فخر المدونين الريفُ صوتك و المدائن صوتهم ، أنت الهدوء و كلهم إزعاج ! (2 زائر)


إنضم
10 يوليو 2013
رقم العضوية
728
المشاركات
15,267
الحلول
1
مستوى التفاعل
22,142
النقاط
1,410
أوسمتــي
20
العمر
28
الإقامة
GAZA
توناتي
3,200
الجنس
أنثى
LV
5
 
هل سبق و حسيت نفسك تعيش داخل رسمة ؟
أو داخل قصيدة ؟
او داخل لحن ؟ أو أغنية ؟
أنا أحس اني أعيش جوا هالأغنية ... ❤🌿

 

إنضم
10 يوليو 2013
رقم العضوية
728
المشاركات
15,267
الحلول
1
مستوى التفاعل
22,142
النقاط
1,410
أوسمتــي
20
العمر
28
الإقامة
GAZA
توناتي
3,200
الجنس
أنثى
LV
5
 
at159777528954753.png


في الآونة الأخيرة .. لم تعد الأمور جيدة !
يدهشني ثباتي أمام عاصفة الذكريات عندما تأتي و ثباتي أمام الأشخاص بذلك الوجه البشوش الضاحك !
يؤلمني دفن كل الأشياء بداخلي و أنا أدرك جيداً
أن آلام روحي ستظهر على جسدي عاجلاً أم آجلاً
و أنني حينما آوي لفراشي ستأتي تلك اليد التي تعتصر قلبي بشدة تكاد تزهقه ..
و أنكمش على نفسي كالجنين أحتضن اطرافي و لا أبكي بشدة كالسابق .. الألم الكبير لا دموع له .
لم أعد بعد الأن أستطيع ايجاد الفرق بين الظالم و المظلوم
بين الذي تسبب بالألم و بين المتألم
فالذي تسبب بالألم يعيش و كأنه المتألم !
من يعطي هؤلاء الجرأة ؟
لا أدري حقاً كيف لألسنتهم أن تمتلك حق الكذب و تقنع عقولهم بتلك الكذبات ؟
داخلهم ألا يعلمون الحقيقة كاملة ؟
الظالم عندما يأوي لفراشه ألا تداهمه الأفكار عن من مارس ظلمه عليهم ؟
هل ينام هنيء البال ؟ ألا تأتيه الكوابيس ؟ يؤنبه ضميره أم لا ؟
هل تمتلك قلوبهم الرحمة حقاً ؟
هل الأذية شيء سهل و يمكن غفرانه ؟
أنت شخص بائس
تقضي حياتك و أنت تعيش على المغفرة للأشخاص للمواقف و للزلات
انك انسان خلقت لهذا الغرض خلقت لتغفر ، لتسامح ، تشعر و كأن قلبك لا يستطيع أن يملك ذرة حقد أو كره أو أي خذلان لأي انسان ...
انك تحرر داخلك من كل هذا الشعور
لكن فقط بعد الغفران بعد أن تفرغ داخلك حقا من هذه المشاعر الكريهة
تعيش كطائر فقد جناحه لا يطير لكنه حي
حزين ! ينتظر موته فقط .

ألا تعلم ؟ أن اطفاء شعلة قلب أي انسان كجريمة القتل العمد ؟





 
التعديل الأخير بواسطة المشرف:

إنضم
10 يوليو 2013
رقم العضوية
728
المشاركات
15,267
الحلول
1
مستوى التفاعل
22,142
النقاط
1,410
أوسمتــي
20
العمر
28
الإقامة
GAZA
توناتي
3,200
الجنس
أنثى
LV
5
 

مش عارفة شو أكتب أو شو أحكي ..
أولا كل عام و انتم بخير


القصة تبدأ من حي الشيخ جراح ، هذا الحي يعتبر الرئيسي او المؤدي لباقي الأحياء في القدس و ابوابها يعني لو سكنه سكان اسرائيليين معناه صعوبة الانتقال و التعرض لاستفزاز اليهود كل يوم و ما حد يعرف استفزاز اليهود الا الفلسطينين

