[ وقـتٌ مـستـ ـقط۶ .. ! ] (1 زائر)

[Fear]

-
| ١١ |​

 

[Fear]

-
| ١٢ |​

 

[Fear]

-
| ١٣ |​

 

[Fear]

بسم الله الرحمن الرحيم


اليوم رجعتني الجميلة @Douma waifu سنين لورى لأرجع أقرا ذكرياتي الي كنت مضيعتها.. مع كل رد ساذج و ركيك قريتو هون حسيت بشوق و حسرة كيف الدنيا بتركض فينا عالسريع و تسرق منا براءتنا سنة ورى سنة ~

يمكن هي المدونة كانت أبعد مايكون عن مفهوم مدونة.. كانت تدوينات أنا بس الي أفهمها ليش كتبتها بوقتها شو كان صاير طبيعة الشعور الي كان بيخالجني و سطرتو.. عم حاول أتذكر و أقرى كل هي الشغلات.. لهيك مو حابة أتجاهل هي المحطة من حياتي و قررت أبلش فهي المدونة بداية صحيحة شويتين


مين صاحبة المدونة؟
طالبة برمجة إسمها سيرين، فالرابع و العشرين من عمرها.. المفروض تبلش شغلها كأستاذة رياضيات عما قريب لما تجهز حالها عبال ما تصحلها وظيفة مناسبة لدراستها.. من ناحية الشخصية فعندها أكثر شخصية مزعجة و نكدية فيكم تتخيلوها

شو بتحب صاحبة المدونة؟
• من ناحية الأكل ما أحبذ الشغلات الحلوة جدًا ماعدا الشاي بحبو حلو لدرجة يدوخ مو يصحي، بس غير هيك ماعندي مشكلة مع الأكل كل نعم الله حلوى
• من ناحية الكتب ما أقرا كتير أفضل الملخصات.. تبعات الرقمنة و التطور، بس عمومًا أحب الكتب الدينية عشان مابحب القصص الخيالية أو بيع الكذب الي فكتب التاريخ، الاجتماع، و النفس
• من ناحية الأغاني فبحاول دي الفترة أقطعها نهائيًا عشانها بتقتل قلب الإنسان و تعيشه حالة وهم و تدفق أدرينالين ما تختلف عن المهلوسات، بس لساني في مرحلة جذب و نفر لين أخلص منها.. عمومًا كنت بحب Charlie Puth بعيدًا عن شخصو فهو مبدع جدًا في
كتاباتو و تلحينو..
• أحب أسمع بدال الأغاني سورة الملك.. قريبة هي السورة من قلبي جدًا بشكل
• مافي مجال محدد بحبو ماعدا مجال دراستي، يمكن بخربش شويتين و كنت فنادي للرسم لحدود الشهرين الي عدو اتضغطت فتركت النادي

شو مابتحب صاحبة المدونة؟
• ما بحب النفاق و التظاهر و الظلم.. غيرو عحسب لو يجي عمزاجي لو لا عشان ماحد فينا كامل العيوب بتتخطى و تنبلع.. مرات حتى الشغلات الحلوة بتزعجني
• ما أحب عبادة المشاهير برضو أتثار لما حد يعرف اسم كلب مغني و مايعرف اسم الغزوة الي تسمم فيها رسول الله صلى الله عليه وسلم
• غير هيك معرف مثل مايجي عبالي




أتوقع أني حكيت عني كتير.. يمكن عملت هالشي لنفسي لأني حسيت أني محتاجة أفرغ طاقة معينة ​

 

[Fear]

-

و ها نحن ذا عدنا ننفض الغبار عن الذكريات الناجية من حرب النضوج و التخطي ..
ذكرياتٌ تستحق معاشًا كالذي يتقاضاه المتقاعدون، لأنها تفكر في أن تستقيل من صدرك المزدحم بالتوتر و الأفكار المبعثرة،
والذي لم يعد صالحًا لا للعيش، و لا لإعادة التدوير و حماية البيئة من سلبيتك ..

صدق السلف حين قالوا أن الشباب ربيع .. ربيعٌ عربي لا يفضي إلا بحروبٍ أهلية، كالتي تعصف بفكرك و سذاجتك،
و تعلمك أن تصنع لك مبادءً و أولويات، و تخرج من قوقعة الطفل الصغير الاتكالي ..

و قالوا أن الحياة جميلة، جميلة التي تركت زوجها و أطفالها الستة بعد أن ملت غلي الماء و الملح، كما مللت أنت بكاء هزائمك في هذه الحروب،
و قررت أن تتعلم استراتيجية القتال، و تتوقف عن كونك هشًا و مدللًا ..






لا تاخدو الوضع جديًا كل الموضوع أني حرقت الشوربة، بالله الشوربة بتنحرق!

