هدى تٌزهر . (1 زائر)

بتكلم عن شيء ثقيل بس بقول تجربتي ذي

بس بما اني عندي قصص تحرش بطفولتي يعني
وكيف التأثير بالكبر يصير ! انا يوم كنت اكبر

كان عندي خوف غير مبرر كذا بدون سبب
من الرجال بررت قلت الاب عشان قصص
عنف واساءة للام وغيرها...
واصلا هالقصص انا ابدا ماكنت متذكرتها
اقصد التحرش تعرف

ان العقل اللاواعي لمن يخزن قصصك وصدماتك
اسوأ القصص والصدمات تكون مدفونة
مرة تحت يعني نمثلها مثلا اسفل البئر حق
الماء فماتشوفها لازم تحفر عرفت ،

المهم انا دايم كان عندي شعور اخر كمان
كنت احس نفسي مومحمية او مكشوفة للعالم
تعرف شعور لمن يكون عندك بيت وموحاط له
اسوار تحميه ؟ او اسواره قصيرة ؟
ويسهل اختراقه

بالزبط كذا كنت احس بذا الشيء
حدودي مكسورة وكان تصير مواقف
ناس تحاول تتحرش فيني كنت استغرب
كانت تتكرر بس كنت اسلم منهم بطريقة ما

الغريب مع الوقت اتذكر حصل هالموقف
مع شخص كنت حابته معجبة فيه زماااان يعني
القصة مرة قدددديييمة كنا نسولف سوالف

عادية هو ماكان في ناحيتي اصلا
يعني اعجابي من طرف واحد وكان بعلاقة
مع وحدة عرفت بعدين يعني انا كنت رامية
نفسي عليه، المهم

انا كنت احسه شخص جيد وكنت اثق فيه
ودايم استشيره لو عندي شيء يصعب علي

العجيب اللي اتذكر صدمني منه هو بعدين
حاول يتحرش فيني +-+" وانا صديته يعني

بس مو هنا القصة والصدمة انا انصدمت جدا


بعد لان حسيت انه طعني مكان الجرح مرتين
يعني فيه جرح بس انا ماتذكره هو كأنه
طعني بمكان ذاك الجرح وفتحه مرة ثانية

المهم ثقتي فيه انكسرت
وقتها وانرعبت


اوتش ياجماعة الرعب اللي عشته بذاك
الموقف والمشاعر كانت موحشة صععععب اوصفهااا
مشاعر مرة مختلطة تشوشت !

تعرفون ذيك المقولة ' المجرم يعرف الضحية ' ؟
كذا حسيت، يذكرني بأحد بس معرف مين
بس عقلي كان يعرف سلسلة الالم و الموقف بس ماذكره

خفت منه وهربت بكل قوتي كأني اجري من اسد
كأن بداخلي زي جهاز انذار
' خطر ' كأني رجعت اعيش القصة الموجعة مرة ثانية
عشان كذا مررة خفت ذاك الخوف وهربت
بس ذيك القصة كانت مدفونة فمافهمت
ايش فيه ؟
مو الطبيعي برضو
اذا حصل لوحدة موقف زي ذا بتصده وتمشي
وتنتهي القصة بس لا عندي لا
الموضوع فتح مواجع مدفونة اخ بس

الاغرب بالقصة كمان بعد ذاك الموقف
رجعت ذاكرتي للطفولة وبدأت تطلع ذي
القصص القديمة تبع التحرش والناس زي التشويش
كذا وجلست اسأل نفسي صار ماصار ؟

اتوهم ؟ وهم ؟ وكان خوفي يزيد اكثر !
تعرف لمن تخاف من شيء كأنك تعرف
بس ماتتذكر ايش ؟ بالزبط واسأل نفسي،
وش صاير ليش افكر بسوداوية xd
وش فيه ؟ غريب !

لين تعرفون احلامي ذي ماتخليني بحالي xd

شفت احلام بشكل واضح ولاكثر من مرة
المواقف بشكل واضح والاشخاص !

