الختم الفضي قصه أو خيال أم واقع ( لاحد سيحميك عند قراءتها ولا يوجد مقدمات للجحيم ) (1 زائر)

[night shades]

هل سبق وفكرتم بسبب وجود عظمه الكتف هل سبق وفكرتم بسبب توافقها مع موقع ظهور الاجنحه ؟؟

هل سبق وفكرتكم أنها تشبه الأجنحة غير مكتملة النمو؟





هل هذه قصه من الخيال ام مقتبسه من أسطورة


ام الموضوع اكبر من هذا و مقتبس من ... ( واقع مظلم ما يعرفوا البشر عنه ) ...
​

تبغوا تعرفوا مين أنا هل حرفيا تبغوا تعرفوا قصتي وقصه الكوكب الازرق او كوكب الارض زي ما تسموه !!!!!


اذا واصلتوا القراءه بعد هذي الجملة !! حيكون الموضوع تحت مسؤوليتكم ومالي دخل بالي بيحصل لكم لو فضحتوا هذي المعلومات السريه ....


واحد ( لك الخيار انك توقف قراءه هنا )


اثنين ( لو انا منك باتمنى اني اعيش بجهل وما اعرف عن القصه ذي المختلفه عن كل القصص )

....يوجد مصطلحات غير مفهومه نسبيا للكل بأترك مفاتيحها لكم ابحثو عنها بالنت اذا مصرين تفهموها ........
!!!!!!
( بس اذا تبغوا تعرفوا واقعية القصة لا يوجد خيار للرجوع بعد القراءه )


ثلاثه ( اذا اخترت التهور وتحمل المسؤوليه المرعبه ومعرفه المعلومات السريه فانت فتحت ابواب الجحيم داخل راسك )

..........

في احد الأيام... في احد أيام القرون المظلمه كانت الارض تسمى بالكوكب الازرق ( ذو القمريين )

لانه كان لها قمرين حرفيا او هذا الي كنا نحسبه إلى أن وقعت الكارثه .. طبعا ما كنت انولدت في ذلك العهد اجل كيف اعرف هذي المعلومات تابع القراءه عشان تعرف ..

على لسان سلفي او سلالتي :-

طبعا ابدا ما كنا نشبهكم جيتوا انتوا لكوكبنا الازرق قبل 200 الف سنه تقريبا صحيح كنا بشر بس كنا مختلفين عنكم كليا !!!

عشان تفهموا قصتي لازم تعرفوا مين أنا ...

هل سبق وسمعتوا انه البشر البدائيين كان عمالقه ؟!!

طبعا طبعا الكل يعرفوا هذي المعلومه

بس الي ما تعرفوه انه ما كنا بدائيين كليا , كنا متحضريين فخورين بكوكبا ذو القمريين بس كنا مختلفين عن بعض في طائفه مننا نادرين قليلين الوجود

كانوا يسموهم بلغتكم المحلقيين او السحابيين وهم البشر اصحاب الاجنحه العملاقه !!

تم تحريف حقيقتنا ونسبها لأسطوره ( الحصان المجنح بيغاسوس )

رغم اننا ما كنا نشبه الاحصنه بشيء لكن التاريخ ( قتل )
وتم تحريف النصوص الي ما زالت كويسه بسبب عدم معرفه قراءتها بشكل كامل

... بيغاسوس ما كان حصان بيغاسوس كان رجل من نسل المحلقين وسبب شهرته انه كان قويي جدا وصاحب اجنحه بيضاء بصفاء الثلج تعكس الشمس وتظهره كانه ملاك محلق بسرعه الحصان الاصيل ...

* الصنف الثاني من البشر كان ساكسوم او الصخريين بلغتكم لانهم كانوا ما يطيروا لكنهم على عكس السحابيين كانوا يتكيفوا مع أي بيئه مهما كانت جديده بسرعه
وعظامهم صلبه وعضلات الجسم كانت اقوى بكثير من السحابيين لكنهم ابطئ بالحركه بسبب كتلتهم البدنيه وثقل اجسامهم ....

((والبشر الحاليين يرجع نسلهم للساكسوم وانا واحد منكم ))

في احد الايام بعد اصتياد قريتنا لسمكه نسميها الليدزيشثيس ( معروفه بعصركم يمكنكم البحث عنها )
سقط القمر الثاني باتجاه الارض لما كنا ناكل صيدنا و سبب مجموعه من الزلازل والبراكين العملاقه

مرينا بعدها بشتاء يشبه (( الشتاء النووي )) ....

الشمس ما ظهرت لمده سنوات لا تحصى
السحابيين بدؤوا يموتوا بحكم انهم ما قدروا يتكيفوا مع البرد الشديد الى وصلت درجته لـ 210 درجه تحت الصفر

اما الساكسوم طوروا جهاز بداخل جسمهم بسبب قدرتهم على التكيف وصار جسمهم فيه جهاز تسخين داخلي

وهذا الي يخلينا حاليا لما نمرض ترتفع حرارتنا بسبب وجود هذي القدره المتوارثه

لكن سببت رده فعل عكسيه وهي قصر طول البشر تدريجيا بالاضافه انهم صاروا اكثر وحشيه وبدؤوا بسلخ جلد الحيوانات وصنع اغطيه ضد الثلج باستخدام جلودها ...