قصة تهجير السكان العرقي .. سكان الحي فلسطينين انتقلوا للحي وقت كانت الحكومة الاردنية تحكم بالضفة سنة 1956 تم تسكين 28 عائلة على اساس هذه البيوت تكتب بإسمهم من الحكومة الاردنية لكن هذا الشي لم يحصل ..
و اليهود متل ما عملوا من قبل ايام ال 48 التاريخ يعيد نفسه البيوت اللي مالها طابو و عمل السماسرة و الاستيلاء على البيوت بالغصب تكرر في حي الشيخ جراح
قرارات التهجير سارية منذ سنوات من 1972 و نجحوا فعلا بتهجر اربع عائلات و اسكان اسرائيلين بدالهم بالحي
لكن الامر تجدد ب 2021
فأرسلوا للعائلات 28 اي ما يعادل أكثر من 500 شخص قرار تهجير من المحكمة الاسرائيلية العليا و القرار هذا يتم تنفيذه بشهر مايو 5 و بعد التهجير تسكين اسرائيليين و انشاء مستوطنة لليهود مكان بيوت الناس اللي رح تتهجر
لكن الشي اللي ما توقعه اليهود انه قصة هالحي حتقلب لقضية رأي عام لذلك تم تأجيل المحكمة و هي المرة الاولى انه المحكمة الاسرائيلية تأجل شي لكنه لا يتعبر انتصار يعتبر فقط تأجيل لتهدئة الرأي العام لكن من يخدعون ؟
الشي التاني اللي ضغط على أعصاب المقدسيين هو اغلاق باب العمود من بداية رمضان و المواجهات العنيفة اللي حصلت بين المقدسيين و الاسرائيلين بسبب اغلاق باب العمود و منع المصلين من الدخول للمسجد الاقصى
المقدسيين كانوا يتنقلوا ما بين حي للشيخ جراح و ما بين باب العمود ما كانوا يشوفوا بيوتهم ما كانوا يناموا
بس مرابطين ما بين المسجد الاقصصى و مابين باب العمود و ما بين حي الشيخ جراح بالفعل انتصر المقدسيين و تم فتح باب العمود
لكنها فرحة لم تدم عادوا اليهود بقوات مسلحة مكثفة و هاجموا المقدسيين و اغلقوا باب العمود من جديد

سبب الهجوم المسعور اللي صار هو انه يوم 28 من رمضان بالضبط يوم 10\ 5 كان في مسيرة لليهود هالمسيرة اسمها مسيرة الاعلام هاجموا الفلسطينين حتى ما يهاجموا هالمسيرة او يمنعوها و صار الاعتداء بالرصاص الحي و المطاطي و الغاز المسيل للدموع و الاعتداء و تدنيس المسجد الاقصى من الداخل و ضرب المصلين و حبسهم داخل المسجد و الاعتداء عليهم بقنابل الغاز هالاعتداءات كلها بالاضافة الى الاعتداءات على الشباب اللي كانت عم تضامن مع اهالي الشيخ جراح خلقت ثورة فريدة من نوعها بالقدس و بكل مدن فلسطين سواء بالضفة او بالداخل المحتل
بالتالي خرجت المقاومة الفلسطينية بغزةو هددت انه اليهود ينسحبوا من حي الشيخ جراح و من المسجد الاقصى لكنهم لم يفعلوا لذلك بدأت المقااومة بإطلاق الصواريخ تجاه الييهود و تم قصف غزة

القصة طويلة .. لكن المناظر مآساوية .. القدس جمعتنا لكن الارواح عم تروح بكل مكان بفلسطين في مصابين و في شهداء
هذه القصة كاملة بدون الدخول لتفاصيل أليمة

الانسان فقط يدافع عن حقه و هو بيعرف و متأكد من حقه و بيحط روحه فداء وطنه


يا رب اجعلنا من الشهداء .
الشي الوحيد اللي نحتاجه الدعاء الوضع مرعب و مخيف بجد .

الاعتداءات ما وقفت
القصف ما توقف
القتل ما توقف

 
التعديل الأخير بواسطة المشرف:

إنضم
10 يوليو 2013
رقم العضوية
728
المشاركات
15,267
الحلول
1
مستوى التفاعل
22,142
النقاط
1,410
أوسمتــي
20
العمر
28
الإقامة
GAZA
توناتي
3,200
الجنس
أنثى
LV
5
 

الشيء الوحيد اللي بقدر أوصفه حاليا
انه بحس العالم كله ضدنا و ربنا وحده معنا و الحمد لله مكتفيين بهالشي ..

من بداية الاحداث و الانستجرام و الفيس بوك و مواقع السوشيال ميديا بتهاجمنا و بتغلق حساباتنا بتقيدها و تعمل عدم امكانية الوصول اليها

ناس متل الشياطين خرساء ما تتكلم و لا تشارك بأضعف الايمان حتى !

