شي بعيد عن التاني يعني مانهم بمول​

كل شي جمب بعضو و يااا كرهي للشوبنق . اذا بتسألوا زينة شو بتكره ؟ بكررره الشووبنق مابعرف كيف البنات​

بحبوا الشوبنق المهم ف حتى اليوم الكورس ما عطانا اجازة لأنو ماعندهم عيد ف انا عطيت لحالي اجازة جكر فيهم .​

​

ف هلأ ع اساس انو انا و اهلي نطلع مشوار بمناسبة العيد و للأسف اي طلعة و اي عيد وربي مو حاسة لا بجو عيد ولا بالعيد​

كله ع بعضه و المانيا مملةة وربي مافي مكان ينطلع عليه الا الاماكن الطبيعية . و التخييم و المغامرات بشكل عام مافي مولات​

ف يعني الروتين السنوي لكل عيد تغير علي . ​

​

المهم صار معي موقف مبارح بصراحة لا اٌحسد عليه . انا ساكنة بعيد عن الكورس شي 45 دقيقة بالقطار ف يعتبر بعيد كتير​

و بتعرفوا انوا نحن منعاني بالجية اكتر من الي ساكنة جمب الكورس . و صحيت الصبح مع اني والله ما كان الي خلق روح و كنت​

نعسانة بس بدي نام ساعة زيادة . المهم صحصحت و قمت و لبست و طلعت ولما وصلت ع الصف حسيت بشي غريب حتى والله​

اجاني احساس انو في شي مو طبيعي . ستنيت رفقاتي لاجوا بعدين اجت وحدة المانية حكت انو اليوم نحن هون . حكينالا انو ​

الاستاذ ما حكالنا . ف اتصلت فيه و هيك و حكا ع الموبايل ع اساس اليوم عطلة بس رفقاتي ما انتبهوا . فضل يعتذر و حكا انو اليوم​

مافي دوام . و تخيلوا بعد ما اجيت كل هالمسافة اخر شي مافي دوام . الله ياخهم شو انهم مهملين . هن مابحبوا حدى يضحك عليهم بموعد​

بس عادي نحن ينضحك علينا روحتولي نومةة و صحيتوني و اخر شي مافي دوام لا و الأحلى بتعرفوا شو ؟ انو مبارح​

كنت متأكدة ترليون بالمية انها مارح تمطر كانت درجة الحرارة 26 و مافي نسبة هطول امطار . ف كانت اول مرة بطلع بدون جاكيت​

لأنو عنجد صار حررر . ف على حظي لما رجعنا مطر السما كأنو حدا كب سطل مي من فوق يعني مطر قوي حكيت خيييييبة مو لهل ​

الدرجة عاد شو هاليوم النحس . و وصلت ع البيت الحمد الله على السلامة ​

​

 

[Selene]

-





مجموعة صور بمود القديم جمعتها ان شاء الله تفيدكم



ANIMETOOON | MEGA | MEDIAFIRE
​

 

[Selene]

#WiSHES​

-
-


اخدت اختبار تحديد الشخصية الي مع اني ما بسدء هالمواقع ما بتكون كتير دقيقة
بس صدمتني بالنتائج النهائية بدكن الصراحة

اخدت اختبار من موقعين و كانت النتائج كتير متقاربة . اول موقع كانت النتيجة فنان المبدع :




كنت أريد أن أعيش الحياة، حياة مختلفة. لم أكن أريد أن أذهب إلى نفس المكان كل يوم وأن أرى نفس الناس
وأقوم بنفس الأعمال. أردت تحديات مثيرة للاهتمام.

^ الله الله كأنهم دخلوا قلبي و كتبوا هالكلام .

كن جريئاً واختلف

^ كانت مقولتي من و انا صغيرة بكككل شي و ما كنت حب انقل لا بمواضيع ولا حتى ب ستايلاتي
ان كان بألوان الشعر للبس .

نقاط القوة بشخصية الفنان المبدع :

متفائل وحيوي = مو دائما متفائلة بدكن الصراحة
مبدعة و عملية = صحيح
عفوية و عقلانية = كتييير صحيحة
معرفة كيفية تحديد الأولويات = هي النقطة اكتسبتها من تجاربي

نقاط الضعف :

عنيد = دقيقة اضحك هالشي 100%
غير حساس = مابعرف هالشي ليش كاتبينو كيف مبدع و غير حساس ما بتزبط مع بعض
و كمان مع تحليل الشخصية التاني كمان مو حساس لا اله الا الله ليش هيك بس انا حساسة كتير
بس بحاول اخفي نقطة ضعفي عن الكل < يمكن هاد السبب .

خاص و محفوظ = بمعنى انو صعب انو الواحد يتعرف علي هالشي نوعاَ ما صحيح بس مو دائماَ
بمل بسرعة = مليون بالمية مشان هيك سموني المزاجية .
سلوك المخاطر = هالشي كمان كان مكتوب بالتحليل التاني و صحيح .





تاني موقع كانت النتيجة المخترع ( هنا ) وكانت كتير متقاربة من الاولى

بعض من الاشياء الي كانت مكتوبة و لفتت نظري :

يمكن أن يقال عن المخترع أنه شخصية الأفكار المبدعة والجديدة، فهو يرى فرص وحلول في كل شيء من حوله. وأيضاً هو يملك القدرة والحماس على نشر هذه الأفكار ونقل حماسه لها للناس من حوله. بهذه الطريقة يستحوذ المخترع على الدعم لتحقيق أحلامه وأفكاره.

^ كنت دائما عندي هالروح الي انشر كل شي بحبو او اي شي ايجابي للناس التانيين و كنت لاقي لكل مشكلة
حلها حتى لو كانت معقدة


عندما يكون المخترع تحت ضغط، يفقد المخترع قدرته على توليد حلول وخيارات بديلة .

^ هل شي صحيح 100% و اعتبرها اكبر نقطة ضعف فيني .

على الرغم من أن المخترع يتوافق مع الكثير من الناس، إلا أنه يحيط نفسه بعدد بسيط من الناس صاحبي التفكير الناضج، والقادرين.

^ سبق و كتبتها بمدونتي اني بقدر يكون عندي كتير اصدقاء بس بحب يكون حولي بس كم من صديق
بيشبه طريقة تفكيري .

نقاط القوة :

من الممكن أن يكون جذاباً جداً.

^ و مشان مزاجيتي مرات كتير ما بحب كون هيك

يولي إهتمام بالغ بتطوير نفسه وبتطوير علاقاته الشخصية.

^ هالشي صحيح و كنت دائما افتح ع مقالات طرق تطوير الشخصية و كيف جعلها قوية .

غالباً ما يكون ذو قدرة جيدة على تحصيل المال ولكنه ليس جيداً في التعامل مع المال وإدارته.

^ صحيحة و مشان هيك هالسنة رح ادخل ب اكبر تحدي عن كيف بقدر اتحكم بصرفي

يأخذ علاقاته الخاصة بشكل جدي.

^ للأسف بس صحيحة مشان هيك كنت اخسر الأغلب بس هاد ما حسيتو خطأ
لأني انسانة ما بحب العب و ضيع وقت بالعلاقات يعني يا تكون منيحة يا بلاها

نقاط الضعف :

دائماً يكون ولعاً بالأشياء الجديدة، قد يكون هذا على حساب نجاحه الشخصي أو علاقاته.

^ والله صحيحة و بقووووة كنت دائما روح للأشياء الي بتجذبني حتى لو على حساب
جامعتي كنت شوف سعادتي على حساب اهم الاشياء بحياتي و هاد كان اكبر خطأ

مخاطر لدرجة كبيرة

^ كلمة كبيرة قليلة فيني كتير بحب المخاطرات و المغامرات بس بالعقل مابحب كون متهورة بغباء

صفات المخترع :

قائد بطبيعته، ولكنه لا يرغب بالتحكم بالناس.

^ هاد الي حاولت اقنع حالي فيه و خاصتاَ اني من برج الاسد الي وجعوا راسي فيه
عندي صفات اني كون قائدة و قوة شخصية بس صدقاَ مابحب اني اتحكم بحدا او حتى اني
افرض رأيي لشخص .

حي ونشيط، يمكنه بث الحماس في الناس.

^ من هالناحية صحيحة مية بالمية خاصتاَ لو شي بحبو من طريقة كلامي الفرحة بتدخل قلب
الشخص الي عم بحكي معو .

الأعمال التي تناسب المخترع :

انسوا كل الي انكتب بالموقع و ركزا على مهندس
يا جماعة مهندسسس . مو مسدئة يعني رح امشي بالتخصص هاد مع انو صعب مو ؟

تعزيز نقاط قوة المخترع :

رؤية الجانب الآخر من أي مشكلة.

^ كنت من و انا صغيرة رفقاتي يجوا لعندي كانوا يسموني حلالة المشاكل
كنت دائما شوف اي مسكلة من اكتر من جهة مو من جهة وحدة و هالشي الي حببني بعلم النفس .


القدرة على العمل على أكثر من مشروع ومهمة في الوقت ذاته.

