رحلة إلى البحر الأحمر ~ (1 زائر)

[нopε✤]

...

 

[нopε✤]

رد: رحلة إلى البحر الأحمر ~

[TBL="http://www.anime-tooon.com/up/uploads/toon1472740612721.png"]







































[/TBL][TBL="http://www.anime-tooon.com/up/uploads/toon1472741637731.png"]

"



بسم الله الرحمن الرحيم ~
السلام عليكم ورحمه الله وبركاته ~

من : أمل ~

إلى : اجمل انسانه بالكون " منى " ~

​

29/8
بعد نهايه زواج خالي .. وبعد ما خلصت المناسبات .. قررنا ان نكرر طلعتنا السنوية للبحر ..

المكان الي قررنا الذهاب إليه .. كان : [ منتزة القوات المسلحة بمحافظة الحريضة ] ~

كانت تبعد عن مدينتنا تقريباً 200 كيلو ..

خرجنا من البيت قبل العصر تقريبا الساعة 3 .. وصلينا العصر بأبها .. قبل ما ننزل من العقبة ..

بعد الصلاة .. تجمعنا .. ونزلنا سوا ~

+
+
+

_ في مشكلة صغيرة صارت قبل الرحلة .. وهي اننا كنا نبي الرحلة تكون عائلية ..
علشان كذا .. امي كلمت أخوالي وقالت : [ تعالوا انتم بدون زوجاتكم ] _

وامي ما قصدها انهم يتركوا زوجاتكم لحالهم بالبيت .. لأن كل وحدة منهن معها اهلها وتقدر تجلس معاهم ..

امي قررت كذا ~ يعني ما راح تكون لحالها بالبيت وإنما مع اهلها ~

بعض اخوالي كانوا زعلانين .. ليه ما نقدر نأخذهم وكذا ~
عمووما ولله الحمد .. قدرنا نقنعهم وسارت الامور بخير

" بعض الصور بالطريق "

+ | + | +

+

ولله الحمد وصلنا للمكان الي استأجرنا مسبقاً قبل غروب الشمس ..

اول ما وصلنا نزلنا قهوتنا واستمتعنا بالاجواء الجميلة ~

+ | + | + | + | +

ومثل ما قلت لك .. بدوون عبايات ..
كان مرة شعور مريح اننا نترك العبايات .. وما نقلق من حر او ناس حوولنا ~

+

هنا لازم اوصف لك شكل الفلة ..

الفلة فيها غرفتين نوم ودورتين مياة وبينها مطبخ ..

وفي المنتزة تقريبا 40 إلى 50 فلة .. كل فلة تبعد عن الي بجنبها تقريبا 200 متر ~

يعني بعيدة قليلاً بحيث نأخذ راحتنا فيها ~

~


بعد العصرية ع الشاطىء الجميل.. عندما غربت الشمس ..
بنت خالتي ليلاس عمرها 3 او 4 اشهر ..

الي سويت لها الالبوم بداية الصيفية ..

كانت تبكي تبكي .. من الحر .. لذا قررنا نفتح الفلل ونشغل المكيفات وننزل اغراضنا فيها .. ق

+ | +

بعد ما جهزنا الفلة .. رجعنا ع البحر نسولف .. الصدق كانت بعض سواليفنا حش ..
في زوج خالتي الي اخذ بنات خالتي رزان وريم ~
الصدق انا ما احش ~ بس خالاتي الله يهديهم كذا بعض سواليفهم كذا ~

بس لما يجلسوا خوالي معنا .. نتركهم هم يسولفوا ونسولف معاهم ~
يعني اغلب الوقت سواليف .. حتى تأخر الوقت ..

يوم تأخر الوقت .. بعض خالاتي راحوا يسوي العشاء وانا جلست مع بنات خالتي سمية ونهى ع الشاطىء ~
وشوي وقمنا نمشى .. بس الي كنت افتقده " القمر "
هو الصدق ما هو قمر واحد افتقده بالحقيقة هم قمرين افتقدهم ~:tumblr_m430vaO8Zn1q
كانت ليلة مظلمة بحق .. وفقط كنا نشوف اضواء الفلل ~

+ | + | +

بعد فترة .. رحت اخذت الايباد من الشنطة

وجلست ادور نت .. ولقيت ان اغلب خالاتي عندهم نت .. بس الي يقهر ..
ولا وحدة منهم استفادت منه .. علشان ما في شبكة بالمنتزة !!!

اخذت كرسي ورحت جلست ع الشاطىء لوحدي ..
وقررت اني اتابع الديجيمون .. وشوي وطفشت .. وقررت اتسمع اغانينا ~

عدت اغنية " أنت " ~ كثير .. مهما عدتها ما امل منها ~

في شيء بجد كان دائما يشغل تفكيري وقتها ..