كأنه كل الدول اسرائيل مدعسة على رقبتها الا فلسطين

الوضع انا بجد مش قادرة اوصفه نظري كلامي الصور الرسم الحروف فش اشي ممكن يوصف اللي بيصير او اللي صار

يعني انا جد مش عارفة و لا حتى فاهمة كيف الناس هيك ساكتة!
لهالدرجة الخوف مسح شخصيتكم او حتى انسانيتكم
لهالدرجة في ناس عندها عقل و وعي و لسة مش قادرة تفرق بين الحق و الباطل !

وين ممكن يلاقي الواحد مكان ع السوشيال ميديا تكون اسرائيل مش مسيطرة على اصحابه !

يعني الواحد بأقل القليل قاعد يحاول ينشر و التطبيقات تمشي من وراه تحذف !
كأنهم يغطوا عين الشمس بالغربال
حسبي الله و هو نعم الوكيل بكل شيطان أخرس ما عم ينشر اللي عم يصير !
حسبي الله و هو نعم الوكيل بس
الواحد بطل عارف وين يروح



هذا الفيديو يبكي الحجر يعني تشوفه و ما تبكي مستحيل تكون انسان !



المبنى هذا بيضم اغلب وكالات الاخبار بغزة و شركات و محلات تجارية و شقق سكنية غير ابراج الانترنت
قصفوه و فصل النت عن 70% من السكان حتى عندي


يومين كاملين ما نمنا و لا غمضت لنا عين قلنا بننام الساعة 6 الصبح بعد هالليل الطويل و القصف
طلع كل القصف و لا شي جمب القصف اللي بلش من الساعة 6
اشي جنوني بعمري ما عشت هيك احداث بكل الحروب اللي راحت !


راحت تجيب فسيخ للعيد و ما رجعت قصفوها هي و اقاربها بسيارة مدنية
ناس ما الهم علاقة بشي هيك بس قههر و ظلم
بس يقهرونا


قصف برج الشروق
البرج مو لوحده يتأثر كل المنطقة اللي حوله تتأثر
البرج هاد موجود بحي الرمال هذا الحي اكثر حي حيوي بمدينة غزة يعتبر قلبها
فيه محال تجارية و مولات و مطاعم و شركات و بيوت سكنية
موجود فيه كل شي بس بقصف هالبرج كل الحي صار مليان دمار
مو عارفة بس نطلع من بيوتنا هذا اذا طلعنا او بقينا عايشين
كيف رح نتحرك بغزة و نشوف الكم الهائل من الخراب و الدمار و يا ريت هذه المشاهد كل شي هذا بس قطرة ببحر !


فوق ال 20 صاروخ ألقوهم اليهود الساعة 6 على الشوارع
متخيلين !
بس على الشوارع يعني شارع طبيعي تمشي فيه السيارات
دمروا الشوارع و هاد المكان يعتبر حيوي لانه مركز تجمع جامعات غزة
يعني جامعات و كليات غزة كلها موجودة بهذا المكان و هذا المحيط
حسبي الله و هو نعم الوكيل

العيد عنا بغزة هذا هو

هنا و هنا

ما حد بغزة شاف العيد احيينا التكبيرات اي لانها من شعائر الله
لكن القهر اللي بالقلب يحرق
القصف من الصبح ما توقف و لو ثانية وحدة
و حاليا بالشمال عم يصير ابادة جماعية بالمدفعيات على االحدود
مقطوعين عن اصدقاءنا و معارفنا مو عارفين نوصل لهم او نعرف اخبارهم لا صحافة و لا تغطية
و القصف لحد الان وراء بعضه بدون توقف

كل اللي طرحته و لا شي جمب اللي صار و اللي قاعد يصير
ان شاء الله احنا المنتصرين
رغم كل المعيقات لما تتحرر فلسطين حنسكر بابها
نترحم ع شهداءنا و نبكي سوا وجعنا لوحدنا

لانه عشنا الوجع لحالنا ما حد حولنا قد ما تعاطف
سوا شي من قلبه و كأنه من اهل هالبلد

كل اللي طرحته بيصير بس بغزة
لكن باللد و بالقدس و بحيفا و بعكا و بأم الفحم و مدن فلسطينة كتير تانية محتلة
قاعدين بيتعرضوا لاعتداءات و انتهاكات من مستوطنين يهود
ما ححط هالمشاهد لانه فيها عنف كبير اقوى قلبما بيقدر يتحمله

