هدى تٌزهر . (1 زائر)

امس صار موقف وانقلب علي انا

اخ حاسة بالخذلان صدقا النساء بذا البقعة
يستحقون المعاناة اللي يعيشونها لذا يحصلون
دايم رجال معتدين مضطهدين لهم وامي من ضمنهم
صدقا الحياة ماتظلمك الا لانك ظالم لنفسك


حاسة اني جالسة اظلم نفسي وانا احاول
اساعدها فالنهاية انا اللي اتلقى التفلات
من جميع الاتجاهات، فهمت علاقتنا مومبنية
على محبة طيب خليني انتشلك من المستنقع ذا
على الاقل، عاقبيه تكفين وين لازم يوصل
الموضوع عشان تتحركين، لانقاش لافعل
مافيه شيء ينفع،
كل هالاذى وتبرر وتسولف بالدين والاخلاق

لدرجة هالفترة قال لها مافيه اكل ولا﷼ واحد
وراح وترك كل شيء وفعلا سواها
لانه حل علينا غضبه

بس صاملة تبرر وخلاص عادي لايجيب
احنا نجيب وكأن ذي المشكلة يعني
والله مرة حتى قال لنا شيء زي
انكم حشرات ودونيين وكأنه يدعسنا تحت رجوله
من كثر ما احنا ولا شيء عنده هي زعلت ليش
يقول كذا احنا مو دونيين طيب وش كبره يعني
مو السكوت عن الاذى والظلم لسنوات والتبريرات
مسكين مينننن المسكيين ميييين مييين ايش فيييييه
معصب شويا ولازم نتعامل بالدين معاه ديييين مييين ؟
وين الدين في القصة ؟ احد يعرف الدين يسوي كذا ؟


والله انتي المسككككككييينة انتتتتتتيييي

يوم كنت اقرأ بأكس سوالف البنات مع الرجال المعتدين
كنت استغرب وش بهم ماياخذون ردات فعل قوية ؟

ويسألون وبعدين يوم الناس تعطي حلول
جدية رادعة يقولون لا مايصير ويتكلمون عن الاخلاق
والاحترام والدين ويحتاجون حل وسط يخلي المعتدي
يخفف شوي الدعس

اكتشفت ان فعليا كثير نساء هنا يعتبرون الاذى
شيء طبيعي ولمن يصير اقوى من المعتاد ويكتمهم
شويا يبدون يدورون حلول تخففه ماتنهيه !
فذي عقلية نساء تعبانة على مدى سنين طويلة


فعلا، صدق الله بسورة يونس
إِنَّ اللَّهَ لَا يَظْلِمُ النَّاسَ شَيْئًا وَلَٰكِنَّ النَّاسَ أَنفُسَهُمْ يَظْلِمُونَ (44)

بعدين يصيحون يالله احناااا مظلوميييين
انصرنا على الظالمين
تستاهلون تستاهلوووون الظلم لانكم ساكتين
وتبرروون لهم ماوقفتوا لنفسكم

تدرون الاسوأ ايش كمان ؟ ان حتى لو مثلا شخص
عنده ظالم مبهذله بحياته وهالظالم خلاص انتهى
عمره هالمظلومين يا اما يتحولون لظالمين زيه
او انهم يدخلون ناس بحياتهم تكمل عليهم السلسلة

يعني حتى الدروس مايفهمونها
ويوم يحاولون يقوون نفسهم
يصيرون ظلمه بالنهاية!

لازلنا ندور بدائرة الظالم والمظلوم

مايكسرون الحلقة يدورون فيها
اتمنى يرتفع الوعي

​

ايايكن يارفاق فيه قصص تختارنا مانختارها
المهم ، هذي الايام انا اعمل على شيء
قريب بيظهر للنور اذا ماصارت اي عوائق


المهم يمكن اشاركها هنا ان شاء الله
اذا ماغيرت خططي

​

بقولكم قصة لوحده بنت اعرفها، عشان تاخذون العبرة
وماتكرروا هالشيء بحياتكم

فيه وحده ابوها كان يحب وحده بأسم معين
ويكتب فيها اشاعر وغراميات
المهم هو كان يحب الشعر ويكتب يعني
وكذا بس مقدر يتزوجها

فتزوج وحدة ثانية وزوجته ذي كانت تعرف
بذي القصة بس طنشت او تجاهلت

لدرجة انه كان دايم لمن تسأله وين
بتروح يافلان؟ كان يقول بروح لحبيبتي فلانة
ويضحك زي المزحة

استمر بعد الزواج يكتب اشعار
غرام وحب وزوجته زعلت وصارت
تسوي مشاكل لين ماتخلص منهم

