ما شاء الله عليك موضوعَ خورافي ق5+ وتنسيق الموضوعَ رهيب :"( ح1
تم الختمَ الإداري & تسليمَ التونَ من قبل ,:: لينآلي / لآسي ~
السلام عليكم و رحمة الله و بركاته
كيف الحال جميعاً؟ يارب تكونون بخير ق4 مؤخراً شفت انميات مو كثيرة و مو فريدة من نوعها بس كانت عندي آراء بخصوص كل واحد فيهم و قلت ليش ما اسوي موضوع يجمعهم كلهم و اتكلم عنهم واحد واحد؟ و مع التفكير و الاستشارة قررت اسوي الحالة على شكل سلسلة و افتتحها بهالموضوع كـ الجزء الأول من الانطباعات و ان شاء الله بالمواضيع الثانية الي تشبه هذي اطلع بأفكار ثانية ق4
اتمنى انكم تستمتعون بالآراء ولو مو متابعين الي بتكلم عنهم ما راح احرق و لما بيكون في حرق راح احذّر , و ان شاء الله لو عجبوكم تتابعونهم
ملاحظة : بعض التقييمات الي احطها للأنميات قابلة للتغيير في المستقبل
اسم الأنمي :Boruto : Naruto Next Generations التصنيف :شونين - أكشن - مغامرات - قوة خارقة عدد الحلقات : غير معروف التصنيف العمري : +13
قصة الأنمي تبدأ بعد انتهاء ناروتو شيبودن و تتكلم عن ابن ناروتو "بوروتو" بمغامراته و نموّه بعالم النينجا المسالم بالوقت الحالي .. مع ظهور احداث مشوّقة خلال الحلقات
احداث الأنمي للآن ترتكر على شي واحد بدأ من اول حلقة و للآن مستمر و هذا الشي اهو التشاكرا المظلمة الي تدخل بالأشخاص الي يواجهون صعوبات بحياتهم و تخليهم يعبرون عن غضبهم بأسلوب شرس ممكن يوصل لقتل الغير + محاولات بوروتو لمعرفة مصدر هذي التشاكرا و ايقافها
,,
بأول الحلقات انا حبيت هذا الحدث و شفته مناسب لأجواء الأنمي مع شخصياته كـ بداية , لأن بوروتو جزء جديد شخصيات جديدة و مختلفة عن شخصيات ناروتو فـ الطريقة الحلوة و الي تعرّفنا على هذي الشخصيات اهي بواسطة هذي التشاكرا الي تدخل فيهم و تخليهم يعبرون عن غضبهم و احاسيسهم
فـ مثلا بالحلقة الرابعة نتعرف على افضل شخصية عندي ميتال لي الموهوب جداً لكن يخاف و يستحي انه يبيّن مواهبه جدام احد و غالباً خوفه ينتج كوارث له فـ شيكاداي يقول كلام ثقيل و قوي لـ ميتال و يأثر فيه لدرجة ان التشاكرا تدخل بـ ميتال لي و تخليه يعصب و يهجم على شيكاداي و بوروتو
هذا اسلوب احبه بكتابة القصص لأنه اسلوب يشرح الشخصيات و مشاعر هذي الشخصيات بحيث نتعرف عليهم اكثر خلال الحلقات .. لكن للأسف الي يعرف ناروتو يعرف ان الأحداث ممكن تكون بطيئة و للآن 16 حلقة اغلبها احداث بطيئة و مالها داعي لأنهم صاروا بدل ما يشرحون شخصية نبي نتعرف عليها قاموا يجيبون شخصيات ما راح يطلعون الا بحلقة وحدة و مالها دور بالقصة ابداً و يضيعون الحلقات عليها
طبعا هذا ما يأثر على انمي بوروتو بالسوء بل بس يأثر على سرعة سير الأحداث كـ بداية للأنمي و مقارنة بـ ناروتو فـ هذا تبطيء احداث مقبول مو مرفوض مطلقاً
انمي بوروتو للآن ببدايته يتميز بـ نقطة الشخصيات بشدة , مثل ما ذكرت ان الحلقات الحالية كأنها شرح للشخصيات و محد يقدر ينسى سمات هذي الشخصيات مثل : بوروتو - ميتال لي - تشوتشو - شيكاداي - اينوجين - سارادا - ميتسوكي
,,
و طبعا هذا مو غريب على عالم ناروتو فـ كيشيموتو مؤلف ناروتو يمتاز بصنع الشخصيات الجميلة من ناحية السمات , و من ناحية الديزاين فـ هذا اختصاصه اكثر من القصص الي يألفها .. ولكن ايضاً اهو معروف بالخمول اتجاه هذي الشخصيات من ناحية انه يعطيهم لقطة وحدة حلوة خلال الأنمي و بعدين يختفون او يصيرون مجرد خلفية للقصة و هذا الي اتمنى عدم حدوثه هنا
طبعا مدحي للشخصيات مو معناته ان كلهم شخصيات جميلة فـ بالحلقة الثانية او الثالثة نشوف شخصية جديدة بإسم ايوابي و هذا كان اول شخصية يخليني آخذ الحذر من اني اتحمس لشي لأن شخصيته كانت تقليدية بشكل سلبي
الأنيميشن بـ بوروتو مستواه جيد بالنسبة لي
