انمي تون AniMe TOoN

أجنحَة الحريّة
أجنحَة الحريّة
فاضية ومتفضية ما شاءلله
S a n d r a
S a n d r a
جاية اتطمن عليكي
أجنحَة الحريّة
أجنحَة الحريّة
اصيلة يا بنت عمي
تعالي بالأحضان ش2 ق1
الامور كويسة الحمدلله
انتي كيفك
S a n d r a
S a n d r a
طالعيتلك يا بنت العم حز88 ق1
الحمد لله بخير ، شفت فيديوهات بتسر الخاطر كيف الناس بلشت ترجع لحياتها الطبيعية ، كثير انبسطت ش1
أجنحَة الحريّة
أجنحَة الحريّة
اكيد انقهرنا عالمفقودين وعذابهم لكن بالنهاية، انتصرنا على الظلم بعون من الله
تخلصنا من الفساد وكل واحد عم ياخذ عقابه
وانقذنا باقي المعتقلين وحررناهم
وسقطت العقوبات الدولية والحصار الاقتصادي عن سوريا
وحيرجعوا ولادها
وتزهر سوريا اكثر من الاول
الكل عم يقول انو هوا الشام صار غير بعد التحرير
ظنيت بس انا اللي لاحظت، لهيك متحمسة اطلع
ومنتظرة اللحظة المناسبة
S a n d r a
S a n d r a
عنجد اول مبارح و انا قاعدة بشوف اخبار سجن صيدنايا و الفيديوهات قديش بكيت و دعيت على ابن الحرام من كل قلبي ..
شوفة سوريا بخير و الناس بلشت ترجع
و ولاد الحرام اللي كانوا يشتغلوا مع الكلب بينمسكوا و رح يتلقوا عقابهم اشي بخلي الواحد يرتاح نفسيا و يتأمل لمستقبل احسن للبلد .. شفت فيديو واحد بيمزح مع شرطي سير كانوا بيتخوثوا انه اول مرة بنسترجي نمزح معهم
و شفت بنت ثانية بتفش غلها و هي بتشكي عن الأوضاع اللي كانوا عايشينها و أنها اخيرا قادرة تعبر بدون ما تخاف من اي حد !
كنت مستغربة ثاني يوم بعد التحرير انه ليه ما بشوف الناس حولي فرحانين و انا كثير فرحانة و مبسوطة ،، و حسيت أنه يا ناس وين فرحتكم ؟
و كنت متضايقة من الريلز الغريبة تبع صاحبك السوري و هو مروح عالبلاد أو يا سوريين لا ترجعوا قبل لا تعطونا وصفة الشاورما و التومية .. يعني هاي اقوى رابطة بينكم و بينهم ؟ :)
و حلبوا السيرة حلب عنجد قهروني ..
S a n d r a
S a n d r a
اهم اشي بالنسبة إلي انا اللي كنت بسمع عن المعاناة من بعيد اني افرح بشوفة هالشعب مبسوط
و في شغلة مضايقيتني اللي هي الناس اللي بتحكي انه هاد كله مخطط له ، طب يا جماعة الخير مشان الله يعني لهلدرجة ما في ثقة ... و اذا كان مخططله
سمعت واحد بيحكي مثل
انا و اخوي على ابن عمي و انا و ابن عمي عالغريب ... مش المهم رجعوا بلدهم ليش التنكيد المقرف هاد :)
و الناس اللي بتحكي روحوا حاربوا اسرائيل
طب يا حلو خليهم يتنفسوا شوي و يزبطوا البلد و يعرفوا ينظموا الأوضاع شو هاد ولعليكم ما ازنخ دمكم !
أعلى أسفل