Yōkoso - Yōkai no sekai (1 زائر)

[JELLO]

8 / 7 / 2019
رابط المدونة القديم #•

برجع بعدين بشخبط هون ~
اهم شي افتتحنا المكان
​

 

[JELLO]

عدناآ ~

قررت ما صمم شي خصيصًا للتدوين
لأن بعدها رح انجبر أكمل نظامي الي أنا حطيته
وأنا بكل حال ما بحب النظام

لازم شوي كركبه وأشياء مرميه هنا وهناك ليحس الواحد انه ببيته
وبالأخير وأهم شي إن ما قدرت تتكلم أو تتصرف بعفويه بيصير سجن مو بيت

اليوم شفت شي زعجني - ما رح زيد على هالكلام
زعجني و مشي وانتهى < بتمنّى

واجى وزاد الطين بله كنت عم عدل بموضوع مشترك < انا وبيبي الصغيره >
نعم هداك الموضوع إلي إلو من رمضان لهلأ قاعد عم يتشمس بالورشة
طبعًا فحّم وتراكم عليه الغبرا - بعتذر بيبي من جديد -
برجع بحكيلكم شو صار ~ بعد ماجمعت المعلومات ومسحتهم من جهازي < تبًا لي >
ضغطت على صورة بالغلط وودتني على موقع الرفع
وتداا ~ كل الي كتبته وجمعته طار أدراج الرياح ~\


أصلًا عادي الحياة حلوة < لا بجد اتكلم
عصبت لمدة دقيقة بعدين ( هزّي ي وزّي ) ولا كأنه صار شي

يسلمو على اللايكات والإعجابات الي فوق
مع انو التدوينه مافيها شي فأكيد كانو لنيانكو سينسيه الرهيب
^ بمزح لاحدا يضرب

دمتم بحفظه ويسعد أوقاتكم ​

 

[JELLO]

عدناا ~

ما رجعت ودونت إلا بسبب إني شفت إبتسامه جميله
ووجه بشوش ~ فقلت لاا ~ لازم أشاركه مع غيري
هالوجه الصبوحي المتهلهل بالأزاهير < شو عم تحكي هي
المهم الإبتسامه خطيرة ~ لا يمكن التغاضي عنها

هالأيام مودي الآيسيكاي
جينر يأسر بجد مع اني كنت من كارهيه ~ بسبب سورد آرت اونلاين
^ هالأنمي تو متش بالنسبه لشعبيته الجزء الأول لا غبار عليه حتى يوصلوا
لنصف الجزء الثاني - انتهينا خلص طفح الكيل ~ مصختوها ( حاج بقى )

مع انوا ميورا رجعت ونصحتني فيه وبالسلسلة تبعه من جديد
بس إلى الآن تمطيط الجزء الثاني الي خرب علي كل شي مازال عالق وما ناوي ينمحى

رجعت للايسيكاي من ورا أنمي تاتي نو يوشاا < بدأ التأليف بالأسماء
أو انتفاضة بطل الترس ؛ مشان إذا في حدا بده يدور عليه

المهم الأنمي خطير بس القصة مو مكتملة < لنبكي معًا >
لذا انطلقت بعالم المانهوا < لأنها اسهل واسرع بالقراءة + ملونه +
المجتمع الموجود دائمًا صغير ومحدود و الشخصيات قليله أو هيك بيتهيأ لي >

جيت استعرض المانهوات الي قريتهم ، عشان اثبت على الفصول وخليه مرجع إلي
بما ان قوائم المانجا عندي مدفونه تحت التراب ولا بدي طلعن

أول شي مانهوا
Solo Leveling
آخر فصل قرأته 82

هذا شكل الأخ الي فوق قبل ما يبتسم

المانهوا لا يعلى عليها حاليّا هيه التوب عندي
رسم جميل ~ أحداث مشوقه ~ قصه محبوكه صح ~ تطور للشخصيات
بالإضافة للإبتسابه الجميلة والوجه البشوش ~ كلو موجود فيها

I Am The Sorcerer King
آخر فصل قرأته 40

مع ان في بعض الناس قالوا انها احلى من سولو ~ بس لاا حاشا وكلاا
هون البطل مساوي فيها بيعرف كل شي ~ او انه جد بيعرف كل شي
وبس عم يرفع بمستواه ويظبط وضعه ~ الرسم مو كتير عاجبني ~ وحتى القصة مو هالزياده
بس رح تابعها لأني بديتها، لازم نعرف شو رح يصير

Ranker Who Lives A Second Time
آخر فصل قرأته 10

المانهوا لسه بأوليتها ومافيني احكم عليها
الرسم تمام ~ الشخصيات لسه ما شفت خيرن من شرن
لقيت الروايه تبعها بس متردده أبدأ فيها ولا لاا ~

حاليّا بس هدول
شغلات تانيه حاططتها ببالي :

The King’s Avatar
Legendary Moonlight Sculptor
Raid
The beginning after the end
The gamer
Re:monster
Hero? I quit a long time ago

انتهى ~ بشوفكم لاحقًا


​

 

[JELLO]

فطست ضحك
بولينا خطيره ​