ما عندي الخبرة الكافية طبعا لتحديد ان كان الأنيميشن حلو او مو حلو كـ مستوى عالمي لكني احدد على مستواي انا و انا اشوفه جيد , اهو ممل ببعض الأحيان و ما احس بالروح الي بالشخصيات نفسهم من ناحية حركتهم و خطواتهم لكن وقت الأكشن الحالة تنقلب و يصير الأنيميشن جميل , خطوات القتال اعشقها بـ ناروتو بشكل عام لأن اعتمادها الكلي يكون على حركات الشخصيات و استراتيجيتهم بالقتال و من هالناحية الى الآن بوروتو متفوّق بهالشغلة و ما مللني بأي قتال
بوروتو انمي ببدايته و الى الآن اهو جيد , عادةً في انميات اتركها من اول حلقة و اعتبرها فاشلة و هذي حالة صارت مع انميات كثيرة و بوروتو مو واحد منهم بسبب الاهتمام بالشخصيات و بسبب وجود شخصية رئيسية غير مملة بـ بوروتو الممتع للمشاهدة و الي ما اقدر ما احس فيه
و لكن ايضا تتواجد بعض المشاكل بالأنيميشن و الأحداث البطيئة و هذي اشارة غير مبشّرة بالنسبة للبداية , فـ لو البداية بهالشكل شلون راح تكون النهاية؟
اسم المسلسل : Castlevania
التصنيف : اكشن - مغامرات - دموي - رعب
عدد المواسم : 1 < إلى الآن
عدد الحلقات : 4
التصنيف العمري : R ( عنف + كلام بذيء )
قصة الأنمي تتمحور على صائد مصاصين الدماء تريفور بيلمونت و مغامرته لتحرير مدينة مُسيطر عليها من وحوش دراكولا
المسلسل عرض الموسم الأول و انتهى و تم الإعلان عن الموسم الثاني و بهالموسم كانوا الحلقات فقط 4 , فـ هل
الحلقات كانت كافية بأنها تكوّن قصة كاملة لموسم؟ لا
تفكير اغلب الناس صار من ناحية ان هذا موسم اول فـ عادي لو كان
مجرد تجهيز للموسم الثاني , لكن بالنسبة لي لا لأني لما اتابع شي احب اني اتابع قصة مو اتابع تجهيز لقصة راح تنعرض لي بعد سنة
هالمسلسل مو سيء ابداً لكن احسه ضيّع على نفسه فرصة بإنه يكون مسلسل روعة بموسم اول روعة لو انه قدّم قصة كاملة , فـ هالموسم
كان عبارة عن اننا نشوف تجهيز من ناحية معرفتنا ليش الشرير صار شرير + شلون البطل راح يقاتل الشرير + مع منو البطل راح يقاتل الشرير
الحلقة الأولى كانت روعة
تميز هالمسلسل بالحوار الجبار و الي انصح الكل بمشاهدة المسلسل عشانه , فـ كان حوار عميق و ذكي بنفس الوقت و هذا كله شفناه بامتياز بأول حلقة .. و تميزت اول حلقة بخلق اجواء المسلسل نفسه من ناحية مدى العنف و مدى عمق القصة نفسها و عمق شخصية الشرير نفسه
حبيت و تعاطفت مع الشرير لدرجة اني صرت اوافق افعاله و هذا المطلوب بالنسبة لي , فهم الشرير و استيعابه
الحلقة الثانية كانت بطيئة
بهالحلقة كان تقريبا اول ظهور لبطل القصة تريفور و شفنا حياته لكن ما شفنا شي قوي منه او تأثير قوي منه عشان يترك أثر فيني اتجاهه لكنه كان شخصية جيدة مو سيئة
الحلقة الثالثة بطيئة لكنها افضل من الثانية
هالحلقة شفنا فيها اول مغامرة و تبيّنت لنا قوة تريفور و ذكائه بالقتال و مع هالشي شفنا نوع من انواع المخلوقات و الوحوش بهالعالم بلقطة اعتبرها ثالث افضل لقطة بالموسم .. الأثنين الي افضل منه موجودين بالحلقة الأولى
الحلقة الرابعة احباط
بالحلقة الرابعة و اهي نهاية هالموسم شفنا شخصية جديدة بالقصة و
كان شخصية اقدر اقول ان ماله شخصية , و كان القتال بينه و بين
تريفور , رغم جمال و روعة القتال الا انه كان ماله معنى و كان يفتقد
المنطق الي ورا القتال + نهايته كانت غير مشبعة ابدا
هذي النقطة احسها اقصر نقطة ممكن اتكلم عنها بسبب ان الحلقات هم 4 و ما يمدي من خلالهم نقعد مع الشخصيات و نعرفهم
فـ تحذير : كلامي راح يتضمن حرق ق4
دراكولا :
بالنسبة لي دراكولا افضل شخصية بهالموسم لأن اول حلقة كانت مميزة لوجوده و لتأثيره فيها , عرفنا سبب انتقاله الى الشر من البداية و مثل ما قلت انا اهتميت لقصته و حزنت على حالته خصوصاً لما قال :
For no more do i travel as a man
كانت جملة تعكس مشاعره بشكل واضح و مؤثر و لهذا اعتبره افضل شخصية
تريفور بيلمونت :
اهو الشخصية الرئيسية و اعتبره جيد , افضل شي فيه اهي الأشياء الي مو فيه .. يعني اهو مو بطل تقليدي , بالعكس نشوفه مغرور بالبداية و مو مهتم و هالشي يتطو فيه خلال الموسم .. لكن كـ شخصية فـ اهو عادي ماله تأثير قوي علي كمشاهد
