✧ଘCerulean colored world,where no limits exists. (1 زائر)

[Mihu]

Welcome to | ଘ Mihura's Diary

｡+.｡☆ﾟ:;｡+ﾟ ☆*ﾟ¨ﾟﾟ｡+.｡☆ﾟ:;｡+ﾟ ☆*ﾟ¨ﾟﾟ｡+.｡☆ﾟ:;｡+ﾟ ☆*ﾟ¨ﾟﾟ
"There are no limits! no absolutes "
that's what you said to me.I stretch my hands to you because you're what I want to become.
- - - - - - - - - - - - - - - - - - - - - - - - - - - - - - - - - - - - - - - - - - - - - - - -

- - - - - - - - - - - - - - - - - - - - - - - - - - - - - - - - - - - - - - - - - - - - - - - -

Cerulean هو اللون الأزرق الذي هو لون السماء الحقيقي وهو مزيج من الأزرق والقليل من الأخضر
، ويطلق عليه أيضا Caerulean والكلمة مقتبسة من الأصل من الكلمة اللاتينية:
Caelum وتعني الجنّة أو السماء .

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

السلام عليكم ورحمة الله وبركاته، مرحبا بالرفاق كلهم في مدونتي ، واصدقاء تيليتابيز كلهم الا اللي يحبو po يطلعو برا
عندي مشكلة معاهم ماتصفت حساباتها من 2 ابتدائي ، بغض النظر عن الافتتاحية
الخطيرة، والاعلان الرهيب ، المحتوى عبارة عن مثل اعلانات الهمبرقر اللي يجي عاملينله ميك اب(ورب النعمة طلع
زي اعلانات ميك اب ابحثو food photoshop before and after حسيبي الله )،
لكن المحتوى عبارة عن شي مش مرة ، هو هذا قصدي بالمدونة حقتي لأني I have no idea what
im even doing here but im doing it anyways! ، أنا انسان راسب في مادة التعبير يعني ما اعرف
أعبّر وكنت على حافة الرسوب فالجغرافيا يعني ما اعرف وين الله حاطني ، ولا أريد ان أعرف خلينا كذا
بالمجهول احسن ومن العلم ماقتل.
المهم ماعندي شي مميز اكتب عنه ولست في الكتابة بشيء ، يمكن وقت ما ابغى اكتب بكتب ، الله
يرزقني فلوس على كثر ماذكرت كلمة اكتب ، المهم اكتب عن انميات اشاهدها يمكن؟ او اتكلم عن هواياتي
مثل الرسم ؟ والسباحة وركوب الخيل ، لا امزح عمري ماركبت خيل مرة وحدة لمسته كان بيرفسني بس ربك ستر ،
السباحة مرة غرقت ببانيو اجل تبغوني اسبح ببحر no way in hell واصلا انا thalassophobic احب استعمل موضوع
البحر بكل شي مرعب وكئيب احسهم لابقين على بعض والرومانسية خلوها عندكم.
طيب يمكن اتكلم عن my work in progress art احيانا ، طيب والحين خلصنا من الافتتاحية الاستكلابية بجرب اعرف عن نفسي
اللي هو اسوأ فقرة عندي ...
اسمي mihura نكنيم طبعا لأن امي قالتلي ما اعطي اسمي الحقيقي لغرباء بالنت *كف عمري 24 وبكرة بيصير 25 مسرع هاه؟
انا عجوز احب اتمرجح بكرسي جنب الدفاية واحيك الصوف لحيواناتي الاليفة وأكره أطفال الجيران المزعجين.
احب ارسم اغلب شي وبرضو عندي مهارات فوتوشوبية كنت افضيها بتمبلري بس الان قررت احطها برسماتي واحب اتعلم انيميشن لكن لسة
بدري عليه لأنني ادرس حاليا، والحقيقة احب أؤلف قصص ويمكن اعمل مانجا بالمستقبل والا انمي ان شاء الله حاليا افرغ مهاراتي الكتابية بشخصياتي اللي ارسمهم ، انا بطيئة بلرسم وارفع مرة بالقرن لان حياتي كلها مشغولة ، ولكن we keep on trying.
أنا أكسل كثير فيمكن ما أكتب كثير هنا.
المهم i hope you enjoy what i make here على الرغم من اني ماعندي حس الدوعابة
لكن سعيدة أني عدت لهذا المنتدى يعني انظميت 016 وقتها كان فيه ابوكالبس جالسة تصير فما مداني اسوي شي لكن الان قلت يلا
اوكي على بركة الله نبدأ اربطو الاحزمة.
ان شاء الله مايكون الخط قدّ النملة ومش واضح لو كذا اكتبولي على صفحتي عشان اخليه bold المشكلة كذا شكلو احلى شفتو كيف الدنيا كلها مظاهر.

- - - - - - - - - - - - - - - - - - - - - - - - - - - - - - - - - - - - - - - - - - - - - - - -
​

 

[Mihu]

- - - - - - - - - - - - - - - - - - - - - - - - - - - - - - - - - - - - - - - - - -
20-05-2020
25th Birthday

هلوو بكتب شيء عالسسررييعععع لأنني مستععججللة
المهم ، كنت برفع هالبوست امس ولكنني مت من تعب المطبخ وكنت أتفلسف على رأسكم كما البوست المذكورة أعلاه... اي أبغى أقول
همم هو شعور بالgratitude لكل شخص ساندني في حياتي هذه وبصراحة ماحب أقلب مسلسل تركي فعشان كذا بكون حماسية أكثر ، أنا فعلا متشكرة لكل الأصدقاء الذين عرفتهم والأفضل من كذا لهالمنتدى الجميل ، يعني بديت اكاونت ب 2016 وكذا اختفيت مثل ماقلنا كانت فيه أحداث زومبي تصير وقتها وكنت مشغولة بانقاذ العالم عشان كذا مارجعت الا هنا ، بس بصراحة تلقيت رسائل لطيفة من كل الناس هنا أنا كنت على وشك انسى اني انولدت اصلا بس هم صنعو يومي فشكرا لكم جدا رو*تبكي بزاوية * كان ودي اعطيكم الحلى اللي عملته امس بس حسافة أننا بيننا شاشة المهم من الان كلكم معزومين عند بيتنا بأي وقت ، مستعدة اصنع لكم شيء مع الحبّ ، المهم تحمست اقعد هنا واشارك معكم ويارب اتفاعل وما اموت فجاة هنا .
ما أعرف وشالناس تسوي أصلا يعني صار عمري 25 يعني صرت عجوز رسمي معها عصا لأولاد الجيران المزعجين مرة ثانية
يعني للأسف ماتحولت ديناصور في هذا اليوم أو صرت سمكة تونة عنيدة لازلت بشر ، وماقدرت أصير اللون الأحمر من الpower rangers : ( يعني شالفايدة من هذا كله؟
أنا أقول أن الفايدة هي في الأكل ، الأكل ثم الأكل ثم الأكل ، هو صديقك وقت الضيق وسندك يملء بطنك وعقلك ويعطيك الحكمة بس احذرو من التخمة ياجماعة And dont overdo it لاتفشلونا

المهم ولتلك المناسبة السعيدة جدا سويت حلى كان من المفترض يكون تيراميسو ، لكنه لم تزبط معنا لأنه عمري ماعملت تيراميسو اولا ، وماكان عندنا جبن ثانيا ، بس عملت بسكوت كان لذيذ يذوب بسرعة مع الشاي هذا البسكوت بمثابة الكسير الحياة اللي ما أكله مااعاش
الزبدة عملت بودينق شوكولاته وبودنق فانيلا وحطينا انا واختي بسكوت وغمسناه بالقهوة وذوبته تحت ، سعابيلي سالت وأنا أكتب لان ماذقته لسة lol أمس تعشيت متأخر ولم يممديني أكل الحلى المهم هذا شكله ، تصويري تعبان وكاميرتي مشي حالك but wE triedلايكق4
نسيت أقول مصيبة لما جيت بحط الكريمة حق الدريم ويب فوق وعبيت كاسة والكاسات الثانية مامداني احطلهم لأنو خلص الدريم ويب lol وطبعا خرب التزيين لكن الفوتوشوب انقذ ماء وجهي

تتتتررارارارترارارارا تشقّ الستارة شقا

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

وبس يعني الزبدة طلعت شيف رمزي ولا لاءه ؟ يامتعلمين يابتوع الكتشن
هذه كانت فقرتنا لهذا اليوم ، نراكم بعد 5000 سنة ضوئية ودمتم سالمين...

 

[Mihu]

- - - - - - - - - - - - - - - - - - - - - - - - - - - - - - - - - - - - MUSIC~
مرحبا بأصدقاء لالا الحبّابة ، بمناسبة العيد السعيد لالا والأصدقاء يقدّمون عروضا في الرقص الشرقي--
لا أمزح مش هذا موضوعنا.
آه صح لالا كيوت مرة احلى تيليتابيز عندي ، ايش احلى تيليتابيز عندكم؟

شايفين هي صفرا وكيوت يعني لكن الكل يسبها عشان راسها فضائي وبطنها تلفزيون ، لكن لما حطولكم انمي اوسوماتسو سان الكل خق على jyusshimatsu وشافه كيوت ، مش عارفين ان لالا هيا نفسها جوشيماتسو بس انتم تحبون المظاهر

المشكلة مدري كيف دخلت بذا الموضوع ، كله من حصة التعبير اللي رسبت فيها عام 2005 دمرت حياتي صرت ما اعرف اربط الاشياء لو كنت اعرف ماكنت نسخت الموضوع حق الدرس من النت وكتبتلهم عن رحلتي الى غابات الامازون اللي عمرها ماصارت..خ

كنت بحط اغاني احبها في هذه الفقرة بس بحط كذا اغنية

تفرجت انمي Servamp سنين ورا وعمري ماكملت المانجا بس صراحة نسيت قد ايش كان انمي جميل وشخصيات حبابة اللفف يعني كلهم precious واصلا صارت حاجات اعوذ بالله قطعت قلبي وانا لا استحمل، فيه فلم بس ماشفته لسة شكلي بشوفو بالعيد والله اعلم
المهم فيه اغنية حق الولد الرئيسيي اللي هو مرة ايمو بس والله good boy يعني تسونديري وبارد ولكنه وحيد من داخل جق8ق8ق8ق8ق8

طبعا مؤدي صوته الأستاذ العظيم القدير وعمّي أخو أبويا kaji yuki با33يارب يزورنا بالعيد نحطله حلى ومن هالحكي *كف/ بس جد شوف كيف لما أدى صوته طبقته تغيرت مرة يعني مش مثل متعودين صوت صبياني وكذا ولد فتى زي حقين الشونين بل طبقة deep وصوت ايمو بالاغنية حقة الشخصية ، وكلماات الاغنيية تجنن مش ياليلي ياعين ، كذا very deep خلاص معرف اعبرر ابكيييييي. ق8

- - - - - - - - - - - - - - - - - - - - - - - - - - - - - - - - - - - -
How many times have I repeated all these questions without answers...?
At the bottom of an ocean of sand
I hold my knees alone
in a tightly closed black room..
always averting my gaze
overcoming what i am now reaching for light
over myself , a ray of light.
Even if I cant become a hero...
Now, I'm going to open the door and find the answer
I have to decide it by myself!
I'll change
Maybe it's you who can change me
This time for sure, I wont made a mistake
and we will step into the future
over regret, a ray of light...

 

[Mihu]

سنعود بعد موت
معلش مت فالمدونة لكنني im still alive
بحط بوست موسيقي هنا بس عشان أرفع الموضوع والمعنويات كمان يعني أضرب حجرين بعصفور
هي أغنية قديمة اغبر عليها الزمن ولكنها لازالت precious وأنا حيال اعادة مشاهدة لأنمي Guilty Crown
على الرغم من أنه ليس بذاك الجيد بس برضو ليس بذاك السوء وعندو مكانة بقلبي gai خقتي ايام الثانوي
والله كان بطل بس they did him dirty ماعطوه حقه ، وخلو الاضواء كلها على شو منعدم الشخصية ، بس الانمي
بشكل عام رهيب وممتع ق4
- - - - - - - - - - - - - - - - - - - - - - - - - - - - - -

Oh, field flower that has bloomed,
Ah, somehow, please tell me:
Why is it that people hurt each other
And fight?

 

[Mihu]

┊　　┊　　✬ ✬ ┊ ┊

فقرة Pickup Anime

┊　　★ ʜ ᴇ ʟ ʟ ᴏ ★ ┊




---------------------------------------------------------
عدنا والعَود أحمد ، قصدي والعَود ميهوولولولوللوولوليييييييييييييييي
يحكى أنه في قرية بعيدة كانت هناك فتاة تدوّن وتدوّن وبعدها .... فجأة وبلا مقدّمات ، اختفت ، لقد اختطفني الفضائيين ولكن عدت بأعجوبة بعد أن عطيتهم رشوة عبارة عن حلويات ، وكانت وجوههم مستغربة من هذا الشيء فظنوه كنزا وفرحو بي كثيرا وتركوني وشأني وأنا اضحك عليهم من بعد ...
الزبدة ياجماعة الريبلاي هذا منحوس قسما بالله كتبت أشياء هنا بس انمسحت ياويلتاه ولم ينفع التسجيل حق المنتدى فوق، المهم.
حاولت لململت شملي للعودة إلى التدوين وها انا أعووووووووووووووووووووود وأع ووووووووووود، طيب والله آخر مرة سماجة . كانت محبوسة بداخلي لوقت طويل فلازم أعمل تنفيس هنا على الاعضاء الضعوف الغلبانين،
طيب يحكى انه في قرية التيليتابيز وأنا اتصفح أنميات الربيع (يب حكاية من قديم) وجدت أنمي أعتبره من النوادر يعني كذا شي مميز ودك تستحفظ به وتخبيه، وسأتكلم عنه هنا لأنني خاقة معاه حاليا قلبا وقالبا ، اربطو الأحزمة هيااااا بنا هيا هيا يا أطفال.
(لا معلش أمزح ممنوع اصطحاب الأطفال يلا هش هشش وأصلا ايش يعملو الأطفال بالنت أطفال آخر زمن أنا ايام زمان امي تقلي امسحي البيت ونظفي تتسلي وتستمتعي وكنت ألعب بالعروسة باربي وكورة بالحوش ونكسر اللمبة كل مرة ونخفي الجريمة عشان أبوي لا يكسر راسنا).


