انمي تون AniMe TOoN

+ عادي اذا ما تذكرتني

اهلا اهلا نونا أكيد اتذكرج التلميذة اللي تحب هايكيو
الحمدلله انا بخير، وانتي شلونج؟

اوبس صار تغييرات بخصوص هايكيو
دوم يا رب، كيف الحياة معك؟ و كيف امك و اخوانك؟

الحمدلله انا بخير، خلصت جامعة الاسبوع الماضي و الحين صرت متدربة و بعدها ان شاء الله بتوظف قبل لا اصير باحثة عن عمل

اذا تسأل عن الجديد بدأت اكتب رواية و ذا كل حاجة تقريبا

انت ايش جديدك؟

اووه شكلها صارت تطورات

الحمدلله كلهم بخير، انا صرت مدرس وعندي طلاب زي العسل < كذاب

ما شاء الله خلصتي كل شي متعلق بالدراسة وأخيراً، الرواية تنشرينها هنا؟

يب صرت اتابع مباريات كرة طائرة، بالنسبة للأنمي صار بونجو ستراي دوجز من اقوى مفضلاتي بنفس مستوى هايكيو يب سمعت عنه او شفته؟

ان شاء الله دائما، ما عليك حلوه شغله المعلم بس تحزنوا وانتوا تصححوا للطلاب و تحضروا لهم (اهلها كلهم معلمين)

يب الحمدلله و بصير اطلق HR
لا الرواية افكر انشرها ككتاب ان شاء الله بعد ما اخلصها ما افكر احط تفاصيل ف اكثر من مكان (حاطة ف الانستا) يكفي اعتقد عشان ما تصير حوسه، لو تبغى تقرأ منها نصوص قل لي، بكون سعيده اسمع اراء جديدة

اي اتذكر قلتيلي من قبل عن بونجو بس ما شفته للآن، اقري مدونتي بتشوفين رايي عن الأنميات بشكل عام
اي ما احب التحضير أبداً، بس الحمدلله بشكل عام مريحة الوظيفة..

تقدرين تشرحين شنو شغل الـ HR ؟
حلو ما شاء الله خوش هدف، لو ما عندج مشكلة عادي اقرا الفصل الأول؟

صدق تكلمت معك عن بونجو؟ من متى انا كنت مهووسه بونجو يا ترى

الفئة العمرية اللي تدرسها صف كم؟ و كيف وضعك مع بيئة العمل بشكل عام؟

اذا تحس بالراحة مع الوظيفة بعد فترة بتتعود مع التحضير، اختي نفس الحالة و تعلم فيزياء و تعلم صف ٥ و ٩ بس هي تحب التعليم و تحب طالباتها و تعطيهم كل طاقتها بس منزعجة من بيئة العمل (زميلاتها و غيره)

You asked the right question
HRM او ادارة الموارد البشرية، غالبا الناس تعرفنا انه نحن الناس اللي نوظف الموظفين بأي مكان و نشتغل بالفعل بأي مكان لكننا اكثر ناس مكروهين ف الحياة عشاننا اوين نحن ما نوظف
بس اللي ما يعرفوه انه من يوم نقول للموظف انت مقبول نصير نهتم فيه و بكل تفاصيله، هو و شغله، هل هو متأقلم؟ هل هو مرتاح؟ هل هو قادر يأدي صح؟ هل تزعجه حاجة؟
على اية حال ينقال لنا تخصصكم اخطر تخصص بالعالم لأنه بيدكم الناس كلهم اللي بالشركة، كنت اقول نكته عن الموضوع انه نحن بالفعل كأننا سوق سوداء نبيع و نشتري البشر بس تحت مسمى لطيف اسمه ادارة الموارد البشرية

بحاول ارسل لك ف اقرب وقت و بعطيك نصوص ثانية عشان عندك حس ادبي و احتاج رأيك

ايي من فترة قلتيلي عنه
انا ادرس انجليزي المرحلة المتوسطة، هالسنة درّست اولى متوسط، أحب بيئة العمل والزملاء واعشق الطلاب
بس ما حبيت وظيفة التدريس نفسها، ما شفت نفسي فيها بصراحة وقاعد عشان الراتب فقط احس ان جهدي
قاعد يروح عالفاضي

