السلام عليكم ورحمة الله وبركاته.
ادري انو عندي سمعة مش ولا بد واغلب الناس تفكرني سرسجية
بس عندي مبادئ ، ومن هاذي المبادئ هو انا ما اخذ شي مو الي ، وما اسرق شي .. لانو اولا والفضل يرجع ل ابي وامي اللي ما قد ف حياتي شفتهم يسرقون شي او يحطون ايدهم على شي مو لهم.
يعني كبرت بين اهل يكرهون السرقة ويكرهون السارق.
وهالمبدأ انغرس ف شخصيتي وامشي عليه ليومك ذا.
بعدي عن السرقة مو عشان ما تربيت على هالشي فقط ، انما لان عارفة انه حرام.
ومن بداية عملي فالستور والحمد لله شغلي كله مضبوط.
استلم طلبات، وابقى اطمن زبايني وين وصلت طلباتهم بعد ، ولو انو مو شغلي ابقى اتابع الطلب.
ك وسيط تجاري ، شغلي هو اني استلم الطلب ، اطلب واعطي الزبون رقم التتبع وهو يسوي اللي عليه.
بس انا بتابع الطلبات الين توصلهم واكلمهم عشان يستلمونها بعد.
والحمد لله ما قد واجهت اي مشكل. بالعكس كل الطلبات اللي طلبتها وصلت لاهلها وانبسطو فيها والحمد لله.
وصلتني طلبات من مناطق مختلفة من الوطن. ووصلت بدون اي مشكلة.
الين امس كلمت بنت كنت طلبت لها بوتس ووصل للبريد جنبها.
بس على غير العادة طلعتلي فالموقع انو تم استلام الطلب. وهو مفروض تجيني انو في انتظار الاستلام. (تم الاستلام معناه انو خلاص الزبون اخذ طلبه)
ولما البنت راحت تبحث عنه قالولها انو ما وصل اي طرد باسمها.
جتني نوبة هلع شلون تم استلام الطرد والبنت لمن تروح ما تلقاه.
طبعا الله يسامحني شككت فاللي يشتغلون بالبريد قلت ولاذين اللذينة سرقوه . والحين رح تحصللي مصيبة.
انا ما خبرت الزبونة عن المشكلة لانو ما حبيت اعمل لها نوبة هلع ، وقلتلها شوفي يا بنت الحلال ، انا سويت اللي عليا ، وعندي ادلة على انو دفعت ثمنه وطردك وصل ، يعني تلقينه او ما تلقينه مش مسؤوليتي
البنت فالبداية كانت تدرعم بس لما طلبتها فالفون حسيتها خافت مني وغيرت اسلوبها معايا صارت كيوت كدا اتوقع انو شددت معاها اللهجة. بس ياخي لو حد مكاني رح يعمل نفس الشي.
كلمتها بكل جدية وانا اختكم كنت بموت من الرعب بيني وبين نفسي . 《 اهم شي رباطة الجأش
وهالموقف امس خلاني احسن بحزن وضيقة ف صدري ، لانو رغم اتقاني لشغلي ، واجهت مشكلة كدا.
لا عرفت استمتع بيومي ، ولا عرفت اكل ، ولا عرفت انام.
طول اليوم كنت افكر ف الحل.
وهالشي خلاني اصحى الساعة 8 لان ما عرفت انعم ب نومي من كثرة التفكير.
وانا اغسل وجهي رن فوني ، والمتصل كان البنت.
ركبي صارت ترجف من الرعب وكنت مستنياها تقول انو الطرد ما وصلها .. بس لما كلمتها بشرتني انها استلمت البوتس وعجبها بعد.
قالت انو يشبه الصور وعاجبها جدا وحتى الكواليتي عجبتها.
وقالت انو ب اذن الله رح تطلب من عندي ثاني.
_
فالحمد لله انو الموقف مر سلامات
بس في شي حيرني وهو اني حلمت بولد درس معايا اعطاني قطعة من الشوكولا الداكنة فالحلم وانا اكلتها.
لما صحيت وشفت التفسير بيقول انو الشوكولا الداكنة فالمنام ترمز انو الحالم رح تجيه اخبار سعيدة وراحة البال تزيل الهموم.
وانا طبعا قلت يمكن بشارة خير ، وفعلا بعد 5 دقايق اتصلت البنت وبشرتني انو استلمت طردها.
الحين فهمت ليش اغلب الناس اللي تبتدي التجارة الالكترونية ما تكمل فيها.
لانو فيها سترس ومجازفات كثيرة .
انا من فترة كنت افكر في غلق المتجر لانو ابتدى يعملي توتر ، وحتى وصلت فترة كنت ما اقدر انام ودخلت في اكتئاب منه واثر عليا صحيا بشكل سلبي. والموقف اللي حصللي امس خلاني اتمسك بقراري بعد. يمكن اخلي اخوي يستلمه. ويمكن اغلقه للابد.
بس القرار ذا ما اندم عليه ، بالعكس انا فرحانة فيه جدا لانو راحة بالي وصحتي فوق كل شي.
التعديل الأخير بواسطة المشرف: