انمي تون AniMe TOoN

متأكدة النار هادئة ؟ يا خوفي تكون النار طفت و انت مش دارية
أساسا المواضيع الفخمة يبغالها وقت حتى تجهز > ترا توقعاتي واصلة السقف

كيف اعترف كنت مأجلة الحلقات بدون ما اعترف
المهم انو احلى خيار سويته عشان استمتع فيه على راحتي ‍
حاليًا وصلت الحلقة 6

اقدر ارجع لسباتي الحين

النتيجة فخمة مررره
شفت بس أول حلقتين فبحاول اكمله اليوم حتى أرد على موضوعك رد يستاهل تعبك بإذن الله
ادخلي سبات حق شهر لا أكثر ترا نحتاجك

اوه طلعتي مسوية نفسي
بانتظر رايك وردك لما تخلصي
احب اسوي تقارير بس وضع السبات احس عجبني لي سنتين ما سويت تقرير بالقسم

اي غالبا أحب أجمع حلقات الانمي لأن أسبوع فترة طويلة و بالنهاية طول الحلقة أقل من ربع ساعة بسرعة 2
بروح أحمل باقي الحلقات
الصعب هو انك تكتبي تقرير في فترة قياسية بس لو كلما جتك فكرة موضوع كتبتيها و كتبتي كم فاصلة و ما تدخلي للوورد تكتبي شوي الا لما تجي على بالك كان على الأقل تلقي المواضيع شبه جاهزة يوم تبغي تحطيها بالمنتدى أول للمسابقات
كذا الوضع مناسب للسبات بكل أريحية

سيم اتوقع بوقف على الحلقة 8 وانتظر يكتمل
لانه صار ببعض الحلقات تكون حلقة مرتبطة باللي قبلها وما ابي انتظر 🫠
بالعكس صارت المدة مناسبة لما شادو خلاها لنهاية شهر 6
وقت اسوي تقرير خصوصًا لو لعمل جديد حلقاته تنزل ماحب اروح للمانجا عشان لا احرق على نفسي
بس لما صارت المدة مفتوحة لنهاية الموسم صار بيرفكت
واقدر اخذ محتوى التقرير من الحلقات على راحتي
بس اتوقع عشان كذا صرت احب انزل قوائم المواسم ما تاخذ كثير وقت مني
وفيها اقدر افلتر لكم الكويس لانو اخر فترة ينزل انميات مو مناسبة للصغار يشوفوها

بتكلم بشكل عام مش عن المسابقة بالذات
المنجا مع ذلك تعطيك أفكار فقرات إضافية فبتساعد مرره
صرت معتادة على الكسل و آخذ من عندك الانميات اللي بشوفها
+ انميات الكفر أيضا ، 2 من انميات هالموسم فيها الهة متواجدة بالانمي نفسه كشخصيات مهمة أستغفر الله

تدرين لو صارت هالفعالية مع solo lvling كنت بتهور واخذ من محتوى المانهوا
^ لاني قاريتها اصلًا ، بس اذا ما قريتها ما بروح احرق على حالي اكيد
فيه سلسلة جديدة اعتمدتها مؤخرًا وهي "favorties" صرت اجمع لكم اللي شاهدته بنهاية كل موسم
واعطيكم رايي فيه بدأتها مع موسم الشتاء هنا، بكمل فيها بإذن الله
اغلب الانميات فيها كدا للاسف، بس دام الانسان كبير ويقدر يفرق بين الصح والغلط فوضعه تمام

لما حطيت تقريري على ألعاب ذ والكينج ديد حرقت على نفسي و قاعدة أنتظر أفقد الذاكرة >مفقدتهاش للأسف
لو كان انمي عاجبك ما يصير تحرقي بس لو مليتي أحس الحرق عذر جيد حتى تسحبي على الانمي
أوه أضيفي فيها الانميات اللي شفتيها بنفس الفترة بس هي نازلة من قبل مش من هالموسم لأن قايلة ان اغلب انمياتي دحين جايبتهم من عندك فأبغى أكثر
شرايك تبيعيني حقوق الفكرة أروح اسويها في قسم الفن واجعني قلبي على القسم بس قلما أحط فيه لأني أخاف من الذنوب ، غالبا المسلسلات فيها أكثر من الإنمي
قسم تقريبا ميت بس فيه فرص كبيرة
هي صح كلامك حتى الانمي كاثر فيه الأفكار الغير مناسبة هالفترة فضروري الفلترة

