موضوع 2 (1 زائر)

[RO-CHAN]

..
​

 

[RO-CHAN]

Unexpressed emotions will never die
...
They are buried alive ,

and will come forth later , in uglier ways

التصنيف : رواية

الغة الأصلية : الانجليزية

المؤلف : اليكس مايكليدس

سنة النشر : 2019

عدد الصفحات : 217

ترجمة : محمد مفضل

عدد الصفحات بالنسخة المترجمة : 339





رواية غموض وتشويق ذات طابع نفسي فهي تحكي قصة شخصين
قد عانيا من مرحلة طفولة قاسية وكيف أثر ذلك على حياتهما كَـ راشدين
وصلت الرواية إلى قائمة نيويورك تايمز للكتب الأكثر مبيعاً منذ أول أسبوع من طرح الكتاب في السوق




قصة الرواية


تدور أحداث القصة حول شخصية إليسيا الفنانة التشكيلية المتهمة بقتل زوجها غابرييل
والتي التزمت الصمت بعد مقتله لسنوات عديدة و تم وضعها بمصحة نفسية "ذا غروف" على أثر ما حدث ..
وبقي الغموض يلف قصتها حتى دخل ثيو " المعالج النفسي " للمصحة وبدأ بالتقرب منها ومحاولة مساعدتها للخروج من صمتها
فهل سينجح في ذلك ؟؟؟

اليكس مايكليدس

كاتب و مؤلف سيناريو بريطاني من أصل قبرصي

درس الأدب الإنجليزي في جامعة كامبريدج

كما درس العلاج النفسي لمدة ثلاث سنوات ، وعمل لمدة عامين في وحدة آمنة للشباب

و الذي يعتبر مصدر إلهامه لهذه الرواية

We are made up of different parts , some good, some bad , and a healthy mind can tolerate this ambivalence and juggle both good and bad at the same time.
Mental illness is precisely about
a lack of this kind of integration - we end up losing contact with the unacceptable parts of ourselves

I believe the same is true for most people who go into mental health.
We are drawn to this profession because we are damaged - we study psychology to heal ourselves.
Whether we are prepared to admit this or not is another question

رواية مميزة جداً من ناحية القصة والحبكة و اسلوب السرد الممتع والشيق
والتنقل بين الأحداث بسلاسة
بصراحة خلال قراءتها كان صعب جداً التوقف
من كثر ما كانت الأحداث شيقة وغير متوقعة

وإضافة الجانب النفسي للرواية كثير رفع من مستواها من وجهة نظري
و زاد من الانسجام و التأثر بالأحداث
النهاية كانت صادمة بالنسبة لي ما توقعتها أبداً
أنصحكم جداً بقراءتها ولن تندموا

النسخة العربية || النسخة الانجليزية

السلام عليكم و رحمة الله وبركاته

كيفكم يا أهل التون
إن شاء الله تكونوا بخير جميعاً

وبعد 3 او 4 كتب بدأت بقراءتها و ما أكملها
وقع اسم هالرواية امامي جذب انتباهي و احتفظت بصورة عنها و من كم يوم بس نزلتها وبدأت فيها
و من وقتها قررت أني لازم أعملكم تقرير حتى اعرفكم عليها
الرواية مثل ما ذكرت شيقة جداً
بصراحة زمان ما قرأت شي و شدني بهالشكل و بقيت مركزة لآخر نفس فيها
حتى لما فكرت أنه كل شي صار واضح طلع لسا في شي مخبى
لهيك محبي روايات الغموض راح يحبوها أكيد
أنصحكم جميعاً فيها ومتأكدة بتعجبكم خ

E n J o Y


في أمان الله




_______________________ _____________________


Perhaps ...e
some of us are simply born evil ,e
and despite our best efforts we remain that way


_______________________ _____________________ ​

 

[RO-CHAN]

