انمي تون AniMe TOoN

ههههههههه يا هلا، من زمان ونحنا هون
انا و @Marshmallowღ و @Dr.Saki~☆ و @whitney
4 ما شاء الله بيطلعلك كنز

انتي من وين ؟

T-T لم تكن لدي فكرة أنكم جميعاً من سوريا!!
خذو عنـــــــــــــــاق كبير
ظننت أنني لن أجد أحد من هناك ، بعد أن كان لدي الكثير من الرفاق من هناك قبل حدوث تلك الأمور
منذ عام 2012 لم أعد أرى أحداً على الانترنت .
من فلسطين x"D
و بما أنني من هنا ، لو أن بإمكاني التسلل إلى لبنان لآتي عندكم زيارة بعد هذا الافتتاح الكبير!
أول شيء قمت به هو أخذ ايقونة العلم التي كنت احتفظ بها ، و تعديلها على الفوتوشوب بهذا الشكل!

الصورة الأصلية الكبيرة ( و لكن بعد التعديل على العلم السابق بنفسي ) نياهاهاهاهاهع



ثم قمت بتصغيرها بما يتناسب حجم العلم لدي ، عشان المنتديات الأخرى و المواقع التي تستخدم ميزة علم الدولة
ليستعملوها إن كانوا يستخدمون أيقونات شبيهة بتويتر مثل هذا


لكن نسيت أن أقوم بتخفيف اللون كما ينبغي لتناسق الألوان مع بقية الأعلام


** شكلي و أنا متحمسة أكثر منكم للموضوع x"DDDDDDDDDDD!! ههههههههههههههههههههه **

- تبادل العناق- الحمدلله اللي نصرنا سوا فكان جرحنا متماثل
بفترة ال 12 سنة اللي قضيتها بالمنتديات كان قليل جداً لأشوف سوريين
ينعدوا على الاصابع، يا شيخة حتى تواصلنا بين بعض قليل بين الشام، وحلب وإدلب لانها مناطق معارضة
وبعض الناس اهاليهم واولادهم مع ثوار، فكانت هديك الايام مجرد التواصل معهم خطر وتهمة للإعتقال
واحد من خوالي، فلسطيني تم اعتقاله لانه زوجته تكلمت بجواله مع اخوها بالجيش الحر


والنعم منك فلسطين وطني الثاني
ان شاءلله منشوفك بالشام مع الايام
ههههههههههههههههه والله ابدعتي، عاشت ايدك! 1
رح احتفظ بأول علم لسوريا المحررة بالمنتديات من تحت ايدك
لازم اقول لسكاي يضيفها عالسمايلات

@-@ آيوااا! و انا اقووول فيه شيء غريب صاير ، استغربت ، حسيت انو فعلاً كان فيه شيء غريب
مع أنو ما كانش عندي فكرة بإنو الوضع واصل لهالدرجة ، من مرة ماكانش عندي فكرة
يمكن عشان فترتها مكنتش اعرف ع السوشال ميديا ولا كانت بهديك القوة هديك المواقع
ع كل حال يا عزيزتي تهانينا! من المفرح رؤية عودة السوريين بالفعل!
سمعت أن العملة السورية انتعشت عن قبل ** شفت فيديو أحمد أبو الرُّب x"DDD **
هل تعلمين يا عزيزتي أنه زمان كانت البضاعة السورية مليانة البلد عندنا هون بفلسطين
من ناحية قطنيات و بيجامات من صناعة محلية سورية ، و كانت أغلى من البضاعة التركية كمان؟
كتير ناس كانوا يفضلو البضاعة السورية لأنها انضف من ناحية الصناعة بهداك الوقت
لكن هلأ كلو تركي و صيني =-="... و التركي مش الأصلي ، تقليد .

عنا غزة تم عقد الهدنة معاهم ، لكن عِلمك ، الخراب كبير و بدها عمار كتير.
شفت انه العضوة RELENA من غزة ، الله يكون بعونها =-=
حتى انا مستوعبتش الهدنة!

واحد من خوالي، فلسطيني تم اعتقاله لانه زوجته تكلمت بجواله مع اخوها بالجيش الحر

أنقر للتوسيع...

انا مصدومة من عدد الناس اللي بالسجون والله اشي بزعل بتشوف الكبير و الصغير و الطفل و النساء و الشيوخ و الشباب اللي بزهرة عمرهم ، والله هالشسمه هداك بحسو من سلالة نت ن ي ا ه و
=-= الله يخلصنا منو التاني زي مخلصكم من صاحبو.

ايش صار معهم هلأ؟ لقيوه؟ طلع؟

ذاك اسوأ من نتنياهو، لا فرعون ولا النمرود
امييين يارب الله يريحكم منه مثلما ريحنا

ايوا طلع من زمان بـ 2016 لكن خالي الثاني اللي ما معروف عنه شي
كان معتقل من 2012 وما لقينا اسمه لا بين الاحياء ولا الأموات

ايييه بلادنا وبلادكم ماشيين ع اغنية جنة يا وطنا هههههههههههههه

ايه كلامك والله صح، سمعته من واحد عالانترنت يقول سوريا كان فيها عز وبضاعتها مفضلة بكل مكان
وحترجع زي الاول واحسن بكتير ان شاءلله سعادة لا نهائية ان البلد النا
انا كمان اتابع ابو الروب وناطرة يعمل حفلة معجنات عنا

الله يعينها ريلينا والله الوضع صعب لكن بهمة وشهامة الكل تتعمر من جديد بإذن الله

لا احنا بدري نمشي ع الاغنية x"D
لكن هذا العام بالنسبة لسوريا عام يغاث فيه الناس
و عقبال عندنا ان شاء الله .
x"D لما اروح ع سوريا كم راح تحسبولي البيجامة؟
بتعرفي انو انصدمت انو سوق الحميدية طلع سوق حقيقية في سوريا x"D
انا كنت بس سمعت فيه من ورا المسلسلات الشامية السورية بس.
كنت اظن انه مسميات مسلسلات فقط
@-@ يا بنت ، والله ع اليوم لو تكتبو موضوع عن أماكن مشهورة عندكم بسوريا تستحق الزيارة
خصوصاً يعني الواحد مش عارف اشي بصراحة
انا بعرف دمشق و حلب و اللاذقية و حمص و حماة و درعا و إدلب
** حفظتهم من خريطة سوريا اللي كانت مع خريطة العالم اللي كنا معلقينها ع حيطة في البيت x"D **
لكن لا أعرف معالم سياحية أو أسواق مشهورة بصراحة ، معلوماتي ضعيفة.
و اكتبو شوي عن ثقافة أكلكم ، يعني أنا لليوم مش عارفة شو هو اللي اسمو ( حراق بإصبعو)
هههههههههههههههه بسمع عنه بالمسلسلات . قاتلني الفضول بس كلمرة بتذكر بكون بعيدة عن النت لأقرأ

نفسي بالشاورما و التومية و الكبة المشوية من شغلكو انتو السوريين @-@
و انتو بس تفتح بلدنا زيكو ، بخليكو تاكلو قِدرة خليلية بس توصاية من فران شاطر.

اسمعي ، شكلي تعبتك معي بالحكي هههههههه
حتى انا تعبت ههههههههه كل رد قد الدب
خلص خلص لبعدين .
المهم لقيتكم.
اعزموني ع كبة.

لفتني كلامك، انتِ خليلية؟

هذه آخر مرة سأتحدث فيها بالعامية x"DDD صِدقاً!
لقد كُشف أمري بسهولة! أجل ، أنا كذلك.