مدونة متألقة هدى تٌزهر . (2 زائر)

Vinita

يسعدك ربي انطربت عليها هههه

أنقر للتوسيع...

وياك، ههههههههههههههههههه ترا هي دايم كذا
تصير معي اجيب كلمات تفشل وتتحول لاغنية معاقة
سجلت هنا مقطع صوتي كمثال
حي للعيد اللي اجيبه
بالله اسمعوا
الكلمات اللي طلعت معي كيف تفشل وماهي مترابطة
بس كذا طلعت ترقص زي ذا
ولا ماينطلع فيها قدام العالم ككلمات اصلا

• بسوي اخفاء للفيديو بعد كم يوم •

فيه قط من فترة شبه طويلة، يجي يأكل عندي
انا واختي واحس صار بينا علاقة حلوة
جاء لاول مرة وارتاح بعدها صار
دايم يجي هنا كل يوم ياكل

كان تعبان شويا بس
مقدرنا نساعده وقتها ماخلانا
نعالجه بالعيادة
اختي اشترت علاج قبل ومدري
على اساس شيء يفيد بس ماصار شيء
اليوم صار تعبان اكثر

المهم هو ارتاح لنا على مايبدو كنت بالصباح
دايم اقوم اوكله وكنت سعيدة
واختي بالليل
بس اليوم الوضع صار سيء اكل شويا بس

انعزل على جنب وجلست احاول اساعده
بس ماترك لي مجال وحسيت بالحزن حسيت
كأنه يقول اتركيني وحدي بس ابغى اجلس هنا
حتى اختي مقدرت تسوي شيء

ومعرف بكيت كثير ومقدرت اسوي شيء
وحطيت له قطعة من ملابسي اثقل شيء ابغى اساعده
على اساس ادفيه بس هو كأنه يبغى يجلس هنا على جنب
وخلاص بدون شيء ويتألم ) ومعرف جالسة الحين
ابكي وابكي واعتذرت له كثير انا اسفة على على قلة حيلتي


كأن يجون عشان يموتون هنا ...

كنت اتدرب على هالمقطع من الاغنية ماطلع
الا بعد مابكيت على القط لين قلت بس وجفت دموعي

انا دراما اعرف لبعض الناس بس صعب
شرح شعوري تجاه القطط عندي كثير
احبهم عشت معاهم وربيت اولادهم كمان
فيه اللي راح واللي بقى عندي كثير قصص
من سنوات يصعب علي اشوفها تتألم
ومقدر اسوي لها شيء او اعجز عن المساعدة

احس احتاج اكتب معرف، السنة هذي خسرت فيها
اشياء كثير واشخاص مولازم انه شيء مادي بس معرف
بس حتى علاقاتي كانت معقدة دخلت حروب
بس عشان انتقم لنفسي ومحد يفهمني ومحد فهم
الأذى اللي تعرضت له بنفس الوقت كنت قوية وضعيفة

وفيه كانوا حولي ناس موصاحين
عددهم موقليل ويتصرفون بشكل طبيعي
وانتقمت لنفسي عاقبتهم فوضى الكثير

من فوضى العلاقات بحياتي زحححمة، من طفولتي
انا ماكنت شخص وحيد ولاحطتني الحياة
بزوايا الوحدة، يمكن تستغربون
حتى بالمدرسة قبل قد حكيت كنت موجيدة
ولا اجيب درجات مميزة زي المتفوقات بس
كنت مشهورة هناك اشارك حفلات
فعاليات اعمال فنية وكان عندي

ناس تطبل لي كان فيه
كثير فعاليات وناس وتصفيق سعيدة انا كنت
بين الناس، يحبوني ويكرهوني، نحلة نشيطة

وحتى بيتنا كان فوضى
ناس داخلة ناس طالعة طوال الوقت
كنت مع الناس ومريت بقصص
سيئة وقصص حلوة، مين انا بدون
الناس؟ احب الناس واكرهم
شفت الجانبين
عموما ذبت معهم يعني

لدرجة اني مشيت على نفسي كثير
تعرف لمن تفقد نفسك بين الجموع
يب هذي انا ويوم قررت ان اقول
لا مايناسبني واطلع اللي مابغاهم


بعدين حسيت بالتأنيب
لاني اضطريت اكون قاسية وانحطيت بزاوية حرجة
عشان اتخذ قرارات صعبة رغم اني سويتها
لذا السنة كانت صعبة انا والناس كأننا واحد
كنا بعدين فصلت نفسي كان شيء صعب
كانت تجربة قاسية علي شخصيا

بعدين على نهاية السنة ماكنت بفقد حيواناتي
الاليفة اللي احبها لذا تضايقت
للي صار للقط تعبت خساير كثيرة
صارت مرة وحدة والله لو اني كنت شارون
كل ذا صار بسنة وحدة

من الصعب شرح مشاعري احيانا اكره مشاعري
اكره الثقل هذا مقدر اشرحها من الصعب الشرح

لذا انا ماتكلم عن مشاعري بعمق واذا تكلمت عن موقف
سيء احشر ضحكات بالنص لاني متوترة واحس
مانفهم

تدرون على نهاية السنة ادركت شيء ما بشخصيتي
اني انا شخص ماسمح لنفسي اني احزن ماعطي
نفسي وقت لذا الشعور ؟ اصلا هالشعور هو اللي
بقى لي من سلسلة المشاعر ماشتغلت عليه

فأعتقد انه كان فيه لحظات كان لازم اني احزن
بس ماحزنت على قد المواقف ويوم صار ذا
الموقف مع القط كأنه فتح الباب لمشاعر الحزن
من السنة كلها عشان تطلع


المهم التدوينة ذي مالها معنى مشاعر فوضوية
رميتها هنا كذا بدون ترتيب فلاتناقشني فيها
لان ماعندي جواب معرف فوضى نهاية السنة
يمكن بداية لامور جيدة هالحزن يمكن

فعالية الأسبوع 1

- يقول دوستويفسكي :

" لا يمكنك أن تُشفى فى نفس البيئة التي جعلتك مريضًا .. غادر."