وقتها انصدمت لان كيف عقلي اللاواعي
كان مخبي القصة عني لذي الدرجة
لدرجة انه شوش على المعتدين
ودفن القصة كأني فاقدة الذاكرة
تماما واظن ان عدوي صديقي ؟
كان عقلي بيحميني مقابل يعيشني بخدعة

اح كان شعور بشع اتذكر يوم كنت اصحى
من النوم بعد مادركت الواقع المرير
كانت دموعي اربع اربع واسأل نفسي
ليش فلان يسوي نفسه جيد وهو آذاني؟
ليش ؟ ليش ؟ يتصرف طبيعي ....
-~ مابغى احط سمايلات
عشان ماخلي الموضوع اثقل

بعدها بفترة فعلا بدأ التشويش يخف
وشفت زين وتذكرت اسوأ ذكريات
شفتهم زين الملاعين الممثلين
الاسلام بريء وهم يدعونه ...
كنت قبل حاقدة على ذاك الشخص بس هو لولا انه
ماظهر بحياتي وسوا ذيك الحركة اعتقد كنت مابتذكر
ابدا !
تعرف ان بالسايكلوجية النفسية ان اذا عندك
قصة ماتتذكرها زي لمن احد يقولك ماتذكر
طفولتي ابدا، ان ذا شيء مرة خطير معناها

عقلك اللاواعي جالس يحجب عنك حدث
مؤلم جدا ومن كثر ماهو مؤلم وماتتحمله
هو اخفاه عنك تماما وكأنه معيشك داخل
خدعة ! نفس اللي صار معي وصدمتي
بالناس اللي كنت احسبهم جيدين هم
اصلا موجيدين بس هو عقلك
يحجب القصة الموجعة عشان تعيش
وعاد لو انك عايش مع المعتدي
شخصيا تصير القصة ابشع عاد
فيدفنها بمكان مرة بعيد، يحتاج تنظف
وتشتغل كثير يالله تطلعها
للسطح او يمكن تطلع لك زيي

يتكرر عليك الحدث مرة ثانية مع اشخاص اخرين
وتبدأ تطلع لك مقتطفات خايسة على السطح
لين ماتتذكر الموقف كله ،

فأذا تمر بقصة مثلا ان طفولتك مراهقتك
ممسوحة ماتذكر شيء منها وتبغى تطور نفسك حاول
اشتغل على شعورك الحالي اللي على السطح
الشعور السلبي او الصدمة وبعدها بتتفكك

لين توصل للقصة المؤلمة وعاد الله يعينك
لو عقلك حاجبها تماما معناها مرة توجع
وبتجيك صدمة معرفة مثلي بس معليك
دام صارتلك عندك قدرة تتشافى منها،

انا تعلمت شيء احذر من الكافر مرة
ومن مدعي التدين ألف مرة

وعلى قولة اخوانا اليابانيين،
إذا بالغ الشخص في الأدب فاعلم أنه غير مؤدب

​

شوفوا عزفت هالمقطوعة ببرنامج bandlab

البرنامج حلو للعزف وصناعة
الالحان والاغاني والموسيقى
وتسجيل الاصوات يفك ازمة اذا عندك مواهب
وماعندك امكانية تروح
استديوهات تقدر تبدأ فيه

​

حجمها كبير + ٩ ساعات للتنزيل ؟
١٠٠ طالع ؟
شذا

​

كم لي اعتقد اني كملت سنتين وانا اقول بشتري
كمبيوتر جديد بس ماشتريت للحين

مدري حصل كثير اشياء وحسيت فقدت الشغف
بعدين حاولت انشط نفسي فقلت لاخويا

يعطيني جهازه العب عليه لعلى وعسى
اتحمس اشتري واحد لي بعدين وازينه
اعتقد اني حابة فكرة التزيين اكثر

يوم جيت اجرب وانا اشوف ارقام غريبة
واللعبة تجلس قرن تتحمل ومدري اظن
النت معاق معرف او انا ماتعودت
رحت شفت Epic Games
واحمل Genshin ومكتوب ١٠٠ حجمها؟
انفجعت بس حملتها وباقي تتحمل
وكاتبين جنبها ٩ ساعات ! وييييييينننن


جربت اسجل لعبة سجلتها في النهاية
طلعت شاشة سوداء بس بجرب مرة ثانية

ستيم حلو فيه العاب حلوين
على اساس بشتري وحدة تختيم
بس افكر فيه ٣ شفتهم طلب مسبق

بدرسهم بس ماحبيت طلعوا رعب
وانا ماودي اعيش مشاعر خوف
لعبة اينفينتي ذيك حملتها كمان
مدري متى تخلص ٥٠ غيغا مكتوب

