الختم الذهبي برنامج Manga Rock لتصفح المانغا على الهواتف والأجهزة اللوحية (2 زائر)

[The Darkness]

[TBL=https://www.anime-tooon.com/up/uploads/at153990682940981.png]
























[/TBL][TBL=https://www.anime-tooon.com/up/uploads/at153990682949873.png]

هلا والله بأعضاء وزوار أنمي تون الكرام .. شحالكم ؟ عساكم طيبين
طبعا هذي أول زيارة لي بالقسم الجميل هذا بموضوع بسيط لكن حبيته بنفس الوقت
والسبب لأني بعرض لكم برنامج موجود على جميع الأجهزة النقالة سواء جوالات أو أيبادات
هالبرنامج عبارة عن برنامج لتصفح المانغا وطبعا في برامج غيره متوفرة
لكن أنا حبيت هالبرنامج صراحة وكل ما أغير جوالي أو أسوي فورمات له فلازم أنزله بالبداية
مع اني ما أستخدمه وايد لكن الحلو اني أنزل كل المانغات اللي أبا أتابعها فيه
ومن أمل أفتح الجوال وأبدأ المتابعة > روتيني يوم أحس بالملل
ما أطول لكم وأخليكم مع البرنامج

اسم البرنامج : Manga Rock
الشركة المنتجة : Not A Basement Studio
الفئة : كتب
حجم البرنامج : 30 MB تقريبا في البلاي ستور
322.7 MB على برنامج الآب ستور

- يتيح لك البرنامج تنزيل المانغا ومتابعتها لاحقا دون الحجة لانترنت
- يضم البرنامج العديد من اللغات [ كان يضم العربية لكنهم أزالوها من فترة >< ]
- بإمكانك التسجيل في البرنامج وعمل حساب خاص بك ويضم المانغات التي تقوم بتنزيلها
- يضم البرنامج نوعي من الثيمات وهو الثيم الليلي [ الأسود ] والثيم العادي [ الأبيض ]

في مميزات ثانية تقدرون تستكشفونها يوم تنزلون البرنامج
* ملاحظة مهمة : للإستافدة من كافة مميزات البرنامج فلازم تشترون النسخة الكاملة
وسعرها هو 20.99 درهم إماراتي والحلو في البرنامج انه غير قابل للتجديد شهريا
يعني بيكون الشراء مرة واحدة فقط عشان تستفيدون من النسخة الكاملة

هذي صور من داخل البرنامج وتعرض لكم بعض الخيارات اللي فيه
وراح أشرح لكم محتوى كل صورة للتوضيح يعني

هذي الصورة هي للواجهة أي أول ما تفتحون البرنامج وطبعا هذي للبرنامج من الآيفون
أما شكله بالجلكسي فماعرف لو نفس الشيء ولا لا

هذي الصورة تبين لكم المصادر اللي يعتمد عليها البرنامج في توفير المانغا
وطبعا فوق بتلقون اللغات اللي يوفرها البرنامج بعد وبكل لغة يعرض لكم مصادر المانغا اللي يعتمدها
وعشان تسيرون لهذي الصفحة فبتلقونها فوق على الزاوية اليسرى أول ما تدخلون للبرنامج
واسمه هو : Sources

جيه يكون شكل المانغا في البرنامج ويطلع لكم معلومات المانغا وكم ترتيب المانغا عالميا
وحالة المانغا لو مكتمة ولا مستمرة ومثل ما تشوفون فون بيس متسيدة الترتيب طبعا وللحين مستمرة طبعا

وجيه يكون شكل ترتيب الجابترات لكل مانغا بحيث يطلع لكم أول شيء شو آخر فصل نزل للمانغا
ومن تنزلون لآخر شيء بتلقون الفصل الأول وفوقه الثاني والخ....
وطبعا لأني ذكي فنسيت أحط لكم شكل التصفح بس حلو فلا تخافون

هذي قائمة التفضيلات وبتلقون صورة قلب كل ما تدخلون لمانغا
فمن تضغطون للقلب يقوم بحفظ المانغا من قائمة المفضلات عندكم عشان بعدين تقدرون تنزلوها بسهولة
وتقدرون تشوفون صورة القلب بالصورة اللي قبل هذي الصورة

