انمي تون AniMe TOoN

يب شفتي كيف الطقوس عادية .. أحلى شيء البساطة
يب يب تراه ما أثر علينا وايد .. بس حرمنا من صلة الأرحام والزيارات
ما نبا نجازف مثل ما تقولين لكن الحمد لله على كل حال
حتى اللي عندنا ما كنا نشوفه قبل كورونا والحين صرنا نشوفه مع انه أغلب الوقت يكون بغرفته
وبلنسبة للتراويح فأم صليتها مع امي وأبوي وكان شعور حلو
اليوم امي بتسحب الباجين من شعرهم عشان يصلون
مشروبات مثل شو ؟ والأكلات بعد مثل شو ؟ .. لو سهلة فخبرينا
اختي الحين بتسوي لنا سمبوسة وبكورة > الأكلات اللي لازم تتواجد عندنا بعد الفطور
ها من غير الحلى والسويتات طبعا
وبالنسبة للخبز فحلو انج تسوينه بالبيت وأنا تقريبا أعرف مقادير أخلب الانواع
بسبب الجلسة مع امي بالمطبخ يوم أكون بإجازة
أعرف تقريبا مقادير اللقيمات [ مو الكرات بل اللي يكون دائري شكله ] - خبز الرقاق - وفي لقيمات بس شكله غريب شوي
كل ها عرفته من الجلسة مع الوالدة وهي تسوي الريوق لنا بالعادة

~

سمعتي ان الحجر خلوه من الساعة 10 المساء ؟
زين بقدر أطلع مرات وأجيب لي كوفي مع انه من بيتنا لراك يبالي 20 - 30 دقيقة تقريبا

يب رمضان بدون زيارات واقارب اقل حماس باعتبار صلة الأرحام له عذر xD
لكن العائله انا حياتي بدونهم ماتهنى خصوصاً اخوي الصغير سعاده .
مسكينه امك تتعب معكم بالصلاه الله يعينها ويصبرها ،..
تعلمت اسوي شاورما احطهم على سيخ بطريقة احط الصدور فوق بعض
وللفرن لحد ينضج اقطعه مثل ماتشوف بالكفتيريا هذي اهم الأكلات .
المشروبات البارده ماحبها كثير لكن اسوي للأهل آيس موكا & الفرابتشينوو
الحاره كبتشينو & كافيه موكا كنت اتكاسل اسوي باالبيت الحين صرت احب اسوي ،..
ماشاء الله اغلب الأنواع ؟! يعني نقول الشيف ماجي ...
مافهمت صراحه اللقيمات هو يجي مكور ودائري مع بعض حط صوره لي تقصده..
وفي بعد نوع ثالث ؟! حط صور من النت اشووف هذي الأنواع ممكن اسويها xD
مرات اشتهي الرقاق واسويه امس كان ضمن السحور.. مافي حد يساعد امك بالمطبخ ؟!
واضح انها اغلب الوقت بروحها وتكون معها اوقات...
الظريف بوقت ارسلت ردك هذا كنت اسوي سمبوسه واحاول اضبط العجنه طلعت جيده ..

-
يب ادري صار 10:pm ... كل هذا مشوار عشان كوفي بالك طويل ماشاء الله
الحمدلله على كل حال .

الحمد لله على كل أهم شيء ان الكل يكون بخير
أخوي الكبير صاحبه بالدوام قال له ان ربيعه فيه كورونا
ومن رجع البيت حجر نفسه بالمجلس ما يبا يخالطنا لين يطمن
عاد أول يوم رمضان والعايلة مو كلها مع بعض على سفرة الفطور
لكن الحمد لله ع كل حال دام انه بالبيت أفضل من انه بعيد
الأربعاء ماكل شاورما عجيييييييبة من محل اسمه شوارمتك
والكوفيات هاي تسوينها بمكينة الكوفي ولا ؟
عاد من نسويها مرة ثانية وقتها بصورها لج
لا معها شغالتين بس لازم جو وجيه مو بس قعدة وطبخ واختي بعد تيي معها
بس حمارة ما تعرف تطبخ بس تغسل لها العيش
وعلى طاري السمبوسم اليوم اختي الكبيرة سوتها لنا
طلعت حلوة بس ما لقيت لي خضار وايد .. أغلبيتهم جبن وانا ماحب سمبوسة جبن لايك

~

عندنا محلين كوفي صوبنا بس لازم تغيير عاد وخاصة زمان عن ستار بوكس
تخيلي الاربعاء قلت باخذ له لفة [ فرع بالفجيرة ] ولا أقولج الطابور طوييييييل
قلت باخذ لفة وأرجع وبدل ما يقل الطابور قاعد يزيد أكثر .. سحبت نفسي ورحت عنه

الله المستعاان =*( حتى صاحب ابوي واصحاب اخواني مصابين لكن الحمدلله تماثلوا للشفاء ومنهم طلع
ماعندنا المكينه بغيت اشتريها لكن محد غيري مهتم يسوي يعني طااف ..
اسويها بالخفاقه العاديه للرغوة او الخلاط.... اوك ماتنسى تصور xD..
حسبت ماتقبوا بالشغالات مثل امي ماترضى ولا بنص شغاله ....
اوف تغسل العييييييش تعبت حالها المهم تسوي شغله

المفروض تمتنع تشرب من برع افضل .

الحمد لله على سلامتهم
أخوي وزوجته عندهم بالملحق مالهم بس ماعرف لها ومرات هم يسوون لي
بس من يانا رمضان ما أظن شفتهم يستخدموها
وعلى حظج اليوم نسوي خبز رقاق لانه ناوين على فريد دياي
جان زين بس وقتها التعب كله على امي وخاصة ان اللي بالبيت فاسدين زين منهم لو ينظفون غرفتهم
أنا ما أتواجد وايد بالبيت فمو محسوب من ضمنهم > بالله
وايد بعد متعبة نفسها بس الصدمة سوت لنا سويت بأول يوم رمضان [ بسكوت وفوقه خلطة كاكاو ]
ما صرت أطلب لي كوفي من دخل رمضان وللحين
أصلا البيت ما صرت أطلع منه مع اني كل يوم أقول بطلع راك بس من بعد الفطور أحس بكسل لايك