الختم الذهبي LA CASA DE PAPEL (1 زائر)

[A S T E R]

مسلسل La Casa De Papel الإسباني الذي وضع الدراما الإسبانية على الخريطة العالمية،
وقدم لنا كتالوج لكيفية ارتكاب الجريمة الكاملة والإفلات من الشرطة بنجاح،
توليفة شديدة المتعة من الدراما والإثارة والتشويق نجحت نجاحًا باهرًا أجبر منتجي المسلسل على إنتاج جزء جديد منه بعدما كانت الخطة هي موسم واحد فقط مُكون من 15 حلقة طويلة، وهي الحلقات التي قامت شبكة نتفليكس بتقسيمها إلى موسمين ليصل عددهم إلى 22 حلقة متوسطة الطول.
المسلسل من تأليف “Álex Pina” الذي شاركه في كتابة الحلقات فريق كبير من الكُتاب،
وكذلك شارك في إخراج الحلقات عدد من المخرجين، وكانت البطولة لكل من “Álvaro Morte”، و”Úrsula Corberó”، و”Itziar Ituño”، و”Pedro Alonso”، و”Alba Flores”.

أحداث المسلسل ترويها إحدى البطلات هي “طوكيو” التي تقص علينا حكاية أكبر وأغرب عملية سرقة قد تعرفها في حياتك،
بقيادة شخص يُدعى “البروفيسور” يقوم مجموعة من اللصوص بالسطو على مصلحة سك العملة الإسبانية،
تبدأ الأحداث بصوت “طوكيو” حيث تُعرفنا على أفراد المجموعة والمهارة التي يتميز بها كل منهم.
من أهم الشروط التي يضعها “البروفيسور” ألا يقول أي شخص منهم اسمه الحقيقي للباقيين،
واتفقوا على أن يختار كل واحد منهم اسم مدينة ما لتكون اسمه طوال أحداث عملية السطو،
فنتعرف على “طوكيو” اللصة المحترفة، و”ريو” عبقري الحاسوب والاتصالات، و”نيروبي” مزورة العملة المحترفة، و”موسكو” المُتخصص في الحفر وفتح الخزائن،
و”برلين” صاحب الشخصية القيادية الذي يقود المجموعة داخل البنك،
و”دينفر” ابن “موسكو” النصاب الذي يتبع أباه، والثنائي الصربي “أوسلو” و”هلسنكي” وهما بمثابة العضلات في المجموعة.

والي رح أستعرضلكم إياها هسا بالصور والحديث عن كل شخصية بطريقتي :

بالبداية رح أستعرضلكم شخصيات الخاطفين :

البروفيسور :-

هو الرأس المدبر لعملية السرقة كلها بتفاصيلها ، - أو بالأحرى والده المتوفى صاحب الفكرة - ولكنه هو حب ينفذها لروحه
شخصية أكثر من رائعة ، عنده مبادئ ثابتة ، كل شي عنده بنظريات وبنظام وبشكل مرتب ، حبيت شغلة انو ما بدو قتل ولا بأي شكل من الأشكال
شخصيته بضحك بعض الشيء في كثير مواقف ، بتحسو أهبل الصراحة بس حلو هالهبل هاد ولابق لملامح وجهو كمان ههههه

برلين :-

قائد عملية السرقة ومقرب من البروفيسور ، انسان شاطب بكل ما تحمل الكلمة من معنى ، بس مع هيك جدا أعجبني أداؤه ، كان رائع بحق ،
وطريقة قيادته تعجبني لأنه صارم وهي بتلزم الصرامة ، بتحاول نيروبي تتمرد عليه وطوكيو كمان ، ولكن ما بينفع الوضع وبرجع هو القائد
بتحسو مشاعرلس بس هو العكس ، وممكن هالبرود الي بشخصيته بيرجع للمرض المصاب فيه .

موسكو :-

وما أجملها وما أحنها من شخصية ، هو أب دنفر ، حبيت علاقتهم مع بعض وشو قوية كثير ،
وكباقي قصص اللصوص ، كان يحكي انو هاي هي اخر مرة وبدو يبطل يكون هيك
حبيت تفانيه بعمله وعلاقته في فريقو وحبو لكل افراد فريقه وتضحيته بنفسه من اجلهم ، شخصية رائعة جد .

دنفر :

ابن موسكو ، معاق وأهبل هالبني ادم بسبب ضحكته الهبله جد ، كل ما يضحك بحشش عليه ههههه
عجبتني هالاضافة المضحكة للمسلسل ترا همي متعمدين ، رح تعرفو تحت بباقي التقرير
حسيتو من برا قوي بس من جوا هش وضعيف وقلبو مش قوي، حبيتها كمان هاي الشخصية ،
هو أصلا أنا حسيت البروفيسور اختار الفريق بعناية ، انهم ولا حدا فيهم قاتل، كلهم مجرمين بس مش قتلة ، حبيت هاي الشغلة .

نيروبي :-

هاي كمان شخصية أكثر من رائعة، حبيتها، طريقة كلامها بضحكني ..غير عنهم بس حلوة ، كلامها دايما عالوجع بيجي
بتحب يمشي كل شي حسب خطة البروفيسور بس عشان تطلع من الورطة الي حطو حالهم فيها هههه
حبيت جنونها بخصوص طباعة المصاري ..مجنونة رسمي وهي تشرف عالعمال رح تحبوها جد

طوكيو - الراوية - :-

هاي شخصية مستفزة بكل المسلسل ، بكرهها كثير الصراحة
مستفزة واندفاعية وعلى قولتهم هي بمثابة قنبلة موقوتة بالفريق وبخافو منها ومن انفجاراتها ،
بسرعة بتنهار وتبتتصرف تصرفات طائشة بتحط الفريق كلو في خطر
استفزازية لأبعد حد هههه .

أوسلو :-

مش عارفة شو أكتب عنو لأنه تقريبا ما حكا ولا كلمة بالمسلسل
هادي ورايق ، وهو العضلات للفريق الى جانب هلسنكي وبنفذ أوامر برلين ، هو رح يموت، ما رح تتأثرو بموتو لانو ما كان الو دور .

