انمي تون AniMe TOoN

لا بالعكس احنا بابتدائي كانوا مدرسين الفنية مالنا رسامين رسامين من جد يعني =\ بس هذا اللي بمتوسط مستفز وماله بالطبخة
نعم ؟ ش اللي طحين وملح بالمرة بيكنج بودر وبيض وتسوون كيكة بعد الله الله
احنا واحد من اللي درسونا بابتدائي ، غير الرسم كان يعطينا شغلات ثانية .. و صح أنها تتطلب نشتري أشياء وكذا ، بس بالعكس كنا نفرح ..

لدرجة أنه مرة سألنا واحنا بنفسنا قلنا له يعطينا أعمال زي كذا لأنها تونّس ومختلفة عن المعتاد .. مو بس رسم يعني أساتذتنا بابتدائي كانوا فنانين بمعنى الكلمة

ايييه اللي يسبون عاد مدري ش يبون من الحياة
ذكرتيني بواحد بموقع ماي أنمي ليست.. جا ورسل لي طلب صداقة وجا طيح الميانة ويقول ذوقك خايس ووو .. وبعدين قال أمزح ش تبي من الحياة ؟

يب يب معاك حق
اوووه ، يب أهل الشرقية كنت حاس بيشكون من هالشي لأن بطبيعتنا متعودين ع البحر وكذا ف حتى الجو يختلف عن المناطق اللي ما فيها بحر
يعني أنا رحت الرياض كم مرة ، وبعيدًا عن الجو، إلا أني ما حبيت طبيعة المدينة كونها صحراوية بالكامل xD
يب يب معاناتنا الأبدية

ياخي كل شي حلو عندكم دامكم بالشرقيه اذكر وحده جاتنا من هناك
و ملاقيه معانا دفاتر و معفوسين و هي مصدومه و تقول وين نوته الملاحظات و احنا ما فاهمين عليها
و بالاخير طلعوا مدرساتها كانوا مجهزين دفاتر صغيره للطالبات فيها الاشياء المهمه و هنا كله دش و كله حفظ حتى بعض الاحيان ما يستفاد من الحديث نحفظه قد يجي فراغات

هذا غير عجز المعلمات الي يجي و نصفي بلا معلمه بالنسبه لي كنت أفرح بالذات الفيزياء تصور ثلاث سنين ما في معلمات بلا تجي معلمه بديله بالاخير تخطط معانا و بس و الحاسب نفس الشي كنا مبسوطين بالحياه
ههههه من جد ايش يحسوا و لقيت ناس جايبين احصائيات عالميه عشان ياكدوا روعه الانمي طيب أنا مميزه ما امشي ورا احصائيات و مستقله برأيي عندكم مانع

حلوه مطيح الميانه من اولها لا يكون طالب صداقه بس عشان يسبك
عجيب على بالي كل أهل الشرقيه يعرفوا نجران أهل نجران كثير مبلطين عندكم صديقاتي كلهم قد راحوا هناك و لو مره و عندهم أهالي هناك

ههههههههههههه أمااا
يب يب احنا مدلعيننا يا زيننا بس
يعني احنا مثلًا طول سنوات الدراسة بالثانوي كتب الرياضيات هذي ما انفتحت خير شر ، لأن المذاكرة تكون من الدفتر بس
واااو =\ بعيدًا عن أنكم فرحانين بالوضع بدون معلمة بس ش وضعهم ٣ سنوات ولا فيه وحده ثابتة =\

اييييه زي قبل يومين يكلمني واحد ويقول سورد آرت اونلاين معتبرينه بالتوب ١٠ باليابان
قلتله مع نفسك أنت واليابان ع ذوقكم
مدري عنه
أمااا ، مدري يمكن لأني مو من النوع الاجتماعي وكذا ف مدري عن الدنيا

ايه ما شاء الله عليكم مو مثلنا كارفينا على ولا شي
اما احنا شوف الكتاب و الدفتر و بعد يمكن تغلط لان المدرسه ما تفهم زي الناس
مدري عنهم حتى لما جات مدرسه جلست شوي و بعدين حملت و حملها كان صعب ما تقدر تجي فصفينا من غير مدرسه مره ثانيه
و كانوا يجيبوا مدرسات من جده و كلهم ما يرضوا يجو و يحطوا اعذار عشان يغيبوا ما عاجبتهم نجران من الاساس فالحال كان نفسه

و حتى جابوا لنا وحده اصلا مدرسه حاسب و لساتها متخرجه و جابوها تدرس فيزياء البنت كل يوم جايه حاطه مكياج و لبس كانها بعرس و مسويه مشكله مع الاداره و المدرسات كلهم بسبب دلعها و لبسها
و احنا المساكين تصور ايش سوت لنا
تمسك كتاب الفيزياء و تقرأه كانه كتاب مطالعه
هي كانت تقرا مع نفسها و احنا ننام من الملل و لا نجلس نخربش بالاخير طردوها و صفينا من جديد من غير مدرسه

معطين أهميه للإحصائيات بزياده و دراستي النفسيه لهم تثبت انهم ياخذوا بالمثل مع الخيل يا شقرا بلا وعي و لا تفكير
ما عليك اخيرلك الاجتماعيات بلا تطير الفلوس و تدخلك بمتاهات من المجاملات و النفاق

