انمي تون AniMe TOoN

لا ابشرك عرفت و اشتغل بالترجمه
بس ليش تحطوا الترجمه بوادي و الفلم بوادي ما تحطوهم مع بعض
سؤال شاطح ثاني انت ابو ثامر و لا المترجم واحد ثاني

وعليكم السلام ورحمة الله وبركاته
بخير الحمدلله وأنتِ أخبارك؟
هههههههههههه
يب هالأسبوع كان ضغط بالجامعة اليوم كان آخر يوم دوام والحين عندي أسبوع إجازة
طبعًا أشكرك أنك قعدتِ تحملين شي من مرفوعاتي مو زي البقية يسلكون ويقولون جاري التحميل وهم ما فتحوا الروابط حتى

بخصوص الترجمة بهالطريقة لها ٣ أسباب بشكل عام:
١- كونها منفصلة تمامًا ف هالشي معناه أن المترجم ما بيضطر ينتج الحلقة أو الفيلم، وبالتالي بيختصر على نفسه وقت وجهد + بيكتفي برفع ملف الترجمة فقط اللي بياخذ منه مجرد ثواني بدال ما يرفع الفيلم بكبره
٢- بالعادة الترجمة لما تكون مُدمجة تعطي جودة أضعف نسبيًا
٣- إمكانية التحكم بالترجمة من قبل المشاهدين.. يعني تغيير الخط، الحجم، اللون

ف أنا بشكل عام أفضّل تكون الترجمة هيك مثل ما ذكرت ولهيك أحمل الأفلام من دون ترجمة أصلاً
+ الترجمة حملتها وحطيتها لكم عشانكم أصلًا

+ لا مييين ابو ثامر هذا

الحمد لله تمام
اسبوع اجازه حلو ريح و انسا الضغط
لا انا الي لازم اشكرك من مده ابغا شي حلو اتابعه
بس ما اعرف بالافلام كثير و كل ما اروح اشوف يا يطلع رومنسي
و لا ما يجي بمزاجي و لما اسال اخواني يجيبوا افلام رعب
لما انجلط من الخوف بيرتاحوا
شووف لو الفلم كوري ممكن اسحب بس امريكي استحاله

اوه شكرا على الشرح المفصل اجل هذي الطريقه افضل حتى بالنسبه للمتابعين و من ناحيه اذا ابغا اسوي رمزيه ما ابتلش بالكلام تحت
+ ايه ما عندي انجليزي او بالاصح عندي شوي و مكسله اتعلم اكثر
+ هذا اسم المترجم في فلم عازف البيانو
مجهزه البيبسي و الفشارعشان اتفرج عليه بالسهره

يب يب
اووه .. ههههههههههههه شكلهم متآمرين عليك
خلاص عيل كل ما بغيتِ تشوفين تعالي اسأليني
ايييه هذي بعد نقطة حلوة تبع التصميم حتى لو تلاحظين بالمقتطفات حاطها من دون ترجمة أحس الصور تطلع أحلى بعد
بخصوص الانجلش أحس حلو لو تتابعين بترجمة إنجليزية .. هالطريقة تفيد

اوووه لا مو أنا اللي ترجمته وما عمري ترجمت أفلام ولا أظن بيوم بترجم لأن أحس فيه عدة مترجمين ممتازين
ترجمتي مقتصرة ع الأنمي والمانغا فقط
مشاهدة ممتعة يارب يعجبك مثل ما عجبني

لا هم يحبوا افلام الرعب و اذا حولوا يا رومنسي يا اكشن ولا خيال علمي
ما عندهم بالاجتماعيات و الدراما
الخيال العلمي اكره شي عندي يفر راسي و لا افهم شي
اكيد باجيك كل ما طفشت نستفيد من خبرتك بالافلام الدراميه

صراحه بالتصميم افضل اللقطات تجي و تحتها كتابه و تنقهر من قلب
يب يب هي طريقه حلوه بتعلم الانجليزي بس المشكله الذاكره ممسوحه حتى بعض الاحيان ما اتذكر ايش اكلت
اوه ما دام فيه مترجمين ليش التعب حمل و تفرج و انت مرتاح المهم ما تدفع فلوس
ان شاء الله بيعجبني احس بيكون زي فلم اينشتاين الي شفته من زمان صح كان بقناه وثائقيه بس كان مخرجينه زي افام السينما بالضبط
استمتعت فيه رغم اني لحقته من النص

اوووه أنا ما أحب أفلام الرعب ولا الأكشن أحس مالهم قصة بس تشويق ع الفاضي
أكثر شي أفضّل الدراما و الغموض
هههههههههههه كلها ننسى وش ناكل عادي عادي -بعد ما قرا كلامك يحاول يتذكر ش تغدى اليوم يالله تذكر-
يب يب أنا علي أتابع بس
اووه.. ما أعرف الفيلم خاصةً لو كان وثائقي لأن مالي بالوثائقي xD
بس أحب أفلام السيرة الذاتية مثل ذا بيانيست

رجعت بعد ما تابعت الفلم و كان خرافي
لحد الان احس اني مذهوله اختي تكلمني و انا بوادي ثاني
مدري ليه ما احد اهتم فيه صراحه فلم رهيب و يحبس الانفاس
بس زعلت على الالماني اكثر شي
وينك من زمان تعلمني بالافلام الرهيبه بدل حظي الزفت بالافلام

+ههههه مثلي اموت بالدراما و الغموض بس ما اعرف وين الاقيهم
و السير الذاتيه و حكايات النضال مع الامراض و الحياه
+ههههه الله يستر شكل الزهايمر معدي الايام هذي
+ امم صراحه الفلم سيره ذاتيه لانه يشبه هذا بس مع دراما اقل لانه يحكي عن حياه اينشتاين و كيف عاش بالمانيا و هروبه و عيشه بامريكا بس هذا الفلم ارهب بكثير