و بس باقي الشخصيات طلعوا شووية بس ما سووا شي ولا كانوا شخصيات حلوة بأي جانب , بالموسم الثاني كل هذا بيتصلح اكيد لكن الحين لا
الأنيميشن من اروع ما يكون .. لما يكونون الرسامين لهم خلق
الشكل كان جداً مناسب لأجواء القصة , الأنيميشن ( التحريك ) كان ببعض الأحيان غريب مثلا لما يمشون الشخصيات و يوقفون فجأة , لكن باللقطات الأخرى نفس الأكشن فـ كان الأنيميشن ولا اروع .. كان نظيف و مريح و واضح من خلاله كل الحركات و الخطوات الي ياخذونها الشخصيات خصوصاً بالأكشن الي بالحلقة الأخيرة
Castlevania مسلسل يتكون للآن من موسم واحد و 4 حلقات , كـ مستوى فـ هو جيد لكن تنقصه القصة الكاملة للموسم نفسه , عجبتني انميات اخرى قدّموا قصة كاملة بموسم على عكس هالمسلسل و هذا الي احبطني فيه خصوصاً و ان هالشي أثّر بشكل سلبي على سرعة الأحداث بالحلقة الثانية و الثالثة عشان مافي قصة و غصب قاعده تطلع الأحداث
اسم الأنمي : Dragon Ball Super
التصنيف : شونين - اكشن - مغامرات - كوميدي
عدد الحلقات : غير معروف
التصنيف العمري : +13
قصة دراغون بول سوبر تكتمل بعد انتهاء دراغون بول كاي بسنتين و مع الأرض بسلام تطلع مخاطر جديدة و معلومات جديدة على ابطالنا و لازم يتعاملون معاها
الي يعرفني يعرف اني اعشق دراغون بول , دراغون بول اهو اكثر انمي احبه بحياتي .. هذا مو معناه انه افضل انمي عندي بل اكثر انمي احبه لأني احسه اقرب شي مني و من ذوقي و احس اني عشت مع الشخصيات و اعرفهم عدل فـ كلامي عن دراغون بول سوبر كله طالع من شخص حافظ دراغون بول و يعشقه
اكره دراغون بول سوبر
دراغون بول سوبر اهو الجزء الثالث من سلسلة دراغون بول و بعد نجاح اول جزء المسمى بـ دراغون بول فقط و ثاني جزء المسمى بدراغون بول زد قرر الأستوديو Toie Animation بعمل جزء يديد تحت مسمى دراغون بول سوبر
لكن هالمرة القصة غير مقبسة من المانجا بل تورياما ( صانع دراغون بول ) و الأستوديو توصّلوا الى تفاق بأن تورياما يكتب القصة و رؤوس الأقلام و بعد هالشي الأستوديو يكمل التفاصيل و يطبقه بالأنمي .. و بنفس الوقت في مانجا لكنها تُرسم من تويوتارو و بنفس الحالة تورياما يعطيه رؤوس الأقلام و التفاصيل عليه و لهذا نشوف في اختلاف بين احداث و تفاصيل المانجا و الأنمي
اقولكم من الحين قبل ما ادخل بـ الأنمي بأن المانجا روعة و اي شخص ناوي يشوف دراغون بول سوبر و يحسبعالم دراغون بول خل يشوف مانجا دراغون بول سوبر لأنها افضل من الأنمي بوايد
بعام 2013 تم انتاج فيلم دراغون بول صراع الآلهة .. بعام 2015 تم انتاج فيلم ثاني اسمه دراغون بول رجوع الامبراطور .. بنفس العام تم انتاج الأنمي و شنو سوو؟ اعادو احداث الفيلمين بـ 27 حلقة
اول 27 حلقة من دراغون بول سوبر عبارة عن اعادة احداث الفيلمين الي شفناهم و زيادة على جذي الأنيميشن كان مييت .. لكن بخلي نقطة الأنيميشن لما اوصل للأنيميشن
فـ لهالسبب انا ما راح اتكلم عن اول 27 حلقة ولو بقول رايي فيهم فـ هم سيئين بمعنى الكلمة و شوفوا الأفلام احسن
من بعد الـ 27 حلقة نبدأ بآرك المسابقة
هذا الآرك بالنسبة لي جيد .. لما ما يكون فيه حنين الى الماضي
القصد من كلامي ان هذا جزء يديد لـ دراغون بول , فـ ليش ما يستخدمون او يبتكرون اشياء يديدة و يروحون يرجعون اشياء من الماضي عشان يونسون الناس؟ من هنا استوعبت ان الأستوديو جد جد ما يبي يقدّم للناس قصة حلوة بل يبي يقدّم للناس الشي الي يعرفونه و يتذكرونه عشان يربحون .. و خسرت ثقتي الكاملة بـ استوديو Toie Animation الي ما يبون يجازفون ولا يبون يقدمون شي يديد
فـ بعد آرك المسابقة يجي آرك زاماس .. الآرك الي مافيه ولا ترتيب ابداً
تحذير : كلامي عن هالآرك راح يتضمن حرق و راح اقول انتهى الحرق بالأحمر لما اخلص
آرك زاماس مثل ما يعرف الي تابع يرجع فيه ترانكس المستقبلي الى القصة , مثل ما قلت .. بدال ما يقدمون شي يديد و مبتكر يجيبون شي من الماضي عشان الناس يستانسون