هلسنكي :-

بالرغم من عضلاته وضخامته ، بس هو رقيق كثير ههههه وعقلو طار شكلو بسبب الحرب ، بس كانت شخصيتو حلوة وماشي حالو

ريو :-

مش عارفة ، أحيانا بستفزني واحيانا بعجبني ، هو وطوكيو بحبو بعض ، مجنون بطوكيو ومستعد يعمل أي شي كرمالها
وبيجي بدو يتمرد عالفريق عشانها ، ولكنه باخر لحظة ببطل وبحكيلهم شو الي عملو ، الي بستفزك انو بالجزء الثالث ، لما يروحو ينقذوه ، وطوكيو تكون منجنة عليه
يروح يحكيلها اني بدي انفصل عنك !! امانة الله عليك ،، هاد الموقف استفزني
ما لقي وقت يحكيلها فيه غير وقت السرقة انا مو محبة بطوكيو بل لانها مجنونة وطايشة..ممكن تعمل شي يأذي الفريق لانها عاهة هههههه

باليرمو :-

هاد بيظهر بالجزء الثالث وهو بكون قائد عملية السرقة بدل برلين ، عجبتني شخصيتو ، بس ولا اشي مقارنة بأداء برلين
حبيت برلين وقيادتو اكثر، هاد القائد ما اثبت وجوده صح وما كان التمثيل بالمستوى . وهو مقرب من برلين كان كثير.

بوغوتا :-

وهاد كمان بظهر بالجزء الثالث ، كمان كان حضوره عادي ومش هالدور الكبير، بس حبيت شخصيتو ، وتفانيه في الشغلة الموكلة الو
حبيت اللقطة بس فتح محفظته وصار يعرف عن اولادو لدنفر ونيروبي
طلع عندو قبيلة





وهسا رح نحكي عن كم شخصية من الشرطة :-

راكيل :-

هالمحققة ذكية كثير كثير ، متقنه لشغلها ، بالبداية بتواجه تحديات لتثبت نفسها ، شخصية رائعة
ولكنها بالنهاية بتمشي القضية مثل ما بدها ، بالجانب الشخصي عندها مشاكل مع طليقها الي بشتغل بالمختبر،
كان يضربها ومتقاتلة معو على حضانة بنتها ، بس هي ضعيفة من جوا بالرغم من صرامتها بالشغل وذكائها ،
ومش عارفة شو الرابط العجيب بين انها ترفع شعرها بقلم لما تحكي مع البروفيسور في كل مرة اذا حد فيكم عرف الرابط يقلي هههههه
رح تنقلب انقلاب حياتها باخر حلقة من الجزء الثاني رح تعرفوها اذا تابعتوه ما رح احرق عليكم .

والدة راكيل :


هالبني ادمة بتضحكني لانو معها زهايمر ، وبتنسى كل شي ، وهاملة هم حياة بنتها العاطفية هههه هاد اهم شي عندها ،
كانت من الشخصيات الثانوية وما الها دور كبير غير لما تستلم ملاحظة مهمة تتعلق بالبروفيسور .

ابنة راكيل :-

كمان ثانوية كانت ، بتحب أمها وستها وهي عايشة معهم بس بنفس الوقت بتموت في ابوها وحابة تعيش عندو لانو هو متواجد اكثر من أمها بالبيت .

أنخيل :-

هاد مستفز شويتين ههههه ، صديق راكيل في الشغل من سنين بشتغلو مع بعض ، وهو بعشقها عشق جنوني
وبضل يحاول معها وعالفاضي ، هي معتبرتو اخ وصديق فقط - بالرغم انو صارت شغلة بينهم زمان - بس عقولتها كانت غلطة وانت متزوج
بس بالرغم من الصد منها وهو ضل يموت عليها ،، حتى لما كانت الشرطة بتلاحق راكل ، ضل ساكت كرمالها ، استغربت من موقفو ، من كثر ما بحبها
شفقت على مرتو ، مسكينة ، هي عارفة انو بحب راكيل وعقولتها بتستنى يبطل يحبها بس عالفاضي هههه .

العقيد برييتو :-

عقيد في الشرطة ، متفاني في شغله ، ضل يجنن راكيل بالبداية وبدو يمشي الشغل على مزاجه،
هو بدو يقتحم وهي بدها تتفاوض عشان ما يخسرو رهائن بس بشكل عام حبيت الشخصية وأداء الممثل جيد .

سوايرز :-

احد القادة بالشرطة ، تبعون الاقتحام ، هو شخصية ثانوية ، بس هو صارم جدا وما بتعاطف نهائياً ،




هسا للمجموعة الثالثة وهي بعض المخطوفين :

أليسون باركر :-

كمان شخصية مستفزة جدا من هبلها ، شكلهم بتنمروا عليها بالمدرسة او ما كان الها شخصية ،
هي بتكون ابنة رجل مهم جدا بالدولة والعقيد كان بدو يقتحم وينقذها بس من اجل هالرجل المهم لانو مقرب من الملك فما بدهم ينحرجو معه ،
فهي كانت الجوهرة الثمينة للخاطفين ، او زي ما قالولها ( الحمل الوديع ههه) هيك لقبوها ،
وهمي تعمدوا يسرقو وهي موجودة عشان كل شي يمشي حسب خطتهم ، شخصيتها عادية وما حبيتها . بالرغم من شكلها الجميل .

أريادنا :-

هاي وحدة بسيطة على باب الله ههههه بتروح عند برلين وتخليه يفكر انها بتحبو عشان تعيش ولأنها خايفة ومرعوبة كثير،
خصوصا انها فكرت انو في احد الرهائن انقتلت ، فعملت هيك لحتى تحمي حالها ، بس هي مو طايقتو لبرلين وبرلين كان مفكر انها بتحبو جد
نيروبي بتحكيلو مشاعر اريادنا لما تتقاتل معو هههه

مونيكا : -

عفكرة كل المخطوفين هبايل وخايفين وطبعا هالشي طبيعي ، بس هاي مونيكا ماشي حالها ، حبيت شخصيتها نوعا ما وتمثيبها رائع ، كان الها دور كبير مع الخاطفين وبتصير منهم بنهاية الموسم الثاني رح تعرفو السبب اذا تابعتوه .