وهو : كيف اننا نقدر نغير من نمط حياتنا ,, ونكون اكثر سعادة ~

ايه اقصد انا وانتي ني تشان .. ع1

يعني غالباً نحد انفسنا ع اشياء .. صحيح اننا نبيها ونحبها ~ ق
بس جد احس اننا ما صرنا نستمتع فيها مثل قبل .. ولا وش رأيك ؟!
ما اقصد ما احبها .. لا بالعكس .. تكون دائما اجمل معاك .. بس اقصد نغير ونسعد اكثر ~

هذا ما كنت افكر فيه .. واحاولت اني اجد اشياء اكثر علشان اسعدك بها ~

بس ما كنت املك فكرة وقتها .. غير اني ادعي لك واتمنى لك السعادة ~

30/8
صحيت الفجر .. ولقيت ان اغلب خالاتي صاحين .. بس لسا بنات خالتي ما صحيو ~
عمووما .. كانت اجواء مرة جميلة .. نور الصباح الجميل ~ الشمس لسا ما اشرقت

+ | + | + | +

واكيد مستعدين للسباحة ~ هههههه
نزلنا ع طول البحر .. وتسبحناآ ~

تخيلي وش ؟! ههههههههههههههههههههه
خالتي اكبر من امي .. اشترت بالون سباحة .. لانها مرة تخاف من البحر ..

ونزلت البحر معانا .. بس كانت ترعد وتصازخ من الخوف .. ~

وكنت ايضا اتعجب من البلون الي تسبح فيه ~
وهذي يمكن المرة الثالثة او الرابعة الي تشوف فيه البحر !!
البالون على شكل حلقة دائرية .. وبعدين تزعل اذا احد اخذها .. حتى بنتها الصغيرة نهى ~

المهم .. وجلسنا نسولف .. ونلعب ~

تخيلي جبنا طاري الشيعة ههههههههه ... ادري شطحه غبية مرة ~
بس جت خالتي ام ليلاس .. تقول لنا : السباحة حرام _ المشكلة هي معانا تتسبح _
قلنا لها .. مجنونه انتي .. وش دليلك ؟!

تقول البحر مذكر وانتوا بنات " مؤنت "

... وبعدها تضحك تضحك تضحك !! وضحكنا ~
بالاخير قالت : امزح معاكم .. بس هذي فتوة شيعية .. قلنا : والله من جلستك بنجران ~

وشوي .. تعرفين ايش ؟! هههه قمنا نرمي بعضنا بالتراب ..

وهو اننا نأخذ تراب من قاع البحر .. ونرميه ع بعضنا ..

لا وبعدين مسوين افرقه .. ونتحارب ....
استغفر الله بس .. ولا من الفضاوة ~ ~
المهم ضحكنا ع انفسنا وجبنا كوورة ولعبنا سوا !! ~

انا دائما اخرج اول وحدة علشان اتروش واغسل شعري .. وألبس قبل ما تصير زحمه على الدورات المياة ~

هههه .. لان ما شاء الله عددنا موو بسيط ~

خالاتي مع أمي عددهم 6 ~ ومعنا نحنا البنات 4 ~ الاطفال 5 ~
تخيلي اجلس انتظر ذوول حتى يخلصوا ~ هههه اكره الانتظار بالمرة ~

بس بصراحة كنا ماخذن راحتنا بالاخر .. لدرجة نطبخ الي نبيه ومتى ما نبي .. نصحى متى ما نبي ..
كل شيء براحتنا ~ وهالشيء بالفعل كان حلاوة هالرحلة ~

بعد ما تروشت اخذت الكاميرا وصورت بعض الصور :

+ | + | +

بعد الغذاء ~ كانت الاجواء مغيمة .. وهواء لطيف وعليل بشكل جمييل ..

من قبل العصر وحنا ما نشوف الشمس ~

هالجو أبدا ما كنا نحلم باحسن منه ولله الحمد والشكر ~

بعد العصر جلسنا ع الشاطىء وهذي صور للجو وقتها :

+ | + | + | +

من جمال الاجواء .. تتخيلي ايش .. الاولاد راحوا يصيدوا سرطانات .. علشان نطبخها للعشاء ~
حنا بس جلسنا نطرد وراهم ~ لأنهم بجد عددهم كبير مرة وقريبين منا ~
خساره .. ما صورت السرطانات وهم ع الشاطىء ~

وبعد المغرب جابوهم لنا وقد جمعوهم بسلة .. وقالوا : قطعوهم علشان نشويهم للعشاء ~
بصراحة عددهم كبير ..