هالآرك كان سيء , زاماس الي انا اعتبره افضل شرير بتاريخ دراغون بول كان افضل مافي الآرك و للأسف استخدام الكتّاب لشخصيته كانت مو حلوة فـ دايما نشوفه يبتسم و يضحك عشان يوصّل لنا احساس انه شرير , هذا و غير ترانكس الي صار قوي زيادة عن اللزوم و قدر يسوي اغلب الحركات الي عرفناها بعالم دراغون بول مع تحوّل يديد و قدر يقاتل زاماس و قوكو بلاك بنفسه .. بدون مساعدة
و الي كان الأسوأ بالنسبة لي اهو لما الأبطال رجعوا بالزمن 3 مرات الى الماضي
المرة الأولى راحوا المستقبل تقاتلوا مع قوكو بلاك و خسروا و رجعوا للماضي المرة الثانية نفس الشي بالضبط راحوا خسروا و رجعوا المرة الثالثة لا اخيراً فازوا و رجعوا للماضي
الترتيب بـ رواية القصة و تأليفها معدوم , صاروا يألفون كل اسبوع الكتّاب و المشكلة ما عندهم عقل تورياما عشان يسوون قصة مرتبة و كاملة و مشبّعة
انتهى الحرق
الآرك الي بعده الي اهو الآرك الحالي حق المسابقة
و هذا الآرك الي خلاني افكر اني اترك دراغون بول سوبر و اكتفي بالمانجا
طووول الآرك قوكو يروح يجنّد اصحابه للفريق الي بيشترك بالمسابقة و جد هالحالة كانت طويلة بزيادة , و تخيلوا على طولها احنا قاعدين نسمع نفس المعلومة بالضبط بكل حلقة تمر علينا .. الحوار ميت مافي شي ينقال و يكون ممتع ابداً على عكس دراغون بول الأول و دراغون بول كاي الي كانت حواراته جداً ممتعة بتنوّعها و ترتيبها على الشخصيات .. هذا شي ما نحصله حالياً و اصلا سوبر مالهم خلق يفكرون بحوار يسد النقص الموجود
و بعد كل التجهيز الي شفناه بالحلقات لبعض الشخصيات و في شخصيتين بالذات ما راح احرقهم بس اعطوهم تجهيز قوووي جدا و بالنهاية واحد منهم ما اشترك و الثاني كان اول شخص يخسر بأسلوب مو منطقي ولا مشبّع
في قانون يقول , لو بأول تشابتر كان في مسدس .. فـ لازم بالتشابتر الثاني شخص يطلق هذا المسدس
بمعنى ان كل شي يُقدّم بالقصة مهم مهما كان و لازم يُستخدم .. بس دراغون بول سوبر مطبقين الحالة بالعكس صار الشي لما يُقدّم يعني ماله معنى
على قد ما اكره القصة و احداثها الا اني اعشق الشخصيات كالعادة
فـ هم الي حببوني بالأنمي من الأساس لكن هذا مو معناته ان الشخصيات ممتازين بأفعالهم .. فـ فيجيتا من الشخصيات الي سوبر حاولوا يكرهوني فيه و المانجا خلتني احافظ على حبي له بسبب انه بالأنمي قاعدين يخلونه ذكي بزيادة و قوي بزيادة و هذا كله قاعد يصير غصب مو بشكل طبيعي و متناغم
قوهان نفس الشي بالأحداث فجأة يقول ابي اقاتل و فجأة يقول خلاص مابي و فجأة ينصدم من حدث و يرجع عن قراره و فجأة ينصدم من حدث ثاني يخليه يرجع عن القرار الي رجع عنه
و قوكو خلوه غبي بالأنمي و هذا شي الأستوديو فاهمينه غلط بشخصيته , قوكو مو غبي قوكو على نياته و في فرق كبير و عميق بين الأثنين بس مادري شكلي انا اعرف اكثر من الأستوديو نفسه
بيكولو صار ماله وجود ابداً و حاله من حال يامتشا و تينشينهان
بولما جيدة فـ اهي صارت كأنها البطلة الثالثة و دورها جيد
بيرس و ويس افضل شخصيتين بالنسبة لي لأن وجودهم مو محسسني انهم جدد على القصة بالعكس احسهم موجودين بالقصة من زماان مع انهم اول مرة يطلعون الحين و هذي الايجابية الثانية الي اعطيها للأنمي فـ شخصياتهم ممتعة وايد و مكانهم واضح بين الشخصيات
الايجابية الأولى تروح لـ شخصية زاماس الي مثل ما قلت اعتبره افضل شرير بتاريخ دراغون بول و اتمنى اشوف المزيد من الأشرار نفسه من ناحية معرفتنا بدوافعهم و قصصهم
احس لو قلت الأنيميشن كان سيء بدراغون بول سوبر راح يعتبر كأنه مدح
لأن بأول 27 حلقة كان الأنيميشن اسوأ من السيء , اشكال الشخصيات غريبة و حركاتهم اغرب .. اجسامهم ساعات تكون مو منطقية ابداً بالحركة و بأماكنهم يعني بمرة يد فيجيتا اليسار كانت بيده اليمين .. مادري شلون
طبعا الأنيميشن كان بهالشكل بسبب جدول Toie Animation الفاشل و الغير منظّم فـ كان اهو السبب بالدمار الي شفناه بالشاشة لأن رسّامين هالأستوديو روعة لكن مع كثرة الأعمال الي يشتغلون فيها و مع الجدول هذا كانت النتايج سيئة جداً
