انمي تون AniMe TOoN

كل اللي بالماركتات مغشوش يبنت الناس بنصحك تترددي عالمزارع دايما اذا الموضوع هيك
+ نفسي اجرب اروح على مزرعة زي هيك
المرة الجاية اعزميني على طلعة لمزرعة فراولة

او جربي ازرعي عندك بيحكو زراعة الفراولة مقدور عليها بالبيت

بدك الأمانة , الماركتات بالدول العربية غير بتحسي كل شي فيه روح و طيب
بس هون كل شي بتحسيه كأنو بلاستيك حرفياَ من الفواكه للخضرة

لللك اااخخخخ شو بدي احكيلك لأحكيلك !!
الوضع عنا مٌزري ! هاد غير الغلا و الجودة الي بتهوي

و الله ياريت لو انتِ هون كنت اخدتك مو بس ع الفراولة حتى على تبعيت التوت
وحتى في مزارع بتشتري من عندهم حليب تازة , تبع الماركت بتحسيه مي

المزرعة الها وقت ما بتكون موجودة بكل وقت على حسب موسمها يعني بعد كم شهر
رح تفتح المزرعة لأن موسمها على بواب الصيف

اي سهل زراعتها بس للأسف ما عندي حديقة

ما بعرف احكم عالماركتات بالدول العربية بس صير ابتاع البضاعة بذات نفسي ذكريني اعطيكي رايي فيهم
الغلا بخوف , انا لسا شخص ما اتمسك مصاري و صار يصرف على بيت او مسؤول بشكل من الاشكال عليه فما بعرف كيف بدي اتفهم هالوضع بس بحس ببابا لما تغلى المواد و يقعد يحكي ( قبل فترة كان سعر كيلو البرتقال اثنين و خمسين قرش و فجأة ارتفع ل سبعة و ستين قرش )
فاا بحس انهم جد بتضايقوا من موضوع الاسعار الله يكون بعونهم

+ لعد لازم اجيكي سفرة على ... صحيح ذكريني وين انتي

ايه يعني مو زي موضوع المشاتل اللي بتضلها فاتحة على مدار السنة

ما بتنزرع بقوارة عالشبابيك ؟

انا بالمانيا
هون عنا المزارع بتفتح حسب كل موسم الفاكهة الي فيه
مثلاَ بالشتي بتلاقي مزارع التوليب طارشة الدنيا و الخمسطعش ب يورو
بس لما يروح موسمها بتغلا كتير

ههههههههههههههههههههههههههههههه ضحكتيني من قلبي

ايه ايه صح بألمانيا .. عندك مدونة انتي نتعرف عليكي اكتر صار عندي فضول اعرف عن العيشة بألمانيا كيف
ايه فهمت عليكي , والله خلوة هالشغلة طيب