قاعدة بكتب و القصف فوق روسنا صوت لو حد سمعه قلبه رح يتووقف


يا رب يا رب كون معنا
 
التعديل الأخير بواسطة المشرف:

إنضم
10 يوليو 2013
رقم العضوية
728
المشاركات
15,267
الحلول
1
مستوى التفاعل
22,142
النقاط
1,410
أوسمتــي
20
العمر
28
الإقامة
GAZA
توناتي
3,200
الجنس
أنثى
LV
5
 
مش حاسة بالأيام .. حرفيا الايام بتمشي و احنا مش عارفين شو اليوم و شو كان امبارح
جوالاتنا بوجوهناعلى الاخبار اربع و عشرين ساعة
مرة بنبكي و مرة بيصير اشي يفرحنا و بنرجع من جديد نبكي ع الوضع
صرنا نخاف يجي الليل لاننا عارفين انو رح تصير مجزرة جديدة
الليل صار كابوس حرفيا
ما في نفس للأكل او للشرب او للضحك او لأي اشي ممكن يخفف لو شوي

اي بدنا هالوضع ينتهي لكن بحل جذري
الشرارة انطلقت مش بس عنا بكل فلسطين
ما اعتقد انه تهدئة او هدنة حتحل الموضوع
الحل اما تحرير أو تحرير

اي بدي اتفائل و أقول هالازمة حتخلص قريباً
لكن التحرير مابيجي بسهولة

لو انقطعنا عن هالعالم
تذكرونا بدعوة
 

إنضم
10 يوليو 2013
رقم العضوية
728
المشاركات
15,267
الحلول
1
مستوى التفاعل
22,142
النقاط
1,410
أوسمتــي
20
العمر
28
الإقامة
GAZA
توناتي
3,200
الجنس
أنثى
LV
5
 


حقول شي و اعتذر مليون مرة لنفسي اني ضيعت من وقتي لحتى أقوله

انا حرفياً امشي اقرأ الاخبار بكل مكان و اخاف ادخل التعليقات
لاني عارفة و متأكدة اني حشوف تعليقات سلبية تضر نفسيتي و نفسية الفلسطينين بشكل عام

انا كإنسانة مش شايفة انه هذه قضيتي لوحدي شايفتها قضية المسلمين كلها
و اي حد ما جالس يتكلم عنها بدون نقاش اروح اسوي له كتم لستورياته و اشعاراته مش لانه ما كتب
لاني حرفيا مو قادرة اكمل و اشوف الحياة طبيعية حولي و انا فعليا عايشة بجحيم بهالحياة
و لو ما سويت كتم اشيل المتابعة كلها لاني حرفيا ما متحملة اشوف الناس ماشية بحياتها طبيعي و الاطفال عندنا تنقتل بدم بارد لانه ما طبيعي انا اشوف اخي المسلم بجهة يبكي و بالجهة اخ مسلم ثاني يضحك و هو شايف انه اخوه يبكي .

نحنا تعودنا لو عند جيرانا عزاء و عندنا حفلة نلغي الحفلة عشانهم !

انا لما يصير احداث بلعراق .. بسوريا .. بالاردن .. بقطر .. بالسعودية .. بمصر .. بكل مكان بالعالم اترك كل شي بعالمي و اجلس بس مخصصة كل وقتي اشوف اخبارهم و اتطمن عليهم

قضيت بداية رمضان و ما قبل رمضان و انا اتابع اخبار مصر و المصايب اللي تصير فيها و لبنان و الفقر اللي يحاوطهم
و العراق و الحريق اللي صار عندهم و قبل الحريق احداث ككتير صارت عندهم من قبل حتى ثورتهم اللي ما اكتملت

بغض النظر عن كل هاد الكلام
الحرب اللي عم تصير علينا مش بس على ارض الواقع حتى كلامنا ع السوشيال ميديا يحاربوه
تخيلوا حتى كلمة شهيد نتحاسب عليها لو صرنا حاطينها ببوست او بستوري او بتغريدة ! و تتعرض حساباتنا للاغلاق و للتوقيف بالايام !

الشي اللي قاعد بيصير مش سياسي
الاشي اللي بيصير انساني فلو انت ششخص ما تضامنت معنا حتى لو عندك متابع واحد فأنت مش انسان .