أورتورو رومان :-

اخر شخصية وهي اكثر شخصية مستفزة وغبية بكل المسلسل طبعا هسا رح تحكولي كل الشخصيات مستفزة عندك ههههه
طبعا هاد ارائي الشخصية انا ، يعني ممكن تجبو شخصيات انا ما حبيتها ويمكن تكرهو شخصيات انا حبيتها ، فبترجع للذوق ،
بس حتى لو بالنسبة الي شفت كثير شخصيات ما حبيتها،، بس بضل المسلسل جميل
فنرجع للشخصية ،، عامل حالو البطل وبدو ينقذ الرهائن ، هو صح مزبوط كلامو بكل المسلسل وانا معاه
بس بعرفش الممثل ثقيل دم ياخي كثير ههههه وطبيعي يكون حد من الرهائن يعمل هالتصرفات عشان ينقذ حالو ، أي حد محلو بعمل هيك وما بضل ساكت
بس ما بعرف هو كان شاطب من الدرجة الأولى ن وبالجزء الثالث بين قديش عندو عقدة نقص وانو هو بحب بس لفت الأنظار ويطلع عالشاشات والدليل هو دخولو لبنك الذهب بالجزء الثالث بس عشان يكون من الرهائن هههههه جد مش عارفة ليش عملو هيك القائمين عالعمل ، هالحركة غبية منهم جد .

1- التشويق الذي يقدمه المسلسل هو أهم عناصر تميزه، فأغلب من شاهده أكد أنه ما إن تنتهي حلقة حتى يبدأ التي تليها بلا توقف تقريبًا
فالرغبة في معرفة ماذا بعد كانت تفوق أي رغبات أخرى، الأحداث السريعة المتلاحقة والمفاجآت التي لا تنتهي جعلت منه حقًا واحد من أفضل مسلسلات السنوات الأخيرة.

2- المسلسل خالي من الحشو فكل مشهد هو مشهد مؤثر وكل جملة حوارية هي جملة تصلح لأن تكون اقتباسًا هامًا،
سيناريو أكثر من رائع وحبكة تقترب من المثالية.

3- مجموعة الشخصيات المميزة للأبطال، خليط عجيب من اللصوص والنصابين الذين يقودهم رجل عبقري غامض ذو رؤية ثورية هو “البروفيسور”،
لكل منهم حكايته الخاصة التي نعرفها عن قرب لنعرف ضعفهم وقوتهم وجانبهم الإنساني المميز.

وعلى الجانب الآخر من الحكاية هناك الضابط “Raquel Murillo” وهي من يقوم بالتفاوض مع العصابة فتحارب على جبهتين إحداهما هي صراعها مع البروفيسور
والأخرى هي صراعها مع رؤسائها .
مجموعة مميزة من اللصوص ورجال الشرطة والرهائن ستحب بعضهم وتكره البعض الآخر،
لكن في كل الأحوال ستستمتع بأدائهم الرائع جميعًا.

1- رفضت “مصلحة سك العملة” الإسبانية استخدام مبناها في تصوير المشاهد الخارجية، لذا تم استخدام مبنى “المجلس الوطني للبحوث”
لتصوير مبناه من الخارج واستخدام محيطه لتسجيل المشاهد الخارجية، بينما تم تصوير المشاهد الداخلية في الاستديوهات.

2- تم تصوير الحلقات بنفس ترتيب عرضها وكان الممثلون يقرأون نصوص سيناريو الحلقة قبل البدء في تصويرها
وبالتالي كان كل منهم لا يعلم تطورات شخصيته كل حلقة إلا قبل التصوير مباشرة ويقول الممثل الذي أدى شخصية “البروفيسور”
إن طاقم التمثيل كان يتبادل الرسائل في حماس ويناقش أحداث الحلقة بمجرد قراءة النص فكانوا كأنهم الجمهور الأول للمسلسل.

3- الضحكة المميزة لشخصية “دينفر” مكتوبة في سيناريو المسلسل من قبل اختيار الممثل للدور،
وكان يتم وصفها بالضحكة الحمقاء، وكان يجب على كل ممثل قام بتجربة الأداء للشخصية أن يؤديها بأسلوبه.

4- رفض الأمن الموافقة لفريق العمل على الاستعانة بآلة طبع أموال حقيقية،
لذا استخدم طاقم المسلسل أحد آلات طباعة الجرائد بدلًا من آلات طباعة الأموال.

5- رغم أن شبكة نتفليكس هي سبب شهرة المسلسل عالميًا إلا أنه ليس من إنتاج الشبكة بل هو من إنتاج شركة محلية إسبانية اسمها “Vancouver Media”
وبعد نجاح المسلسل الساحق في إسبانيا اشترت نتفليكس حقوق عرضه لتنقله إلى العالمية.

هو واحد من أعلى المسلسلات جماهيرية وتقييمًا على موقع قاعدة بيانات الأفلام حيث يحتل المركز 163 على الموقع بتقييم 8.6/10،
ترشح المسلسل لأكثر من 13 جائزة، فاز منها بثماني جوائز، منها جائزة “Emmy” كأفضل مسلسل درامي لعام 2018.
و حيث اصبحت شهرته تصل الى الشرق الاوسط وله قاعده جماهيرية بالمملكة العربية السعودية تحديداً بمئات الآف ،

Cecilia Krull - My Life Is Going on

If I stay with you, if I'm choosing wrong
I don't care at all
If I'm losing now, but I'm winning late
That's all I want


Now we need some space, 'cause I feel for you
And I wanna change
Growing up alone, it seems so short
I can't explain


Whatever happens in the future, trust in destiny
Don't try to make anything else even when you feel


I don't care at all
I am lost
I don't care at all
Lost my time, my life is going on


I will be so strong, looking for a new version of myself
Cause now all I want is to be a part of my new world


Whatever happens in the future, trust in destiny
Don't try to make anything else even when you feel


I don't care at all
I am lost
I don't care at all
Why not have it all
I am lost
I don't care at all
Lost my time, my life is going on


رابط الشارة

https://www.youtube.com/watch?v=Zx37mfDRpyk

الرؤية الثورية التي يحملها “البروفيسور” والتي يناقشها في أحد مشاهده مع الضابط “Raquel”
حولت عملية السطو على البنك من مجرد سرقة إلى نوع من أنواع المقاومة ضد النظام الرأسمالي المُجحف الذي يسرق الفقراء لصالح الأغنياء،
مما جعل الأمر أعمق من مجرد مسلسل سرقة معتاد، وربما كان انتشار أغنية المقاومة الإيطالية “Bella Ciao” التي عَرفنا عليها المسلسل هو الدليل على ذلك.