- بينما يقول جلال الدين الرومي :

"هروبك مما يؤلمك سيؤلمك أكثر، لا تهرب .. تألم حتى تشفى."

تتفق مع مقولة من فيهم ولماذا؟​

أنقر للتوسيع...

فعالية شهر يناير

تخيّلني شخصًا لا يعرفك، جئتك اليوم لتحدّثني عن نفسك
بدون ذكر تخصصك الدراسي أو عملك
من أين ستبدأ؟ وما الجانب الذي ستظهره لي؟​

أنقر للتوسيع...

بتكلم عن شيء كفهم يعني اقصد ان اقول تجربة وتأثيرها
ووش صار ووش المؤثرات،

قد قلت قبل اعتقد بذيك المدونة؟ مدري المهم ان انا ماصنف
نفسي اني عشت نفس حالتنا المادية الحقيقية كنت احس
اني منتفة مطفرة هههههههه يعني دايم كنت اضطر اطلب كذا
المساعدة، بحالات الوضع كان خايس علي بس تعرف الكبرياء
اللي يجي الشخص كثير كنت احب اكابر، يعني جد جربت
الفقر بس ماجربت حياة متوسطين الدخل هههههههههه
اما فوق او تحت مافيه وسط
ومدري يمكن خير بالصورة الكبيرة في الحياة

كان فيه قفزات من الاب اما فقر لاخر شيء
او مثلا شيء مرة فخم هو كان بسبب حالته النفسية
بحسب الشعور لو سعادة حلو رضي لو غضب فقر وكذا

بس كثير كان يحب يعاقب بالفقر لانه عاشه بس طلع منه
وهنا انا فعليا اصدق ان الانسان يعاقبك
بالوجع اللي عاشه وماتشافى منه فهو كان يستخدم
ذا الشيء وكان عنده مبررات كثير،

المهم كنت احس بمشاعر دونية الصدق يعني كثير
الحرمان اثر علي رغم انه ماكان دائم بس كان مرتبط
بالعمق كذا يعني تجربة سيئة وعميقة فتعلق بالذاكرة

ونظرة الناس كانت خايسة ناس معينة، فكنت دايم احاول
احصل فلوس واطلع وكان يجيني شويا خصوصا
من الابداع واحيانا ابيع اشياء من عندي شخصية
بموقع امور مستعملة، بس كان مثلا امور سيئة تصير
ازمات ماتصير عند الناس،مثلا خلصت المويه
خلص الاكل تصير كارثة xd
فكان شعور مرة سيء وكانت تسبب
مشكلة حقيقية عندنا خاصة بصغري يوم ماكنت
اعرف اطلع اموال، وبعدين يوم كبرت استمر ذا الشعور

ابغى فلوس احاول ابيع شيء اقدم خدمة بس بداخلي
يجي شعور ماتستاهلين، محد بيشتري، حتى الوظيفة
يوم حاولت اقدم برضو نفس المشاعر، رغم ان فني
انقذني بعد الله دايم كانوا الناس يشترون مني اعمالي
كفنانة، فهالشعور كثير سيء، فجلست افكر اذا اشخاص
فعلا عاشوا فقر حقيقي لاشك ان ذا شعورهم فهم
لو طلعوا من الفقر وغيرو شعورهم فجد ذا شيء عظيم
لانه كان ورطة

شعور الحرمان خايس تعرف تقول ودي بفلوس والاسوأ
لمن يكون فيه فلوس بس انت محروم منها بسبب
شخص زعل عليك او قرر اليوم مافيه اكل ولا غيره

والاسوأ بعد يوم تضطر تطلب مساعدة ايييه توجع
طعنة بقلب الكبرياء خاصة لو انت صعب تشرح
وضعك او الاشخاص اللي تطلبهم يعرفون ان ابوك
مثلا اغنى من نصف الجماعة يستغربون ايش فيه

عايش كذا، هنا يجي شيء مولازم اذا ابوك غني
انك تكون غني،

المهم وانا احاول اتشافى من القصص ذي اكتشفت
ان لمن يكون عندك شعور حرمان+ حاجة كبيرة+دونية
اقل من غيرك، يصير هنا صعب تجي الفلوس بسهولة

بسبب مشاعرك فهنا لازم تعدل مشاعرك عشان
الموضوع يجري بسلاسة والله سويت الشغلة الفلانية
وبعت ان شاء الله يجي بيع ماجاء عادي، بس مشكلة
ذي كتلة المشاعر المتراكمة انا اعرفها لاني عشتها
فجد لو مريت بذي القصة لازم تفككها سوا صدمات
مالية او اب زي كذا يعني فذا ترا يفرق جدا بقصص
المال هو حقيقة جودة المشاعر تفرق بالحياة ككل
بس حتى بالفلوس برضو لو احد مثلا متعطل عنده
فبنصحه يسوي هالطريقة