المهم جتهم بنت هو سمى البنت
على حبيبته ذيك وزوجته ماهتمت
بالبنت اصلا اقصد حملها البنت انولدت
وهي تحس انها مكروهه من امها
بس ماكانت تعرف ليش ماتحبها او ليش
ماترتاح لها ماتدري هي بسبب ذيك القصة
او ايش بس العلاقة كانت معقدة بشكل عام

المهم ابو البنت كان يحبها
بس نظراته كانت سيئة لها
زي حب مريض المهم البنت

كبرت وعرفت وفهمت اللي صار معاها
وكمية البشر المضطربة اللي حولها


فأنا اقولكم تعليقي على القصة ذي
ان لمن تحبون وانتو ماتتوجت قصة حبكم
بزواج

لاتدخلون زواج وتروحون
تسمون بناتكم او ابنائكم على اسماء احبائكم
لان هذا بيأثر على الشخص نفسه بحياته
يوم يكبر وبرضو معاكم كأهل

فكوا التعلق وتشافوا من القصص المؤلمة
اللي عشتوا فيها قبل الزواج

وبس كذا ذيك البنت مسكينة
كانت ضحية بصغرها، بس عندها وعي كبير الان
وساعدت نفسها وانا فخورة فيها وبشجاعتها
بطلة فقررت اخبركم قصتها

​

قبل شويا افرفر بالتيكتوك
طلعلي فيديو لبنت تتكلم عن ان عمرها
صار ٣٧ ومتضايقة وكان فيه تعليقات كثير يائسة
زيها،

انه ضاعت الثلاثينات وهم ماحققوا شيء
ولانجحوا ...الخ

بس بقول شيء ترا احيانا يكون
النجاح مناسب لك بالاربعين او بعده

كثير من مواليد الثمانينات نجحوا
بذي الفترة شفت نماذج كثير حولي

وكمان بمواقع التواصل يوم وصلوا اربعين
كأن الحياة انفتحت لهم وذا مايقلل منك

او انك فاشل وتقارن نفسك باللي
اصغر منك وغيرهم لان تعرف احنا
ارواح بالنهاية جايين نعيش قصص بمسارات
مختلفة

لو تفكر بشكل اوسع في الحياة
يمكن القصة على مستوى الروح، روحك بالنسبة لها
قصة النجاح المبكر بحد ذاتها ماتهمها كثير
بل فيه

امور اهم عندها يمكن فيه شيء
تتعلمه من الناس او تقدمه للناس حتى لو ماجاب لك
فلوس او شهرة تكسر الدنيا بس هو ذا المغزى بالنهاية

وطالما مرت ذيك السنين فهي كان لازم
تمر زي ماهي مافيه شيء ثاني كان بيصير وفات عليك

فخليك من لو سويت لو كنت لو صار ... الخ
لان اصلا مافيه هالشيء خصوصا لو انت
فعلا بذلت وسويت وحاولت جهدك

يعني ترا انت مولود بسنة معينة
لسبب ويناسبك تماما ويناسب
مسارك بالحياة مافيه غلط
بالصورة الكبيرة في الحياة

فليش تعيش حياتك بكدر عشان
هالقصة ؟ اعتقد اكثر شيء بتندم
عليه لو وصلت الاربعين او غيره انك مانبسطت بعمر
الثلاثين او العشرين وغيره انبسط فيهم
بالمتاح عندك اللي لك بتاخذه بالنهاية

وعادة الناس اللي تنجح بالاربعين
تكسر الدنيا بطريقة رهيبة مثلا نفس
لويز هاي كاتبة تحفيزية أمريكية
نجحت بعمر ٥٨ سنة تقريبا
قصتها كانت صعبة جدا خاصة انها تعرضت
لاغتصاب وتوالت المصايب عليها
وحدة وراء الثانية بس الملهم بالقصة

انه هي مرت بذيك القصص الموحشة
عشان بس بالنهاية تصير كاتبة وملهمة واااوووو
كم الهمت في العالم واثرت فيهم رغم
انها بمقاييس النجاح المحطوطة
كانت متأخرة جدا للحين الناس
ماتخطتها وتتداول اعمالها فعلا عظيمة

فشفت كيف مسار روحك
موعشوائي بيوصلك لهدف روحك بالنهاية
فمومربوط بعمر القصة اعمق من كذا
فلازم توسع نظراتك للحياة


شوف هالفيديو جميل عن نجاح الاربعين

يخي انا يوم اشوف ناس يائسين
وحزينين احس احب اطبطب عليهم
حتى لو مايعنيني الموضوع
بس معرف اسوي كذا لنفسي
يضحك صح ههههه ؟ بس انا دايم


عندي طرقي الخاصة قلتها كثير انا اتشافى
بالفن عادة يمكن لان قصص روحي
ثقيلة فمومريح احكيها للناس بصوت علي
• تضيق الصدر، روحي
تحب المعاناة مدري ليش اعتقد ذا جزء من هوية
عمق الفنان ليس إلا كل ماندعست اكثر
كل ما سويت عمل مؤثر اكثر
شكلها كذا الخلطة ههههههه xd •