فقد حصلت إيطاليا في الخامس والعشرين من شهر نيسان على استقلالها من النازيين وأنصار (موسوليني) في عام 1945 بمساعدة الحلفاء،
فإن كنت قد شاهدت مسلسل La Casa De Papel أو عشت في إيطاليا في الآونة الأخيرة فليس هناك أي شكٍ أنّك قد سمعت الأغنية
التي تدعى Bella Ciao والتي تعني وداعاً أيتها الجميلة.

في عام 2008 قامت صحيفة La Repubblica الإيطالية بنشر تقرير عن كون لحن هذه الأغنية يبدو وكأنَّه مقتبس من أغنية من أغاني اليهود الأوروبيين Yiddish تُدعى Koilen
والتي ألّفها Mishka Ziganoff في عام 1919، وفقاً للمقال الذي نُشر في الصحيفة ظهرت هذه النظرية -والتي تعتبر واحدةً من العديد من النظريات المتعلّقة بمنشأ هذه الأغنية-
عندما قام أحد المهندسين في Borgo San بشراء شريطٍ موسيقي يتضمّن أغاني للـ Yiddish من أحد متاجر الأسطوانات المستعملة في باريس.

رمزية اللباس في المسلسل

اختِيْرَ اللون الأحمر لتمثيل دماء العمّال الذين ماتوا في الكفاح ضد الرأسمالية. لذا تستخدم جميع التحالفات والمنظمّات الاشتراكية والشيوعية الكبرى اللون الأحمر.
وبذلك هناك علاقة متينة وخاصّة بين اللون الأحمر والشيوعية بحيث يستخدم الشيوعيون اللون الأحمر في كثير من الأحيان وعلى نطاق واسع أكثر من أيّ أحد آخر.


( هاي رابط الاغنية من المسلسل بالكلمات والترجمة ، )

https://www.youtube.com/watch?v=spCdFMnQ1Fk

رأيي بهالمسلسل إنه مسلسل أكثر من رائع ويستحق المشاهدة،
بالبداية بس عرفت إنه إسباني ما حبيت أتابعه ، ولكني بالنهاية تابعتو
وبالفعل حبيتو كثير، أداء الممثلين كان رائع جداً ومتقن ، كل شخصية أدت دورها بحق ، حبيت شخصية البروفسور وبرلين وراكيل رائعة وفيه شخصيات بالفعل ما تنحب .

أغنية وداعا ايتها الجميلة حبيتها كثير الصراحة

الأحداث بالفعل مشوقة وبتخليك تنشد للمسلسل ، صح فيه بعض الثغرات التي لا تخلو منها كل المسلسلات ،
مثل انهم بالغو في شغلة انه عند كل مشكلة بكون البروفسور حاطط حل مسبق ومتوقع يصير هيك، حسيت فيه نوع من المبالغة
وانه كمان شغلة وهي انهم عملو من اللصوص ابطال ، فاللص بضلو لص ، يعني بخليك المسلسل تتعاطف مع اللصوص خصوصا لما يظهر الجانب الاخر من كل واحد فيهم
وقصته الشخصية ، فبخليك تحبهم وتوقف معهم، وطبعا هاي نقطة حلوة تنحسب في صالح طاقم العمل
فأكيد كل الشكر للقائمين عالعمل الفخم ، وبنتظر الجزء الرابع على احر من الجمر صراحة
لأنو نهاية الثالث كانت مشوقة

بنصحكم جميعا تشوفوه خصوصي انه عدد حلقاته قليل
طبعا هو مش من المسلسلات التوب عندي ، فيه مسلسلات شفتها احلى اكيد، بس مثل ما حكيت ما رح تندمو لو شفتوه .

السلام عليكم ورحمة الله وبركاته

عوافي يا حلوين
كيف حالكم؟ أخباراتكم ؟
ان شاالله تمام ؟

اخر مرة شاركت هون كان بتقرير عن مسلسل ذا بلاكليست ، طبعا هاد من مسلسلاتي المفضلة
ومن شي كم يوم خلصت هاد المسلسل وحبيت أشارككم بتقرير عنو وأشجعكم تشوفوه

طبعا يسلموووو للغالية على قلبي @KAREN DES ★ على الطقم الي بجنن ، اللون الأحمر بجنن ، والله مبدعة وبتفهمي
ولحبيبتي @S T E L L A على تصميم قسم من الصور
يعطيكم العافية حبيباتي ، شغلكم بجنن كالعادة

رأيكم بالتقرير وبالمسلسل وأي شخصية حبيتوها اكثر شي اذا حد فيكم شايفو قبل هيك ، صرلي اكثر من ثلاث ساعات بعمل فيه ،تعبت وفرفطت روحي

في امان الله ، لنا لقاء اخر في موضوع اخر ان شاء الله ق9

ورح أختم بكم اقتباس من المسلسل
















الشيء الوحيد الذي يجمع الناس ومشترك بينهم هو المال ،،
البروفيسور خلال التدريب
اهم ما نحتاج اليه في عملية السرقة للنجاح هو الوقت ،،
البروفيسور
مهما كنت عبقري سيقودك قلبك للغباء أحيانا ،،
من مقولات برلين

 

[RO-CHAN]

وعليكم السلام ورحمة الله وبركاته ~
يا مية هلا بجميلتنا المتألقة ASTER ق8
نحنا بخير إن شاء الله أنتِ كمان تكون بخير وعافية

شو هالأبدااع
ما تتخيلي كمية السعادة وأنا بقرأ بالتقرير
طريقة حكيك عن المسلسل وشرح الشخصيات رهيبة
وحبيت المسلسل كتييير وأكيد حطيته على رأس القائمة
بس طالما مشوق وحلقة ورا حلقة نخليها للويك اند