جبت لكم صورة من الإعدادات عشان أنبهكم على شغلة التنزيل
فاللي ما عندهم باقات جوال ويبون يكون التنزيل بس باستخدام الواي فاي فتقدرون تغيرون من الاعدادت
وتخلون بس التمزيل يكون عن طريق الواي فاي بدون ما تقضون على البيانت حقتكم

وهذي الصورة تعرض لكم خيارات الصور حقت المانغا
والخيارات الموجودة هي :
- تصغير حجم الصور أثناء استخدام بيانات الهاتف فقط
- تصغير حجم الصور بشكل دائم
- تكبير حجم الصور بشكل دائم
وأنا طبعا مختار ان الصور دوم تكون صغيرة لأنها أصلا واضحة وأقدر أسوي تكبير للأشياء الغير واضحة

وهذي صورة الثيامت اللي تكلمت عنها فوق وتقدروا تختارون اللي يناسبكم

روابط مباشرة من المتاجر
App Store | Google Play Store

تحميل البرنامج بصيغة APK
*حزمة البرنامج للاندرويد فقط*
Anime-Tooon - Mega - SolidFiles

ونقدر نقول اني خلصت هالموضوع الجميل وإن شاء الله يكون أعجبكم
وأي استفسار يخص البرنامج فأنا جاهز للإجابة
ولا تحرموني من ردودكم الحلوة والمشجعة
مع تحياتي .. أخوكم MaGicaL Boy

[/TBL][TBL=https://www.anime-tooon.com/up/uploads/at153990682946922.png]












[/TBL]

 

[Ryan]

سلام عليكم ورحمة الله وبركاته
كيفك يارب تكون بخير دائما
سمعت انك ليك في الكيمياء
صحيح
لحد الان لم ادرس الكيمياء
سمعت ان خلط المود يعتي احسس جميل
المهم خلينا في موضوعنا
تطبيق مفيد جدااا وشكله رائع
وطرح موفق
مع اني مش من محبين المانجا لكن افكر أجربه
اكيد شكرا علي التطبيق
والشرح الرائع
والتنسيق الممتاز
وجاري تجربت التطبيق

 

[SKY NET]

السلام عليكم ورحمه الله وبركاته
الله شوف منو منور القسم حق البرامج
يا هلا والله بخيخو بالقسم نورت
جيبو له جاي ماي وينج ايرث شوفي منو نورك خل نضيفه
البرنامج جميلو كشخه بس ليش تسوي تفرقه
تشرحه بالانكلش بس ما في عربي
وليش ما في ع الاندرويد شرح عنه
المهم برنامج جميل وحلو وكثر تنوريرك لنا بالقسم ببرامج اخرى جميله
ترا نضيفك تمام انا والانسه ايرث
تمت الخمس نجوم وبانتظار جديديك
ودي

 

[هدى.]

​

السلام عليكم ورحمة الله
كيفك ماجيكو عساك بخير يارب
الله معرفتك جاي هنا ببرنامج مانجا
مانجا روك شقول كان حلو بالبداية بعدين خرب اول
يوم كان عندي جوالي حذفتو ويأست منو، حملت بديل
بس بما ان جوالي لو زمن خربان نسيت اسمو xd
المهم انو افضل من ذا بكثير ، تنسيقك للموضوع جميل
وشرحك مختصر ومفهوم يعطيك العافية
ودي لسموك

 

[WiSHES]

​

وعليكم السلام ورحمة الله وبركاته
اهلا اهلا ماجي اخيرا قررت تنزل الموضوع
لك سنة تقولي عليه وشكلو اخذله لفة في الورشة لين نزلته
خلاص يعني هتكون منافس معانا انا وسكاي؟
طبعا انا تاخرت بالرد عشان الدراسة والان افتكيت منها
نجي لموضوعك الحلو
حبيت مميزات البرنامج يفيدني لما اكون بغرفتي غالبا النت مايوصل ><"
ففكرت تحميلها بالجوال واشاهدها وقت ماحبيت جدا رهيب
ايضا الثيم الليلي اهم شي بكل البرامج اللي عندي بصراحه
احبه للابد هالمود صرت ماحمل الا البرامج اللي عندها هالمود

