انمي تون AniMe TOoN

اغلبها مغامرات ، اذا تبين اونلاين اتوقع سبلاتون بتعجبك
هي بعد 3rd person و فكرتها الرئيسيه ان لازم يكون لون فريقج مغطي المكان اكثر في وقت معين
و بعد في ادوار تختلف و مراحل و فيها مراحل Solo و يكون فيها boss fights
الاونلاين نصه يابانيين هههههههههه


لو تحبين المغامرات و العالم المفتوح عندج زيلدا ،
العبه ضخمه ضخمه بشكل !! كان المفروض ينزل الجزء الثاني نهايه السنه بس تآجل

زيلدا هي مغامره بس جزء منها puzzels
لازم تحصلين شراينز و بعضهم داخلهم لغز تحلينه باستخدام القوات او الاسلحه
و بعضهم يكون فيهم حارس روبوت و تختلف قوتهم ، Test of strength
احلا شي في اللعبه الاسكتشاف و بعد في شخصيات صغيره دايماً تطلع لج فجآه اذا سويتي شي معين وتعطيك شي
يعني انا امشي فجاه شليت صخره يطلع لي واحد يقول you saved me و ارجع اشلها و ارميها عليه
تخيلي في منهم 999 في اللعبه كامله مو لازم تجمعينهم اصلاً بس الي فكرت فيه المطورين شكانو يحسون فيه

سبلاتون ايوه ممكن نوعا ما احسها تونس..
زيلدا اها هذا الاغلب يمدح فيها..
ان شاءالله اذا حصلت لي الفرصه اجرب مارشي3
هذا هو اللي انت راسمه صح؟؟؟

حلو الالغاز تعجبني احيانا..
Last of us طريقة لعبها عباره عن استكشاف وزي الالغاز اللي تفهمها من خلال تجميعك للمعلومات..
.
ليش رميتها عليه مسكين

هههههه توقعت سبلاتون تعجبك ، يب انا رسمت الشخصيه مره ، زين والله تذكرين رسماتي لايك
ع طاري . . تذكرين يوم قلت لج اني كنت ارسم شخصيه رسامه ، المهم شوفي يوم دخلت الموقع شحصلت

اوهو ليش سار مرتين

ايوه اتذكر رسماتك وطبعا ستايلك معروف
..
هذا الموقع اللي نرسم فيه؟؟ مين رسم هالرسمه

اي صح بعد يسير تجمعين نباتات و اشياء للطبخ حتى تجمعين احجار و materials
، تستعملينهم عقب او تبيعينهم. ، ، ، بعد اللعبه فيها حيوانات ممكن تركبينها نفس حصان و غزال ولا دب
و اشياء تنآكل ، يعني تقنصينهم ههههههه عاد تعالي شوفيني العب تقولين يآجوج و مآجوج

لا موقع اسمه Art Fight كان نفس مسابقه نوعاً ما
الفكره ان ناس تحط شخصياتهم و اخرين لازم يرسمونها عشان يجمعون نقاط
و انا رسمت شخصيتها عقب اكتشفت انها رسمت شخصياتي

--

ههههههههههههههه
انا كذا اذا لعبت مااخلي شيء والا وجمعته ووقتي كله يضيع بالتجميع حتى اطفش نفسي باللعب واكره اللعبه
فيه لعبه العبها عالجوال يابانيه هي نظامها تقريبا زي زيلدا.. بس اونلايين مع الناس وكذا اسَمها
Dawn of Isles
بعدين مليت وضعت من كثر اوامر اللعبه ومتطلباتها ووقفت

ايوه ايوه تذكرتها هالرسمه كنا نتناقشها فالخاص
احس شعور حلو احد يرسم رسمتك بستايله
ياخي تحس بالفخر