عجبتني شخصية البروفيسور كتير خصوصاً أنه عند مبادئ معينة ما بتنازل عنها وحتى هدفه من السرقات وعمليات السطو
بس طبعاً أكيد السرقة بتضل سرقة بجميع الأحوال

عجبتني كلمات شارة البداية كتير

يعطيكِ ألف عافية على التعب والمجهود الخرافي الواضح جداً بالتقرير

وما بننسى مبدعاتنا الجميلات كاآرين و ستيلآ
على التصاميم الأكثر من رائعة ق8ق8


ما ننحرم من أبداعاتك المتجددة في كل الأقسام
تعالي نعمل موضوع مشترك

~ دمتِ بحفظ الله ورعايته ~
​

 

[Mia ❀]

السلام عليكم ورحمة الله


يا هلا فيك من جديد استر نورتي القسم
كيفك ؟ بتمنى لك ايام حلوةق9
مثل دايما مبهرة ما شاء مواضيعك كثير حلوة
الله ينور عقلك اكثر واكثر بأفكار جديدة ق8
استورة
طريقة وصفك للقصة والشخصيات خطيرة
ولك فطست من الضحك وانتي بتحكي عن هذا مستفز وهاذا شاطب
كثير حبيت التقرير ممتع وطريف
وما مليت ابدا وكنت متحمسة أكمل واعرف باقي الشخصيات وكيف أدوارها
انا من عادتي ما بحب اقرا تقارير مسلسلات خصوصا اذا ما كانت بتهمني بحسها مملة
لشان هيك انا شايفة طريقتك ممتعة كثير تستاهلي التميز
انا قررت اتابع المسلسل بعد ما أخلص دراستي شكلي حبيته وحمستيني عليه
كنت ناوية اشوف سوبر ناترول بس شطبت عليه لانو مرعب وما بينفع أشوفه
لشان هيك حيكون هذا البديل المناسب شكرا كثير
اما عن التنسيق والترتيب فمثل دايما رهيب
والتصميمات حلوة يعطيهن العافية كارين و ستيلا
يسلمو ايديكي على مجهوداتك
وفي انتظار موضوع جديد امتى حيكون بكرة؟
لا خلاص خدي اجازة بكرة بليز
يسعدك استر
دمتي سالمة

​

 

[MR.HERO]

وعليكم السلام ورحمة الله وبركاته
كيف مبدعتنا المتألقه ASTER اتمنا ان تكوني بخير وعافيه
تسلم ايديكي على هذا العمل الرائع حقاً انها مفاجأة سارة
يبدو أن الوقت قد حان لتحميل ومشاهدة هذا المسلسل
مجهودك جميل جداً وفعال خصوصا إني أنا من الناس اللي ما تابعت المسلسل
لكن راح اشوف هذا المسلسل لانه تقريرك شدني له الصراحه
شكرا لك مرة اخرى واشكر ايضاً المتألقات كاآرين و ستيلآ على لمساتهم السحريه
تسلم أنآملكم على هذآ الطرح .. ان شآء الله دوووم تقدموآ لنا الأفضل ,,
اتمنى للجمع التوفيق داآئـــــــــــماً
في امان الله​

 

[~C O M E~]

وعليكم السلام ورحمة الله وبركاته ~ كيف مبدعتنا المتألقه ASTER المميزة تمنا ان تكوني بخير وعافيه يبدوا انه علينا تحميل الفيديو ومشاهدة وموافقة الراي
انشائلاه في الايام المقبلة تقدمين الافضل الافضل وداع اليتها المتالقة الاسطورية

 

[SPECTACULAR]

سُلمت التونات


السلام عليكم و رحمة الله و بركاته

يا هلا باستورة القمورة والفرفوشة، عساك طيبة لا يشوب أيامك ما يعكر صفوها و هناكِ

ترا سماح هالمرة إنك ما دعيتيني لموضوعك، بعد كذا تتكرر يصير في حساب نصفيه لنكون على بينة بس

مسلسل البروفيسور من المسلسلات اللي مقررة أتابعها من أيام ضجة أوائل حلقاتها

إلا إني تعاجزت من النت تقوليش سلحفاة، هذا و بعد مشاغل الجامعة اللي ما كانت تنتهي بالمرة

ما شاء الله استورة تقريرك يفتح النفس ق9، طبعا من شفت العنوان تذكرت إني تناسيته و بطلت اشوف أخباره من أول موسم منعا للحرق

وقلت خل أشوف شي تقرير نظيف يكون منها فهمنا سياق المسلسل أكثر و منها سمعت رأي أحد واثقة في ذوقه خ22ق8

و الأهم ما بياخذني على غفلة و يحرق علي الأحداث ويفقدلي متعة المسلسل بكبره

-دايم صديقاتي بالواقع إذا استشرتهم سوا حالهم فلة و حرقوا علي كل الحماس و بسببهم اسحب على معظم المسلسلات- ق

هنا على النقيض كنتي مراعية لهالشي، و الصراحة استمتعت بكل سطر قاريته و ما حسيت أبدا إني أقرأ تعبير ق9

تعليقاتك الجانبية ورأيك الممزوج بوصف الشخصيات ضاف نكهة مرحة

وأهم شي إني حفظت الشخصيات من كلامك و صرت و أنا بكمل ما رجعت عدت سطر قبل لإنه خلاص ترسخ

مبين إنه في شخصيات كثير حبابة، عشان كذا حاولوا يوازنوا و يحطوا اللي يضاربوهم و يصيروا غثيثين

وإلا إذا كل الشخصيات جميلة ما بيكون المسلسل واقعي لإنه بالحقيقة نحن محاطون بالحمقى يا عيوني

بالبداية من قلتي اساميهم بتكون على أسامي بلدان، قلت يا سلام لو كل واحد يختار بلد مشهورة في تخصصه ، بس تضاربت الأفكار من شفت كل واحد وإيش هو أساسا

يعني طوكيو يبقى أجمل لواحد عبقري حق حواسيب و ريو أسلحة و مافيا ، لكن ماشي الحال ..الباقي ما عليه خلافات يعني، أنا بس نفر مهووسة تفاصيل