اذا الوضع زان نزلت بقناة اليوتيوب
بس مدري اشوف عندي خطط

بس يمكن لازم اغير النت لشيء افضل
بدور شيء والله معرف بس بشوف

على فكرة الفترة اللي راحت ذيك كنت اطقطق
بلعبة دراغون بول بالتيكتوك من الجوال
كانت نفسيتي خايسة تمشية حال

بس الناس حبوها وجوني
متابعين حصلت هدايا تيكتوك
كان شعور غريب لاول مرة
بعدين فقدت الشغف
وسحبت

​

كيوت مديحة صارت أم
هذي المرأة عظيمة احترمها
بنتها محظوظة فيها اتمنى لها السعادة
اعرف راح تعتني فيها وتحبها من قلبها

اعتقد ان الامومة لها تجربتها الخاصة عموما
مثل غيرها تعرف نفس مثلا انت حياتك
مو نفس حياة غيرك

اتذكر يوم كنت بالعشرينات كنت مررة متحمسة
للثلاثين كذا بدون سبب ودخلتها وانا مرة فرحانه

اقصد مشاعريا، بس قبلها كان فيه
ناس تقول اقرأو كتب وكذا كأستعداد، جربت

هالشيء وحسيت هممم ! وش معنى هالشيء
لي ؟ ماحسيت اضاف لي شيء؟ يعني

كان شيء ماله داعي ابدأ اني سويته
يمكن لانه عمر ٣٠ مو ٤٠ ؟ اعتقد الاربعين

بيكون مختلف يمكن،
بس بعدين ناس دخلوا الثلاثين
وقالوا واااه تجربة تفجع، يخوف
اكتئاب، حسينا بسلام، ناس حسوا بامان
ناس حسوا بالانجاز، ناس حسوا بالفشل ...الخ

فتفاجأت ان احنا نمر
بنفس المراحل بس فعلا احنا موسوا!

فهمت
ان تجاربك مصممة لك أنت على مقاسك يعني
ولها نكهتها الخاصة لك والعكس لغيرك

يعني تعرف لمن تغش من واحد ثاني
احيانا مايساعدك ولا يضيف لك شيء!

نفس مثلا تجربة الامومة كثير امهات
بس هل هم كلهم نفس الشيء؟
لا فيه كثير اختلافات وكل وحدة تقول شيء
تخوضين التجربة تكتشفين تجربتك كانت مرة غير

المقصد اللي ابغى اوصله حلو جدا
ان الناس تنشر تجاربها وخبراتها بالحياة
هذا شيء عظيم وانا اشجعه

بس كمتلقي انا هل فعلا تجربة شخص ما
ممكن تضيف لي شيء؟ احيانا ايه واحيانا لا


فدايم خلي عندك تقدير لتجاربك الشخصية
واحترمها وعادي تشاركها بس مولازم
انها ممكن تساعد الكل بس هذا لايقلل
منها لانها بالاصل تجربتك وهي عظيمة بنفسها لك

​

كنت افكر قبل ان انا ليش دايم انحطيت
بمواقف محد ساعدني حتى لو مثلا زجود زوج
نفس كثير بنات حولي يساعد، بس انا ماحصل معي ذا
الشيء ودايم كنت مضطرة اسندني لحالي؟

هل انا بذي القوة فعلا ؟
صدق احيانا استغرب مني لان طول حياتي
اشوف اني وحدة مثيرة للشفقة وتعرضت لاستغلال

كنت احس بالضعف من طفولتي
رغم اني كنت ادافع عن نفسي يوم
كنت انضرب بس العدوانية اللي كانت عندي
كانت ضعف مو قوة لانها ردت فعل

حتى بالفلك شمسي اللي تمثلني
وتمثل الاب من جانب كمان كانت مقترنة بكوكب
ثقيل مثل بلوتو بأقل من اربع درجات
اكثر شيء كان غريب فلكيا ان يوم جيت اقرأ
عن اقتران شمس بلوتو عند وحدة
قالت ان الناس اللي عندهم هالاقتران اقوياء كثير



