C A R B O N ~ يارب الهداية قـــبل النهــاية !! (1 زائر)

[C A R B O N]

*،

السلام عليكم ورحمة الله وبركاتة ،،يـامراحب بالطيبين ،، التونيين والتونيات ،،
اخبـــاركم ..؟؟ وكيف حالكم ..؟؟ منوو مصدق انا انا فتحت مدونة واخيـــرا ..؟؟
احم احم تم الافتتاح بتاريخ : >> حركة الكل يسويها مع انه التاريخ فوق ،،
21 -8 - 2015 بيوم الجمعة ،، بنفس اليوم الي :
1- انولدت فية كان يوم الجمعة الظهر >> حسب كلام الوالدة الله يحفظها

،،
2- ولاتنسوووا انا اسمي جمعة خميس >> ترى صدق اسم ابوي خميس ،،
لحد يقول عيل اسم جدك سبت او سبيت هههه اسمة عبدالله ،،
3- انفتحت المدونة بنفس اليوم الي اغلقت فيها الوكالة >> شكلها فاتحة خير ،،
ههههه امزح بس شفتووا كيف هي سنة الحياة !! شي يروح وشي يجي ،،
المهم تعالوووا اعرفكم على نفسي للي مايعرفني ،،
*،
اسمي : كربوون >> حركات بعض الناس هههه
اسمي جمعة خميس عبدالله الغيثي ،،
من سلطنة عمان ،، بالضبط في منطقة اسمها البريمي ،،
تقع على حدود دولة الامارات العربية المتحدة ،، فكذا متأثرين وايد فيهم ،،
العمر : عمر كافي لأتغلب على ظرووف الحياة >> بعد نفس حركات بعض الناس ،،
عمري 22 تقريبــا ،، وعارف انه المدونة اسمها محشش شوي >> شفتوا كيف الترابط
انا طالب قي الكلية التقنية في عبري ،، في سنة الدبلووم العالي بتخصص موارد بشرية =( ،،
هوياتي : النووم ،، التصميم ،، متابعة افلام هوليوود ،، التمشية >> على الفرة ،،
اعشق المطر والاجواء الباردة ،، اكره الصيف جدا جدا ،، الحر ما انا وياة ،،
ما احب الوايرات او الاسلاك المتشابكة ترفع ضغطي ،، ما احب الكلية ما احب المذاكرة ،،
فيني هوووس ممكن لحد ما .. في اني احب كل شي يكون كامل ،، يعني
احب ادقق في اصغر التفاصيل في اي حاجة بشتغل فيهــا ،، والكمال لله ،،
احاول اخلص شغلي أول وبأول ،، وما احب الناس البخيلين والجافين ،،
وبسنا كلام عن نفسي ..
*،
المحتويـــات :
طبــعا ما فالح في الكلام عن المواقف ،، بس راح يكون محتوى
المدونة منووع ،، راح اتكلم عن اي شي عجبني وما عجبني ،،
ممكن احط بعض الاشياء او النصايح الي تخص التصميم ،،
بس اهم شي دعمكم عشان اكمــل ،، وصح ان شاء الله راح
اغير تنسيق الموضوع كل صفحة >>في حالة وصلنا الصفحة الثانية ،،
وبس اكتفي بها القدر الحين ،، الزبدة لاتسحبووا على واشووفكم في
تدوينة جديدة ،، على فكرة أول مدونة في حياتي هاذي ..!!

*،
​

 

[C A R B O N]

*،

السلام عليكم ورحمة الله وبركاتة ،،انا رديت منو اشتاقي لي >> ما مداني ،،
شكرا من القلب لناس الجميلة الي شجعتني فالتقيم يازينكم والله ،،
الحكيمة ونوول شــان ويسعدني وشرف كبير لي متابعتكم ،، وكل من دخل مدونتي ،،
*،
المهم تعرفون المثل الي يقول [ شر البلية ما يضحكك ..؟؟ ] >> اقروا ما يضحك بالتشكيل ،،
بقولكم سالفة صارت لي اول امس ،، اتصل بي احدى اصدقائي الطيبون ،،
قالي ياخي جمعة ملل شو الترتيب ..؟؟ وسألني انت وش قاعد اتسوي ..؟؟
انا كنت ساعتها اسوي رياضة .. المهم اتفقنا نروح انشووف فلم في السينما >> يعني وين بيكون بالله،،
طبــعا الفلم عجيب لايفوتكم مايحضرني الحين اسمة بخبركم بعدين ،،
تعرفون نوعية الناس الأنااااا ..؟؟!! الي يحسبون كل شي يدوور عليهم ،، انا سويت
انا عدلت ،، انا مب كذا .......ألخ ،، هذا صديقي من هالنوع يعني هو طيب وكل شي ومحد
كامل ،، االكمال لله ،، وهذا من العيوب الي فية يعني ،، فهوو جالس يقوولي
عن هالموضوع يقولي انه فية شخص عندنا بالكلية يحب يكون كل شي حولة ،،
يعني انا البس احسن ماركة ،، انا سيارتي وكالة ،، انا مخقق الكل فكذا ،،
كذا قاعد صديقي يقولي عنة ،، وعلى طوول تذكرت وقمت اضحك بداخلي >> هاذي جديدة
بس ما قلتة انك انت نفسة فيك هالعيب هههههههههههههه ،،
*،
فالعبرة من هالموقف ،، انه كل شخص فية عيوب ويبقى الكمال لله سبحانة ،،
محد كامل فلا تتصنع الكمــال ،، الكل فية عيوب انت وأنا ،، ممكن انت ما تلاحظها فيك ،،
بس هي واضحة وضوح الشمس للبقية الباقية >> على قولة احد معلمين الرياضيات ايام الدراسة ،،
وبالأخير اعوووذ باالله من كلمة أنا ،،