طبعا الكل هنا ما بيختلف على حبه للبروفيسور بس أنا أكثر واحد منتظرة أشوفه هو برلين

يمكن لإني متوقعة إنهم بيخلوا البروفيسور بيرفكت وأنا أميل للأبطال اللي تسقط و ترجع تحاول وتواجه عثرات وتستصعب مواقف و إلا وين التطور بالشخصية بالله

مبين إنه تنوع الشخصيات بالفريق بيخليه متكامل ، عدا طوكيو شكلها خراب بيوت وما راح استلطفها، إلا لو نضجت و صار تطور باسلوبها عاد يمكن نعيد النظر

وبالنسبة لسؤالك عن سالفة راكيل عن ليش كل من شافت البروفيسور رفعت شعرها بالقلم، في علم النفس تكون دلالة لمس المرأة لشعرها أو تعديله أمام رجل دلاله على الإعجاب

فلو ما كان الوضع كذا أقول إنها هبلة بالله لإنه مافي تفسير غيره

طبعا نشوف إذا راح نتفق معك بخصوص حب أو كره شخصية بعد المتابعة، و لكن راح نصوت من الحين لبرلين و البروفيسور ع3

أما البنات فأنا مو دايم من المؤديين لهالجنس لإنه يطلعوا فينا كل العبر وما يعطون البنات حقهم بالسيناريو ، لكن لو راكيل قوية الشخصية راح أيدها ونيروبي لإني أعشق الجنون

طبعا إضافة حلوة لأسباب النجاح و الحقائق الطريفة، و اللمحة البسيطة اللي حطيتيها عن خلفية المسلسل و الفكرة اللي يطرحها ح8

لمن يرتبط المسلسل بالواقع يكون له نكهة غير لو إنه خيالي وما يبنى على أشياء ملموسة بالمجتمعات 1ق8

بيكون أول مرة أتابع مسلسل مانه انجليزي، لكن الاسباني له طرب من متابعتي لفرق لاتينية فما راح يفرق معي كثير ر

المهم عندي إنه نوعي المفضل و هو الجريمة و البوليسي، وبما إنا داعمين للتمرد بالمنتدى نستفاد منه في تطبيق أفكار على ادارتنا ق9

تسلمي لنا يا استورة على تقريرك السخي و الوافي ، ما عليك من فلسفتي فوق لكن ما يهدى بالي إلا و مسوية حالي ارسطو على خلق ربي و أصير أحلل و لو كنت أطرش بالزفة

-ادعمونا يا جماعة ترانا ناويين على علم نفس بس فكرة إني أرجع أدرس أربع سنوات زيادة قاتلتني-

ونشكر كارينة و سلسل على المشاركة بالتصاميم، حقيقي ما قصروا والطقم كله بالصور طالعين نااار خ2

عسى ما نكون صدعنا راسك و كبستي زر التجاهل، لكن وعد ما تكون الأخيرة ص6ح

جعلها ما تكون آخر الابداعات الحلوة منك، لا حرمنا منك جميلتي و لا تواجدك اللي يشرح الصدر

تقبلي ازعاجي بصدر رحب و اعتبريني بعمر بنتي آتي -تراها أعقل منك فعلا- ص5

دمتِ بخير، في أمان الله ج1​

 

[SAIRYU]

السلام عليكم ورحمة الله وبركاته با33
كيف حالك استر تشان ؟ ان شاء الله تمام وبأحسن حال يارب
واااااااااو والله حماااااااس احس اني اريد اكتب رد ياخذ صفحة كاملة بس عاد مادري اذا الكلمات حتطلع صح
اول شي عاشت ايدج على اختيار المسلسل لأنه جداً رايج هذي الايام خاصةً يوم نزل الجزء الثالث صارت هوسة عليه
طبعاً عجبني التقرير كلش لأن كتبتيه بأسلوبك الخاص ورأيك الخاص مع انو بيه حرق نوعاً ما للي ما شافوا المسلسل ??
المهم ندخل للزبدة المسلسل هذا ببدايته كان جميل جداً واعني ببدايته اول جزئين منه
لكن الجزء الثالث ابداً ما عجبني غير سالفة وحدة بس اذكرهة بعدين
داحس افكاري تخربطت برجع للموضوع وبعلق على شغلة شغلة

شخصيته بضحك بعض الشيء في كثير مواقف ، بتحسو أهبل الصراحة

شخصية البروفوسور غريبة جداً الكثيرين يحبوه بس انا ما استلطفه جبان جداً صح من حقه بس مع ذلك
ومحبيت يوم اجة بيقتل ام راكيل مع انه غير رأيه بالاخير وانا حقيقةً ما اعتبره ذكي ابداً وما يدبر يعمل اي شي بنفسه معتمد كلياً على الفريق
وعلى الرغم من حساباته لكل المشاكل ما قدر يفكر ان الفريق مجموعة من المجرمين الغير موثوقين وخاصةً المجنونة طوكيو
وهي هذه العملية الوحيدة اللي سواها بنفسه من الخطة الة الذكاء كله من عند ابوه مو منه ضت1ضت1

انسان شاطب بكل ما تحمل الكلمة من معنى

برلين مجنون ويجنن ?شخصية جداً قوية وممثل قوي وله دور جداً قوي وابداً ابداً ما حبيت انه يموت بهذه الطريقة
صراحة الفريق ميستاهلون اخخ كلهم مجانين مادري منين جابهم البروفيسور

هاي شخصية مستفزة بكل المسلسل ، بكرهها كثير الصراحة

هنا متت على رأيك هذا ?? وانا كاعدة اقرة التقرير وشفت طوكيو وانك تكرهيهة كان شعوري "I like this women" يا اختي هذي البنت اكرههة جداً
تنرفز ولو ما كانت موجودة بينهم كان صار المسلسل جداً بيرفكت الكذابة كانت تقول ملاكي الحارس بالاول بعدين قلبت عليه من ثاني يوم لهم بعملية السطو ??
وبعد هي اللي ورطتهم بعملية السطو الثانية اللي حقيقة مالها داعي ابد الناس كانوا عايشين بسعادة وخربت كلشي ??

