Gorira

نورك
Because of your smile.. you make life more beautiful \\ رمزيات & خلفيات ايفون

----------
أهلاآ بك في القآئمة
+ مبروك الاشراف ، بالتوفيق
----------
الله يبارك فيج
الله يوفقج وياي

هلا غوريرا
شحالج : ان شاء الله بخير
روزيتج وصورة البروفايل تجنن

و صحيح بعد صورة الولكم عندج روعة

شكرا من ذوقج *

اولا شكراا على نقاشج معاي لأنج اول انسانة تدافع

تعليقاً على كلامج بشكل عام .. كل كلامج لو تلاحظين تطلبين مني الترقّب فيه
قلتيلي كل شي عن هالموسم و كل الي قلتيه كان تجهيز للموسم الثالث .. الموسم
الأول كان تجهيز للثاني و الموسم الثاني تجهيز للثالث؟ ليش كله تجهيز و ما يبدون
بالأحداث؟

بالنسبة للاخراج فـ تمام المخرج ليس اراكي و طلع شخص ثاني
و بهالحالة قدرتي تبينين لي اول سبب لفشل الاخراج بهالجزء

بالنسبة للفلاش باك

انا اعرف منو العملاق القرد و اعرف اهمية يوميرو و اسم يوميرو .. لكن هذي
مو تلميحات .. التلميح اهو لما نشوف مثلا محقق يحقق بجريمة قتل و نشوف
ان جدامه 3 ادوات : سكين ملطخ بالدماء - سيف ملطخ بالدماء - مسدس

هذي اهي التلميحات .. ظهور العملاق القرد شلون اعرف انه تلميح لو اني ما
تابعت المانجا ولا اعرف عن المانجا؟ بالأنمي ما وضحولي لا اهميته ولا انه موجود
من الأساس الا بالموسم الثاني ! يوميرو نفس الحالة بالضبط و انا ما اطلب مجرد
تلميحات .. ابيهم يعطوني شي بالمقابل ابي قصة و ابي شخصيات و ابي احداث
بس احنا الي شفناه بهالموسم مجرد فلاش باك و احداث بدون قصة تشيل الموسم
نفسه ولا شخصيات يشيلون الموسم نفسه .. بل كان موسم لعشّاق هجوم العمالقة
الي شافو المانجا لأنهم الوحيدين الي يفهمون شقاعد يصير .. لما شفت الموسم الأول
من بوكو نو هيرو ما رحت للمانجا عشان احرق على نفسي لأني تشبعت من الموسم الي
قدّم لي قصة متكاملة بشخصيات و تطور شخصيات و احداث , ما كان موسم تجهيز للمواسم
الأخرى على عكس العمالقة الي خلاني احرق على نفسي عشان افهم .. فـ العمالقة صار
مو انمي صار مجرد ألغاز تنحل !

صحص انه لا يجب ان الأنمي يظهر لنا الشخصيات بأنهم يأكلون فقط .. لكن شفيها لو ظهرو
الشخصيات و هم ياكلون؟ فـ عالأقل هذا اثبات بأنهم بشر و افعالهم افعال بشرية , ساشا
شخصية ما اعرف عنها شي لكن سمة من سمات شخصيتها انها تحب الأكل و هذا عالأقل
يعطيها نقطة لمعرفتي فيها .. باقي الشخصيات شنو وضعهم؟ ميكاسا تحب ايرين

بالنسبة للتشويق و فقرة الظلام

اقنعتيني من ناحية ان هانجي سوت تجارب لكن هذا يرجع عليهم ايضاً لما انصدموا
من ان العمالقة يتحركون بالليل .. فـ بما ان كلامج صحيح على تجارب هانجي ليش
بعدين انصدموا لما شافو العمالقة يتحركون؟ هل حطّوا ببالهم ان بس بين و الثاني
يتحركون و الباقيين ما يتحركون؟ < بس حافظ اسم بين

كلميني بصراحة .. هل انتي راضية عن طريقتهم للافصاح باسم كريستا؟
جد جد جد .. هل انتي راضية؟ .. باللقطة تكلموا و خبّوا اسمها لما دخلت ساشا .. عشان
بعد دقيقة بالضبط يحطون الكاميرا عليها !! لو بتحطونها بعد دقيقة عيل من الأساس ليش
خبيتو اسمها !! .. لو انهم ما حطو الكاميرا عليها كان قلت اوكي يبون يشوقونا لكنهم قتلو
التشويق لما خبّو اسمها و حطوها على طول و هذا يخليني اتسائل شنو الفايدة من اللقطة
بكبرها .. هل تبون تطولون اللقطة عشان بس عندكم 12 حلقة؟

صدقيني انا مو صعب الارضاء لو صعب كان ما حبيت دراغون بول المليييء بالأخطاء

في قانون او مقولة تقول : لو قدمت مسدس بالتشابتر الأول , لازم يُطلق هالمسدس بالتشابتر الثاني