بيكون الشراء مرة واحدة فقط عشان تستفيدون من النسخة الكاملة

الحمدلله ، ياخي احب استعمل مميزات البرامج بس فكرة شهريا اشترك تعصبني لانو معناته لازم شهريا
اشتري ايتونز كارت عشان امشي امور اشتراكاتي العديدة < ماخلت برنامج ماشترك فيه الخبلة
- يعطيك الف الف عافية عالشرح ، وبهيك سهل علي اقرا المانغات من جوالي
بدال ما اكسل اقرا من اللاب واتنح فيه ولا انشغل
نورنا تاني ولا تنقطع ، خيتك ويشز

 

[H A V E N ~]

السلام عليكم و رحمة الله و بركاته
ماجيكال سان هنا اهلين و سهلين منور القسم بالطله الغير متوقعه
اخبارك و كيف الحال ان شاء الله مرتاح و امورك كلها تمام
ما كنت اعرف ان لك بالمانجا خبري افلام و مسلسلات و انمي بس
ما شاء الله طلعت منوع و تلاقي اشياء كثيره تستمتع فيها
صراحه حمستني للبرنامج و وصفك للمزايا اعجبني لين وصلت لهذا السطر

وسعرها هو 20.99 درهم إماراتي

حرام عليك افكره مجاني و متحمسه و بالاخير بفلوس
عاد انا مفلسه و بخيله بنفس الوقت استحاله اشتريه و لو على جثتي
اتبرع اشتريه لي و لا اقول لك لما يصير مجاني قولي
و بكل الاحوال جوالي المسكين مافيه مساحه مساحته صغيره بالمره فانسى الموضوع من اوله
بس صراحه بعيدا عني و عن احوالي الرهيبه
البرنامج يفتح النفس و باين متعوب عليه حتى المصادر الي جابوا منها متوفره
و فيه كثير مزايا عجبتني رغم اني زعلت انهم شالوا العربي
اريقاتو لمشاركتك لنا هذا البرنامج الرائع و يمكن بيوم اقدر انزله من يدري
و تسلم ايديك على الموضوع الراقي و الشرح المميز
و وصل سلامي لمصمم الطقم خرافي
تقبل مروري البسيط
لك ودي
في امان الله

 

[Mahdicchi]

السلام عليكم ورحمة الله وبركاته
كيف الحال ماجي ؟ عساك بخير

له له وش هالحركات ، ما عرفتك
لا ومسوي له هيدر خاص فيه اونه موسوعة تطبيقات < بيتكفخ xD

يعجبني صراحة موقع مانغا روك
التصفح ماله حلو ومريح
بس ماجربت التطبيق مالهم لأني مو ذاك الزود ويا المانغا

بس ما شاء الله عليك شرح كافي ووافي وبالخطوات
أبدعت صراحة بالطرح والشرح < حبيت القافية -قايل بتكفخ-
الله يعطيك ألف عافية ع المجهود الرائع
ما شاء الله عليك مبدع بكل الأقسام والمجالات
أتمنى يتعلمون منك الأعضاء الشغل الصح ع المواضيع
و بانتظار جديدك دائمًا ولا تحرمنا من إبداعاتك

في أمان الله

 

[أبو ماريا]

السلام عليكم
كيف الحال؟
ان شاء الله بخير
أنا مو من محبي المانغا لكن احيانا احب اجرب بعض المانغات حسب التصنيف أو حسب القصة
وأحيانا أواجه مشكلة انقطاع النت
ولكن ميزة دا البرنامج اعجبتني كثير واذا حملت البرنامج يكون بسببها
كونه اقدر احمل المانغا وبعدين اتابعها بدون نت
كما انه يريح الواحد من تصفح المواقع عشان قراءة فصل جديد
وكما أن حجمه صغير وما ياخذ مساحة
بوركت على مجهودك في الموضوع المميز
دمت في رعاية الله وحفظه
*w*