بالآرك الثالث الي اهو حق المسابقة تعدّل الأنيميشن بشكل ملحوظ و هذا يرجع لتعديل الأستوديو جدولهم .. صحيح انه ما كان ممتاز لكن كان خطوة كبيرة للأمام خصوصا و ان الآرك كان جيد
و من بعد هالآرك الى الآن كل شي تمام التمام .. ما اعتقد ان في غلطات معينة و ملحوظة الحين غير ان بحلقتين 97 و 98 اعادوا لقطات من حلقات سابقة مع تغيير الخلفية .. بس غير هالشي ما عندي انتقاد لهم و صار الأنيميشن افضل مافي الأنمي
دراغون بول سوبر انمي ينقصه الكثير و الكثير عشان يكون انمي جيد , الآن اهو انمي سيء و ما اعتبره جيد ابداً للمشاكل الي ذكرتها من ناحية القصة و احداث القصة و الشخصيات .. لهذا اقول الي يبي يتابع هالجزء احسن له يشوف المانجا
اسم الأنمي : Boku no hero academia التصنيف : أكشن - كوميدي - شونين - قوة خارقة عدد الحلقات: غير معروف التصنيف العمري :+13
تتكلم القصة عن عالم مليء بالأبطال الخارقين من بينهم ايزوكو ميدوريا الي يعتبر من النوادر لعدم حصوله على قوة خارقة , سلسلة من الأحداث المشوّقة تصير بالأنمي و نشوف شلون ميدوريا يجتاز هذي العوائق
انا فكرت بحالة الموسم الي بتكلم عنه بيكون الأول ولا الثاني , لكن حسيت اني راح اقول اكثر لو تكلمت عن الأنمي بكبره مو بتحديد مواسمه فـ من ناحية الانطباع و النصيحة انا انصح كل الي ما شافوا هالأنمي يشوفونه
عندنا مفهوم خاطئ كـ متابعين و هو :
"كل شي تقليدي سيء و كل شي غير تقليدي رائع"
المفهوم الصحيح اهو :
"كل شي مضبوط رائع و كل شي مو مضبوط سيء"
لأن بالنهاية القصص كلها صارت مكررة و تقليدية , لكن الجهد صار يكون بأحداث القصص و الشخصيات فـ لو كانوا مضبوطين ما راح يهمني تقليدي او مو تقليدي الي راح يهمني هو ان العمل نفسه حلو و ممتع و عميق .. و هذا الي ينطبق على انمي بوكو نو هيرو
بوكو نو هيرو انمي حلو و ممتع و عميق , بكل مجال و جانب من هالأنمي شفنا التطبيق بامتياز سواء كان في الحوارات الي فيها تبيّن سمات الشخصيات او بالأكشن الرائع الي يعتمد على الاستراتيجيات و ذكاء الشخصيات
حبيت ان الأنمي تركيزه على الشخصيات اكبر من القصة نفسها و هذا كله اعتبره من مجال اهتماماتي فـ انا احب القصص الي تتأثر بأفعال الشخصيات و بوكو نو هيرو انمي اهتمامه جداً كبير من هالناحية و ما نشوف كسل منه للآن
وضحت بالنقطة السابقة جمال بوكو نو هيرو من ناحية الأحداث و الشخصيات و لهذا الآن كلامي ممكن يعتبر فيه حرق لبعض الشخصيات لأنه راح يكون شوي اعمق
ميدوريا من ابطال القصص الي حسيت فيهم .. حالة انه الوحيد الضعيف بالعالم اكيد مكررة لكن جمالها تكمن بشخصيته , نشوفه يكتب بملاحظاته كل شي يعرفه عن الأبطال مع نقاط ضعفهم و نقاط قوتهم و نشوف كل هذا مع العزيمة و الاصرار و الهوس بهذي الأمور .. الى ان يقابل اول مايت
بعد ما قبل اول مايت بتدريب ايزوكو احنا شفنا الي صار .. شفنا تدريبه و تعبه و آلامه الي عاشها مع اول مايت و كل هذا نتج بـ ميدوريا الي تغير جسدياً و صحياً .. هذي نقطة للأنمي من ناحية التدريب
ببعض انميات الشونين الأخرى نفس دراغون بول و هنتر نشوف ببعض المرات ان الشخصية يحتاج قوة معينة عشان يعدّي مكان معين , فـ بدال ما الشخصية تتعب الكاتب يقدّم لها شي سهل مثل "شرب ماء خارق" او "الحصول على طاقة داخلية" .. بـ بوكو نو هيرو ميدوريا حصّل شعرة من اول مايت بس هالشعرة حسينا فيها بأنها مُستحقّة لـ ميدوريا لأننا شفناه يتعب و يتحمل مو حصّلها بسهولة و عالماشي
و حتى بعد حصوله على هالقوة دخل الأكاديمية و اهو خايف , صحيح ان هالشعرة اعطته قوة خيالية لكن هذي القوة لها سلبياتها بتأثيرها على الجسم , وغير الجسم فـ ميدوريا ما كان جاهز نفسياً و كان جبان و لازم يتعامل مع هالجبن خلال القصة و هذا الي اعشقه بهالأنمي .. دايماً العائق موجود مهما كانت قوة الشخصيات و هالشي ينتج التشويق و الإثارة
الأنيميشن جميل بالموسم الأول - اسطوري بالموسم الثاني