-​

 

[Fear]

-
بسم الله الرحمن الرحيم

مــن فترة و أنا أتصفح هيك طلع قدامي منشور يحكي عن كتاب تحت عنوانــ

[ give & take ]

كان العنوان مثير للاهتمام بعض الشيء رغم أني مو من محبي كتب علم النفس و التنمية البشرية، بس حبيت أشيك على الكتاب ..
كان يحكي الكتاب عن تقسيم الناس لثلث أنواع، هما:

Takers

الناس الي بتحب [تاخد..] دونما تعطي، أو الناس الي مابتعطي إلا لو عندا مكسب من هاد العطاء، أو زي مانسميهم بلهجتنا .. الناس المصلحجية (الذئاب) ؛

Givers

الناس الي [بتعطي..] بحسن نية و بلا حسابات و مكاسب شخصية، هي بس ناس تحس بالسعادة من العطاء، و زي مانسميها عندنا 'نـاس كريـمـة' أو على نياتها (الحملان) ؛

Matchers

هاد النوع من الناس هما الناس الي تقابلك على [حسب..] معاملتك إلها، لو كنت معطاء معها حتعطيك هي كمان و لو كنت تيكرز معها فمش حتشوف منها شي، و هَي الناس عندنا هِي الي بتردلـ؛ـك الزيارة على العشا بزيارة على العشا، و التهنئة بتهنئة نفس التسعيرة (الثعالب) ؛


[ ! So ]

كل منا فيه يتعامل بهدول الثلث أنماط و يقلب بينها، بس بالمجمل حيغلب عليه واحد من هي الأنماط!

|¶ لـو أسقطت على نفسي واحد من هدول الأنماط حكون الـ ''taker .. آه من دون دراما أو تبييض و تنصيع الصورة فأنا بتعامل عأساس ما خشش فموضوع ماليش فيه مصحلة ! .. مهما كانت هي المصلحة سواءً تحسين علاقة، ربح مادي، راحة نفسية، فأنا بفكر هيك .. طب ليه آخد و أحقق مصلحتي من دون ما أعطي كمان و أنا فيا هالشي ؟! يمكن لأني حأخسر و أنا قلت أني مش بخش موضوع خاسر، و ماحد ملزم يقدملي و لا أنا ملزمة أقدملو! الي قدم هو قدم بكامل إرادتو و هو عندو لسان و حق رفض جاهز بكل وقت ..

و أحيانًا بقلب ''Matcher لما يكون الوضع أمان و مش حأتضرر من موضوع الأخد و العطا، أو لما تكون المصلحة مش بتمشي إلا بمبدأ لعبة شد الخيط أنت تسحب و أنا أسحب..

و مين قال أني ما بقلب ''giver كمان! .. هيك لما يكون مزاجي حلو و بدي شوف ابتسامة تكمل يومي، أو لما يكون مزاجي مش تمام و أنا بحاجة أني أقوي تقدير الذات بإنجازات إنسانية مو مادية فبسعد بني آدم أو أساعدو حتى لو كان taker و عارفة بيستغلني بس هاد الشي عم ساويه لحالي لرضاي النفسي يعني حتى أنا عم آخد، أو لما يستغلني مديري فحكون معطاء عشان بدي تجارب تقوي ملفي لأترك هالشغل من أساسو و أشوف شغل أحـسـن! |¶

و هيك فجأة ألاحظ أنو بكل أنماطي الثلاثة أنا taker و عندي شغلات أستفيد منها .. حتى لو كانت نفسية

كل حد فيكم كيف حيكون انطباعو من هالحكي .. يتثار .. يشمئز .. أو مايهتم!

بس حبيت أنوه أنو كلنا takers و استغلاليين حتى بحماقتنا و رغبتنا لمساعدة الغير ..

لأنو لو أنا و أنت و هو و هي كلنا كنا givers كان العالم كلو بخير، و ما كان حيكون في takers أصلًا و لا حتى يمكن شر بالعالم!

لازمنا قبل أي نقاش من هالنوع شوية تصالح مع الذات و تقبل إلها..

و أنو لازم نتعلم كـ takers محترفين شو أهم مصلحة:
•؛ أنك تكون إنسان طيب و محبوب و راضي عن نفسك

•؛ أو أنك تحافظ على سلامتك الجسدية، المادية، النفسية، و الأكثر من هيك تحمي نجاحاتك من أن يتم سرقتها و حياتك من أن يتم تعطيلها

أي حد اختار أول خيار شفلك طبيب نفسي عشان معاك متلازمة الضحية .. يب أسمع مني!

أما الي اختارو [ثاني خيار..] فألف مبروك باقي بس تقولو لا! و لو صعبت عليكم الكلمة شاهدو حلقة عالم غامبول المدهش حقت ال "لا" هي، و طبقوها على أول ''taker يقابلكم و أولوياتكم تحكي أنو ترفضوه ..
طبعًا حيكون شعور سيء يمكن يخرب علاقتكم مع هداك الشخص و حتى تصيرو قصة على لسانو أنكم وقحين و مو مناح! ..
و هو الي كنتو خايفين منو ما ؟! طب آخر مبروك لأنكم حققتو أكبر مخاوفكم اتجاه رفض استغلالية الغير ماعد في شي تخافو منو ^^

Don't be a stupid giver
أعرف الفرق بين العطاء و استهلاك الذات!



و دائمًا لا تاخدوا الوضع جديًا بس حبيت أناقش القضية من منظور آخر بعيدًا عن دور الضحية المستهلك، و هذا الكلام لا يمثلني و لايمثل شخص آخر : )



(تابع للفعالية االأسبوعية)
-​