السـلام عليكم ورحمة الله و بركاته

كيفكم
إن شاء الله تكونوا بخير و ما بتشكوا من شي

وصفات بالعجين عنوان تسلكي من الآخر بعرف
بس جداً أحترت شو بدي أسميه وهذا اللي طلع معي فمشوها

العجين من أحلى الأشياء اللي ممكن نشتغلها بالمطبخ

مع أنه الغالبية بيتخوفوا من الشغل فيه بس ما في أسهل منه
طبعاً هالحكي بعد ما تخبصلكم خبصتين ثلاث وبتصيروا معلمين

جبتلكم هالوصفات بلكي تتشجعوا وتجربوا الشغل بالعجينة فيهم ح1

و حبيت أعطيكم أكثر من خيار للعجينة الفروقات بينهم بسيطة
و حتى ممكن تعتمدوا أي وحدة للجميع بس حبيت أحطتهم كخيارات ممكن تفيدكم خو

يلا بينا مع أول وصفة

وصفة خفيفة لطيفة مناسب كـ خيار للفطور
أكثر شي عجبني بهاي الوصفة هو طريقة التقديم المختلفة عن العادة

العجينة

كوب حليب فاتر

½ كوب زيت

ملعقة كبيرة خميرة

2 ملعقة صغيرة سكر

بيضة

٣ أكواب طحين

ملعقة صغيرة ملح



الحشوة

زعتر

سماق

زيت زيتون

نبدأ بالعجينة

أول شي ~ في وعاء بنحط الخميرة و السكر مع الحليب الفاتر ونحركهم ونتركهم على جنب لحد ما تبدأ الخميرة بالعمل

بعدين ~ نضيف عليها مقدار الزيت والبيضة و نخلطهم سوياً و نبدأ باضافة الطحين تدريجياً و نستمر بتعجينها لعدة دقائق
و نتركها ساعة لتخمر

بعد ما يتضاعف حجم العجينة ~ نقوم بفردها على شكل مربع كبير

نحضر الحشوة في وعاء نخلط الزعتر و الزيت و ملعقة صغيرة من السماق ( لازم يكون الخليط جامد نوعاً ما )
و نوزعه على العجينة و نقطعها إلى مربعات صغير و نصفهم فوق بعض

في صينية مربعة تناسب حجمهم ندهنها بقليل من الزبدة ونضعهم فيها

ندخلهم الفرن محمى مسبقاً على درجة 180 بتحتاج من 10- 15 دقيقة مع التحمير

عند التقديم بنضيف أي نوع جبن بتحبوه على الوجه

العجينة

3 أكواب طحين

ملعقة كبيرة خميرة

2 ملعقة صغيرة سكر

2 ملعقة صغيرة ملح

3 ملعقة كبيرة حليب بودرة

¼ كوب زيت

كوب حليب دافي



الحشوة

2 صدر دجاج

2 حبة فلفل رومي ملون

بصلة

½ كوب ذرة

زيتون أخضر و أسود

خليط أجبان حسب الرغبة ( شيدر ، موزاريلا ، قشقوان )

نبدأ بالعجينة

أولاً ~ في وعاء نضع المواد الجافة مع بعض و نخلطها قليلاً

بعدها ~ نضيف الزيت و نخلطهم قليلاً ثم نبدأ باضافة الحليب تدريجياً و نعجنهم جيداً لحتى تصبح العجينة متماسكة

و نتركها لتختمر من ساعة إلى ساعة ونصف


ونبدأ نحضر الحشوة

نقطع الدجاج والفلفل و البصل إلى مربعات صغيرة

بمقلاة على النار نضع قدر ملعقتين من الزيت و نتركه ليسخن نضع البصل المفروم ونقلبه قليلاً ثم نضيف الدجاج و نتركهم على النار مع التقليب حتى يقارب الدجاج على النضوج نقوم باضافة الفلفل بعدها الذرة و نقلبهم سوياً

في النهاية نضيف البهارات حسب الرغبة انا استخدمت بابريكا و أوريجانو و بهارات مشكلة عادية بالاضافة للملح والفلفل الاسود

و بنتركها على جنب تبرد قليلاً


بعد ما تخمر العجينة

بنقسمها لـ نصفين متقاربين بالحجم

نفرد احدهما بقاع صينية الخبر و ننتبه على سماكتها تكون متوسطة 3 سم تقريباً

نوزع الحشوة و نبعد شوي عن الاطراف و نوزع الأجبان فوقها

نقوم بفرد الجزء الثاني من العجينة بالشوبك بحيث يكون مقارب لحجم الجزء الأول لتغطية الحشوة ونضعه فوق الحشوة و نغلق أطراف العجينيتن على بعضهما بالضغط عليها

ندهن السطح الخارجي للفطيرة بالبيض أو الحليب و نرش فوقه سمسم و حبة البركة

بعدين على الفرن المحمى بنخليها لتأخذ الأطراف لون تقريباً تحناج 25 - 30 دقيقة
بعدها نرش شوية جبنة على الوجه و بنحمره

هاي الوصفة مناسبة كـ حلى ختامي خفيف في موضوع عجين

العجينة

3 كوب طحين

½ كوب زيت

3 ملعقة كبيرة سكر

ملعقة صغيرة بيكنج باودر

ملعقة كبيرة خميرة

¾ كوب لبن

½ كوب ماء دافىء

5 ملاعق كبيرة حليب بودرة

رشة ملح



الحشوة

حبة كريمية

شوكلاته



الصوص

كوب سكر باودر

3 ملعقة كبيرة حليب سائل

العجينة

أولاً ~ نذوب الخميرة والسكر مع الماء الدافىء ونتركهم على جنب

ثُم ~ في وعاء نضع المكونات السائلة ( الزيت واللبن ) و نضيف عليهم الخميرة المذابة ونخلطهم سوياً

بعدها ~ نضيف بقية المواد الجافة مع الطحين بشكل تدريجي و نعجنهم جيداً حتى تصبح العجينة متماسكة


نتركها نخمر لنصف ساعه

ثم نقطعها لقطع بنفس الحجم و نكورها ونتركها ترتاح شوي

بعدها بنأخد قطعة عجين و بنحشيها بحبة جبن أو شوكلاته حسب الرغبة وبنغلق أطرافها و بنرجع نكورها
أنا عملت نص هيك ونص هيك

بنرصهم جنب بعض بالبايركس و بس نخلص الكمية بندهن الوجه بحليب و بنرش عالوجه شوي سكر بني مع قرفة

وعلى فرن بدرجة 180 وبنتركهم لحتى تبدأ تأخد لون من الأطراف تقريباً بدها 20 دقيقة وبنحمر الوجه

وبنكون محضرين الصوص قبل ما تطلع من الفرن بنخلط السكر بالحليب و نوزعهم عليها وهي ساخنة

اهم و أصعب شي بالعجين هو الخميرة و العجن

الخميرة بيتحكم فيها حرارة السائل
دائماً الخميرة بتنضاف على سائل دافي ( ماء , حليب ) فاذا كانت الحرارة غلط ما بتشتغل الخميرة وبالتالي بتفشل العجينة


و حتى المواد الثانية اللي بنضاف عالعجينة مثل اللبن , البيض , الزبدة لازم تكون بحرارة الغرفة لانها كلها بتأثر عالخميرة
لهيك دايماً بحب أتأكد أنه الخميرة اشتغلت قبل ما أضيفها على باقي المكونات و حتى بنصح أي حدا بأول تجاربه مع العجين يعمل هيك
لحتى ما يتغلب بالعجبنة وبالأخر ما تختمر

العجن هو النقطة الثانية بعد ما تنخلط كل المكونات مع بعض لازم تتعجن العجينة من 5 - 7 دقائق لحتى تصير ناعمة وما فيها تشققات و حتى لو بنستخدم العجانة ما بتغني عن التعجين فبعد ما ينخلطول لازم نرجع نعجنها بباطن اليد


وبالنسبة للخبز لنتأكد من استواء العجينة بنفحص قاعها أو أطرافها لما تنشف وتبدأ تأخذ لون بتكون جاهزة و لازم نراعي سماكة العجين تكون وحدة لحتى تستوي كلها بنفس الدرجة

وما أوصيكم تنتبهوا وأنت تستخدموا الفرن لتجنب أي حوادث

لهون بكون خلصت
بتمنى تكونوا حبيتوا اختياري للموضوع وللوصفات
وإن شاء الله تكونوا استفدتوا منه حتى لو معلومة

و أكيد ما بنسى أشكر هكوشتي على تعبها بالطقم الكيوووت ديم


في أمان الله ​

 

[RO-CHAN]

يُعد الشوفان أحد أفضل أنواع الحبوب لكونه من الحبوب الكاملة التي لا تفقد الكثير من قيمتها الغذائية في عمليات التصنيع

عدا عن فوائده الصحية لما يحتويه من فيتامينات ومعادن مهمة و مفيدة للجسم كـَ الحديد ، النحاس ، الفسفور ، الكالسيوم والزنك

كما يساعد تتعدد أنواعه بصورة كبيرة لاستخدامه في العديد من الأطعمة

غنيٌّ بمضادات الأكسدة التي تساعد على خفض مستويات ضغط الدم
حيث يحسّن من تدفّق الدم كما و يمتلك تأثيراً مضاداً للالتهابات والحكة

يحتوي على ألياف عالية والتي توفر الكثير من الفوائد للجسم
مثل زيادة الشعور بالشبع ، زيادة نمو البكتيريا الجيدة في الجهاز الهضمي

يساعد على تقليل مستويات الكوليسترول الكلي والضار في الدم
حيث تساعد الألياف الموجودة فيه على زيادة إفراز الكوليسترول من عصارة المرارة مما يقلل مستوياته في الدم

يحسّن التحكم في سكر الدم وبالتالي تنظيم مستويات السكر في الدم
خصوصاً عند الأشخاص الذين يعانون من زيادة الوزن أوالمصابين بمرض السكري من النّوع الثاني

يساعد على إنقاص الوزن حيث تعمل الألياف الموجودة فيه فيه على تبطيء عملية تفريغ المعدة من الطعام
و بذلك تقلّ السعرات الحراريّة المتناولة فينقص الوزن

تعزيز صحة القلب و ذلك بسبب محتواه العالي من الالياف
و غناه بعناصر هامة لتنظيم عمل القلب وضبط مستويات البوتاسيوم والكالسيوم

تخفيف الإمساك خاصة عند كبار السّن

وصفات الشوفان كثيرة و متنوعة و في منها حلو و في منها مالح
في منها صحي بشكل كامل و في نص نص

أخترت أشارككم بـ 4 منها

مناسبة كـ خيار للفطور كص1

½ كوب شوفان

ملعقة كبيرة كاكاو باودر

كوب وربع حليب اللوز " يمكن استبداله بالحليب العادي "

٢ ملعقة عسل

مربعين شوكلاته غامقة

رشة ملح

للزينة : مكسرات و ممكن تستخدموا الفواكه

في وعاء على النار بنخلط الشوفان ، الملح ، وكوب الحليب و بنحركهم منيح و بنتركهم ليبدأ بالغليان

ثُم نخفض النار تحتهم و بنتركهم لمدة 5 دقائق

بعدها بنرفعهم عن النار و بنضيف العسل و ربع كوب الحليب المتبقي ساخن و نحركهم جيداً

