الختم الذهبي تحميل برنامج Forza Football لعشاق كرة القدم (1 زائر)

[The Darkness]

[TBL=https://www.anime-tooon.com/up/uploads/at153990682940981.png]
























[/TBL][TBL=https://www.anime-tooon.com/up/uploads/at153990682949873.png]

أسعد الله صباحكم/مساءكم بكل خير يا شعب وشزوار أنمي تون
رجعت لكم ببرنامج هالمرة أنا أستخدمه لتفقد أخبار مباريات كرة القدم يوم ما أكون أتابع المباريات طبعا
وأكيد في برامج ثانية غير هالبرنامج واللي توفر لكم نتئج المباريات
بس أنا أحب هالبرنامج لأني تعودت عليه وهو أول برنامج أنزله يوفر نتائج المباريات
ما أطول عليكم وأخليكم مع البرنامج

اسم البرنامج : Forza Football
الشركة المنتجة : FootballAddicts AB
الفئة : رياضة
حجم البرنامج : 17 MB تقريبا في البلاي ستور
87.4 MB على برنامج الآب ستور
38.79 MB للمايكروسوفت

- يوفر نتئج المباريات أولا بأول
- يوفر معلومات عامة عن المباريات
[ كالملعب والحكم والمدربين والمعدل العمري للاعبين ]
- يوفر لكم تشكيلة الأفرقة قبل ساعة من بداية المباراة
- يدعم التصفح الليلي
- يضم العديد من الثيمات
- بإمكانكم تحديد المسابقات اللي تحبون تتابعونها + الأفرقة المفضلة عندكم

بضيف تعليقات بسيطة مع المقتطفات عشان أسهل لكم استخدام البرنامج

هذي الصفحة من البرنامج تعرض لكم فيها الأفرقة اللي تبون تشوفونها أول بأول
ومو لازم يكون الفريق من المفضلين عندكم ولا لا .. وتشوفون متى مباريات الفريق القادمة
وتقدرون تضيفون الفرق للصفحة عن طريق الضغط على كلمة Edit

وبهذي الصفحة تطلع لكم المسابقات والأفرقة المفضلة عندكم لكن مثل ما تلاحظون
فهي على شكل تقويم يعني إذا ماشي مباريات بالدوري الإيطالي مثلا فما راح يطلع أي شيء يخصه اليوم
أقصد ان هاي الصفحة تعرض لكم المسابقات والأفرقة اللي بتلعب بالتاريخ المحدد ومن فوق تقدرون تختارون أي تاريخ
وتشوفون المباريات اللي بتنلعب فيه ولو في فريق انتوا تفضلونه فبيطلع بالمفضلات على رأس الصفحة
وبإمكانكم إضافة الفرق والمسابقات من كلمة Edit اللي على راس الصفحة من جهة اليمين
والصورتين اللي تحت بتعرض لكم المسابقات اللي أنا ضايفنها عندي والأفرقة
ولو بتحذفونها فبس تضغطون على الدائرة الحمراء

وهذي الصفحات تظهر لكم من تفتحوا لأحد المباريات بحيث يطلع لك الانذارات والفرص اللي تضرب القائم أو العارضة
والإصابات والتبديلات + في معلومات عن اسم الملعب والحكم وأبرز اللاعبين والمدربين والخ...

هذي الصفحة تظهر يوم تضغط على أي فريق بحيث يطلع لك ترتيب الفريق ببطولة الدوري اللي يلعب فيه
والانتقالات والمباريات القادمة والتشكيلة والمصابين

هذي الصفحة تعرض لكم التنبيهات اللي تبونها توصلكم عن الأفرق اللي تفضلونها
فبالصورة اللي قبل هذي الصورة بتشوفون كلمة Notifications واللي هي التنبيهات
ومنها تختارون شو من التنبيهات تبون توصلكم عن مباريات الفريق

وهذي صورة من الاعدادات ومنها بتشوفون الثيمات والنمط الليلي بعد
وفي بعد التقويم بحيث تحددون بداية الاسبوع عندكم سواء كانت سبت أو أحد أو إثنين
وأول شيء موجود بالاعدادات هي التنبيهات وفيه بيطلع لكم المسابقات اللي تتابعونها كلها
والأفرقة المفضلة عندكم ومنها تقدرون تسوون التنبيهات اللي تبونها توصلكم بكل سهولة

روابط مباشرة من المتاجر الثلاث
App Store - Google Play Store - Microsoft Store

تحميل البرنامج بصيغة APK
*حزمة البرنامج للاندرويد فقط*
Anime-Tooon - Mega - SolidFiles