-----------------------------------------------------------------

اسم الأنمي: Appare Ranman
السنة: 2020 الربيع-الصيف
النوع: تاريخي، كوميدي، سيارات.
المصدر: عمل original
الاستديو: P.A Works
الحلقات: 13

-----------------------------------------------------------------

طيب هذا الأنمي عبارة عن أول ما أحد يشوفني يتفرجه يقولي ، بالله ليش تتفرجي أنمي سيارات وأنتي اصلا واضح انك لستي من فانز المركبات وهالكلام صحيح يعني نوعي المفضل من الأنميات اللي يكون فيه مركبات أنو ماتكون سيارة لأنو أنا من أصلو عندي فوبيا سيارات وبمجرّد الجلوس ورا معدتي تتخض وأتشهّد قبل لا أموت، المهم ولكنني حينما يأتي الحديث عن الآلات أفضل الآليين والأنميات اللي من نوع Mecha وخصوصا Gundam محدّثتكم هنا هاردكور فان لقاندام وتتمنى أن تتعرف على قاندميين لكي تخق وتتحمس وتبكي وتضحك معهم ياويلك لو كنت تقرأ هالرد وكنت تحب قاندام وماتقلي .
(طيب بعيدا عن الحشو اللي كثّرت منه باعتبار نفسيتي التعبانة اللي كل مرة يتمسح اللي اكتبه من اهمالي وعدم مبالاتي وكسلي اني اعمل موضوعي بمنتدى التجهيز بس ماعليكم بسجله من الان وصاعدا).

اباري رانمان من اسمه ران مان يعني فيه run يعني جري أو سباق سيارات ، القصة تتحدث عن بطلنا أبو شعر الوردي اللي اسمو appare

و الاطار المكاني والزماني للأنمي يعود إلى أواخر عهد الإيدو ، يعني لما بدأ الساموراي ينفتح على العالم الجديد والمدن الأخرى من وراء البحار وبدؤوا يشعرون أن عصر السيوف قد حان انتهاؤه ، لكن إلى جانب هذا يمثّل دور هذا الساموراي المتمسك بتعاليمه القديمة رفيق "أبّاري" اللي اسمو "كوسامي".

طيب،تنبيه فيه حرق هنا لأن الموضوع هذا مبني على الحلقة الأولى!!
... بما أن محد داري شسالفة الآن سأبدأ أسرد وأحط لقطات عشان تفهمو ليش أنا متحمسة معاه وأنصح بمشاهدة هذا الأنمي وأن لا تحكمو عليه بغلافه،
تبدأ أحداث الأنمي مع appare اللي هو عبارة عن فتى با9 من العمر مهووس بالمخترعات الجديدة اللي وصلت لليابانيين من الغرب في هذه الحقبة القديمة واللي بدورها لسة متمسكة بعاداتها وتقاليدها وتشوف أن الخروج عن المعهود والسائد فيه نوع من طمس الهوية للشعب ، لكن appare منفتح بالمعنى المفيد للكلمة يعني انسان يبغى يتعلم ويستكشف الجديد عنده دودة المعرفة مثل ماكان يقول أحد أساتذتنا غريبي الأطوار.
ولكن عائلته تعتبر عائلة من الطبقة الثرية واللي عندهم سمعة معروفة باليابان فأبوه واخوه ضد الشي اللي يسويه ، أنه يقضي أغلب وقته يسوي أبحاث فيزيائية عن كيف تتم صناعة السفن أو الالات اللي يركبها الناس للمواصلات ويفكّر أنه يخترع مركبة مواصلات تخليه يجول العالم كله.. فعشان يردعه أبوه عن فكرته ذي اللي يشوفها (غبية) لأنه فقط مايؤمن بقدرات ابنه ويرى أن خروجه عن المعهود تضييع وقت ، لازمه فقط يسوي شغل مثل الثانيين ، يعني نوع من الأعمال اللي يجلب المال اي احد يقدر يسويه مافيه ابداع او بصمة منه او اكتشاف ، طيب قررّ يدخله السجن مع الجانحين و اللصوص عشان (يأدبوه بالعنف) ويرجع لأبوه باكيا lol
وهنا تبدأ الحلقة

