انمي تون AniMe TOoN

مساجي(مالقيتش مرادف رد بالدارجة) وصل روطار علابيها ماشتش واش كتبتي، أنا بديت نولي عنصرية و نهدر بلهجتي فهموني و لا مافهمونيش

البيضة صح حلوة مي بالماري الحق يعرفولها، ماعلاباليش كيفاش كان حيكون سوق الشيكولا و البسكوي فالدزاير بلا بيها سورتو مع تقليل الاستيراد

مام نا نحب الاوريو و مانحبش الدوري و أخيرًا لقيت مخلوق بيزار كيما أنا
يا واخدة قلبي

ههههههههه نقولو ميساج ، كاش نهار شفتي بنادم دزيري يقول رسالة ؟ 《 كون تقول رسالة يقولك راك هارب من فيلم الرسالة

+ نو بالماري ماشي ديما تجيب الشوكولا البيضة صوا صوا ، مثلا الوجدان و ماكسون البيضاء في زوز تخدمهم بالماري مي كاين فرق كبير بيناتهم . ماكسون طعمتها لا علاقة بالشوكولا البيضاء
+ شوكولا الاورويو معروفة ومحبوبة ، راكي نورمال
كنت نشري ميلكا اوريو وقت الغفلة كي كانت ب 13 الف مي ملي ميلكا غلات ولقيت بلي مومنت هي البديل ، خاصة كي دارو هذوك ال mini bars تاع مومونت . ساعدوني الحق

بالماري تمشي بوحدة من أنجح استراتيجيات الانتاج و الي هي تفتح أكثر من براند فرعي و تبدا تنافس نفسها بنفسها بالتنويع بين البرندات بدايةً من البرندات الاقتصادية (الي تكون جودتها من بسيطة لمتوسطة، مثل ماكسون) و تبدا تطلع أثمان و جودة البرندات بالتدريج باش تقدر توصل أكبر عدد من رواد السوق ذوي مختلف القدرات الشرائية، و منها إذا فشل أي براند أو تعرض لموجة نقد ماتتضررش باقي البرندات

جودة شوكولا بالماري البيضة ماتبانش فالعلامات الاقتصادية كيما ماكسون


الناس كامل الي نعرفهم يحسوني نحب التغنجيق فالماكلة كي نحبها، طمنتيني

حنا البلاد الي بدات المقاطعة من قبل ما تبدا أصلًا XD

صح ساعدونا كامل

هذي معلومة جديدة نتعلمها ، مي راهي اوسي تهلك في روحها باسكو كل ما تفتح فرع جودة منتجاتو عالية ، وخاصة كي تلقاه مطلوب فالسوق تبقى غير تزيد فالاسعار لدرجة انو ضرك ولاو صحاب الحوانت يقاطعو فيها بسبب الاسعار لي دايرتهم الشركة تاع بالماري .. كون تكمل هك رح تفلس باسكو ناس ضرك عادت تطبق قانون المقاطعة ، كيما قاطعنا المنتجات لي تدعم الكيان ، رح نقاطعو بالماري بسبب اسعارها لي في متناول تبون وولدو

+ عادي انتي عندك a fancy palette كيفي

متزيدوش قاع تهدرو بلهجة الخليج حنوناتي لهجتنا تهبل انا منعرفش في الشيكولات و نحبهم قاع و المومنت بش نصارحكم لحد الان مشريتهاش تالمون الصغيرة بثمنالاف و انا عندي عقلية الاقتصاديين ورثتها من الوالد الله يحفظو وحدة تقرا معانا تضل توزع على الناس و انا منقولش لا و هي تموت على الدوري خاتش وين نلقا دراهم في يدي ديراكتومو نروح نشري قوفريط أمين منقاومش
و لا محبيتش نكبر منلقاش أمير نروح نشري مينيروش باطة كومبلي

أمين شا أمير هدي ناكل صابون التسياق

ههههههه باينة مزلتي صغيرة وتقراي صح ؟ < باسكو تفكريني بروحي كي كنت نقرا كنت كيفك
ان شاء الله تتخرجي ويرزقك ربي بخدمة وتعودي لي تتشهايها تشريها
صابون التسياق . مي الحق بنينة منكذبوش على بعضانا .
انا نحب هذوك الحبيبات تاع الشزكولا لي يتباعو ب الف فرنك ويجي كاغط تاعهم احمر . يجي شغل قوفريط صغير ومكركب ومغلف بالشوكولا. هذيك جربيها ورديلي الخبر

مزلت نقرا برومياراني ليسي انا و انت ان شاء الله منخلو والو في قلبنا وش تخدمي ؟
جونسيبا عرفتها و لا لا مي كي نشوفها نشريها

كون تكمل هك رح تفلس باسكو ناس ضرك عادت تطبق قانون المقاطعة ، كيما قاطعنا المنتجات لي تدعم الكيان ، رح نقاطعو بالماري بسبب اسعارها لي في متناول تبون وولدو

أنقر للتوسيع...