وإلى هنا أصل لختام موضوعي وأتمنى يكون عيبكم البرنامج
مع انه أشك انه بيعجبكم إلا متابعي كرة القدم كونه بيفيدهم أكثر
وأي سؤال يخص البرنامج فأنا جاهز للإجابة طبعا
ولا تحرموني من ردودكم الحلوة وترقبوني مع برامجي وألعابي اللي أستخدمهم
مع تحياتي .. أخوكم MaGicaL Boy

[/TBL][TBL=https://www.anime-tooon.com/up/uploads/at153990682946922.png]












[/TBL]

 

[WiSHES]

​

وعليكم السلام ورحمة الله وبركاته
لا لا موضوعين في شهر واحد؟ لا ما اصدق
منور والله القسم بمواضيعك كمل نشاط عندي
بالنسبة للبرنامج ، اكيد بيكون جدا مفيد للناس اللي تتابع كورة 24 ساعة < يعني مو انا
للاسف مافهم شي بالكورة ولا عندي اي علم بالفرق الا شي بسيط مررررة ع قدي
- حبيت فكرة التقويم في البرنامج بحيث الواحد مايقعد يحسب الفارق التوقيت والدنيا
فخلاص البرنامج جاهز يحسب عطول وعشان كمان ماحد يضيع موعد مهم لمباراة
مع اني ماظن ابدا المشجعين ممكن يضيعو اي موعد ماشاء الله
يعطيك الف الف عافية عالشرح ، مفهوم وموجز لاهم النقاط بالبرنامج
ان شاء الله المرة الجاية نشوف لعبة من استخدامك عندي فضول اعرف شو تلعب
خيتك ويشز

 

[S H I N O]

منورة حبيبتي
- WiSHES ​

السلام عليكم و رحمة الله تعالى و بركاته
كيفك اخي ان شاء الله بخير
وفي اتم الصحة يا رب
بعد غياب عدتنا باجمل المواضيع و ارقاها كالعادة
التطبيق مهم كثير لعشاق الكرة القدم
مثلي طبعا
و رح يساعدهم لاكتساب الوقت دون التفكير في اي ساعة تبدا حسب موقعه
المهم ابدعت اخي كعادتك وفقك الله
الى مواضيع اخرى ان شاء الله
مع السلامة

 

[SKY NET]

السلام عليكم ورحمة الله وبركاته
شلونك موجي ؟
ما شاء الله عليك ع الابداع الجميل والترتيب الحلو
راق لي البرنامج خساره اني مو رياضي
شرحك واضح ومفهوم واكيد متشوق لموضوع اخر منك
تمت الخمس نجوم والاعجاب وبانتظار جديدك
ودي

 

[Mahdicchi]

الأسطورة الخالدة​

السلام عليكم ورحمة الله وبركاته
كيف الحال ماجي ؟ عساك بخير

ليش حسيت التطبيق معقد شوي ؟ xD
شخصيًا أستخدم تطبيق LiveScore من حوالي 5 سنوات
مريح للاستخدام خاصة ألوانه مريحة للعين -لأن ألوانه سوداء-
بس لاحظت من الصور اللي حاطها أن فيه ثيمات و نايت مود، يعني شي حلو
يمكن أجربه الفترة الجاية خاصة أن التطبيق اللي أستخدمه يستهبل أحيانًا

يعطيك ألف عافية ع الطرح و المجهود الرائع بالشرح
أبدعت ما شاء الله و كفيت ووفيت
بانتظار جديدك دائمًا ولا تحرمنا من إبداعاتك

في أمان الله

 

[أبو ماريا]

السلام عليكم
كيف الحال؟
ان شاء الله بخير
أنا مو من متابعي كرة القدم غير لما يصير كأس العالم أصير أفهم فيه
وأنا متعود أتابع النتائج على موقع كووورة
وبالنسبة للبرنامج اللي حطيته مثل ما قال اللي قبلي حسيته معقد شوي وفيه دخلات وخرجات كثيرة
ولكنه شامل لكل شي يعني اللي يحمله ما يحتاج يدور في مكان ثاني
وأكثر شي عجبني فيه هو نظام التنبيهات بحيث يطلع نتائج المسابقات اللي تتابعها بدون ما تروح تقلب وسط الصفحات
مشكور على مشاركتنا لهذا البرنامج القيم
دمت في رعاية الله وحفظه
*w*