ما يخفى خلف السراب ~ (1 زائر)

ابغى اعرف مستوى التسليك الرهيب اللي وصلتله اني من الطفش جالس اسمع اخوي وهو يحكيلي عن مضاربة بين قطط شافها بالشارع

الناس كلها في الانستا والفيسبوك مبسوطين اخيرا نزل في الرياض ثلج ومصورين
طيب يا ناس انا مو في الرياض؟
انا لسة جاي من برا حتى مطر مافي
وش هالحظ

مافي احلى من الاحساس بالانتصار
امس اتصورنا في المدرسة فقلت لصاحب الجوال لا تنسى ترسلي الصور
فكر شوية وقالي امممممممممم ابعتلي نؤطة انستا وانا افكر
وانا نسيت طبعا فهو ما رسل الصور
اليوم جا يطلب مني طلب فقلتله الله اعلم احتمال انسى
قالي لا تودينا في مصيبة تكفى لا تنسلا
قلتله اممممممم يبقى ابعتلي نؤطة انستا وانا افكر
مدري وش العبرة بس حسيت بالانتصار

صاحبي كان يوريني سكرين من جواله
فاللي راسله له كان أخته مسجلها " مؤنستي الغالية "
بغض النظر ما شاء الله على علاقتهم الله يخليهم لبعض
بس اختي لو شافت التدوينة او عرفت هتقتلني
انا اختيني مسجل وحدة فيهم " جعفر للحالات الطاࢪئة !!"
واختي الثانية " my potato "
ياخي رهابة الأسماء اللي اخترتها فخمة زيي

على طريق السفر احدهم سألني عن شيء يقراه يسلي فيه وقته
فارسلتله Pdf ل ولكني اراها قلتله اتسلى فيه كلها ساعة قراءة
لسبب مجهول جلس فيها ما يعادل 7 ساعات
الولد مسوي لجنة تحليل وش ذا
وانا في امان الله شبه نايم الاقي يده تحاول تخنقني
بسم الله الرحمن الرحيم تلبسته روح رنيم ولا وش
ماله ذا
قالي من الصباح وانا اقرا ومتحمس للنهاية وفي الاخر تحط لي نهاية مفتوحة
انا استغربت والله
انا روايتي نهايتها مفتوحة ؟
النهاية واضحة مرة
اوك انا تركت شوية لخيالك في النهاية بس ماهي رواية مفتوحة النهاية
بعد ما خلص سب فيني عشان النهاية بدا يسبني عشان كل الرواية
يعطيه العافية ما يقصر والله
قلتله اعطيك كل شيء تلاشى؟
قالي كيف نهايتها؟
قلتله بدون حبكة
ما خلصت كتابتها بس كل الادلة والاشياء خلص ذكرها
يمكن اعطيك الرواية وانت تخمن الحبكة
او تعال احكيها لك
الحمد لله نجوت منه باعجوبة
مدري ليه عصب صراحة
غريبة

موقف راق لي وصنع يومي
من شوي انا كنت برا البيت اجيب شيء
وكان باقي عالمغرب ما يعادل 5 دقايق ف اكيد ما راح الحق اوصل البيت قبل الاذان
بس مش مشكلة يعني لما ارجع البيت بفطر ما راح اموت على 10 دقايق
حرفيا لما تبقى عالمغرب دقيقة وانا ماشي جتني بنت صغيرة لو ما اخب ظني يمكن 8 سنوات؟
معاها علبة تمر .. مدتها لي وقالت لي الله يتقبل صيامك
تفضل خذلك تمرة
ابتسمت صراحة واخذت لي تمرة فقالت لي تمرة وحدة بس؟
خذلك وحدة كمان تتقوى فيها
اخذت وحدة كمان قالت لي كملهم وتر وخلهم ثلاث
ابتسمت بصراحة واخذت تمرة ثالثة
مقدر اقول شيء جزاها الله خير
شكرتها وجيت امشي لقيت ولد صغير يركض
هو اخوها الصغير اعتقد لان عيونهم نفس العيون الله يباركلهم فيها
كان ماسك علبة تمر هو بعد قالي خذ من عندي انا كمان
انا ناظرتهم وضحكت
وش الشغلانة معاكم؟
قلتله لا خلاص اختك اعطتي
كان قريب يبكي
قالي ليه تاخذ من عندها وانا لا
رحت اخذت من عنده تمرتين فقالي خذ الثالثة وتر
< هنا تاكدت انهم اخوات
قلتله انا كذا وتر تمام معاي 5 تمرات
وشكرتهم والاثنين مشوا مبسوطييييين
الابتسامة اللي على وجههم بس كانت كفيلة انها خلتني ابتسم
حرفيا صنعولي يومي الطفلين ذول
جلست لين وصلت البيت افكر فيهم
اخرتها ابتسمت وقلت الله يجازي خير اللي رباهم ونزلهم يوزعوا تمر عالصايمين
مدري مع انه كثير افطرت في الطريق وناس يعطوك تمر طبيعي
بس الاخوين ذول تركوا انطباع مختلف في ذاتي صراحة
لدرجة اني رجعت البيت امي نادتني عشان افطر قلتلها
خلاص انا عن نفسي يكفوني ال 5 تمرات ذول < وراح يفطر عادي مع اهله

من شوي كان اخوي مسويلي نداء استغاثة
جاي عندي وانا منسدح ومالي خلق اقوم ابدل ملابسي حتى
قالي في شيء احمر برا يطير يخوف
ناظرته قلتله يستاهل اقومله ولا بتطلع فراشة اخر شيء؟
تجامعت قواي وقمت لقيته صرصور طيار
تصدقوا حقدت عليه
مقومني من مكاني عشان حضرتك جالس ترفرف في الصالة ؟
يا قلة ادبك
بس من غباؤه يطير بالصالة
كل شباشب القوم موجودة بالصالة
عندي ذخيرة لا نهائية
مسكت اقرب شبشب رميته بقوة فيه وهو يطير
مدري والله جا فيه ولا لمسه ولا وش صار بس اخونا وقف يطير وطاح عالارض
ناظرت امي بنظرة فخر
مهارات السنايبر حق الامهات ورثتها منك يا امي
طاح عالارض لقيته حي قتلته
ناظرت اخوي قلتله شفت كيف سهلة؟
لعد تزعجني بعدين
الغريب اني حاس بانجاز اني قتلت صرصور
يخربيت الحياة اللي بدون هدف

انا بعد ما تابعت ديث نوت للمرة العاشرة
ولقيت روحي المفقودة في فعالية @Fear

الناس الطبيعية تدهن وجهها بغسول صابون مرطبات لوشن اي شيء من ذا الكلام
انا جالس ادهن وجهي بمرهم عظام وعضلات عشان جتني اصابة في فكي
وريحتي صارت كلها نعناع
اعتقد اختي لو شافت وانا اسوي كذا بتدفني حي