الشيء الوحيد اللي جالسة احرق على حالي فيه دي جراي مان
بس احلى حرق والله المانجا رسمها اسطووووريي واحداث تجنن بس مشكلتها انها 4 فصول بالسنة بس
اذا تبين اقتراحات زياد علميني ايش التصنيفات اللي تحبيها يمكن اتذكر شيء حلو ارشحه لك
هههههههههههههـ حلالك احد تناسب هالقسم مرة تسوين قائمة كدا لاشياء شفتيها بتكون رهيبة
صح بالنسبة لردك اشوفك ديمًا تناديني هارويا من فين جبتي الاسم
بالنسبة للمانجاكا قريت ان لها اعمال بستار وورز بس اذكر السلسلة حشروا فيها اجندات الالوان فما حبيت اجيب طاريها
+ كيف اعترف لك لين الحلقة الثامنة ما جابوا طاري سبب كرهه لذيك الجماعة
بس عمومًا عاجبني رتم الأنمي البطيء صراحة بس كنت اتمنى لو يخلوه سلسلة مستمرة مش بس 13 حلقة
بس عندي اكمل يسوون اجزاء ويغطو المانجا كاملة، & سبب اختياري للعمل عجيب ادري
بس جد مررررررررة احب صوت هالادمي تعبيره مررررررررة يأثر بالواحد اذكر وانا اسوي قصة اللعبة جلسة ابكي كثير بسبب اداؤه الصوتي
بالتريلر اللي حطيته بالبداية هو نفسه اللي يحكي ببدايته بحال ودك تسمعي كيف صوته

أحس ما قدرت أركز معها لأن غالبا أستصعب اني أشوف مشاهد القتال في المانجات عشان كذا ما أقرا كثير هالنوع
4 فصول في السنة هذا تعذيب للنفس من متعة
كل مرة و كيف مودي بس هالسنتين جلست أختم الأعمال اللي الايسيكاي موضوعها
هيه قايلة ذاك القسم فيه فرص كثيرة
من مسلسل كوري البطلة تنادي البطل هاروياااا هو اسمه هارو بمعنى يوم في الكوري
كان مسلسل كيوت اذا تبغين تشوفيه اسمه extraordinary you
أووف هذاك فيه كمية الرهيبة من الشخصيات اللي كذا بس فيه ايضا كوميكس ما فيها
ما قريت الا اثنين وحدة حق كانان و كانت سلسلة قصيرة مقارنة بالثانيين و ما فيها هالأشياء
بس هي المانجاكا أساسا تدعم ذوليك الناس فاش نسوي
متتتتت توقعت نعرف
العالم حق الانمي جميل و عنده امكانية لتوسعة القصة صح
كنت بقول ليتك حطيتي فيديو لصوت جوشوا حتى نفهم السبب حتى ذكرتيها
اي سمعته و فعلا القاءه قوي

سيم بالعادة لو اقرا بيكون شيء درامي رومانسي كدا
بس عشان دي جراي مان كسرت القاعدة لعيونه
اوه كيووت ، بضيفه للستة واشوفه باذن الله
على طاري سوالف الالوان صار معي موقف امس ذكرتيني ببالي احكيه بمدونتي
^ يارب لا اكسل ولا اكنسل السالفة
تدرين على طاري صوته يوم امس نزل له مقابلة مع كرانشي رول اتمنى لو نزلوها بدري اكثر عشان اضيفها للموضوع

شبهي في كل شي شكله
يا أختي حمستيني له والله بس ان كل سن تنزل 4 فصول طفت الحماس كله
قريت التدوينة و جاوبت عليها قبل لا أشوف ردك هنا
ما كسلتي و لا كنسلتي تطمني
يشتغل معهم في الدبلجة ؟ كرانشي هالأيام مستقبلة هجوم قوي بسبب شائعات استبدالهم المترجمين بالذكاء الاصطناعي
على الاقل جوشوا ما رح يخاف على شغله في دبلجة الانميات دام مش متوقع الذكاء الاصطناعي يقدر يستبدلهم في اي وقت قريب

حبيت اذواقنا متشابهة
كنت نفسك اقول هالشيء اذكر حتى كنت اسحب وانسى الفصول اساسًا
بس وضع الاحداث حاليًا ON FIRE!!! يعني حتى رغم موعد النشر المزعج
فالوضع الناري الشراري بيخليك تروحي تشوفي الفصول الجديدة لما تنزل
تخيلي مثلًا شخصية لها يمكن سنتين او ثلاث المفروض انها بح ميت
^بس كلنا ندري اللي زيه ما يموت بهذي الطريقة يعني
فجأة اخخخييرررًا ظهر بآخر فصل نزل كلننناااا كنا نصييييححححح طلته كانت فخمة
هو ما ادري بالضبط بس على حسب ما فهمت من مقابلته لا هو ما يشتغل بكرانشي رول
هو كان سمع ان المانجا بتصير انمي قريب فكان يقول لمديره انه لو شاف اي تسجيل بدأ للأنمي يرسل له
وذا اللي صار شاف ان بدأ التسجيل للشخصيات وسوا تسجيل حق شخصية كيفري وارسله لهم وقبلوه بالدور بس
هو عمومًا حتى الترجمة العربية حقهم مرات الاقيها مو احسن شيء الفرق العربية تسوي احسن منهم
لو تتابعي ماو الفريق اللي ماسكه ترجمته مرة حلوة وانتاجه جدًا جميل