تفاجأت واتذكر رحت اسمع هالفيديو
تفاجأت من الوصف لان دايم كنت اطيح بمصايب بس اطلع
اقوى رغم سواد المصيبة وبعدها اتغير
كأني شخص جديد

الوصف كان مشجع بس احيانا احنا نقلل من نفسنا
لاننا مانعرفنا زينا اصلا مو متصلين بحقيقتنا
اتمنى فعلا تتغير نظرتي لي واحس اني
قوية داخليا بدون ماحتاج احد يقولي

​

سويت حساب في kick
بسرعععة بسرععععة كذا
المهم كان ببث عليه بس وانا اكتشفه
حسيته نفس تويتش بالزبط وربي
كل شيء اللهم لونه اخضر

الغريب ان ليش ماقاضوهم؟
والاغرب فيه نااااس مرة كثير ههههه

احس عندي تيك وتويتش مفعلة الربح فيه
وعندي يوتيوب بس شبه متوفي اقصد مونشيط
مع ان فيه ١٥٤ مدري كيف بس صدف هههه
بس للامانة احس يوتيوب ملل احسه
ثقيل دم فمابذل فيه جهود جبارة
بس اخذ بث وارميه هناك


احس زحححممممة فكرت من ستريم لابز
اسوي حركة ابث بمنصات متعددة
بس النت مايساعد

بس خل اقولكم شيء لقيت لعبة خنفشششااريية
مع انها مومشهورة كثير اسمها
Palia

فنانة بششششككككل مع ان رسمها مو مرة
اقصد بالشخصيات بس حلوة اجوائها واحسها
هادية مافيه توتر مدري ليش الناس

يحبون الرعب كثير
جلست افكر فيها بس هذا بسبب مشاعرهم

كثير ناس مشاعرها خوف وتوتر وقلق
فالعاب زي ذي تساعدهم يعيشون الشعور

انا بعد زيهم بس يوم شلت شويا من شعور الخوف
حسيت فقدت الاهتمام بذيك الالعاب او على
الاقل خففت من لعبها بشكل ملحوظ

يمكن بس العب وحدة ثنتين بالكثير وهذا
تطور جيد



تصدقون مع ذا الشتاء اللي جاي ايش ؟
احس محتاجة اروح مكان اخضر
ورايق وفيه ناس مليانة هدوء وروقان
نفس اجواء ' بالي 'مثلا


لفترة طويلة من حياتي عشت توتر
كأني اجري اجري جري
موطبيعي خلاص بسترخي بذا العمر
- احس وانا اقول
كذا ان عمري ٦٠ سنة هههههههه -

​

اليوم دخلت تويتر بعد انقطاع واكتشفت باقي نفس
الامراض النفسية اللي فيه بس لفتني شيء تغريدة لبنت

من مجتمعي يعني كانت تتكلم عن قصة قيادة المرأة
وكيف زمان كان عليها كلام كثير وممنوعات ومحرمات
وكذا المهم وان كان فيه اشخاص عاديين حولها
يقولون حرام ومتشددين مرة بفكرتهم
واذا قالت لا تبالغون قالوا ملحدة تبغين الفساد
وهي كانت تحاول تفهمهم
ان ليش مكبرين الموضوع كلها سواقة سيارة ...الخ

فتقول صدمة عمري ان ذولا الرافضين يوم جاء القرار
هم اول ناس ساقوا ههههههههههههههههههههه

جلست تقول ان هم كذابين


بس انا عندي وجهة نظر وسمعتها قبل
لمن يكون فيه احد او مجموعة
رافضة شيء مرة بشدة او قابلته بشدة يعني تطرف


راح يروح للنقيض راح تحطه الحياة بذي
المواقف، اتذكر خالتي مرة قالت لي شخص
كانت تتابعه كان رجل متدين عنده علم مرة عظيم


كان كاره مرة للملحدين ويحاربهم بكل ما اوتي من قوة
كانت توصف لي كيف يحاججهم ويكتب تغريدات
تحتقرهم وتحتقر منطقهم الاعوج المهم


بيوم من الايام تقول انصدمت انه مغير حسابه
وصار ملحد وفجأة قلب على الدين وجالس
يسب ويحتقره كانت تقول انها انصدمت مرة