بالموسم الأول كان الأنيميشن يؤدي واجبه من ناحية انه مو سيء , جميل وما عليه اخطاء اهي كانت مشكلته من ناحية الاخراجية اكثر بأن التصوير و مكان الكاميرا ببعض الأحيان ما كان يعبّر عن الشخصيات او يعبّر عن اللقطات .. يعني نشوف صورة غير متحركة من الشخصيات و بالموسم الثاني تبيّنت لي اهمية الحركة وايد
بالموسم الثاني الشخصيات كللل ما يتكلمون يحركون اجسامهم , و استوعبت اهمية هالحركة بحيث انها تعطي شخصية للشخصيات نفسهم .. شخصية تينيا لما يحرك يده كل ما يتكلم و ميدوريا لما يخجل بالكلام و اوراراكا لما تتحمس بالكلام , هذا كله يعطي انطباع قوي و مؤثر علينا للشخصيات
هذا غير ابداع الرسم الأكبر بلقطات الأكشن و منو ينسى الحلقة 10؟
انمي بوكو نو هيرو جميل و ممتع جداً ما ينقصه غير الأحداث القوية و هذا مو معناته بان احداثه الى الآن مو قوية بس الأنمي يحتاج خطورة اكبر , و هذا الي انا واثق من انه بيكون موجود .. فـ الشخصيات روعة من جميع النواحي و احداث الأنمي دايما مشوّقة و هذا يرجع اولاً للمؤلف هوريكوشي و ثانياً لأستوديو بونز الي ضبط كل شي يحتاجه الأنمي
اسم الأنمي : Mob Psycho 100
التصنيف : اكشن - شريحة من الحياة - خارق للطبيعة - كوميدي
عدد الحلقات : 12
التصنيف العمري : +13
قصة الأنمي تتكلم عن شيغيو كاقياما الي عنده قوة تخاطر خارقة تعتمد على مشاعره , فـ لو مشاعره وصلوا الى %100 راح ينتج عن هالشي قوة كبيرة حتى اهو ما يقدر
يتحكم بنفسه فيها .. خلال الأنمي تواجه شيغيو مخاطر و عوائق لازم يجتازها
مؤلف الأنمي اسمه "وان" هو مؤلف انمي One Punch Man و بعده راح
و ألّف Mob Psycho 100 , هالقصتين يتشابهون من ناحيتين و هم ان البطلين يتشابهون بالشكل و اثنينهم يُعتبرون اقوى شخصيتين بعالمهم , سايتاما
اقوى شخص بـ One Punch Man و شيغيو اقوى شخص بـ Mob Psycho 100
رغم قوتهم الا ان قصصه تثبت رسالة و هي :
"امتلاكك لكل شيء لا يعني امتلاكك لكل شي"
فـ بهذي القصص الأبطال عندهم قوة خارقة لكن مشاكلهم تكون غالباً بنفسيتهم و بمكانتهم الاجتماعية و الجسدية و ايضا الروحانية , و هذا بالنسبة لي الي
يحببني بكتابة هالمؤلف احب افكاره و رسايله الي يوصّلها بشكل كوميدي و بشكل عميق و درامي ببعض الأحيان , و كل هذا راح يبيّن في الأحداث اكثر
اعتماد الأنمي من ناحية الأحداث يرجع على حاجة الشخصية الرئيسية شيغيو فـ شيغيو انسان عنده هدف واحد و اهو التواصل مع الناس بالتحديد التواصل مع البنت الي يحبها .. و رغم ان عنده هذي القوة الخارقة الا ان البنت مو مهتمة و هذا يرجع لشغلة اساسية بالحياة .. و اهي ان الشخص لازم يهتم بحياته الشخصية
رسالة وان في هذي القصة ان مهما كان عندك من مواهب هذا كله ما راح يهم لو قعدت بمكانك و اهتميت بموهبتك و تركت حياتك الشخصية , موب سايكو انمي اهتم بالجوانب النفسية و الاجتماعية للإنسان بأسلوب كوميدي و اكشن و طبّق هذي الأشياء بامتياز .. خصوصاً و ان كل شرير شفناه خلال هذي الـ 12 حلقة كان يعكس مشكلة شيغيو من ناحية او اخرى و هذا يخلينا نتحمس و نتشوّق لأن المشاكل هذي تهم شخصية بطلنا و تعرفه علينا اكثر
الآن راح احرق الأحداث عشان بوضّح كيفية انعكاس الأشرار على مشاكل شيغيو و لما اخلص راح اكتب انتهى الحرق
الحلقة الثالثة
بالحلقة الثالثة من الأنمي شيغيو يقابل جماعة لابسين اقنعة مبتسمة و خلال الحلقة نعرف ان رئيسهم اقنع هذيلا بأن هالقناع يخليهم سعيدين بحياتهم خصوصاً و ان في سحر بالقناع يخليهم دايماً مبتسمين
بهذي الحالة هذيلا الناس اقنعوا نفسهم بأنهم راح يكونون سعيدين لو ارغموا نفسهم على الابتسامة مو لو تحركوا و عدّلوا حياتهم الشخصية .. و هذا يبيّن لما اخذوا شيغيو عشان ينضم معاهم كوْن شيغيو عنده مشاكل من ناحية السعادة فـ اهو تعامل مع هالحالة بشكل جميل و مضحك بنفس الوقت لما هزمهم و كسر اقنعتهم
الحلقة الرابعة و الخامسة
بهذي الحلقات تقدّم لنا شخصية يديدة بإسم تيروكي هانازاوا , تيروكي شخص قوي جداً و هذي القوة + شكله الجميل يساعده على انه يكون مشهور عند الجميع , خلال الحلقة نكتشف انه عنده قوة تخاطر شبيهة بـ شيغيو و انه وصل للسعادة الي اهو فيها حالياً لأنه استخدم القوة الي عنده بحياته الشخصية