مش عارفة شو أكتب عنو لأنه تقريبا ما حكا ولا كلمة بالمسلسل

مرة سمعت اشاعة انه مايعرف يتكلم اسباني مدري من يا دولة قالوا نسيت ? ?

لكنه باخر لحظة ببطل وبحكيلهم شو الي عملو

هذه الحركة جداً تنرفز خاصةً لما كانوا الرهائن يهربون وهو يعرف وما تكلم ??

هالمحققة ذكية كثير كثير ، متقنه لشغلها

بالعكس ولا شفتهة ذكية كانت تسوي اللي يمليه عليهة البروفسور بالضبط وما ضبطت شغلهة كشرطية ??
ووقعت بالحب مع المدبر لعملية السطور اللي فقدتهة عقلهة مشفت بوجودهة فائدة عدا انو هي فادت العملية مو عرقلتهة ??

والدليل هو دخولو لبنك الذهب بالجزء الثالث بس عشان يكون من الرهائن

هذا الرجال مجنون حرفياً مادري شصار بدماغه بالجزء الثالث كرهته

التي تدعى Bella Ciao والتي تعني وداعاً أيتها الجميلة

هذي الاغنية جداً جميلة خاصةً من يغنيهة برلين


الان اتكلم عن رأيي بالمسلسل حقيقةً مثل ما قلت اول جزئين حلوين جداً
الشي المميز كلش بالمسلسل هو ان المتابعين حيتعاطفون مع السارقين وليس مع الشرطة يعني مثل الناس حتشجع الشر وتترك الخير نوعاً ما
وهذا يتبع واحد من مبادئي وهو انو مو كل شخص شرير هو شرير ومو كل شخص جيد هو جيد
حسيت المسلسل ممكن يفتح عقول بعض الناس حتى تستطيع تتفهم بعضهة داحس بديت اتفلسف
موضوعك ذكرتي فيه الكثير من الشخصيات لكن نسيتي شخصية جداً مهمة وهي الشرطية اللي تظهر بالجزء الثالث
مع انو هي مجنونة بس ذكية بحق تتفوق على البروفيسور وعلى راكيل باضعاف وهذه الشغلة الوحيدة اللي عجبتني بالجزء الثالث
لأنه كان عبارة عن تمديد على الفاضي بس لنجاح المسلسل فقط اخترعوا فكرة من تحت الارض وسووها
وجابوا شخصيات ماعرف منين وخلوهم ماحبيت الجزء الثالث ابداً خاصةً برلين مو موجود فيه غير بالذكريات

انفعلت كثير وما كتبت كل ارائي لأن حيصير ردي عبارة عن تقرير اخر
شكراً جداً على التقرير الرائع سويتيلي واهس اسوي تقرير عن مسلسل جميل متابعته مؤخراً بس انا اتعاجز فمراح اسويه ??
في امان الله وحفظه





​

 

[HIKAYAMI]

السلام عليكم ورحمة الله وبركاته
كيف الحال آستر ؟ ان شاء الله بخير
موضوع عن La casa de papel اول مسلسل اسباني اشوفه اعتقد
شفتها بعد نصائح كثيرة من المقربين تصنيفها من المفضلات عندي بس كنت مترددة بالبداية قبل ان شوفها لاني اميل لمشاهدة الافلام اكثر من المسلسلات
احسنتي اختيار المسلسل والتصاميم جداً جمميللةةة ومناسبة وية الموضوع تسلم يد كارين وستيلا عليها ع3
واحلى شي احلى شي احلى شي انك كتبتي التقرير برأيك الشخصي مو ترجمة وتجميع من المواقع
قليل نشوف مثل هيك تقارير بالمنتديات ما شاء الله عليك مجهود رائع عاشت ايدج كلش
تقرير كامل متكامل مادري منين ابدي اعلق حبدي بشغلة شغلة من البداية

أحداث المسلسل ترويها إحدى البطلات هي “طوكيو” التي تقص علينا حكاية أكبر وأغرب عملية سرقة قد تعرفها في حياتك،

طبعاً لهاي اللحظة اريد اعرف شجانوا يفكرون من خلوا طوكيو تروي القصة ؟ بصفتها منو يعني
اتعس شخصية بالمسلسل تروي قصته ! واكثر شخصية يكرها الجمهور وما يتعاطف وياها

شخصية أكثر من رائعة ، عنده مبادئ ثابتة ، كل شي عنده بنظريات وبنظام وبشكل مرتب ، حبيت شغلة انو ما بدو قتل ولا بأي شكل من الأشكال

هو قبل ان ابدأ تعليق على الشخصيات اني من الناس الي مقتنعة انو : انت تتعاطف مع الطرف الي تسمع منه القصة
ومو بالشرط يكون هذا الطرف هو الصح فلازم تفكر بالقصة من الطرف الثاني قبل ان تتعاطف.. وهنا اقصد المجرمين والشرطة
المهم .. شخصية البروفيسور كانت واضحة من بداية المسلسل انه مايعرف شي عن العالم الحقيقي
خطته كانت مو واقعية ومراح تنجح الا في عالم مثالي بيه روبوتات هو صانعها مخال بباله نهائياً انه راح يتعامل مع بشر
وفوقها مجرمين ومختلفين عنه بالتفكير ومو مجبورين يمشون على خطته بحذافيرها + هو اول واحد افسد خطته المثالية هذه

قائد عملية السرقة ومقرب من البروفيسور ، انسان شاطب بكل ما تحمل الكلمة من معنى ، بس مع هيك جدا أعجبني أداؤه ، كان رائع بحق ،

فعلاً برلين كان شخصية رائعة جداً ممثل مبدع وبقوة واعطى الدور حقه وزايد
حبيت شخصيته من بداية المسلسل وبعدها كرهته وبعدين رجعت احبه وماعرف ليش اختاروا يخلوه يموت
هو اكثر واحد من اللصوص كان همه ان تنجح الخطة وما تفشل لاي سبب كان حتى لو انجبر يعمل اي شي
القائد المثالي للسرقة بجدية ومو ممكن تنجح بدونه