*،​

 

[C A R B O N]

*،

السلام عليكم ورحمة الله وبركاتة ،، تعالوا ياجميلين ...!! ماخبرتكم وش سالفة الخط ،،
الزبدة هو الخط عاجبني حيـــل من زمـــاااان زمـــــان ادووورة ،، وماني ملاقية ،،
سبب لي قلق وربي ..!! اتعبني حيل ،، وزادت المواجع قبل 3 ايــام ،، لما دخلت
احدى المواقع وشفت ذاك البنر الزين المستخدم فية نفس الخط الي ابية ،،
فعلى طووول سجلت ،، وحصلت موضوع لطلبات مستلزمات الفوتوشوب ..!!
وطلبت طبــعا من شروط الطلب كان يكون عندك 50 مشاركة ..
وش الحيلة يابووي الحين ..؟؟ وتجدد فيني الامل والنشاط وقمت
ادور في المواقع تقريبا من 3 ايــام تعقدت والله ،، بجد ما عرفت انام الليل >> مصختها عاااد
وما بغيت اطلب لاني عارف راح يقولوا لي كمل مشاركاتك ورد لنــا بعدين ،،
انزين وقلت بجرب خط خط في الفوتوشوب ياعل وعسى احصلة من بين كل البشر >> الخطوط اقصد ،،
وحصلت قريب منة بس موب نفسة ،، نفس الخط الي جابته لي الاخت مانكــا ،،
المهم انا ماحصلت الخط ،، وجيت طلبته هون ،، مانكـــا و الاخت EXO ،، ماقصروا ،،
ربي يجزاهم خيــر ،، المهم روحت وانا أجر خيوط اليأس خلفي >> اهم شي التعبير
في أمل اني اطلب من ذاك الموقع في الموضوع المخصص لطلب ،، وقلت لهم
دخليكم لو اسمه تعطوني لا تجيبوة لي ،، بس بدون فايدة ،، قالوا لي
الكلام الي يقطع القلب ،، كمل مشاركاتك وأبشر ،،
ومدري عزمت اكمل مشاركاتي وقعدت ارد على المواضيع ..
الين ما وصلت 50 ،، وعدت الطلب وجابوا الخط لي ،،
وطلع اسمة نور الهدى ،، قليل الي عندة هالخط مع انه بجد جميل ،،
وهذا انا لعيونكم احطة لكم عشان ماتمرون بألي انا مريت فية ،،
[

]
للتحميـــل [ق5]،،

*،​

 

[C A R B O N]

*،

السلام عليكم ورحمة الله وبركاتة ،،ياهلا فيكم مرة ثانية >> مو مصدق فاتح مدونة ،،
خبرتكم انا اعشق افلام هوليود واتابعهــا بأستمرار ،، مرة جميلة بصراحة ،،
موب كلها ،، بعضها عليكم فيها شوي موب حلوة يعني ،،
المهم في هالفقرة راح اعطيكم رأي بعدة افلام قد شفتها قبل ،،
هي منوعة ،، وفيها منها حبيتها وفية منها طبعـــا لا ،،
*،

[LETS BE COPS]
رجلين يرتديان ملابس الشرطة
و يمثلان بأنهما من رجال الشرطة >> اهم شي المثنى

للقيام بأموار مجنونة ،، فما هي العواقب ..؟؟ الفلم كوميدي
ومواقف كثيرة جميلة ،، من الافلام الجميلة بالنسبة لي ،،
*،

[INTERVIEW]
احدى المذيعين سوف يقوم بمقابلة العمر مع الرئيس الكوري ،،
عشان يبين مدى فسادة في قالب مليئ بالضحك ،، فهل سينجح ..؟؟
الفلم جميل بصراحة ومرة مضحك وكوميدي ،، شوفوه ،،
*،

[THE VOICES ]
رجل يشتغل في شركة لصنع ادوات الحمام الله يعزكم ،،
هذا الرجل فية مرض غريب يخلية يسمع صوت الكلب مالة
والقطوة ،، والي تخليه يسوى جرائم وافعال شنيعة ،،
الفلم رعب مع شوية كوميديا ،، القصة غريبة شوي ،، ما ادري
احسة وش يبي ذا الفلم ،، المهم انتوا شوفوة واحكموا ،،
انا ما كثير حبيتة ،،
ان شاء الله بين الحين والأخر انزل نفس هالفقرة .. ربي يحفظكم ،،

*،​

 

[C A R B O N]

*،

احيـــانا واحنا نشتغل كثير على الفوتوشوب ،، نصمم
ونعدل ،، نستخدك كثير اشياء ،، واحيــانا نتفاجى بعد
مانخلص بأن نوافذ الفوتوشوب صارت مب مرتبة شي
فوق وشي تحت ،، يمين ويســـأر ،، صورة توضيحية للمشكلة ،،
[]
الحل من قائمة Window ،،
نروح لــ Workspace ،،
ثم نختار Rest essentials ،،
[

]
ومبرووك عليكم كل شي بيرد لوضعة الطبيعي ،، وربي يحفظكم ،،

*،

​

 

[C A R B O N]

*،

[

]
خيبة ورى خيبة ومحد يبقى مثل ما كــــان ..!!
بالفعــل وحقيقة لا تخفى عن الجميــع ،،
حاول بقدر الامكان بأخفاض مستوى توقعــاتك للأموار ،،
فالرياح تجري بما لا تشتهي السفن ..!! الاموار لا تحدث كما خططنا لها ،،
المشكلات والحواجز تعترض طريقنــا في الغالب ،، وهاذي سنة الحياة ،،
والي يجي سهل يروح سهل نفس ما قيل ،، لكن كثرة الخيبات لربمــا
تزيد طموحك للوصول الى الأهداف وربمــا تلعب دور كبير في
تغيير اهدافك ومراجعة حساباتك ..!! وتغيير تفكيرك ل 180 درجة ...!!
كم من امر كنت تريدة ولم تحصل علية ..؟؟؟ لربما خيرة لك ،،
والخيرة فيما اختارة الله ،، لكن من جانب أخر ،، كثرة
خيبات الامل في الاموار تفسد كل شي ،، حماسك ونشاطك وتفائلك ..!!
ونظرتك الى الحياة ايضــا .. كل شي يذهب الى الحضيض ...!!
ونفس ما قيل لأتمام اي عمل لا تتحمس كثير ..!!
الحماس يخرب ام ام السالفة >> نفس ما انا خربتها الحين في اخر كلمتين
+
كل الشكر لكل الناس الجميلة الي دعمتني في التقيم نفر نفر ،،
يازينكم والله ..!! الله لايحرمني منكم ،،
[

] ،،
شكرا من القلب

*،

​

 

[C A R B O N]

*،

السلام عليكم ورحمة الله وبركاتة ،، راح اتكلم الحين عن حركة
جدا عملية وتساعدكم كثير ،، اعتقد هي متاحة في الاصدار
cs5 و cs6 من اصدارات الفوتوشوب ،، وهي انك تسحب اي صورة
من الانترنت مباشرة الى الفوتوشوب ،، بدون الحاجة انك تحفظها
وتفتحها بالفوتوشوب ،، والطريقة هي انك تضغط بالماوس على الصورة ،،
وتسحبها الى ايقونة الفوتوشوب ،، صورة توضيحية ،،
[

] ،،
يعني من الاخير توفر عليك تحفظ صور مالهــا داعي ،،

*،

​

 

[C A R B O N]

*،

[

]

للأمانة ..اشتقت لفترة من حياتي
مستحيل ترجع عموما كانت ايامها
جدا جميلــــة

*،

​

 

[C A R B O N]

*،

السلام عليكم ورحمة الله وبركاتة ،،[ كيفية تحويل الصور الى فرش ..؟؟] ،،
اول قاعدة لازم تحطوها في بالك اذا بتحولوا اي صورة الى فرش ،،
يفضل الصورة او الشي الي بتحولوه يكون png ،، يعني بدون خلفية ،،
مثل السكرابز والرندر ،، هذي اسهل شي تتحول الى فرش ،،
نبدأ بذكر الله ،، اول شي هالرندر الي عندي ،،
[

] ،،
من قائمة Edit اروح ألى define brush ،، الصورة توضح أكثر ،،
[

] ،،
الحين نضغط ok ،،
[

]
والنتيجة ..!!
[

]
ومبروك عليكم + عارف انه درس سهل وخفيف وغبي بس فية ناس ماتعرف =)

*،

​

 

[C A R B O N]

*،

COMING SOON -TUKA & C A R B O N

*،

​