هذي وحدة من الرسايل الي ضدها الأنمي لأن على رغم امتلاك تيروكي هذي الموهبة الا انه مو قاعد يطوّر من حياته ولا يطوّر من قدراته الثانية بل يستخدم قدرته هذي عشان يحسّن حياته رغم قدرته على العكس .. هذا يعكس لنا ان تيروكي شخص كسول
الحلقة المادري كم بس اكيد بعد الخامسة
نشوف ريتسو اخ شيغيو يغار من قدرات شيغيو مع انه عنده كل شي شيغيو يتمناه بحياته , اخوه ذكي و الكل يحبه و اجتماعي و درجاته عالية جداً لكنه اهو بنفسه يبي قوة شيغيو لأنه يحسب ان هذي القوة راح تخليه يرتاح نفسياً
بنفس الوقت نشوف واحد من رؤساء الطلبة قاعد يطلّع الطلاب الفاشلين من المدرسة بحيث انه يشوف ان الطلاب الناجحين مستواهم اعلى من الفاشلين كـ بشر , حالة الكبرياء موجودة بكثرة بالقصة
بالمثال الي ذكرته شفنا الكبرياء من ناحية الناجحين و الراسبين و بعدين بالحلقات الأخيرة نشوف الكبرياء بين الي عندهم قوة تخاطر و الي ما عندهم هذي القوة
انتهى الحرق
فـ المعنى من كلامي كله ان الأنمي بحلقاته الـ 12 يتكلمون عن فكرة وحدة و هي "المساواة"
سواء كنت ناجح او راسب .. سواء كانت عندك قوة التخاطر او لا فـ انت حالك من حال اي شخص عادي عايش حياته و مثل ما الشخص العادي يتعب بحياته فـ انت ايضاً لازم تتعب بحياتك
شيغيو شخصية روعة و اعتبره من افضل الشخصيات الرئيسية
بالأنميات عادةً الأبطال يكون عندهم هدف و نشوف هالهدف ببعض الأحيان يختفي
و يصير جزء من الخلفية , لكن شيغيو من الحلقة الثانية و الي فيها بدأت القصة قرر انه يتحرك بحياته و يسوي شي عشان يوصل لهدفه .. اللقطة نفسها كانت
كوميدية و تصير بنهاية الحلقة لكن لما نعرف عمق هالشخصية هاللقطة سهل انها تصير افضل لقطة بالموسم .. و خلال الموسم كله نشوفه شقاعد يسوي بحياته و
شلون قاعد يحاول يطوّر من نفسه
ريغان أراتاكا يمكن افضل شخصية شفتها بحياتي
كلامي عنه صعب ما يتضمن حرق , فـ راح اتكلم عنه عادي بالبداية و بعدين لما بحرق راح انبه
ريغان الشخصية الي اهو صاحب المكتب الي يشتغل فيه شيغيو و هو مدرب شيغيو , اقدر اقول بأنه افضل شخصية كوميدية داخل و خارج هالأنمي لأنه دايماً يلاقي طلبات مساعدة من الناس الي يشوفون اشباح او ارواح و يقولون له فـ اهو اسلوبه بـ محاول حل هذي المشاكل دايماً مضحكة و تضيف جو جميل للأنمي
حرق
بالبداية لما نشوف ريغان و نصبه على الناس نشوفه بنظرة الاستغلالي , انه يستغل غيره عشان يحصل فلوس و يربح و لهالسبب يستخدم شيغيو .. فـ نظرتنا عنه تكون سلبية معنوياً لكن خلال الأنمي نكتشف جانب ثاني كلياًمن شخصيته
دايماً نشوفه يحرّص على ان الناس يطلعون من مكتبه و هم مستانسين و متشبعين , ممكن بعضكم يقول طبيعي هالشي لأنه يبي منهم فلوس لكن لو تشوفون آخر حلقة لما شفنا كيف تقابلوا ريغان و شيغيو لأول مرة تعرفون انه ما كان محتاج فلوس من طفل
و رغم ان شيغيو ما عنده فلوس الا ان ريغان ما خلاه يطلع من مكتبه بدون ما يعطيه شي يساعده , فـ اعطاه الجملة الي ألهمت شيغيو و قاله "حصولك على هذي القوة ما تعني شي غريب , فـ القوة الخارقة موهبة حالها من حال سرعة الركض لبعض الناس و الجوع و غيره من الشغلات الطبيعية"
هذي الجملة خلّت شيغيو يعتبر ريغان مثله الأعلى بحياته و ريغان لو انه يبي ينصب و بس كان ما تكلم مع شيغيو ابداً و بس طرده من المكتب , هنا عمق هالشخصية الي كنا نشوفه على انه نصّاب
انتهى الحرق
ريتسو كاغياما هو اخ شيغيو الأصغر و الي شيغيو يعتبره المثل الأعلى من ناحية التحكم بالحياة الشخصية لكن بدون علم شيغيو , ريتسو يغار من اخوه الكبير ,
هدفه تكون عنده قوة خارقة تشبه قوة شيغيو و اهو من الشخصيات الي انا احبه كـ شخصية و كـ رمز
لأن كـ رمز فـ اهو يعكس الناس الي عندهم كل شي بس يبون الأكثر عشان يشبعون احتياجاتهم و هذا رغم ان عنده كل شي يريحه الا انه مو مركّز على الشي الي يريحه