انا كتير اعتذر لنفسي كتير كتير اني ضيعت وقتي ع هاد الكلام بس الاشي اللي بيصير مستفز
مشاهير العالم العربي بشكل عام تدخل على ستورياتهم لو واحد فلسطيني كتب لهم تضامنوا معنا يفضحوه

تخيلوا يفضحوه
انا اقولكم هذا الفلسطيني اللي راح و طلب منهم يتضامنوا كلب
و جاب الكلام لحاله و نفسي اروح اتفل بوجهه حرفيا
لانه حط مش بس نفسه بهذا الموقف لا
حط كل الفلسطينين بهاد الموقف

احنا ما نطلب تعاطف انت الكتابة عن هاي القضية واجب ديني عليك مش ع كيفك غصب عنك و ربنا رح يحاسبك على هالشي

و لو انت مش مسلم فأنت كواجب انساني المفروض تكتب و تشارك

ما تريد تكتب و تشارك فإخرس .
لانه الكلمة السيئة اللي ترد فيها بنقاش
كنت قادر تستغل هاد الوقت بالنشر عن شي انساني
لكنك انت فضلت انك تكون مش انسان .

 
التعديل الأخير بواسطة المشرف:

إنضم
10 يوليو 2013
رقم العضوية
728
المشاركات
15,267
الحلول
1
مستوى التفاعل
22,142
النقاط
1,410
أوسمتــي
20
العمر
28
الإقامة
GAZA
توناتي
3,200
الجنس
أنثى
LV
5
 
OMG
غباااار تن1

صارلي ما دخلت هون من وقت الحرب ، حاسة مر سنة عليها مو بس شهرين ...

الأيام اللي راحت كانت مزدحمة جداً كل انسان غارق بدوامة حياته
الفرق انه ناس غارقة و بتنجز و بتتقدم و ناس ثانية غارقة و ما جالسة تنجز شي بحياتها
اكتشفت هالفترة انه قديش الانترنت و الجوالات سيئة بحياتنا
قديش بتمنى ترجع الايام القديمة لما كنت امسك دفتري و أكتب فيه مذكراتي و كل شي بيخطر ع بالي
أو أمسك قلم و أي صورة بوجهي و ارسم لمجرد الاستمتاع فقط ..
أو أمسك كتاب و أخلص عليه بليلة ..
الأيام القديمة كانت احلى بدون انترنت بدون جوالات
كان اقصى استخدامنا للجوال بس حتى نسمع موسيقى مو اكثر ...

الأيام اللي جت هالفترة كتير قاسية و حاسة انها بتزيد قسوة ما بتخفف وطأتها عنا و لا بأي شكل من الأشكال

أتمنى أصير انسانة أفضل من اللي انا عليه حاليا
أو كنت عليه

دعواتكم لي بهالأيام الفضيلةو1
كل عام و انتم بخير ق1


 

إنضم
10 يوليو 2013
رقم العضوية
728
المشاركات
15,267
الحلول
1
مستوى التفاعل
22,142
النقاط
1,410
أوسمتــي
20
العمر
28
الإقامة
GAZA
توناتي
3,200
الجنس
أنثى
LV
5
 
من الأمور السيئة اللي ممكن تمر على أي انسان
انه يعيش كأنه آلة .. تكرر نفس الروتين بشكل يومي
بدون مشاعر او كأنه هالانسان بيمشي بهالحياة كأنه نايم أو ميت
في شي ميت بروحه مش حاسس بطعم او تغير

هاد مش اكتئاب و لا الروتين اللي يعتبر نعمة مش نقمة
كأنه في شي مكسور أو حلقة مفقودة

حتى الاحداث اللي بتحصل هي أكتر من مأساوية
أكثر من طاقة اي فرد على احتمالها ..
هالانسان بس جالس ينتظر لحظة سعادة تزوره او تزور اللي حوله ليفرح فيها شوي أو يغير حالة الجمود

السنين عم تمضي أو تركض للكآبة للاشيء للفراغ
فراغ أعمق من فراغ حالة خواء تام

وحدة فظيعة لو نملة جت تكلم هالانسان رح يتشبث فيها كأنها أخر أمل له و أعز صديق زاره ..

أحتاج عصافيري بهاللحظة 💔






هامش..
أعترف أنني من الأشخاص الذين عندما يمرون على أماكن بها ذكرياتهم، يغلبهم الحنين، ويلقون عليها السلام ويمنحوها الود وكأنها شخص يتنفس.💙

_دُنيا محمد.
 

المتواجدون في هذا الموضوع

أعلى أسفل