الأب قام باستدعاء كوسامي واللي هو مش ساموراي ما اعرف تماما لكنه متدرّب في الكيندو ، عشان يساعده يرجّع ابنه لعقله ويبطل هبالات ، فطست ضحك شوفو البيت كيف فخم وفيه عربة مرمية بالحديقة جابها اباري عشان يفكك قطعها ويفهم كيف تم تصميم الالة يعني يصنع منه blueprint (الله يرزقني من رواقته وبرودة دمّه)

المهم وهنا لقطة تورينا كيف حاله وهو بالسجن ، أبوه مبلّغ الحرّاس أنه لو صار لولده أي شي بالسجن مايتدخلو ويخلوه ينفرش ضرب بالعربي يموت ، يعني لهاذي الدرجة الاب غسل يده (ابوه كريه ياخي ليش ) lol غس1

المهم ، المفاجأة كانت أنه لسة حي وماصارله شي مثل ماتوقع أبوه ، لا وفوق كذا جاب أوراق البحث والاستكشاف معاه عشان يكمل يدرس حتى بالسجن ( وأنت يا أخي المؤمن ماعذرك؟ هذه صورة لأباري وهو يذاكر في أصعب لحظاته لو كانت صورة لفنانة عربية لكانت كسبت الآلاف لكن للأسف لم تعجب الصورة أحد... قومو ذاكرو لا أفرشكم).
المهم من الواضح أن رفقائه السجناء ظريفين للغاية وقالوله هاااي ممكن نتعرف؟ ونصير أصحاب؟ شوفو وجوههم واضح عليها النظافة والسلام والأمن والأمان يبغونه يسلم عليهم لأن الواضح من يوم دخل وهو غاطس بالأوراق الله يرزقني هالتركيز

واو والله عبارة رهيبة ، ياخي يمكن تقولو أني أبالغ بس بصراحة أنا معجبة مرة بالشخصية حقته يعني هو المستوى اللي ابغى اوصله من الرواقة ، يعني من جد وش ذا النشبة غصب يسلم ويسولف معاكم ، نفس الضيوف النشبةة اللي يقلك خير شفتني وماتسلم طيب موو فاضيلك عندي اشياء اهم بحياتي اظن؟؟؟

طيب خلاص مانفع معاه الاستفزاز فقرر واحد من الطيبين جدا انو يعفس على اوراقه ( تنرفز الحركة اومق) ، فهو ما بدأ بالهواش او قلبها مضاربة فقاله بكل هدوء انو يشيل رجلو المعفنة هههههههههههههههه ، فردّ عليه بنبرة حمقاء (ok then make me move it )يعني طيب حاول تخليني اشيلها (شيلها ياوصخ اشغلتنا الله يشغلك). رايفن2

وحدث ماحدث أنه ضربه بالمطرقة ايوة الصورة تصرخ ب (اوووتشش ) لكن بعد ماضرب رجله قام يصارخ انهبلت ليش تضربني بمطرقة؟ ورد عليه appare بكل برودة دم (طيب مش انت طلبت ياعم؟) lol قايلتلكم قدوة حسنة
وبس كذا كانت بتشتعل هوشة بالسجن لكن اباري قالهم (شباب هدو اللعب اصلا انا بطلع من السجن) وكلهم كانو يتفرجو مصدومين ، وبكل بساطة فتح قفل السجن بهذاك الscrew driver مدري وش تسمونه بالعربي lol بس واضح ان هالاختراع مش معروف عندهم وقتها بس اباري استعمله وطلع من السجن الابوكلبي ، واللي يضحك انهم صارو يتوسلونله بلييز طلعنا معااك.
والله رهابة شخصيته تحسه الaniki حق الياكوزا اللي يستخفو فيه بعدين كل الجانحين يحترموه lol أخذ نقاط ريسبيكت كثير من هذا التصرف.