بل مركّز على الشي الي يبيه و رابط سعادته فيه و خلال الأنمي تمر شخصيته بتطورات انا اعشقها فيه و اعتبره من افضل الشخصيات بالأنمي
تيروكي شخصية جميلة جدا
احب ثقته بنفسه و بشخصيته , ما اقدر اتكلم عنه عشان الحرق بس
اهو من الشخصيات المفضلة عندي بهالأنمي و برا الأنمي كـ حال اغلب الشخصيات
فريق الرياضة هم من اكبر اسباب حبي لهالأنمي
بالأنميات الأخرى دايماً نشوف ان فريق الرياضة عندهم غرور كبير و هم يكونون
اسوأ الناس و هذا من ديزاينهم كوْن اجسامهم ضخمة و عندهم الي غيرهم يفتقرونه , لكن بهالأنمي فريق الرياضة هم افضل الناس من ناحية الأخلاق ما يحبون
العنف ابداً رغم ان لو تشوفهم اول مرة تقول اكيد مغرورين بس الحالة هنا كانت حالة رمزية اكثر
من ناحية ان فريق الرياضة هم الناس الي وصلوا لأهدافهم الي كانوا يبونها , هذا ايضاً ينعكس على شيغيو الي يدوّر هذا الهدف و قعد يتعب على نفسه عشان يوصله
, و لهالسبب اقول ان الأنمي يمشي على فكرة المساواة فـ ايضاً هذيلا مع انهم بفريق الرياضة ما عندهم التفرقة بينهم و بين الشخص العادي بالعكس و هذا شي صغير
يضيف نكهة خاصة للأنمي
كثير من الناس سمعتهم يقولون ما تقبلنا شكل الأنمي
انا انسان ضد الي يقولون هالجملة لكني مستوعب الجانب الي يتكلمون منه كوْنهم تعودوا على نظام معين للأنمي ما يبونه يتغير , لكن كلمتي لهم هي :
لا تصيرون نفس الي ما يتابعون انمي عشان شكله
الأنمي مجال صوري و يحتاج الصورة او الشكل الي يناسب محتواه و قصته , قصة
Mob Psycho تحتاج هذا النوع من الرسم لأنه يعكس روح الأنمي مع رسالته , لهذا انا اقول لهم اعطوه فرصة و تابعوه و لما تتعودون راح تنسون انه مختلف اصلا
لدرجة اني من بعد ما خلصت مشاهدته صرت ما اتحمل اشوف شكل انمي ثاني
الأنيميشن اقل ما يقال عنه روعة
بكل تأكيد و ثقة اقولها انمي Mob Psycho 100 كان فيه افضل انيميشن بعام 2016 و من الأفضل بالتاريخ , حركات الشخصيات لما يتكلمون كانت حركات مستمرة
ما توقف لدرجة تحس انك تطالع فيلم و ناس حقيقيين .. الألوان و التنوع بالألوان اسطوري و يعطي القصة حياة اكثر + الأكشن رائع و مستمر بالروعة طول الأنمي
لأنه يعتمد على الخطوات و متابعة هذي الخطوات
بالنسبة لي الأنيميشن كامل و ما يحتاج اي تعديل او اضافات
Mob Psycho 100 انمي رائع من كل النواحي , فيه الشخصيات الرائعة + القصة الرائعة + الأحداث + الأنيميشن + الموسيقا + الترتيب + الاخراج
و كل شي فيه رائع .. ما طلعت فيه ولا عيب الى الآن و اتمنى لما يسوون موسم ثاني يبدعون فيه لأني اكيد راح اتابعه بحماس
كيف حالك أخي ؟ إن شاء الله تكون بخير وكل أمورك تمام ح1،
ما شاء الله ما شاء الله ، بداية مُبشّرة بِ سلسلة فخمة من الـ impressions بإذن الله ،
صراحةً أكثر ما جذبني للموضوع هو تصاميم أمول الفخمة الأنيقة . ربي يحفظك ويبارك لكِ بِ موهبتك
وأيضًا لم أتابع أي أنمي من هذه القائمة بعد قم0 لا من جديد ولا من قديم قم0
لكن حبيت طريقة عرضك للموصوع وتناولك كل أنمي من عِدة جوانب ،
انجذبت لِ بوروتو وفكرة التشاكرا ، خصوصًا إني سمعت بها قبلًا في " Avatar: The last air Pandar " ،
بوكو نو هيرو أكاديميا ، من فترة حابة أتابعه ، خاصةً إني سمعت عنه الكثير ،
وكلامك عنه شجّعني في الواقع خصوصًا إنه الأعلي تقييمًا لك حتي الآن "
موب سآيكو 100 أيضًا كان ضمن قائمتي للإجازة يعني موضوعك في وقته فعلًا ،
^ مَ قرأت معظم الموضوع حتي لا أحرق علي نفسي الأنميات اللي أنوي مُتابعتها ، أكتفي بِ قراءة الجزء
اللي مَ فيه حرق وكدة !!
بصراحة واضح مجهودك في الموضوع يعني أبدعت علي كافة الأصعدة ، ما شاء الله ج1،
تم التقييم وباقي الأشياء الحلوة ، بانتظار جديدك بإذن الله ، في أمان الله - تعالي -،
.gif "At (138) ه1")
بس كانت عندي.gif "At (102) ض1")
.png "At (71) و1")
.gif "At (149) و2")
،
.gif "at1 ق1")
..gif "At (69) ج2")
.gif "At (448) ض2")
.gif "At (497) م7")
5