+ | + | +

بصراحة ما قدرت آكل منها بس شفتهم اكلوا منها وعادي .. واكلت منها ..
كان مذاقها مثل الدجاج .. وحلو واعجبني .. بس ما قدرت اخذ زيادة ~

31/8
ما طولت رحلتنا .. اليوم هو اخر يوم .. وكالعادة ما نفوت سباحة الصباح ..
إلا اني قررت ما اسبح لان بعض خالاتي لسا نايمات .. وقررت اني ما اتوسخ ..

بس جلست ع الشاطىء واتابع جمال البحر والشاطىء وهدوء الصباح ونسيمه ~

قمت اصور اشياء كثيرة .. ع الشاطىء .. بيوت السرطانات واصداف ...

+ | + | + | + | + | + | + | + | +

بعد السباحة .. سوينا الفطور .. لان لو تجربي تسبحي صدقيني تجووعي وودك تأكلي كل شيء ~
علشان كذا سويت الفطور .. تصدقين ..

خلصنا الفطور وجت عاصفة قوية من الرياح استمرت حتى الليل ~
كنا نحمد الله انها جت باليوم الاخير لنا ..
بعد العصر .. سوينا قهوتنا والحلويات علشان نروح نتقهوا في مكان حلو على البحر ..
طبعا هنا .. حنا جهزنا اغراضنا ونظفنا الفلل لاننا المفروض نخرج منها الساعة 2 ظهراً ~
بس ما خرجنا إلا الساعة 5 عصراً لان اصلا ما في زحمة هناك ~

عمووما سلمنا الفلل ورحنا للمكان المقصود ..

هنا انا كنت مرة متضايقة؛ لأن خالاتي واخوالي واولادهم جلسوا مع بعض ..

فبنات خالتي جلسوا بمكان بعيد عنهم .. وانا قررت اني ما انزل من السيارة ..

دائما اكره هالشعور .. بس لا يقارن بمقدار الوناسة في هالرحلة ~

اصلا ما لي حق ازعل .. لان اغلب الجمعات كانت عندنا والاولاد هم الي يجلسوا لحالهم اغلب الوقت ~
عمووما .. بس انا اكره الشعور وليس شيء ثاني ..

يوم غربت الشمس .. والرياح لا تزال مستمرة بقوتها ..
نزلت اصلي المغرب والعشاء .. علشان نمشى وما نوقف ~

صارت مواقف طريقة ..
وهو بعض سيارات اخوالي غرزت ع الشاطىء؛ لانهم دخلوها لدرجة ان الكفرات تدخل تحت الرمال ..
بس ما شاء الله .. اولادنا فيهم الخير .. دفوها وطلعت ولا كأن شيء صار .. ق

اظلمت الدنيا ,, القمرين مفقودين .. بس حاولت اني ما انام بالسيارة وقت السفر ..
لاني احب اشوف الطريق والمدن الي امر منها .. وبعض الاحيان ابدأ اكون قصتي الخاصة معها ~
والحمد لله مشينا تقريبا بعد المغرب بفترة وجيزة ووصلنا الخميس تقريبا الساعة 11 ليلاً ~

ولله الحمد ~

حبيت الكثير من الاشياء الي صارت بهذي الرحلة ~

الجمعة الحلوة مع جدتي وخالاتي الي راح يسافروا قريباً ~

جلستي لحالي ع شاطىء البحر ليلاً .. افكر, اتأمل, اتخيل, احلم ~

شووقي لك الي طول ما اتذكرك .. اسمع لاغنية " انت " ~
تفكيري بك وكيف اننا نستمتع ونسعد معاً اكثر واكثر .

الضحك واللعب والمرح والمزح .. لحظات جميلة جداً مررت بها حبي6حبي6 ~
اشكر الله اني يسر لنا هذه الرحلة واسعدننا بها ~ قق ~

هذا ابرز ما صار في رحلتنا للبحر ..
حبيت اني ارسلها لك بالمنتدى علشان اكتبها وروية وانسقها واجملها علشان تكوني سعيدة وانتي تقرأيها ~
شكرا لقراءتك .. اشتقت لك كثيراً ولايامنا الجميلة معاً ~
قبل انهي ..
بالماضي ايامي كانت مجرد وقت يمضي .. ولا تترك الكثير من الذكريات لدي ,,
بس الآن تغيرت وصارت من اجمل ايام حياتي .. اتذكر معظمها لكي اشاركك اياها ~

ابقى بخير يا اجمل موونتي بالدنيا هذي ..

[ الرسالة تلقائية ]
أرجوا عدم الرد عليها

~ مع تحيات إدارة انمي توون التركوازية ~

[/TBL][TBL="http://www.anime-tooon.com/up/uploads/toon147274163782.png"]





















[/TBL]