انمي تون AniMe TOoN

S a n d r a
S a n d r a
ايش هو جدار المنتدى ؟
كنت اضغط على كلمة " هنا " عشان اروح على النسخة السابقة و رجعت نسختين ثلاثة لحد سكر الشي بوجهي ~ - بكاء -
  • متت
التفاعلات: Fear
Fear
Fear
والله نحنا الحمدلله عايشين و كلو تمام و هون المشكل و أنتِ كيفك؟! شو أخبار دراستك؟!

والله مابعرف في وحدة لو واحد قالت قفلو الموضوع عشان مابديش ذنوب جارية قمت أخذت الذنوب عنها
S a n d r a
S a n d r a
وهو ليش ؟!! هم2
  • متت
التفاعلات: Fear
S a n d r a
S a n d r a
  • متت
التفاعلات: Fear
S a n d r a
S a n d r a
دراستي تمام الحمد لله ماشية الامور ~
  • لايك
التفاعلات: Fear
Fear
Fear
تدومي يارب ق12

بدنا نعمل سكيب للزمن ياهبة مافيش هيك خاصية بالإعدادات
S a n d r a
S a n d r a
بوجودك ان شاء الله ق1

مش حلوة تعملي سكب الزمن بتروح عليكي الأحداث . عيشي الحياة بوقائعها عشان لما تصير الفرحة و تتفتح الحياة قدامنا نعرف نفرح فيها بعد معاناة طويلة ، الفرحة بتكون أكبر هيك . توكلي على الله كلشي بإيدين رب العالمين و ربنا ما بيترك حدا ، و ربنا شايف قلوبنا و ضمائرنا ، و الحزن اللي جواتنا ربنا بيعرف فيه ، و كل دمعة بتنزل على خدودنا إلها عبرة . و3
  • فديت
التفاعلات: Fear
Fear
Fear
صدقتي والله
«أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلا إِنَّ نَصْرَ اللَّهِ قَرِيبٌ»

بس ربنا برضو شايفنا و نحنا جالسين بس هيك قولتك أنو مش حايحاسبنا على كل دمعة و كل قطرة دم سالت بفلسطين ؟ الفلسطينيين مش حيخاصمونا يوم القيامة ؟ نبينا محمد مش زعلان منا أننا تشتتنا و تفرقنا و مابقيناش جسد واحد مابقيناش نتداعى لبعض ؟
S a n d r a
S a n d r a
ليش أنا حكيت إنه امتنا مش مشتتة ؟ ولا إنه في أمة إسلامية جامعتنا ؟
التفكير الزايد و الوسوسة هاي رح تهلكنا , رسولنا بكى علينا لما عرف إنه في من امته رح يدخلوا
النار , فبدهوش يزعل على حالتنا هاي ؟ بعدين إحنا بنفكر بغضب ربي , و إنه ربنا غضبان علينا
لأنه إحنا مشتتين و ضايعين , بس هاد مش وقت التفكير ! إحنا هون وصلنا لمرحلة لام نتجاوز فيها التفكير
و نشتغل !عشان مش إحنا خايفين من غضب ربي ؟ فلازم نشتغل عشان نرضيه و نطلب منه السماح و الغفران !
سيرين , احنا لسا مش متجمعين على ديننا و مش ملتمين حولينه , كل دمعة بتنزل على خد طفل هناك
و كل قطرة دم على تراب فلسطين على ظهرنا , لحد ما نتوحد و نجاهد .. بس في النية اللي بقلوبنا , بعدين
الموضوع مش إني بدي احكيلك إنه هو مسألة وقت ... لا لا الاشي أعظم من هيك
شغلة التوحد هاي مش سهلة بالمرة , خصيصًا مع الانحلال و الانشطار اللي صار بعالمنا الإسلامي ..
الشغل علينا , و هينا عم نشتغل , ليش مو شايفة كمية التوعية , مش شايفة الأعداد المهولة اللي عم
تحكي عن القضية ؟ اكيد شايفة بس في اشي بالعمق احنا مو منتبهين إله
احنا على صدد تغيير جذري بحياتنا كلنا .. تغير كامل شامل بيشمل دولنا و حياتنا
و بيشمل الامة اللي متجمعة على التوحيد , و التغيير لما يصير ما رح يصير بسرعة و فجاة
التغيير بده وقت , و لأنه بده وقت إحنا لازم نصبر .. ولازم نستمر بالتوعية و بالارشاد عشان جيل جديد ينولد
أو أنه الجيل اللي موجود يصحى ..