طيب بطلنا رجع لبيته وكأن شيئا لم يحدث ، بس كان استقبال أبوه له صادم لأنه مافهم كيف طلع أصلا فحاول يتكلم معاه ثاني انو ياولد اعقل تراك كبير خلك من الاحلام الغبية حقتك وتضييع الوقت واذا ماكنت بتشتغل معانا اطلع من البيت وماترجع ، ويسأله ايش قاعد يسوي بالمستودع حقه ، ماقلتلكم اباري عنده زي المستودع او غرفة كذا مهجورة يستعملها عشان يشتغل فيها على مخترعاته.

واااه مشاعري هنا تخلخلت وتقربعت ، اقصد هذا كان ردّه على أبوه اللي ماكان بيسمعه أصلا حتى لو حاول يشرحله ويطوّل باله معاه ويحاول يفهم ايش ودّه يسوي بالمستقبل ، يعني فعلا هاذي خطوة صعبة جدا لما الانسان يحاول يحقق حلم معيّن بس مايلقى أي أحد يؤمن بقدراته وانه يقدر يسوي اختراعات فعلا ويتفوق بالشي اللي يسويه ، لأن محد قاعد يشوف الرؤية والخطط اللي هو يتصوّرها ولو ماساعدوه رمو عبارات عنيفة مثل أنك "خيالك واسع مرة" والا امثال محطمة انو "خليك واقعي شوي وسوي شي قدك ولاتمدّ عينك كثير" المهم هي مرحلة صعبة ويمكن يوصل الانسان يشكّ فنفسه وينتهي به الأمر يتخلى عن هذه الأحلام والطموح...!!

المهم، ننتقل للمشهد اللي بعده ، وصار حدث أن كوسامي اللي حكينا عنه أول شي وهو نوعا ما مش احمق بس يعني عارفين اللي تفكيره بسيط جدا ، هو مش شخص سيء لكن مثل ماقلنا أبو أبّاري وكّله عليه عشان يقنعه يرجع لعقله ويترك الشي اللي يسويه ، وطلب من كوسامي انه يرجع مطأطأ الرأسه وبهذا تكون علامة أنه رجع لبيت الطاعة lol ، المهم فيتعرّف كوسامي عالسريع على أباري ويلحقه لأن اللي صار الآن أن أبّاري ملاحق من قبل جماعة جابهم أبوه لولده لأنه كان حاسس مسبقا أنّ كوسامي مؤدب بزيادة وماينفع يجيب شخص بالقوة ، فراح أبّاري وكوسامي لمخبأ سرّي واللي اتّضح فيما بعد أنه ورشة أبّاري الخاصة ! والبعيدة عن أنظار والده وأهله اللي مش supportive . قق

واااو شوفو الجمال ياخي انا وحدي حسيت أن المكان جميل وفرصة عشان تاخذ راحتك وتخرج طاقتك الابداعية؟؟

الممهم اللي يضحك هنا ان كوسامي مو فاهم شسالفة وجلس يسرّح ويشووف كثير ادوات ومخطوطات ورقية وبحوث فيزيائية وعمليات حسابية ومن هاك الحكي وخوينا المسكين المتواضع كالأطرش في الزفة ، يقعد يقول لأبّاري خلي عنك هالاشياء وتعال اعتذر لأبوك وارجع معاي لول وخوينا الثاني راسه يابس قالهم مع نفسكم انا بسوي اللي ابغى ، وخلاص كذا ماعرف وش يسوي كوسامي عشان يقنع البطل فجلس يتوسل ويحكيلنا قصة حياته انه اصلا مخطوب من بنت ماشافها ولايعرفها اصلا وكيف انها بتحزن عليه لو صارله شي lol هههههههههههههه كسر خاطري

طيب بينما كوسامي يحوس في ورشة أبّاري لقاه محتفظ بكتاب عنوانه " من الأرض إلى القمر" واللي هي بالحقيقة رواية موجودة لكاتب فرنسي تحكي عن السفر الى القمر وانا عن نفسي ما قرأتها بس تحمست بقراها عشان الانمي lol لكن كذا اللقطة تجيب نوع من الfeels يوريك قد ايش هو فتى طموح بس محد يشجعه (انا اشجعك ياولدي ماعليك)

(الفاصل يجنن شوفو الرسمة ترى محد مات اصلا من الجمال )