+١

وشنوها الي كاغطها حمر فاتتني كاش شيكولا

انا نعرف غير الشيكولات المغلفين نتع خمسمية

ربي يوفقك الفريدو 《 الف ريدو ولا الفين ريدو
حاليا ما نخدمش مي كان عندي مشروع صغير اونلاين مي حبست عندي مدة .
+ فير اي تجي صغيرة وكاغطها احمر وفيها دويرات تاع شوكولا مي والله غير بنينة بارابور للسعر تاعها ،تدير الف فرنك

يااا جدك متوقعتهااشش ان شاء الله تولي تخدمي فلي خير منو و تفتح عليك ابواب الرزق انا ثان كنت نخدم اونلاين مي محبسة فترة و نولي
اايي عرفتها دويراتها صغاارر نتع ألفراك نسيت واش اسمها

تشبه لهدي بصح هدي ماركة لخرى نتع الزواولة و بنينة عليها

ههههه وااي ؟
وش كنتي تخدمي انتي
عندها اسم غريب شوي ما قدرتش نحفظو كي كنت نجي نشريها نقولو هات هذيك

اييييه هذييي بالذات
جاية زي البعرور تاع الكباش 《 حاشا النعمة

ضحكتيني قصدي
كنت نخدم جرافيك ديزاينر و مشات الخدمة حمدلله بزنس وومن و الله غير نموت على الدراهم منجمش نصبر حتى نكبر بش نعيش شعور يتخلطولي حساب صوارد
اصلا لي نشريها من عندو حانوت موالفاتو من لي كنتو بزز لدرجة كي ندخل نلقاه يصلي ندي و نحط الدراهم و نروح نهار نستناه يقلي مشي عوايدك

جاية زي البعرور تاع الكباش 《 حاشا النعمة

أنقر للتوسيع...

ياودي نهار تطيحلك حبيبات تعيفي حتى تبعديهم مالطريق تقول تبعدي في البعرور

وي غرافيك ديزاين مطلوب ، مي نحس مع الوقت يطيح سوقو مع ال AI هذا
مي كي تدي للعطلة ارجعي اخدمي وربي يوفقك ، انا كنت وسيط تجاري ، e-commerce زعما مي حبست باسكو بلادنا ما تشجعش التجارة الالكترونية
+ يقولك الدراهم وسخ الدنيا وانا اعتبروني اكبر موسخة ، نحب الوسخ هذاك شكون يسالني
الشوكولا هذيك هي البعرور الزحيد لي نحبو فالدنيا فيها بنة وحدها ومشكلة باطة وحدة ما تشبعش ، كنت نشري بالخمسة بايط
مي ضرك درت ريجيم وما بقيتش ندور بيهم الحوايج هذو ، لا يزي الحرمان العاطفي وزدت على ما بيا بالحرمان تاع الماكلة 《 الدراما فيها فيها

يقولو بلي يطيح مي انا مشكيتش خاتش يروحولو غير هذوك لي معندهمش راس مال و يخدم على الشعرة مي لي حاب داير في بالو حاجة كبيرة و داير مشروع محترم يحوس على Luxury لانو ai صح يخدم مي تولي انت و هذاك لي مالشرق عندكم نفس الهوية خاتش عندو قوالب يسقمهم على حسابك مهوش عبد اسمو ذكاء اصطناعي
اني نستنا نشري تيليفون جديد خاتش تيليفوني طبطابة و ماما كل مانعول نخدم بيه خاتش تمدهولي يظهرلها تسافر تسافر
شوفي ننصحك تحلي كونت تيليغرام و تخدمي في كانال لي يوالمو تفكيرك خاتش لي كانال الكبار مولاهم معندوش الوقت يريبوندي على قاع لي كلييونت + معندوش الوقت يظل يبوستي تسما يحوسو على ناس تشدلهم الخدمة و ثان باجات نتع الفيسبوك خاتش باش يطلعك لازم في النهار تبوستي شحال من حاجة و هديك الحفافة و لا هداك الطبيب و لا هديك الدونتيست و لا هديك الحلواجية متلحقش تبوستي بهديك الكثرة بش تطلع الباجة و زيد متقدرش تتفرغ للمتابعين انت روحيلهم و تفرعني غادي نشدلكم لاباج نطلعها 10k اقسم بالله غير تمشي الخدمة و نتي مع اللول متشرطيش مبلغ كبير على اساس مبتدئة غير توالفي و تحسي روحك اكي صح تطلعي كبري المشروع
غير الانسنا اخطيك منو باش يطلع الكونت يشيبك صعيب و كل يوم يبدولو الخوارزميات تسما يمرمدك
+ مع اللول حوسي نتي على لي باج و اعرضي روحك و يخلصوك بالذهبية كي يطلع شانك ديري هذيك الكارطة لي معلاباليش واش اسمها و اتجهي للعالمية
متنسايش كل كونت شديه صوريه قبل ماتشديه و مور مشديتيه
انا مذابيا غير ندوش بهذا الوسخ من كثرة لي فايض
و تحلي الخمسة في مرة و تاكليهم في ضربة نبانو مشتاقين ياعجابة
انا صايي آمنت بلي لي بغا يشيان سبور منقدرش نفرط ديجا وين يظهرلي نقص يظهرلهم يطيبو الكيك في الدار لي العام كومبلي مداروهش مالا رنكو

طولت