^ الله يخليلي الجامعة و المدرسة الي خلت هالطبع فيني لحد هلأ
حتى لو انتبهتوا بنزل اكتر من موضوع بالاسبوع و كلهم منسقين و افكارهم مدروسة نوعا ما
بحب كتير اشتغل ع اكتر من شغلة بنفس الوقت . و مرات قليلة اذا كان عندي مشروع ضخم
ف هاد بشتغل عليه لحالو متلاَ موضوع ختم الاداري الي اخدتو هالموضوع كان هو بس الي
عم بشتغل عليه كنت حاطة كل طاقتي عليه عدى عن ذلك ف ايه اكتر من شغلة بنفس الوقت

قدرة على المواجهة في النقاش أو النقاش لوحده ودون أي دعم ومساندة.

^ طبعا اذا شي عندي خلفية عنو . اذا شي بعرفو و متأكدة من معلوماتي مابدي اي مساعدة من حدى
و بقدر اثبت وجهة نظري عن طريق العلم الي اغلب المناقشين بيفتقدوا هالنعصر لأنو اغلبهم بناقشوا
على حسب مبادئهم و الاشياء الي تعلموها و هن صغار و ما كانت صح .


مشاكل متوقعة لدى المخترع :

عدم القدرة على رؤية الاحتياجات العاطفية والإجتماعية للأشخاص القريبين منه.

^ كنت بيوم من الايام عاطفية و بهتم لهل الشي بس مابعرف التجارب الي مريت فيها غيرتني صرت
اهتم اكتر للمنطق من اكتر من المشاعر و للنتائج النهائية اكتر .

الميل لأن يكون متعجرفاً أو متغطرساً، والحط من قدر الأشخاص الذين لا يتفقون معه على الحلول.

^ عاد هي خطأ 100% انا من النوع الي بحب غير مبادئي اذا ما كانت صحيحة لأنو اي شخص معرض
للخطأ و انا انسانة متفتحة و بتقبل كل الآراء و خاصتاَ الانتقادات لانها هي الي رح تحسني .
و اصلا من طبعي ما بحب شوفة الحال و التكبر بغض النظر ع الباقي .

النصائح العشرة للنجاح كمخترع :

واجه نقاط ضعفك!

^ انا انسانة كتير واقعية من و انا صغيرة كنت كتير صارح حالي بصفاتي السيئة
و حاول اني اتفاداها او اني خففها . و كنت اقرأ عن الشخصيات الناجحة و منها انو نواجه اخطائنا
او نقاط ضعفنا و هالشي من صفات الشخصية القوية .

تحدث عن أفكارك!

^ كنت حب احكي عن افكاري فقط للأشخاص الي بحس اني مهمة عندهم و بتهمهم افكاري
متل اهلي بالمرتبة الاولى و رفقاتي القريبين مني . اما كل من هب و دب لا لاني بحس حالي تافهة و افكاري كمان

اخرج من المنطقة المألوفة لديك!

^ اعتقد قصدهم اطلع برا دائرة الراحة عندي . و هالشي ماشية عليه بالميلي كل شي بسويه جديد و غير مألوف
و بحب التغيير و اني اتعلم اشياء جديدة و غريبة علي ان كان بالرياضات دائما بتعلم الرياضات الصعبة و الغريبة
و بالتصميم بحب اني اتعلم فنون الصعبة و كان اكبر تحدي الي اني اتعلم فن الدمج .

تعرف على مشاعرك وعبر عنها!

^ عاد هي انا جدا جدا جدا جدا سيئة فيها ان كان مع اهلي او مع رفقاتي و ماعم حاول لاقي حل ابداا !
و للأسف كلما حاول اني احكي بزيد الطين بلة يعني ياريت لو ما حكيت . و الأهلم انو بيجي هالاحساس السيئ
و الفظييييع اني بعد ما احكي عن مشاعري بندم بعدين انو ليش حكيت !! ( اذا حدا عندو حل يساعدني )

افترض الأفضل دائماً!

^ لاني كنت بدبي و حتى اخدت من طباع حاكمها . لا اقبل الا بالمركز الأول .
بمعنى اخر ولا مرة افترضت شي سيء ان كان لمستقبلي او لحياتي هلأ . حتى العقبات الي بمر فيها هلأ
رح تعلمني بالمستقبل و تخليني اقوى فهل شي مارح يغير تفكيري من هالناحية .





خليت ماما و اخواتي ياخدوا هالتحليل طبعا على الموقع الاول بس ماما طلعلها شخصية المسلي
ما توقعت بصراحة و كان تحليل الشخصية كتير حلو و ماما حكت انو المكتوب كان صحيح
و اختي طلعلها شخصية التنفيذي و اختي انصدمت من النتائج ما توقعت بهل الدقة و عنجد لما قرأت معها
حكيتلها كتير بلبقلك تخصص الاداري Management كانت تدرس هالتخصص بالامارات يعني تخيلوا لأي
درجة هو دقيق ​