بنسكبهم بصحن التقديم و بنزينهم بالشوكلاته والمكسرات

مناسب كـ خيار حلى بارد

½ كوب شوفان

½ تفاحة مبروشة

½ ملعقة صغيرة قرفة

½ كوب حليب اللوز

¼ كوب زبادي يوناني

ملعقة كبيرة عسل

رشة ملح

جوز للزينة

في وعاء نقوم بخلط جميع المكونات جيداً لحد ما يتجانسوا

ثُم نسكب الخليط بكوب التقديم

وعلى الثلاجة لمدة 4 ساعات على الاقل

عند التقديم بنزين الوجه ببرش التفاح و الجوز ، رشة عسل و قرفة صغيرة

وصفة ربع صحية

كوب طحين

كوب شوفان

½ ملعقة صغيرة كربونات الصوديوم

½ ملعقة صغيرة بيكنج باودر

100 غم زبدة "اصبع" بحرارة الغرفة

بيضة

ملعقة صغيرة فانيلا

½ كوب سكر بني

2 ملعقة كبيرة سكر أبيض

½ كوب حبيبات شوكلاته

½ كوب جوز

نبدأ بخفق الزبدة و السكر معاً حتى يتغير لونهم و يصبح الخليط كريمي

نضيف عليهم البيضة والفانيلا و نخفق لـِ ٣ دقائق اضافية

نخلط المواد الجافة معاً ونبدأ باضافتهم تدريجياً للخليط و نحركهم جيداً

ثُم نضيف الجوز والشوكلاته و نخلطهم قليلاً

باستخدام ملعقة البوظة أو ملاعق معيارية بنأخذ جزء من الخليط و نقوم بتكويره

نكمل حتى تنتهي الكمية و بندخلهم الثلاجة لمدة ساعة

بنوزعهم في صينية الخبز و بنترك بينهم فراغات جيدة عشان ما يسيحوا على بعض

و بندخلهم على فرن محمى على درجة حرارة 180 بنخبزهم من 9 -12 دقيقة مع التحمير حسب طبيعة فرنكم

ملاحظة : عند الخبز لا تعتمدوا على تماسك السطح الخارجي للكوكيز المهم تكون نشفت من تحت لانها بتكمل استوى برا الفرن
فمجرد ما تنشف من تحت ويكون عدا 9 دقائق على الأقل بتطلعوها و هي بتتماسك برا

¾ كوب شوفان

½ 2 كوب ماء

٣ ملعقة كبيرة زيت نباتي

بصلة متوسطة

ثوم مهروس

حبة طماطم كبيرة

ملعقة كبيرة صلصة طماطم

¼ ملعقة صغيرة من الكمون و القرفة ,ملح و فلفل

ننقع الشوفان بـ نصف كوب من الماء بحرارة الغرفة ونتركه على جنب

نقطع البصل و الطماطم الى مربعات صغيرة

بطنجرة على النار ~
نضع الزيت و نتركه يسخن قليلاً ثم نضيف البصل والثوم و نقلبهم سوياً ونتركهم ٢-٣ دقيقة
ثُم نضيف الطماطم و الصلصة ونحركهم جيداً ثم نضيف قدر كوب من الماء و نتركهم ٥ دقائق

بعدها نهرسهم بالخلاط اليدوي ليصبح قوامهم ناعم
ثُم نضيف عليهم الشوفان المنقوع و نحركهم و نضيف باقي مقدار الماء و البهارات و نتركه لينطبخ على نار متوسطة
بتحتاج 20 - 25 دقيقة لتتسبك

السلام عليكم ورحمةُ الله وبركاته

كيف حالكم جميعاً
إن شاء الله تكونوا بأحسن حآل


يمكن هاي أول مرة أجيبلكم وصفات هالقد بسيطة
عادةً بكونوا بدهم شغل أكثر
بس قلت يلا تغير وبصراحة أكثر مالي حيل أعمل وصفات بدها شغل كثير

وبما أنه هذا آخر موضوع تابع للمسابقة بحب أشكر هيكي و ساي على مجهودهم
وعلى هاي الفرصة بصراحة ما كنت متخيلة أني ممكن أرجع أعمل مواضيع من ثاني


و طبعاً ما بنسى @ الغالية على الطقم التحفة اللي بيفتح النفس
يسلّم دياتك يا مبدعة


في أمان الله


​