انمي تون AniMe TOoN

لأن كروكودايل مو مجرد شخصية شريرة بالنسبة لي، أكثر شيء جذبني فيه هو هيبته وغموضه وطريقة تفكيره فشخصيته نفسها فيها برود وثقة وكبرياء، ومع ذلك تحس إن وراء هالهدوء تاريخ وتجارب صنعت منه الشخص اللي نشوفه و الأهم أنه أول شرير فخم ظهر معنا في ون بيس فظل معلق في مخي ههههههه

وأحب الشخصيات اللي ما تكشف كل أوراقها بسهولة، وكروكودايل من النوع اللي كل ما عرفت عنه أكثر زاد فضولي أعرف وش اللي شكّله وكيف وصل لهالمرحلة.

يعني حضوره لحاله يكفي يدخل المشهد وتحس إن المكان صار له هيبة ثانية و ساشوبيردانا موغيوارا هاذي في حتة تانية خالص ههههههه

+ و أنت شو شخصيتك المفضلة في ون بيس عندي فضول أعرف الصراحة ؟

اتفق معاك في دهاء كروكودايل وحضوره فعلا قوي

للان عندي الكثير من علامات الاستفهام حوله < الحقيقة تساؤلاتي بشكل عام في القصة كثيييره افتكر اني اعدت المشاهده عشان اسجل الاسرار اللي باقي ما انكشفت
بالاخير طفشت من كثرها وكنسلت الفكرة كملت اعاده من غير ما اسجل شي

اتساءل كيف وصلته المعلومات عن اراباستا ومعلومه تواجد سلاح اسطوري الي مفروض محد يعرف عن الاسلحة اساسا ، و طول المده هذي يرسم خطه ذكية من تحت عشان يسقط المملكه

واكثر شيء ودي اعرف اجابته هو ليش انهزم من لوفي لان مش قادرة اصدق انه واجهه بكل قواه
ليش ما شفناه يستخدم الهاكي؟
ما حبيت نظرية انه ما يبغى يلغي قدره ايفانكوف


لكن اكرررره خبثه ترا لانه يقهر
بالذات لما الحراس شربو الماء اللي يعطي قوه خارقه بمقابل يموتوا خلال كم دقيقة
وقال لهم مش راح اقاتلكم انتو كذا كذا ميتين كم كرهته

نيجي لشخصياتي المفضلة

بلقصة كلها افضل شانكس وما يحتاج اشرح ليش
اختصر كلامي بانه هو اللي اشعل شرارة بداية القصة
اذا تريد اسبابي انا جاهزه

بعدها لاو كنت اعيد ارك بانك هازارد ودرسروزا عشانه

رقم ثلاثه كورازون جدا احب شخصيته مستحيل انسى المشاهد لما كان يجوب فيها بلاو عشان يدور علاجه
توي افتكرته كان اضفته للرد لانه قاسى نفس الماضي المؤلم مع فلامنقو لكنه كان قادر يحدد ان اللي قاعد يسويه اخوه غلط
وكنت اتمنى لو عرفنا عنه اكثر بالمده اللي اختفى فيها وش الاحداث اللي صارت له ولقيه سنغكو

اخر شي ماركو يوي اعترف اني سطحيه واحبه لان الوان العنقاء تبعه فخمه

وبالنسبة للطاقم افضل شخصيه عندي هو تشوبر

فكرة إنك تعيدين ون بيس مخصوص عشان تسجلين الأسرار اللي ما انكشفت ثم في النهاية طفشتي وكنسلتي الفكرة هههههههه

أحس هذا أكثر شيء واقعي ممكن يصير مع ون بيس، لأنك لو قررتِ تسجلين كل علامة استفهام في القصة بتحتاجين دفتر مو إعادة مشاهدة و ما راح تخلصين .

وبالنسبة لكروكودايل أتفق معك جدًا، خصوصًا موضوع أراباستا أكثر شيء يثير فضولي فعلا هو مصدر معلوماته، لأن الرجل ما كان يتحرك عشوائيًا أبدا، كان عنده معرفة بتفاصيل المفروض مو سهلة الوصول لها، وكان يبني خطته بهدوء سنوات وهو يحرك الناس من خلف الستار.

أما هزيمته من لوفي فهذه من أكثر الأشياء اللي فعلًا تستحق علامة استفهام
أنا أيضًا ما أحب تفسير ما كان يبغى يستخدم الهاكي لأنه بصراحة ما يقنعني كثير خصوصًا أن كروكودايل وقتها كان من الشخصيات اللي المفروض عندها خبرة قتالية هائلة، ففكرة إنه واجه لوفي بكل قوته وخسر بهذه الصورة تخليك تقول: طيب لحظة… هل هذا فعلًا كان أقصى شيء عنده؟

وأنا عندي إحساس أن أودا ترك أشياء كثيرة تخص كروكودايل بدون تفسير متعمدًا، خصوصًا بعد اللي شفناه منه لاحقًا فالرجل كل ما رجع للواجهة يخليني أشك أن مستواه الحقيقي وماضيه أكبر بكثير من اللي شفناه في أراباستا.