.Miracle is another name for hard work (1 زائر)

[T W I N K L E]

[TBL=https://www.anime-tooon.com/up/uploads/at153417965869351.png]





















[/TBL][TBL=https://www.anime-tooon.com/up/uploads/at153417965873832.png]

*
،

آحححمم آحمم ، طبعًا تم اغلاق الخضارة لنقص الموارد ..
والله فكرت اسوي مدونة محترمة أكثرر وجي قم0 بمووت .. عآد مدري هالمدونة
الجم ؟ يمكن الالف بس إن شاء الله ماسحب

تم الافتتاح في :
13/8/2018


[/TBL][TBL=https://www.anime-tooon.com/up/uploads/at153417965879923.png]













[/TBL]

 

[T W I N K L E]

[TBL=https://www.anime-tooon.com/up/uploads/at153417965882244.png]
















[/TBL][TBL=https://www.anime-tooon.com/up/uploads/at153417965886495.png]

*
،

من أنا ؟

شسمهه طبعًا أول تدوينةة لآزم تكونن تعريف عن الغنية عن التعريف آنه !!

اسمي التوني : ميسيزو ، ميسو ، ميسي ، سعدون المزيون ، ميسيزو الخايس ، فراس ، فروسي ،
حبيب ، حبيب بو الزبيب ، حبيبوهه " والقائمة تطوول "
اسمي الصجي : تقوى " لحد يناديني تقوى ، ماعرف ارد عليكم "
عمري : 15 سنة , 8 شهر , 16 يوم
^ بمووت هالسنة المفروض يصير 16
تاريخ ميلادي : 29-11-2002 < اقولكم احب الهدايا - لا بس اقولكم -
المرحلة الدراسية : أول ثنوي ، عقب هالاجازة ثاني ثنوي
البلد : مملكة البحرين بالتحديد من محافظة المحرق ..
-
المهم ، آحين بخلي باقي التعريف على شكل فآكتس ..

- آنه وايد وايد وايد قصيرة طولي 150

- آحب شي اسمممههه يحححححححححححححح - بطيخ احمر -

- آحب شي اسمهه ون بيييسسس !! يخي يلهمني .. مدري شلون !!
الزبدة ان اكثر انمي احبه واللي اتابعه حاليًا

- آحب الدراما الكورية والكوريين وكوريا وكل ما يخص كوريا * تذوووب *
^ يخيي لذيذيننن مدري شللوووننن !!

- آحب الرسم والكتابة والتصميم والتصوير بععد
^ شسمهه أرسم رقمي " انمي " وبورتريه ورقي بالرصاص !

- آحب الهوآش والمشاكل !
^ يخي مدريي بس والله ونآسةة ، وخصوصًا اذا فيه اكشننن

- انه من الناسات اللي تتبسم حق الغرباء
^ بمووت متعوب ع كلمة غرباء ، المهم عادي اي شخصة ماعرفها
تطيح عيني بعينها ابتسم لها

- آحب الفضاء والسماء والبحر والمناظر الطبيعية بشكل عام
والاشياء الملهمةة
^ بمووت والله معلقة فوق سريري سبورة سودة مالت طباشير واكتب فيها
عبارات الهام وجيي

- عآدي اقلب نفسية فجأة

- آكرهه طاري الموت
^ للامانة تعقدت من هالسالفة عقب ما توفت يدتي ويدي الله يرحمهم
وجدام عيني !! صج صج ي ربي ماتمنى لاحد يجوف اللي جفته ويحس بهالشعور

- آمس صرت خالة

- انسانة سحّيبة بكل معنى الكلمة
^ اتمنى ان ماسحب ع المدونة وتاخذ مدونة متميزة مثل اللي قبلها
& اتمنى ماغلقها

- امقت وبشدددة * متعوب ع الكلمة * ، الطائفية والعنصرية بكل انواعها
محد سبب الحروب والدمار غيرها

- يقولون اني طويلة لسان بموووووووووووووت
والله ماحس ترآ انه مؤدبة & وايد صج صج وايد .. ناس قالو لي
انتي قليلة ادب قم0 لكن لا مشاعر ولا احاسيس

- آنه اذا جفت شي غلط ، او انه احسه غلط ماعرف ماصحهه
او ارد عليه

- مآحب اجوف اثنين يسبون في بعض ، او يقطون على بعض الفاظ غلط
^ بموت انه اسب .. بس مب سب قوي & في الهواش ماحب اسب
وصج صج اتنرفز لما اجوف احد يقط حجي غلط ع الثاني .. خصوصا اذا كانت الفاظ
غبية !!