.. بعد مرور ملايين السنين ظهرتوا ومن هنا تبدا المعلومات عني انا الي يكتب لكم القصه وبتبدا المعلومات الصادمه والسريه ...

احد العلماء الحديثين اكتشف أثر قديم لعظمة السكابيولا او عظمه الكتف بلغتكم (تم الاحتفاظ بهذ المعلومة من قبل الحكومه الامريكية سرا لأنها كانت عملاقة وتشبه بشكل كبير عظام البشر الحاليين )

كانت عظمه تخص احد السحابيين تم حفظها بطريقه عجيبه حتى انا ما اعرف سبب حفظها بهذا الشكل

وليش عظمه السكابيولا هي العظمه الوحيده الي حفظت بهذا الشكل ؟؟؟
بينما مافي اثر لباقي الجسم !!

كانت محفوظه داخل حجر نسميه الاميرالد او الزمرد بلغتكم والاغرب من كذا مين الي عرف طريقه حفظ العظم في ذاك الوقت!!

ومو داخل اي شيء تم حفظه بطريقه اقرب للمثاليه !!
بداخل الزمرد بحيث انه السنين ما دمرت السلسله الجينيه الخاصه بالسحابي المجهول

والاسوء من كذا الزمرد الي تعرفوه ماهو زمرد حقيقي!!
الزمرد قديما كان اقوى بكثير من الالماس

بعد عمل الاف البحوث عن العظمه العملاقه قدر احد الباحثيين العبقريين الي ما اقدر اذكر اسمه ( حفظا لسلامتكم )

انه يستخراج العظمه من الزمرد لكن بحكم انها كانت "عظمه سحابي"

الصفات الجينيه والخلايا الحيه الباقيه بدأت بالموت بسرعه مما اضطر العالم لاتخاذ اجراء سريع وحقنه بعشوائيه بداخل عمودي الفقري

باستخدام ابره سماها( سباينال نيدل ) بحكم اني كنت الطفل الوحيد بالموقع ولتوقعهم انه الاطفال بسبب انهم ما نموا بشكل كامل راح يكونوا اكثر قدره على التكيف مع الجين الجديد بداخلهم

تم حجزي بمستشفى سري تحت الارض بعد موافقه اهلي وبسبب انهم كانوا خايفين علي اني اموت

لكن الامور ما مشيت زي ما تمنوا العلماء الحمض الجيني تم رفضه من قبل جسمي وتعبت جدا قبل ما تختفي الاعراض كامله!!

وهنا العلماء خاب ظنهم وتركوني بعد اقرار بفقدان اخر جين لانسان سحابي لضعف تكيف السحابيين مع الظروف المحيطه

عشت حياتي طبيعي الين ما وصلت للمراهقه وهنا بدأت ترجعلي ذكريات

لناس ما اعرفهم!! لقمر ما اعرفه!! لمحادثات ما حصلت!! لجسم مو جسمي!!

كنت اعتقد اني تجننت وفقدت عقلي الين ما اخيرا بعد الم شديد نمت عظمه السكابيولا بالكامل من كتفي!!

وانتجت جناح كبير جدا مقارنه بجسمي وهنا بدات مسيره جديده...

تم حجزي في البيت من قبل اهلي لخوفهم اني اتحول لفار تجارب من قبل الحكومه

الباقي ما اقدر اقوله لكم حفاظا على سلامتكم

هذا الجزء الاول من القصه اذا بغيتوا الجزء الثاني
راح تتحول حياتكم حرفيا لجحيم.. لا تتهوروا أكثر وتطلبوا.....

لكن احب اقول لكم شيء اخير لحد يحاول يتذكر شيء ولو جاتكم ومضات ذكريات او احلام بعد قراءه قصتي تجاهلوها قبل ما يتحول مصيركم لنفس مصيري ....​

جميع حقوق الكتابه محفوظة لي ......

​

 

[Joe7]

في انتظآر الجزء الثآني

 

[night shades]

في انتظآر الجزء الثآني

اهلا اهلا باول المخاطرين واهلا بطبيعه نسل الساكسوم

المتهوره بحكم انك اول المخاطرين هل اقدر اسالك اذا اكتشفت

معنى العبارات المفتاحيه المخفيه او لا ومعناها

راح اسهلها لك الشتاء النووي ،، سباينال نيدل ،، نوع

السمكه ،، واخيرا مدى احتماليه وجود قمرين للارض قديما فعليا ....

....

اهنئك على شجاعتك للرد علي برايك واشكرك على ابداءه بتهور سعدت بمرورك

 

[جِيون رُوز]

حبيت القصة ، ممكن الجزء الثاني ؟

 

[night shades]

حبيت القصة ، ممكن الجزء الثاني ؟

باذن الله راح ينزل بنهايه الاسبوع برغم انه كان من المقرر ايقاف كتابه القصه لعدم اعجاب الكثيرين بها