الختم الفضي 30 رمزية كونانية بحقوق انمي تووون | I will think until I find it (1 زائر)

أبدعت بلتصميم منور القسسم
#روبــي ​

السلام عليكم ورحمة الله وبركاته
كيفك ان شاء الله تكون بأفضل حال

الرمزيات والتصاميم ابداع واللون الخلفية مناسب

موضوع عن كونان اخيرا انميي المفضل
رح حال اذكر كل الرمزيات واتذكر حلقاتهم بتمنى ذاكرتي ما تخونني

توغوموري ضحكني شو هالرومنسية هي

الرسم القديم الاجزاء الاولى للصراحة انا ما بحبه بيعجبني الرسم الجديد اكتر

عشقي هايبارا هي الحلقة بتذكر كانوا عم يحضروا مباراة من المدرجات و هون صار حوار بضحك عن عمر شيهو

هالحلقة كانت ناااار و شرااار المواجهة بين كونان و فيرموث و بعدين تجي هايبارا و تنقذها ران كانت حلقة حماسية و ظهور اكاي الفخم " اوك اكاي دائما فخم "

اتوقع 90% ان هالنظرة كانت لما هايبارا زارت كونان بالمشفى بعد ما انصاب بالرصاصة بالكهف و هون بتكون حاملة مسدس و بتقله ان لازم تقتله و انها رجعت للمنظمة و بتخوفه و هيك و بتطلق عليه وبالأخير بيطلع ورد وقتها قعدنا على اعصابنا

يا قلبي انا المريض " ربع الحلقات مرضان"

حاولت حاولت اتذكر فشلت بس واضح الملل عليه اكيد اخدينه على قسم مجلات الاطفال

الابتسامة الخبيثة قبل ما يخدره بتقتل من الضحك ​

يا قلبي حزين اتوقع لما اكتشف ان المجرم هو لاعب كرة القدم يلي بحبه

النظرة يلي ما بتفشل تضحكني

كل كم حلقة بياكل قتلة من توغوموري لأنه بيتدخل بمسرح الجريمة

ما عم يحكي مع ران لأنه مكشر يمكن مع اغاسا

احد عيوب الرسم ان بحس حجم اصابع الايد ما مناسبة مع باقي الجسم

الرسم القديم وحلقات الاجزاء الاولى بحس معي زهايمر فيهم

هالحلقة بالجزء التالت بالدبلجة كان في غنية بنهاية الحلقة لهلق بتذكرها " في منتصف الليل عند التمثال البعيد "

هاللقطة مستحيل انسى حلقتها لما بشوفوا سيارة جين و بيفتحها كونان و بتوقع شعرة لهايبارا و جين بيعرف شيهو من لون الشعرة و بيخطفها بيسكو على فكرة هي من ضمن حلقات التوب بحس فيها لغز لهلق ما انكشف

حلقة الحافلة من اوائل الحلقات يلي شفنا فيها اكاي وفكرناه بالعصابة و هون كانت هايبارا بدها تنتحر و انقذها كونان

The secret makes the woman woman
بتذكر هاللقطة تماما كانت متنكرة على انها نادل و بتستفز جين و بطالع سكين تكسير التلج و بيسحب راسها ليطعنه بس هي بتكون اسرع

بتذكر هالحلقة كان في فعالية بالطائرات الورقية و هي عم تتمتم بغنية و محد عم يعرفها و كونان يصير حاطت براسه الا بدو يعرف هو والمحققين الصغار

سلامتك يا قلبي ريت المرض لفودكا مو الك

ضل تسع رمزيات حاولت اعصر ذاكرتي فشلت فشل ذريع

يسلموا ايديك على الموضوع الخرافي و لا تحرمنا من ابداعاتك القادمة ​