[/TBL][TBL=https://www.anime-tooon.com/up/uploads/at153417965891416.png]










[/TBL]

 

[T W I N K L E]

[TBL=https://www.anime-tooon.com/up/uploads/at153417965882244.png]
















[/TBL][TBL=https://www.anime-tooon.com/up/uploads/at153417965886495.png]

*
،

اعتقد اني سحبت ع المدونة إلا ربع ؟
المهم .. عيدكمم مبآركك ي جمآععةة ، وكل عامم وانتو بألف خيير
عسآكم من السالمين الغانمين السعيدين آيي ترآ عيدنا باجر مب اليوم
-
الزبددةة ياية بسالفةة وحلطمةة صارت يوم العيد من زمآنن ف بما أن عيد ، حبّيت أستذكر السالفةة
يعني الموضوع يبط الجبدد وبنفس الوقت يضحكك وكيوتت ، سو خل أتكلم عن أيام الطفولةة اللذيذة ..
#يوم_كنت_ياهل

أول شي خل أعرفكم على ابوي الثاني " بو صادق "

من زمآآآننن يوم آنه ياهل ، كان فيه برادة - بقالة - بفريجنا ، وآيد جريبة من البيت ..
وكانت ملك حق جيرنا * يعني بحرينيين * ، سو امي عادي .. تخلينا نروح بروحنا البرادة ، عاد
مُلَّاك البرادة ريّال ومرته .. الله ماعطاهم عيال ف لما نروح البرادة يستانسون علينا ، لهم كنية
في الديرة " بو صادق ، و ام صادق " مع انهم ما يابو ياهل حتى يسمونه صادق ..

المهمم ، عاد شله اقولكم ابوي الثاني ، لان كانت البرادة بيتنا الثاني حرفيًا !!
يعني نص يومي في البرادة .. اخر -اطلع- سوالف البيت كلها عند بو صادق و ام صادق ، يعني اذا اروح
اشتري من البرادة اتم امبدال خمس دقايق .. ساعة وعآد انه ماروح مرة ولا مرتين ع طول ف البرادة ..
ف هالانسانين " بو صادق و ام صادق " لهم مكانة كبيرة عندي وجزء كبير من طفولتي وياهم

-
انزين تقوى ، ليش عرفتينا على بو صادق ؟ لان بو صادق قص عليّ يوم آنه ياهللل
الزبدةة السالفة بالضبطط شنو ؟ كان ابوي يعايد علينا ب 500 فلس إلا اهيا نص دينار حاليًا
طبعًا على ذيج الايام كانت وايد ، المهمم .. بما ان السالفة آوفر قديمةة يعني يمكن طاف عليها
7 سنين او اكثر ف التفاصيل عندي مب وايد بس السالفة تقهرر ..

المهمم ، كنت من ايمع فلوس العيد ، سيدة انطلق حق البرادة وماخلي شي ماشتريه
عآد نفس كل مرة ، ابوي عطاني نص دينار ، عاد النص دينار قبل غييير .. كان عندنا شكلين
للنص دينار ، شكل ورقي وشكل معدني ، عاد ابوي كان ماعطيني المعدنية يوم اروح اشتري
كنت بدفع بالورقية ، عاد بو صادق جاف عندي المعدنية وقال يبيها !! وآنه الخبلة عطيتها اياها ...

المشكلة شنو ؟ ان هالعملة انلغت ف 26 مارس 2012 !! طبعًا انلغت بعد الازمة
اللي صارت فالبحرين .. وهاي الشي يخلي العملة عزيزة على قلب البحرينيين .. المهمم عآد انقرضت
العملة من بيتنا كانت اللي عندي آخر وحدة فالبيت - تييها الصيحة - واللي يقهر شنو ؟ بو صادق
عنده جيسس متروووووس ميمعهم من ايام الازمة صارت تراث اقوله آحين عطني وحدة م يرضا ..

انزيين عندك جيس متروس ، شدعوة عاد اكتشفت مب بس اهوا اللي ميمع هالعملة
فيه ناس غيره شكثر ، وفيه بوست بالانستا كاتبين " عندي 100 حبة للبيع " من صجككممم ؟
آممما عاد من اتذكر انه قص عليّ وخذاها .. انقهرررر

وبس والله هذي سالفتي ، بيض مب بيض كيفكم عاد
بمووووووووووووت قم0 المهمم سي يو ليتر ..


[/TBL][TBL=https://www.anime-tooon.com/up/uploads/at153417965891416.png]










[/TBL]

 

[T W I N K L E]

الآن انكسر ظهري ..
وقلّت حيلتي ، وشَمُتَ بي عدوي !!