بمعنى لو في شي يتقدّم لي بأي قصة فـ معناه انه مهم مهم و مو عالماشي .. القرد تقدّم
بالحلقة الأولى من الموسم , وينه باقي الموسم؟ اهميته لو انها تطلع بالموسم الثالث فـ اولاً
ليش حطيتوه بالمقدمة؟ ثانياً ليش حطيتوه بـ لقطة حلوة و قوية و اخذت من وقت الحلقة الأولى؟
لو انه بيكون تجهيز فـ بكل بساطة كانوا المفروض يحطونه بـ لقطة سريعة عالماشي نشوفه يتكلم
و نتحمس له مو بلقطة طويييلة توضح لي اهميته بهالموسم لدرجة اني قاعد انتظره طول الوقت و
ما طلع ولا سوا شي

فـ ظهوره قتل مقولة المسدس الي تعتبر اهم مقولة بعالم القصص

بالنسبة للشخصيات

حتى هنا الكلام الي قلتيه مبني على المستقبل مو على اول موسم ولا ثاني موسم

فـ مثلا كريستا ظهرت اهميتها بالقصة و اهي بتكون مهمة للمستقبل .. لكن مابي قصة
شخصيتها ابي شخصيتها نفسها .. كـ شخصية هل اهي مملة او لا و مع السبب , انا
انسان اعشق الشخصيات بكل القصص و بدون الشخصيات الحلوة ما راح اقدر اكمّل اي
قصة و كريستا ما كانت شخصية حلوة الا من ناحية قصتها .. و لو بنتكلم من ناحية القصة
فـ هذا معناته كل الشخصيات حلوة و لهم اهمية لكن اساس البحث عن الشخصيات ما
يكون من ناحية الأهمية بل يكون من ناحية السمات نفسهم .. فـ شنو سمات ايرين و
شنو سمات ميكاسا .. ماضي ميكاسا عشان نشوفه مبرر نعذر سوء استخدام شخصيتها؟
ماضيها كان اضافة من الكاتب عشان نعذره لما يستخدمها بأسلوب غبي مثل ما نشوفه
حالياً بالموسم الأول و الثاني

بالنسبة لـ هانيز فـ هو مهم بالنسبة لـ ايرين و ميكاسا صحيح .. لكن ليش ما تأثرت لما مات؟
فكري فيها على قد متابعتنا للأنميات ليش تأثرنا بموت شخصيات اخرى و ما تأثرنا بموت هانيز؟
لأنه لو تجمعين ظهوره بالحلقات كلها بـ بيكون بس طلع بحلقتين , الموت بالقصص المفروض مو
بس ينعكس عالشخصيات بل علينا كـ متابعين و هجوم العمالقة يحتاج انه يأثّر فينا لـ قلة الشخصيات
المؤثرة و القوية .. موت هانيز كان سيء لدرجة مو طبيعية و كان بسسس عشان يقولون لج "تتذكرين
الموسم الأول؟ تتذكرين الحلقة الأولى؟" بدال ما يسوون شي يديد حبّوا يرجعون للحلقة الأولى و
يقتلونه بس عشان يذكرونّا بالحدث -_-

هههههههههه شخصية بيرتولت ما حمّسني بالأشياء الي يسويها
بصراحة رغم اني كنت حاط عيني عليه بأنه يسوي اشياء حلوة لكن
للأسف صار عادي

جان روعة احب شخصيته بقوه

بالبداية قلتي ماذا كنا نتوقع من 12 حلقة .. للإجابة على سؤالج
انصحج تشوفين انمي موب سايكو 100 الي قدّم 12 حلقة بكمالية
من الاخراج و الشخصيات و ابعاد الشخصيات و الأحداث .. 12 حلقة
تعتبر شوية للأستوديو الي ماله خلق يشغل مخه و يفكر .. ولو 12
حلقة كانت عذر لهم فـ ليش من الأساس يسوون 12 حلقة؟ ليش
ما أجّلوا الموسم و سووه بـ 24 حلقة يوضحون فيها و يطبقون اسهل
مبادئ التأليف بالتاريخ !

اشكرج على مشاركة رايج نورتي الملف و ما
عليج من الأخطاء انا نفس حالتج ما راح اقرأ الي كتبته

احب قصص و انميات كثيرة النقد ما ينطبق الا على
الأنمي الي يحتاج هالنقد .. فـ هجوم العمالقة انمي ياخذ
نفسه على محمل الجد و لهذا يستحق هالنقد و ما اشوف
شلون نقدي له ما كان مناسب فـ ما شفت منه جانب حلو

و في شي ما ذكرته بعد و هو ان من الموسم الأول الى الآن تتقدم
لنا ألغاز و ما تنحل الا بعدين و هذا اسلوب خطأ لكتابة القصص و روايتها
+ كتابة الألغاز .. فـ الألغاز تحتاج تلميحات عشان احس اني مشارك فيها
من ناحية ايجاد حلولها و هجوم العمالقة خايفين على ألغازهم لدرجة انهم
ما يبون يحطون اي تلميح ممكن

تسلمين ياقلبي
ذوقج الأحلى اكيد

#297

[ TONESTIC TEAM ] يقدم جميع حلقات أنمي Kamisama no Inai Nichiyoubi أونلاين + تحميل مباشر

متشرفييين:tumblr_m2ju6qa0Wg1q
+
ماكاين شي موضوع ديال طلبات تصاميم بغيت طقم مدونةة
ساعةة الفوتو لا يستجييب
وشكرا