وما أجملها وما أحنها من شخصية ، هو أب دنفر ، حبيت علاقتهم مع بعض وشو قوية كثير ،

موسكو كثير انقهرت من ماتت فعلاً شخصية حنونة

ابن موسكو ، معاق وأهبل هالبني ادم بسبب ضحكته الهبله جد ، كل ما يضحك بحشش عليه ههههه

ضحكة دنفر من اكثير الاشياء الي كنت احبها بالمسلسل حتى صرت اضحك مثله من كنت اتابع المسلسل
من الشخصيات الي احبها هو وابوه وتعاطفت معهم

هاي كمان شخصية أكثر من رائعة، حبيتها، طريقة كلامها بضحكني ..غير عنهم بس حلوة ، كلامها دايما عالوجع بيجي

نيروبي احبهاا شخصية حلوة وواقعية وماتريد تخرب الحطة مو بس حتى تطلع روحها من الورطة بس لانها ام تريد تستعيد ابنها
انقهرت عليها من ما كدرت ترجعه بالاخير مع انه شي متوقع

بسرعة بتنهار وتبتتصرف تصرفات طائشة بتحط الفريق كلو في خطر

اتفق وبقوة اسوء اختيار قام بيه البروفيسور واول فشل بخطته انه ضمها لفريقه من الاساس
وحبها لريو اعتبرته استغلاي ودمرته بيه مستقبل الولد الي بعده مشايف شي من حياته ..
هلسنكي لطيف حبيته واوسلوا صح ما كان له دور بس انقهرت على هلسنكي من مات

يروح يحكيلها اني بدي انفصل عنك !! امانة الله عليك ،، هاد الموقف استفزني

واو ... للاسف ما كملت الجزء الثالث لان اعتبرته جزء غبي افسد المسلسل
فمراح اعلق هواية على شخصياته لاني ما عرفتها تمام .. بس باليرمو محبيته وحسيته نصاب بالبداية هو والثاني
وهسة نرجع للشرطة واعلق من وجهة نظري المحايدة..
راكيل اسوء محققة في العالم تعاطفت مع السارقين وضربت مهنتها ومصلحة البلد الي المهم تكون فوق كل شي بمهنتها
بعرض الحايط وراحت حبت البروفيسور وبقت وياه ولا ! صارت من السارقين بعد هذا برأيي شي مستحيل يسويه محقق جيد

ومش عارفة شو الرابط العجيب بين انها ترفع شعرها بقلم لما تحكي مع البروفيسور في كل مرة اذا حد فيكم عرف الرابط يقلي هههههه

برأيي حتى تركز وهي تتكلم معه لان شي طبيعي مجرم حيستفزها بالكلام وتتخيلين شعور شعرك مفتوح ويجي على وجهك وشخص يزعجك بكلامه

شفقت على مرتو ، مسكينة ، هي عارفة انو بحب راكيل وعقولتها بتستنى يبطل يحبها بس عالفاضي هههه .

فعلاً مسكينة زوجها كان شخصية مستفزةة جداً اكره هذا النوع من الشخصيات بقوة متزوج ويركض ورا راكيل
اليسون باركر اكرهها بس ماكدر انكر انو هي اكثر شخصية اثرت السرقة عليها وطورت منها نفعتها اكثر من ما ضرتها صراحة
اريادنا مقدرت اتعاطف معها نهائياً وبرأيي الي سوته اسمه غباء .. غباء راح تندم عليه وتذكره للباقي من حياتها
مونيكا حبيتها واورتور احنة نسميه بالعراق "يدور طشة" اهم شي كان عنده ينشهر ومن شفته باول حلقة بالجزء الثالث كنت
الحقائق عن المسلسل الي ذكرتيها اول مرة اعرف بيها شكراً على تجميعها كل حقيقة ابهرتني اكثر من الثانية ع3
حلوة المعلومات الي ضفتيها عن بيلا تشاو كانت اغنية لطيفة جداً واول مرة اسمعها من المسلسل ماكنت اعرفها قبلها وحبيتها ع3
واضافة لمعلومات الاحمر كانت جديدة علية اصلا كل المعلومات بالتقرير جديدة علية ابدعتي بقوة ما شاء الله عليكِ
كان مسلسل لطيف نوعاً ما ما صار التوب عندي بس استمتعت بمشاهدته ودخلة جميلة على المسلسلات الاسبانية
ماكنت اعرف قبل ان الاسبان مبدعين بالتمثيل لهاي الدرجة يستاهلون الشهرة الي حصلوها
عاشت ايدج بقوة على التقرير الاكثر من رائع واعتذر اذا اطلت بالرد بس ماقدرت امنع نفسي اعلق موضوعك يشجع لانه متكامل
بانتظار جديدك القادم مبدعة ما شاء الله واكيد كل مواضيعك بروعة هذا حتكون واروع كمان
دمتي بحفظ الله ​

 

[خَوْد]

-








هالمسلسل المفضل عندي . .
ما اني اول شي ما كنت طيقو لأنو اول ما شوف
الشعب لاحق وراه بحسو سخيف و بكرهو بس لما
اختي حطت اول حلقة ع التلفزيون و حضرتو غصبن عني
ف حبيتو و صرت تابع معها لحتى انا تعلقت فيه اكتر منها
و اكتر شي كنت حب شخصية برلين يالله شو حبيتو و خاصتا
اخر شي بالجزء الاول لما ضحى بحالو دمعت عيوني
والله و كتير كنت بكره طوكيو لانها كانت متهورة بزيادة
عنجد مسلسل رهييييب و عم استنى بفارغ الصبر الجزء الجديد
يعطيكي الف عافيةة يارب على هالتقرير الممتع و التنسيق
الرائع . . ماننحرم هالطلة يارب ​

 

[~GO~]

..

السلام عليكم و رحمة الله

هلا فيك استرو ، نورتي من جديد للقسسم نشاطك واضح ماشاء الله

عاد هذا ثاني واحد سحبت عليه قبل الجوكر احسهم كله نفس السالفه و النفسيه

لكن القصه فخمه و تمثيلها بنسخات مختلفه اعطى صدى كبير لها

يعطيك العافيه على الطرح و السرد و اختيار موفق كعادتك ياقمر

بانتظار جديدك المقبل ، و بالتوفيق لك بالجاي

في امان الله و رعايته​