طيب يكشف أبّاري عن سفينة مخبيها فالورشة حقته كان بصدد اختراعها كل هالوقت تف تف ماشاء الله، المهم فيقول لكوسامي انه بيهرب من البيت ويعمل جولة بالبحر حول العالم lol كوسامي قال هذا مجنون اكيد؟؟ لكن بما انه ملاحق ، جاته بالاثناء اخته الكبيرة اللي يصادف انها تعرف مخبأه السري وقالتله لازم تهرب عشان بيمسكوك .
(ومن هنا بتبدأ القصة حق الانمي اللي هو انه ينتهي به الامر يسافر لقارة امريكا مش واقعي نوعا ما بس لسة حماسي الشيء ، للاسف عشان ما احطمكم هو القصة عبارة عن فيه سباق سيارات بامريكا وهو بيشارك فيه بسيارة من اختراعه يعني مش كل القصة عن مخترعاته لكن بكل حلقة بتلاقو شي من ابداعاته يعني لايغركم فكرة وجود سباق فيه كثير احداث فرعية قوية تصير بالاثناء يعني عصابات و مضاربات وبنفس الوقت الكوميديا تفطس وفيه مشاعر جد جميلة يعني أنا انسان ما يتأثر بسهولة بس وجدت الانمي رهيب مرة!)

المهم كانت لقطة وداعه لأخته جميلة مرة يعني طلعنا ظلمنا العائلة بسبة الأب المزعج، طلعت اخته على العكس من البقية قلبها مع اخوها الصغير وتشجعه *تبكي * تجنن وربي : ((

اللققططةة مرة عجبتني ، ياخي ما اعرف انا انسان يحب التذكارات والقلائد اللي تكون ذكرى لشخص والحاجات اللي يتمسك بها البطل عشان تعطيه الشجاعة لأنه يتذكر شخص عزيز عليه من خلالها.

طيب واخيرا سافر بالسفينة العجيبة اللي اخترعها وراح معه كوسامي "بالغلط" لول وش هالغلطة ؟ هههههههههههه المهم فضاعو بالبحر وكوسامي جلس يقول وصيته لأنه 100/100 بيموت غي بتفكيره لأنه يحسب انه مع واحد مجنون واهبل ، لكن الحقيقة كانت ان أبّاري فعلا ذكي ويفهم بكل شي وحاول عن طريق النجوم والقمر انه يعرف مكانه وين بالبحر (ساسوووقااا) ، المهم بقو على الحالة هاذي ايام بالبحر لين مايوصلو زي ماقلتلكم لأمريكا ههههههههه ومن هناك تبدأ القصة .

هنا بالأنمي جاءت أرهب عبارة بصراحة سجلتها عندي لانها فعلا ملهمة وجميلة ، لما كوسامي بدا يتمسخر على أبّاري وقاله ترا انتهينا واثنيننا بنموت بالبحر ردّ عليه أنه مايقدر يقررّ حدود المدى اللي يقدر يوصله بعد مادامه لسة ماوصله ، مادامه لسة حي مايحق له يتكلم عن أنه فشلت خطته وأحلامه كانت عبط ولعب اطفال ، فقال انا ابغى اشوف الى اي مدى اقدر اوصل لو استمريت كذا أؤمن بالشي اللي اسويه؟؟ هل سأشق ماوراء البحار؟؟ أو حتى ما وراء السماء ؟؟ وهذا بناء على تأثره بالرواية "من الأرض إلى القمر" يعني لسة يشوف أن هالشيء ممكن وايش يمنع انه مايصير؟؟ مادامه يستطيع المضي قدما ليش ياقف ويقول خلاص أنا حدّي هنا ، لازم بنفسه يشوف بعينه إلى أي مدى يقدر يوصل!

لقطة عظيمة جدا وأعدتها مرّات كثيرة ومن المؤكّد أني راح أعيدها برضو أكثر من مرة، كني كنت أتفرج لقطة سينيمائية عظيمة كذا تجيبلك قشعريرة وتعطيك حماسة أنك تتمسك بالأشياء اللي تؤمن بها حتى لو مافي أحد على كوكب الأرض يدعمك ، كن عظيما وامسك بالقمر!

المهم كان هذا موضوعي لهذا اليوم ومشاركتي المتواضعة جدا ، مش مرتب مرة الموضوع ترا انا قد حالي وامكانياتي اللي ماصدقت اصلا اني رجعت اكتب من جديد ، الظاهر بمسك مدونتي ودايما اكتب أي شيء او مراجعات هنا ، طبعا الانمي رهيب مرة ولازم تقعدو عليه قعدة محترمة ولي عودة في وقت آخر أني بتكلم عن شخصيات ثانية موجودة احم احم واللي شاغلين بالي حاليا lol

نراكم في القريب يا اصدقاء تيليتابيز.
*خوذو كيك*
​

 

[Mihu]