اوه شكله وناسة الـ HR مصير الناس بين ايديكم وبعد ما تقبلونهم تصيرون دكاترة نفسيين لهم، شي جميل

اي اخذي راحتج بالرواية وانا حاضر

تصدق ما اتذكر؟ ياليل ذاكرتي وين راحت؟

فهمت، بس ما تعتقد انك فمرحلة ما بتحب الوضع ولا لا؟ احس ما مريح انك تشتغل بحاجة وانت ما مرتاح فيها او ع الاقل تدور حاجة ثانية تحبها تكون كشغل ثاني من بعد شغلك، مصدر دخل آخر اقصد.

هو كأساس كذا بالفعل و عشان كذا درسنا علم نفس بعد، بس ما احس كثير ناس تطبقه مع ذلك فيه امل، لما رحت مؤتمر ال HR هذي السنه (اختارونا من الجامعه) كان المكان مريح واجد بي مختصين HR ثانيين و حسيت بشعور انه بخاطري اشوفهم فبيئة عملهم هل هم نفس الشخص بالفعل؟
فيه فترة كانت تطلع لي فيديوهات عن انزعاج الناس بالمقابلات الوظيفية و سؤال (ايش تشوف نفسك بعد ٥ سنوات) و سوالفهم انه ذلا ما بيقبلوا الا بواسطة و اعترف انها كانت تزعجني بعد فترة ما عادت تهمني و حتى خالي يقول لي انتوا ما HR انتوا اشرار، كنت اقول له ايوه و اعطيه طرف من ضحكتي الشريرة

تمام ان شاء الله و شكرا لك

بخصوص مدونتك اعتقد احتاج يوم فاضي الف عليها بشوفها ف اقرب وقت

اي انا حالياً في طور العمل على الشي الثاني اللي يعفيني من الوظيفة اللي مو حابها، المشروع
موجود بس أحتاج مكان مناسب، ف ان شاء الله مسألة وقت وأبلّش فيه

انتي بتكونين اكبر شريرة بالـ HR بس حلو انج تكونين مهتمة بالتخصص وحابته وهذا ان شاء الله
ينعكس على تطبيقج لعملج

بتنورين المدونة والله

+ ان شاء الله راح اقرأ النصوص لما يسمحلي الوقت

حلو الله يوفقك، كفكرة اذا ينفع تبدأ اونلاين يكون حلو بعد، و نفس الشي اذا فيه فرصة تشتري اسهم اشجعك واجد عليها طالما اني مجربة صرت انصح الجميع بالموضوع بس تأكد من المؤسسة و شغلها عشان ما تتورط بحاجة حرام، بالتوفيق لك يارب.


ما احتاج اكون HR عشان اكون شريره
*تضحك ضحكة شريرة
بكون صادقة وصريحة ما كنت احبه بس بعدين لما جلست اتعمق فيه صرت مهووسه فيه، حسيت انه بالفعل اكثر حاجة تناسبني و ان شاء الله خير

بنورك

+ يب قلت لك خذ وقتك و اقرأهم على رواق

اخوي قاعد يشتغل بالأسهم وعندي فكرة اني ادخل بهالموضوع بس ما درستها للآن ، اي بإذن
الله لو قدرت أبدأ بأي طريقة راح أسويها

يعني انتي شريرة بالفطرة
ان شاء الله يارب يكون خير لج

حلو عندك حد خبرة، لما قلت انك تدرس الموضوع استوعبت وضعي وانا كل ما جات فرصة ما فكرت و اشتريت اسهم

و ايش رايك باستثمار الذهب كنت افكر صراحة باستثمار الذهب لكن الحين محتاجة اركز احصل وظيفة.
بالفطرة؟ ما احتاج فطرة و جيناتي جينات اقوى الاشرار

امين يارب العالمين

لالا ما تاخذين رايي ما اعرف شي للآن يقولون الذهب مضمون بس مادري

ملكة الجينات