المهم
يعني كنوع من التهوين البسيط
الحياة ترا فيها كوارث ومصايب سوداء
بشكل بشع لو انت كنت محظوظ
ومامريت بوحدة منهم

فهذي القصة بسيطة وماتستاهل نكد فحطها وراء
ظهرك وانبسط بعمرك الحالي
Happy Happy Happy

​

مثيرة للاهتمام سعرها حلو
٢٧٠﷼، عندي تساؤلات معقول تقابل امها
وتكون امها موميتة وتكون متحولة ؟
وتحاربها، تكون هي الزعيمة ؟ بعدين تعالجها
وتصير طيبة ويحاربون مع بعض ؟ واوووو حبكة خطيرة
تكون

احس بالفضول بس ماحب الرعب
بنتظر لوقتها ان شاء الله يمكن افقد
الشغف وخلاص

​

بقولكم تجربتي مع الصراخ العالي
د موقف غريب صار معي
بس بحاول اشرحه عشان تجربون لو تبغون

الموضوع مهم خاصة لو انت شخص
نفسي كذا ماتعبر ولا تصيح ولاتكسر ولاتطلع حرتك على خلق
الله لمن تزعل، انا طبعا سويت كثير طرق للتحرر اليومي
يعني انا مشاعري عميقة واغرق مره فيها فذي ورطة

فتعرفون برضو لمن تعيش مع اشخاص مايعبرون كمان
او يعتبرون التعبير ذا كلام فاضي ومحد يعطيك وجه
او يزيدون عليك او يكتمونك وغيره اياتكن الظروف،

فقلتلكم انا من طفولتي عندي طريقة لاواعية
كذا لمن اتضايق او ازعل اخاف اغني شويا او اسوي شيء
فني كذا التلقائي، بعدين تعرفون كبرت وصرت اتعلم عن
تحرير المشاعر وخبرتكم الطرق
اللي تعلمتها زي الكتابة، وبرضو التلوين
والرسم التنفس ذي معروفة...

بعدهم وصلت لقصة الصراخ
بعدين، من فترة يمكن من سنة تقريبا بيوم صحيت
ماعندي صوت اختفى ° كان شعور يخوف مرره ° xd"
كان شعور غريب مدري كيف اوصفه هو يمكن كان
التهاب ؟ مدري
بس المشكلة ماكان فيه الم بحلقي !!! وذا اللي جنني
هههههههههههههههههه مقدرت اتكلم مافيييه شيء
ساكته كذا

حسيت فيه ثقل على صدري بس واروح اشرب
مويه ماش مافيه شيء وقتها كان الظهر تقريبا
بعدها تغديت رحت شربت مويه وليمون وملح
كثثثرت ليمممون مررره واشرب وماطلع صوتي
ههههههههههههههههههههههههههههههه يمه
شعور مررره كان خايس حسيتني مكتومة

يعني كل الالتهابات
اللي اعرفها صوتي يتعب شويا بس موكذا ينقطع
مره وحده

بعدين رحت خرجت برا بالشمس على العصر بمكان فاضي
مافيه احد، وجلست فيها شويا وجالسة احاول
اطلع اصوات زي كذا، همم، هاه، هاه،اه، اه،اه بالتنفس
لين شويا بدأ صوتي يبين بس كان مخنوق كذا،xd"
هههههههههه هنا حسيت

واووو رجعتلي الحياة واستمريت اسوي كذا
لين طلع بس كان مخنوق وكل ماله يبين اكثر

ومن هنا بدأت قصة
الصراخ العالي مرة ذي اللي ماعمري سويتها بحياتي
هههههههههههههههههه يمممه واخذ نفس عميق واشد على نفسي
واصيييييح مرررررة لاخر شيء لدرجة ان حلقي وصدري
اوجعوني واكررها ٥ مرات ههههههههههههه
وكل مره اقوى من اللي قبلها

حسيت شيء انكسر ! مدري كيف
اوصف الشعور بس كأن فيه حاجز وانكسر داخليا
حسيت بحرية غريبة فيه ثقل راح مني جلست كذا
مستلقية بس كان شيء غريب
اول مرة يمر علي قبل ماصيح وبعده شيء فرق
مرة بس موملموس؟ عرفتوا ؟ تعرفون الراحة
الداخلية من شيء بس مدري ايش؟ ايوه نفسها
كذا، وصرت كل فترة كم شهر اسويها والله حلوه
الشعور بعدها خفففففة كذا مريحة

اعتقد ان ذي الطريقة تشافي او تحرر ماكنت اعرفها
بس انا فعليا بعدها حسيت بشعور مختلف

لو ماصار معي ذاك الحدث كان
ماكتشفت هذا الشيء

​