اهلا انمير و شكرا على مراجعتك لهالأنمي كوْنك تحب
الساموراي و مهتم فيهم بكثرة
اولا حبيت اعلّق على الطقم , اهو جميل شكلياً لكنه ما كان لايق على محتوى
الموضوع نفسه , البنت الي لابسة قميص و عندها اوراق ما شفتها تعكس
الأنمي الي يتضمن ساموراي و سيوف و دم , لكنه كان مريح بغض النظر
عن المحتوى
الأنمي نفسه و انتقادك له انا ضدك فيه
حبيت اوضّح انا ما شفت هالأنمي فـ دفاعي عنه مو دفاع عن حب او عن
انحياز لأني ما انحاز لأي شي بس اتكلم بالواقع نفسه
ابي امسك نقاطك وحدة وحدة و عشان اكون بالصورة معاك فـ موضوعك خلاني
اروح اشوف اول حلقة عشان اعرف حالة الأنمي نفسها
من البداية و النهاية بموضوعك عبّرت عن عدم اعجابك بالطريقة الي هالأنمي اظهروا
فيه الساموراي , غيّروا صورته و حوّلوه من المحارب الفخور الى محارب لا يعرف
شي اسمه مشاعر .. و ايضا قلت ان القتالات تنتهي بفوزه دايماً فـ مافي حماس و مافي
لمسات فنّية
اول لقطة من اول حلقة بهالأنمي تعطيك كل شي تحتاج تعرفه عن الأنمي
بالبداية ابو آفرو يقاتل شخص نسيت اسمه و خلال هذي اللقطة نشوف الأنيميشن الرائع
بحركة شعر الأب و هذا يعكس لنا ان هالأنمي بعيد كل البعد عن الواقعية
ثانياً بالقتال نفسه الي المفروض انه يكون مؤثر تشتغل موسيقا ممتعة و هذا على طول يعكس
لنا ان هالأنمي ما راح يكون جدّي , راح يكون انمي ممتع بدون منطقية و بدون دراما و عمق
فـ وين المشكلة؟
الصور التاريخية دايما تتغير بالأعمال فـ انت عارف ان النينجا بالتاريخ يتخصصون بالتخفّي
و التسلل لكن بالأعمال نشوفهم اقوى المقاتلين ! نفس الحالة تنطبق على ابراهام لينكولن الي
في افلام تكون من بطولته بأنه يصيد مصاصين الدماء مع انه كان بالحقيقة رئيس الولايات المتحدة !
تغيير التاريخ بالأعمال مو شي سيء بالعكس اهو شي مبتكر لأنه خيالي .. لو بنركّز على واقعية
كل عمل هدفه يكون ممتع راح نحط حدود للأفكار الي عندهم , فـ مثل ما شرحت هذا الأنمي من
بدايته قالك انه اهو انمي مو واقعي بالنسبة للتاريخ ولا بالنسبة للقصة بسبب الموسيقا الي الممتعة
الي طلعت بـ لقطة مؤثرة .. و خلال الحلقة تشوف ان الحلقة و الانمي اساسا كوميدي مو واقعي
مو كل الأعمال لهم نفس اسلوب النقد و النظرة .. اسلوب النقد مع ديث نوت غير اسلوب
النقد مع ناروتو مثلا , و المنطق نفسه على هالأنمي لازم تنتقده بالجانب الي اهو يبيه مو
الي انت تبيه كـ ناقد
بالنسبة لـ نقاطك الثانية ذكرت فيهم عن الشخصيات الرئيسية و الشخصيات الثاوية
و تأثيرهم على المُشاهد .. و قلت ان ناروتو نفس ناتسو و قوكو و توريكو , و ان
هالأنمي البطل افضل شخصية فيهم و الباقيين سيئين
حبيت فكرتك بهالنقطة لكن تطبيقك لها يحتاج شرح اكثر .. مثلا كان لازم تذكر جوانب
التشبيه بين قوكو و ناروتو لأني ما اشوفهم يتشابهون ابداً , و كنت لازم تذكر تفاصيل
من ناحية الشخصيات بأنمي آفرو ساموراي و البطل لأني ما حسيت اني عرفت شي
معين من كلامك غير اني منو راح احب فيهم او اكره على رايك الشخصي
اوافقك على نقطة الأصوات انها ساعات ما تلائم بعض المواقف لكن ايضاً كنت تحتاج
جملة توضّح فيها مثلا لما الشخصية يحرك ايده و يتكلم ما نحس بـ توافق بين الصوت
و الحركة .. لكن هذي نقطة صغيرة فـ مو مشكلة
و طبعا بالنسبة للنقطة الي ذكرتها بخصوص ان "مافي تنفيس لنفسية المشاهد" فـ هذي
ترجع على كلامي لما قلت ان اتجاه هالأنمي اهو اتجاه المتعة فـ التنفيس ما يكون قوي
هنا كثر الأنميات الجادّة .. بس بما اني ما شفت الحلقات الأخرى ما اقدر اكلمك عن
هالنقطة كثير
بالنهاية يعطيك العافية انمير على الموضوع ق4
ادري انا كلامي كله ضدك بهالرد لكن حسيت الجانب الي انت اخذته للكلام عن
هالأنمي يحتاج اشياء معينة و اتمنى اني اشوف هالشغلات بمواضيعك القادمة , شكرا
على جهدك بهالموضوع حتى مع اني ما اتفق معاك الا انك تكلمت بأسلوب جميل
.png "At (71) و1")
.gif "at1 ق1")
.gif "At (102) ض1")
.gif "At (138) ه1")
لكن حسيت الجانب الي انت اخذته للكلام عن