والله حسيت كنها رسمت عيالي هههههههههههه
Dawn of Isles اول مره اشوفها بس شدتني فيها بوتينشال شكلها @@
ايي انا الشجر و الحيوانات و كل اشكال الطبيعه بدمرها و اضرب الرايح و الجاي
الحمد الله اني ما مسكت ماينكرافت ولا كان ماقدر استحمل

انا حسيت بالفخر لك والله استمر مادري شدخلني احس بالفخر
هي اللعبه احس تونس شوي، واحسها من ستايلك يعني ممكن تعجبك، بس اوامراها كثييييير، وع فكره تقدر تصنع يعني كانك تتبنى باللعبه حيوان اليف زي البوكيمون معك وتقَويه وكذا وتطوره .. صراحه اللعبه حلوه ياليتها عالسوني احس اريح، عكس الفون احس بضيق فيه

ايوه وهذي اللعبه اللي قلت لك عليها بعد تكسر الشجر والحجر
ياخي ماين كرافت بالله ايش الحلو فيها جرافيكها مبكسل قبيح

هههههههههه شكراً فانسي والله استانس لما اقرا كلام مشجع
اخيراً احد اتفق معاي اللي يلعبون ماعرف شيحسون فيه ، يمكن لان احنا عندنا نظره فنيه و ابداعيه و مثقفه ما نقدر نلعب بهالمستوى
خلني اكسر الشجر و الحجر و كل شي افرغ الطاقه السلبيه ههههههه بس فعلاً اللعب ع الجوال صعب و غير مريح بس يبيلي اجرب
شعندي بعد لا شغله ولا مشغله ص0

ولووو لانك بجد فنان تستاهل التشجيع
..

اكثر شي الاجانب طايحين ع ماين كرافت، كلما احد مدحها تجيني صدمه وقهر احس يمدحونها لانها اونلاين فقط يمكن ?!!
..
اتفق اتفق معك فنانين الرسم عندهم نظره فنيه
..
جربها وخبرني ،، لكن العبها ع ايباد ولا تابلت اذا عندك علشان تاخذ راحتك لان جد الفون يكرهك باللعبه
..
صح وشخصيتك باللعبه تتطور وتقدر تغير ملابس وتشتريها بالبوينتس اللي تجمعها.

تفرغ طاقه سلبيه هو صح الالعاب تفرغ. عشان كذا انا طايحه اونلاين وارمي بالرصاص ع الاعداء
*قلب مفقوش*?
بس اليوم حسيت مودك غيرر احسن عن قبل

هههههه والله الاجانب اكثر ناس ماعندهم ذوق يطيحون في اي شي بايخ و يخلون العاب الhidden gems
في لعبه الحين طايحين فيها شكلها ماينكرافت من الدكان ، جداً مضروب بس احس اليهال اكثر شي يلعبونها
اكثر شي يضحك صوت الشخصيه لما تموت صوت ياهل يقول اوووف , من كثر ما نقولها انا و اخوي صارت inside joke في بيتنا


انا احب هالنوع من الالعاب بعد الي حريه للابداع يعني تغيرين شخصيتك او بيتك او مثلاً مزرعه عاد العاب
المزارع هي احسن شي لتفريغ الطاقه جربي Harvest Town اذا تحبين ، بعد في لعبها جوال اونلاين حلوه اسمها gartic.io
يعطيج وقت قصير عشان ترسمين شي معين و الناس لازم يخمنون الشي صح ، ،. يسير تدخلين او تسوين روم خاص نقدر نلعب يوم اذا تبين
و هاللعبه موجود فيها لغه العربيه حلو هالشيء فيها

فعلا الاجانب ذوقهم بايخ بالالعاب واذا طاحوا بلعيه مايغيرونها َييع.
..
الفيديو اللي انت ارسلته مو شغال!
..

كبتشرت الشاشه علشان اشيك عالالعاب اللي قلتها
احس حلوه لعب التخمين ان شاءالله نلعب سوا ليش لا
ادري بنسي لو ماكبتشرت

بس خلاص ظهر المقطع كلمة اووف