ههههههههههه عاد المدرسين اللي ما يفهمون يا كثرهم ياما غلطت ونقصت درجات بسببهم
الوضع ذا بس بمدرستكم ولا بشكل عام بكل مدارس نجران ؟ =\ أوفر
ههههههههه مالت المكياج ش تحس فيه عاد ياكرهي للي يجون ويقرون يحسسونا ما نعرف نقرأ
ولا مرة ، درست سنة أنا ب جامعة بالسعودية قبل لا أهج لإيرلندا xD
الزبدة كان فيه دكتور يقرأ لنا من الكتاب قراءة و يترجم لنا من إنجليزي لعربي احلف بالله !! تسمي هذا شرح ؟

المشكلة أن كلاسنا وقتها كان أعلى مستوى إنجلش يعني مفروض يفهم حضرته أن مو محتاجين لترجمته الشكوى لله xD
ايييه يا كثرهم اللي نظامهم كذا .. أي شي ينمدح يقعدون يمدحون وراه يحسسوني ما عندهم شخصية مستقلة
والله من جد خاصة نقطة النفاق ذي يا كرهي لها مدري كيف الناس عايشين وهم ينافقون بعض بهالطريقة والمشكلة معتبرينه أسلوب حياة يعني

هههه من جد و المشكله يطلعوك انت غلطان و هم ما سوو شي
و الله ما ادري الحين لاني خلصت و الحمد لله بس الي عرفته ان الوضع صاير مخربط أكثر في مدارس بالذات السنتين الي فاتوا مع الحرب و الخربطه الي صارت معها
هههه و الي تحط مكياج تقلك انا واثقه من نفسي جميله اجل شيلي المكياج يا الواثقه و ما راح تشيله

أنت بس تعال لجامعة نجرانو شوف العجايب لا بقسم الرجال و لا بقسم النساء كلهم مجانين
وحده اعرفها دخلت قسم انجليزي و المسكينه كرهوها بالماده و انسحبوا بنات كثير و بالاخير الدكتورات تصور طلعوا مزورات شهايدهم و ودوهم للسجن
سنه من الرعب و السب و المصايب و بالاخير مزورات

اكثر شي ينرفزني بالي يمشوا ورا الكلام الي يمشوا ورا الموضه ياخي جايبين ثياب زباله احس حد لبسها سنين و بعددين باعها و اذا قلت شي قالوا ماركه ما تفهمي أنتي
ياخي هم متعودين كما ان محاربه المجموعه و مناقضتها ما يأدي لخير بالاغلب و الشخص بيحتاج لهم بالاخير فلازم يمشي على قوانينهم و لو كانت غبيه هذا منظورهم طبعا

ايه يعني أنت اللي مو فاهم ولا ما كان قصدنا كذا
آهااا هههههههههه ش وضعها ذي تذكرت مرة شفت فيديو من مقابلة وحده انسألت عندك جرأة تمسحين مكياجك الحين؟ قالت لا أنا واثقة من نفسي جميلة عشان كذا ما بمسحه ! نعم ؟ شدخل
أمااا ، هياط ع الفاضي بعد يلا زين كشفوهم
من جدددد خاصة اللي يمشون ورا موضات الثياب مستفزييين
الحمدلله من جد أني ما عمري مشيت ورا هبّاتهم البايخة

و حتى سالفة الماركات تقهر .. يعني أحيانًا تشوفين ثياب حرفيًا عادييية جدًا حالها حال غيرها ، بس لأن عليها شعار الماركة فجأة صار سعرها ٤ أضعاف السعر العادي مع نفسكم والله و الشرهة ع اللي يشترون =\
يب يب معاك حق من ناحية محاربة المجموعة ، فعلًا وايد ماشين بهالنظام يعني إذا ما بتسايرنا معناها أنك عدونا
^ الأخ اللي يتكلم وياك أحد المتضررين من هالموضوع سواء بالمنتدى أو حتى بالحياة الواقعية

اهلين مهدي أعذرني قريت شي و جتني حاله زي الي جات لماكس لما قرا رساله ماري >>اذا شفت الفلم بتفهم قصدي
بس انا احسن الحين الحمد لله على كل حال
و شفت فلم اعجوبه و قريت الروايه و صفحاتها 432 تقريبا بس الروايه احسن من الفلم بمراحل رغم ان فيها تفاؤل مبالغ فيه بس ما عليه
أفضل روايه مطر أصفر >>> تكلمك بالروايات و انت مالك دعوه

+ شوف اغلب البنات بيقولوا واثقه من نفسي انا قمر و جميله بس كلهم كذابات لان اول فرصه تجيها او اذا جاتها فلوس اول شي بالقائمه تسويه قبل اي شي ثاني تسوي عمليات تجميل مساكين عندهم تناقض الله يعينهم على عقولهم
حتى انا ما امشي ورا موضات الثياب انا اصلا نص ثيابي متوارثتها من امي و اختي الي ما يبغوه رموه لي
ياخي انا شفت ماركات حتى ريالين ما ادفع فيها و هم يقولوا بعد التخفيضات الكبرى طالعه ب70 ريال