انمي تون AniMe TOoN

تعالي سولفي

هاد امبارح قاعدين بأمان الله فجأة نسمع صوت رصاص قوي كثير واصل لعنا فكرنا اليهود اقتحموا وبعدها ينزل خبر بعد كم ثانية بيقولوا هاي ال - س -ل ط-ة طخت على واحد ورمت على الناس قنابل غاز بس القصة من كل هاد اعتقلوا واحد اسمه أبو شجاع مقاوم بنور شمس لو سمعتي باسمه ف وهو معتقلينه طلع من السيارة وصحابه كانوا بستنوا فيه وحمل السلاح وهرب وصارت فوضى أما الشب مشعارفة ليه انطخ ما الو دخل حرام وبعدها ضل الطخ شغال واشتباكات بين المقاومين والشسمه ورصاص وبعدها على الساعة 2 قطعت الكهربا عن كل المدينة وهم قطعوها عشان محدا يشتبك معاهم عشان المقاومين كانوا يطخوا على مقراتهم انا بقول mbc drama موجودة عنا ما نحتاج نشوف

شو العملة هاي !!!
كيف بيجوا هيك و بدون سبب !
الزلمة مقاوم عادي مش عامل إشي صح ؟!
ايش العدالة اللي جايين يحققوها !!
الله اكبر عليهم ! الله اكبر عليهم !
ايش الدنيا هاي

طب الشب اللي انطخ لسا عايش ولا توفى ؟

ولك هالزلمة مشكوك بأمره لأنه أغلب المقاومين يعتقلوهم أو يموتوا ما عدا هو يضل عايش سبحان الله

عايش الحمد لله جابوا الاسعاف

جفلت بكره هالأشياء ، عاد شفت اله صور في جوجل مبين محترم
بديش ادخل في ذمته

الحمد لله

حتى اليوم الصبح منتشرين بكل البلد شو بدنا نعمل الهم يعني عم نعاني من الجهتين

عاد هذا اللي بيشتغلوا بالشرطة و الامن جد بكونوا مش مليحين ؟

يعني بالمظاهرات اللي صايرة عنا في كثير ناس بتسب عالأمن و بتدعي عليهم و بتحكي عنهم يهود و همه اصلا اردنيين و قلوبهم على غزة بس غالبيتهم ما بإيدهم إشي ما بيقدروا انهم ما يعملوا شغلهم اللي بينأمروا يعملوه ، ووالله حرام الناس تدخل في ذممهم..

و انا لسا مش قادرة استوعب فكرة فلسطيني بايع القضية

لا بس كثير اللي يصير على فكرة يعني بشوف مقاطع بعتقلوا البنات عندكم وغيره مش طبيعي ولو كانت أوامر من حد كبير مش هيك كلها مظاهرة بالنهاية
في فئة منيحة وفي فئة لا المشكلة نوايا حرام الواحد يدخل فيهم بس يقهر والله
+ عاجبني رغم كل هالقمع بس الأردنيين يتظاهروا أحس فخورة

مش هالبنات ترا الإعلام ببالغ ، كلهم بنتين قلبوا فيهم الانستغرام و عاملين فيهم إشي كبير ، اكثر إشي اعتقلوا شباب مع انه برضه ملهوش معنى بس خلص هيك الأمور ..

و لو شفتي الفيديو تبع لما كانوا بدهم يعتقلوا شب بس النسوان ركضن عليه فما اعتقلوهوش احترمتهم على هالشغلة و انه ما دفشوش النسوان و اخذوه غصبا عنهم ، ترا والله الامن مش إنجليز يعني و هيشتهم مش احسن من عيشتنا بقرش و كلنا بنفس الحال بس اللي تحت أوامر الحكومة مباشرة و وراهم وظيفة بقدروش يتركوها فجأة هيك

ما حدا يغلط عليهم أمانة ، عالأقلية نحسن الظن فيهم ... يعني همه متى بفضوا المتظاهرين لما يتأخر الوقت... و تصير الساعة 2 ولا 3 بس الإعلام ببالغ ...

بعرف انه لازم نضلنا واقفين و ما نسكتش و اهل غزة و فلسطين كلهم حقهم راسنا و بنموت عشانهم ، بس الإعلام كثير يكبر الموضوع ، بس برضه لولا الإعلام مكانش صوتنا حيوصل لغزة

و على فكرة انا مقهورة منهم كمان و بتضايق لما يجي الموضوع انه لو انه احنا ما بنتحرك مش حيتغير إشي .. بس انه احنا تشتننا بدنا مين يلمنا تحت رايته... فإحنا بنعمل اللي قادرين عليه

و الله يقدرنا و الله انه قليل بحقكم

والله عارفة في ناس منيحة وفي ناس مجبورة ونفسنا مجبورين حتى ما نقدر نقول كلمة من هون ومن هون نعتقل مشكلة الإعلام مرات يكبر المواضيع أو يخلي الناس بصورة مش عارفة كيف لما شفت هيك أخبار استفزتني صراحة واللي يقهر كلنا تحت حكم ناس ظالمة وما بيدنا نسوي أي اشي حسبي الله على حكام العرب بس وكل متخاذل يذوق عذابه + بعرف في ناس مقهورة ومجبورة لأنها قاعدة تحت حكم ظالم مش عارفة تسوي اشي ومنهم احنا ف ما بدخل بنية حدا ولا بغلط لأنه كل واحد ونيته وحرام الواحد يدخل بالنيات ربنا يعينهم ويعيننا

لو مظاهرات لو اي اشي عادي والله المهم يوصل صوت نحاول نعمل تغيير حتى المظاهرات احنا محرومين منها كمية القهر يا الله

الله يكون بعونكم و بعوننا كلنا ، الله يعزنا على عدونا و يحمي اهل غزة

اللهم امين يارب شدة وتزول وكل هالضيق يتبدل فرج

بخصوص مشاركة ماع متأكدة ما بتهيألك شي ؟