مدونة راقية Noor dairy ♡ (1 زائر)

كنت حاسة الصبح امس انه في حاجة حتصير وعالفجر بعد ما صليت جلست اناظر الكنبة اللي كان يجلس عليها دايماً وقعدت ادمع
كنت من حد ما دخل دوم افكر فيه واقعد ادمع ومشغول وبالي وهو مش صاحي كنت انتظره بفارغ الصبر يصحى وشوي أكلمه اكيد كان راح ينبسط ، ويقول عني كثير مرات عاقلة وراح تصير
حبيبي يا قلبي بابا كل الناس تمدح فسيرتك وتحبك
ربي يرحمك ويسكنك فسيح جناته
ملتقانا بالجنة يارب​

هذا المحل كان يحبه كثيرر ، ويقطع مشاوير بس عشانه وما يحب يشوفه مليان أغراض ومكركب
ولانه كان مهندس كهربا ف كل أغراضه كان يحطها هنا ويحافظ على محله من كل قلب
حبيبي يابا رحت وتركت المحل مشتاق لصاحبه
كثير كنت تحب الكهربا وشغلها ​

كمية الوحدة اللي يحس فيها الانسان
كنت كذا استغرب واقول هذول اللي يفقدوا ابوهم كيف كذا يتوجعوا ؟ لين ما حسيت بالشعور
شعور وحدة مع ضياع وكآبة
صوته كان يملي البيت
كان يحب يشرب شاي وخصوصي كاستين اقعد امزح معاه واقوله صرت مخلص الاولى ؟ ونضحك
صوت الجوال كان يملي البيت
حبيبي يابا متوقعتش فحياتي احس اني وحيدة لهاي الدرجة الا بعد ما توفيت
بيت العزا تملى ناس من كثر ما كانت الناس تحبك وتقدرك
والله انها وفاتك كسرتني وحسستني باني فقدت الدنيا وما فيها
الله يرحمك ويسكنك جنته
​