كيف كذا ماكأنه ذاك الشخص غريب قلت يمكن
حسابه تهكر! بس لا صار يطلع باليوتيوب بهويته
هو نفسه ويقول اكتشف انه كذبه وكان مخدوع


بس هو فعلا كذا لاحظت هالشيء باكثر من موقف
لاشخاص كثر حولي حتى مو من الدين بس لمن تتطرف
بقبول او رفض معتقد او فكرة تحدك الحياة
على الطرف اللي تحاربه بشدة عشان تتوازن


بالنسبة لي انا مو شخص قوي فكريا وذا زمان كنت احسها
سبة لان بطفولتي امي كانت تشوفني غبية xd

بس الحين لا لاني انا بطبعي اصلا شخص شاعري
وذي نقطة قوتي فنانة وفني يتطلب احاسيس
ومشاعر، مو منطق فليش اتضايق اصلا؟

يعني ليش لازم اكون قوية فكريا اذا انا ماني مدرسة
رياضيات او اشتغل بشغلة تتطلب قوة فكرية زي
مخترعة او مفكرة وكاتبة مثلا،
فاصنفني عادية جدا فكريا ويمكن
اطيح باول نقاش اصلا
قدام شخص قوي فكريا

فبالعادة مادخل نقاشات
وحروب فكرية على اي فكرة حتى لو فكرة او معتقد
عندي يعني دايم امشي بشيء فكرة او شيء عاجبني
بس عادي اشوفها تحتمل الصواب والخطأ
ومولازم الناس يمشون عليها او اناقشهم
واقنعهم بكيفهم

انا مرتاحة عليها ويمكن بكرا ارميها
وابدل غيرها وهكذا وجد استغرب
من الناس اللي تتضارب على شيء
كذا ومستعدة تخسر ود مع شخص
عشان فكرة ؟ او معتقد ؟ اصلا
ليش يتناقشون ؟

فيه حولي
ناس كذا وربي صياح وسب
عشان فكرة سخيفة ماراحت ولاجت
ليه كذا واجلس اقول ليش تسبه طيب ؟
يقول لانه متخلف احد يفكر كذا
طيب خله بفكرته المتخلفة
ليش مهتم تثبت له ان فكرته متخلفة هههههه


الجانب المظلم مني
دايم كانت مشاكلي مشاعرية
وادخل بحروب عشانها واضيع واغرق

في مشاعري ومعرف اتعامل معها

واتصارع مع نفسي
يلا وش ذا الشعور السلبي وليش جاء وكيف
افرغه واعطيت كثير منه واستغلوني
ومحد يفهمني دعسوا على مشاعري ..الخ

وهكذا وانكتم منه ههههههه
وبعدين يقولون عني دراما
هههههههههههههههه

بس انا فعلا مجروحة اكون او تعبانة
بس محد يحس وصعب تشرح مشاعرك
لان موالكل يحس عرفت مو يفهم ؟

لان اللي يفهمك بيجلس يحللك وذا مزعج لي

واللي يحس فيك بيطبطب عليك وذا شيء احيانا
ابغاه لان تعرف موكل شيء له حل بس لمن
شخص يربت على كتفك ويقولك بوقتك
الصعب لابأس الامور بتتحسن، انا معك،
انا جنبك، بتمر
هذا شيء جميل وكافي جدا

بس اكيد مو دور ضحية يعني انا اصلا ماشارك
مشاعري عادة تو بس من فترة قصيرة كتبت هنا
من الكتمة بس بشكل متوازن هههههه

اتعجب من قدرتي في خلط المواضيع
ببعض تدويناتي بس كذا حماس
اول ماتذكر سالفة اهبدها ولمن اتذكر وحدة
ثانية برضو اهبدها وسبرررررررراااااااايييييز
يصيرون خليييييط منوع


بنهاية اليوم قررت ارجع اسحب على تويتر
لان مافيه فايدة بيجلسون
يتضاربون ليوم الدين على اثبات صحة
افكارهم اذا ماتعيش حرب حقيقية
ليش تصنع وحدة وهمية عموما ؟

هل مهم جدا انك تكون صح ؟
بمكان ما بالعالم مهما بذلت وحسيت انك
صح بيشوفك
واحد متخلف

​