ليش مين همه اللي حكى عنهم ربنا بسورة الإسراء ؟ بالآية الخامسة : فَإِذَا جَاءَ وَعْدُ أُولَاهُمَا بَعَثْنَا عَلَيْكُمْ عِبَادًا لَّنَا أُولِي بَأْسٍ شَدِيدٍ فَجَاسُوا خِلَالَ الدِّيَارِ ۚ وَكَانَ وَعْدًا مَّفْعُولًا (5) .

قال ربنا " عبادًا لنا أولي بأس شديد "
هدول المسلمين و المؤمنين الموحدين , اللي تكاتفت صفوفهم و الأهم قلوبهم على الإيمان
النصر مش جاي لأنه لسا ما في إيمان يقين و لأنه لسا في إنحلال , و هالإنحلال مش بسهولة بيتعالج , فإما
يجينا شخص يوحدنا على الراية , أو إنه المسلمين يصحوا على غفلتهم و تتوحد رايتهم .
و لما تتوحد الراية و الكل بكون مستعد للجهاد و إنه ربنا رح يوفقنا و رح ينصرنا
هون وعد ربنا رح يتحقق و رح ينصرنا زيما قال ربنا : و كان وعدًا مفعولا "
فلما إحنا نتوكل و نعمل بالأسباب ربنا رح ينصرنا , و إحنا في بدايات العمل بالأسباب و بإذن الله منصورين .
و هالشي زيما حكيت ما رح يجي بسرعة . الواحد لازم ما يستعجل على رزقته
لأني زيما حكيت ما رح يفرح فيها على قد فرحه فيها لما تجيه بعد صبر طووييلللل .
عشان هيك علينا بالدعاء و الاستغفار و بالعمل الصالح و التوبة إلى الله
و أنا اول الناس اللي بحاجة للتوبة , عسى ربي يغفرلنا جميعًا .
  • لايك
التفاعلات: Fear
S a n d r a
S a n d r a
أنا حاطة امل إنه أبو عبيدة هو اللي رح يجمعنا ضض1
و كثير بفكر بموضوع إنه بعد ما تطلع إسرائيل , أكيد المقاومة هي اللي رح
تمسك حكم البلد , و تخيلي دولة إسلامية على أصولها , بقيادة
بتعرف ربها مجاهدين انتصروا بعون الله , تخيلي بعدها الهبّة اللي رح
تجي على فلسطين من كل العالم , الناس رح توكل بعضها عشان تفوتها
و تروح عالمسجد الأقصى !
المسلمين بحاجة لفلسطين , المسلمين بحاجة إنهم يصيروا دولة وحدة
و هالاشي رح يصير بعد ما تتحرر فلسطين بإذن الله

بس في إشي خايفة منه كثير
و بتوقع هو نفس اللي خاطر على بالك
تخيلي لو فازت المقاومة , و تخيلي انه انتصروا
بس ما كنا معاهم بنصرهم
بحس إنه الفرحة رح تكون كبيرة لإلهم
بس فرحتنا ناقصة , لأننا ما شاركنا بهاد النصر
رح نخاف إنه نظرة اهل فلسطين إلنا إنهم رح يضلهم عتبانين علينا
و إنه اللي بصير هسا بسبب شتاتنا رح يخليهم جد جد ما يسامحونا
بعدين مرة كنا بنحكي بالصف عن هالموضوع
و حكت معلمتنا , إنه لو ما انتصر المسلمين اجمعين
و حررنا كلنا الأقصى , ما رح يكون نصر كامل , فرح تتحرر فلسطين لمدة
بس رح ترجع تنتكس , لأنه النصر ما كان كامل لأنه الامة ما توحدت
و هذا اللي خايفة منه ..

عسى رب العباد يكتبلنا نصر بأيادي المسلمين كلهم
عسى ربي يجعله نصر كامل بشهادة المسلمين كلهم
يا رب إنك تجعلنا من اهل الجهاد و النصرة
  • لايك
التفاعلات: Fear
أعلى أسفل