انمي تون AniMe TOoN

بالقوه حمسك نفسي ماشوف شي لين تنزل كل الحلقات
وعلى فكره احبك اكثر

انا شفت الاثنين الفلم والحلقات برضو بتابعها معكم
واناااااا احبك بعد

لان اصلا عندي لسته طويله احتاج اخلصها يعني في شي ماسكني ولا كان مستحيل اصبر عن بلتش اخر موسم ماقدرت امسك نفسي وتابعت اول ما نزلت وندمت لان اكيد كلنا نعرف شعور الانتظار كل اسبوع واحنا ميتين حماس

اييه افهمك *^* امس اخيرًا بديت بمورياتي انصدمت من الرهابة اللي كنت فوتها على نفسي رهيب جدًا

هذا الانمي عليه مدح كبير بس مافكرت احطه حتى بلستتي من كثر ما اللسته طويله تجيب الضيم من طولها بس شفت له كم مقطع وحسيت انه رهيب

من القحط اللي نمر فيه بالموسم الحالي تخيلي عدت سكب بيت وارك من اركات دي جراي مان والحين وقعت بمورياتي
جلست اجلد نفسي انا كيف كنت مسكبته بديت بالموسم الاول امس وخلصته اليوم وشفت كم حلقة من الثاني

يابنت ستوب انتي شكلك شبيهتي او توام انا اعشششششق سكيب بيت حرفيا حرفيا كم مره ادعس على ام اللسته عندي وارجع اتابعه من جديد اصلا محمله حلقاته في هاردسك من كثر ما احبه

سيممم محملته بجهازي
من اكثر القصص اللي احسها واقعية وحلوة بعيدًا عن الاكشن وخرابيطه

احس عيب علي كل هالسنين وماكنت اعرفك صدق
تبغين نتابع بلتش سوا ؟؟؟؟؟ تحمست ههههههههههههه

اهم شيء وصلنا اخيرًا
اكيد ليش لا بس كيف سوا

اي والله يابختي تعرفت عليك وتشرفت حييييييييييل
زمان كنت اتابع مع البنات ببرنامجين واحد اسمه رابيت والثاني نسيته بس اعتقد اثنينهم ماتو او مدري وش وضعهم حاليا
بس تدري زمرده كمان قالت بتتابعه معاي نسالها يمكن تعرف لذي الامور ولكن حتى بهذي انت مثلي

ياربي رابيت وربي ذكريات كنت استعمله زمان بعد
حاليًا ماعرف شيء للبث غير ديسكورد ، يمدي عليه احد مننا يسوي شير للحلقة ونتفرج سوا

حملت ديسكورد من فتره وماعرفت له صراحه مرررره كاني عجوز اول مره تستخدم جوال
بس عادي لو تعرفين له علميني وياسلام

هذا كان اول احساس لي يوم حملته من 6 سنين
واجهته غير وغريبة عن مواقع التواصل الاخرى
انتي تستعمليه على pc او جوال؟ لان الواجهة تختلف بشيء بسيط

اشوى هههههههههه
ع الجوال استخدمه

here

هذي واجهة الابلكيشن يوم تفتحينه
مكان التظليل يلي مسويته انا بيكون فيها محادثاتك aka الرسائل الخاصة هنا
اما الدوائر اللي على اليسار هذي اسمها سيرفرات عشان اقربها لك السيرفرات نفس الجروبات
يمدي نسوي واحد لو زمردة بتجي معنا ندخل بواحد سوا ونتفرج

انا مسجله بسيرفر هو واحد سجلت فيه زمان وسحبت على التطبيق كله الان رجعت حملته من جديد
ولا اعرف شي عن السيرفر ولا كيف سالفته ولا اي شي حرفيا ضياع بضياع
ماعلينا شكلي بجلس اتعلم عليه بس وناسه لو نسوي سيرفر ونتفرج سوا مره حبيت الفكره

ما عليك هو بالبداية عجيب شوي مع الوقت بتتعودي عليه
من مزايا السيرفر يمدينا نضيف ايموجيات بليتيشية او اي ايموجي ثاني نبيه