┊　　┊　　✬ ✬ ┊ ┊

فقرة Pickup Anime

┊　　★ ʜ ᴇ ʟ ʟ ᴏ ★ ┊



✧ ✧

*وهي على حافة الموت* ....لقد عدتتتتت ............!!! ماادا داا
مادااااداااااااااااااااا اوريييي ماكينييييييييييييييييييووووووو!!!!!!!!!!! نار1 نار1 نار1
هااااااااااااااااااااااااااااااااااااعععععععععععععععع *خروج شعاع أزرق من قلادتي*
إنه وقت التحوّل...
قصدي هااااي لقد مر فوق الشهر ولكن بعد تفكير عميق وبما أن دماغي فيه خلية واحدة تعمل فقط استوعبت متأخر جدا ، بعد ماضيعت كثير وقت أن هذا المنتدى شيء مهم جدا وفرصة ذهبيةتاني2 أني أكتب أفكاري هنا ويمكن أحيانا أسوي دروس على حاجات؟؟ لوحصل ولقيت أن فيه ناس تشاهدني هنا وأنا أمسخر نفسي كما قال أحد الحكماء Clowning myself : ))​

يعني مدري وش أقول والله كل مرة اختفي وأقول عدت .. اختفي وارجع .. يعني السالفة صارت استهبال ؟؟ وأنتو عادي عندكم يعني ... طيب عالأقل مثل أبطال الشونين الحمقى اللي يستوعب انه بطل القصة بالحلقة 70 أنا
كذا والله اعلم ،
المهم ماقدرت امسك نفسي جاءني الإلهام مجددا ولازم أرجع نشيطة وأكثر من أي وقت مضى بالممدونة هاذي يعني فيه كثير حاجات أقدر أتكلم عنها ومو معروفة أصلا بين العرب يعني فرصة أصيرلكم مرشدة سياحية عن حاجات ماتعرفوها *الثقة زايدة اليوم* .
المهم سنستهلّ هذه العودة المجيدة بالحديث عن أنمي شفتو الشهر اللي فات؟ او اللي قبله ... ذاكرتي ضبابية وتقدّمت بالسنّ احمدو ربكم أنه لسه فيه عجوز مراهقة بينكم وتشارككم أيامكم الشبابية وال youth .. لو جات الدنيا دنيا ما اتكلم مع احد واكتفي برمي مروحتي عليكم وضربكم بالمكنسة مع أطفال الجيران المزعجين كما عهدناهم واقضي يومي جنب الدفاية وأنا مكشرّة الوجه ، بس الحمدلله طلعت فلّة مو نفسية ..(والله على ذكر الجيران ياهو فوقنا ولد جيران مش طبيعي.. يركض ماراثون كامل وماينام أبد اقتنعت انا واختي انه ال demon lord المنتظر رايفن1 اللي اصلا مات بالعالم الاخر بشاحنة مثل كل انميات الايسيكاي ولكن رجع انولد على شكل طفل صغير يحسبنا مانعرف ذي الحركات ؟؟ علينا أجل هااه؟؟ مسوي بريء ... ماعلينا منه ملاحظة صغيرة: من زمان ماتفرجت انمي ايسيكاي يصلح اللي متحمس مع النوع هذا ويعرف ايسيكاي رهيب يسويلي ريكومند بالبروفايل وان شا الله احاول اتفرجه .

بتكلم عن أنمي فاضي يعني لاتتحمسو كثير وهو من تحت الارض لقيته بمنجم قديم لجدي العزيز واغبرّ عليه الزمن لكني تكبدت عناء الخوض بمغامرات الاستكشاف بغض النظر عن لعنات الفراعنة عشان الفضول قتلني ، هو أنمي من عام 2004 للعبة فيجوال نوفل قديمةة على الاغلب خاصة بالفتيات البريئات جدا يعني *لول* Otome Game للي مو فاهم ايش معناته ، لاسيّما الأولاد لأنهم لما يتفرجو أنمي مقتبس من رواية من هذا النوع يحسو كأنهم مو بمكانهم وبصراحة متفهمة حالتكم لأنه يعني الفئة المستهدفة هي الفتيات الرقيقات ج3 ج3 يعني ماتستهدف العجائز مثلي من اصلو فلا تحزنو الاولاد انا معاكم فقاعة الانتظار ، المهم معنى اوتومي غيم يعني رواية من نوع أنك تبدأ تلعب بالقصة ببنت وتختار اسم لها على الأغلب أحط اسمي عشان ناقصة حنان *كف* وطول القصة تختار طريق مع أحد الشخصيات ويسمّونه route يعني تبغى تلعب وتعيش قصة اللعبة مع أي من الشخصيات؟؟ المشكلة فيه نوع مثل كذا للأولاد لكن مشكلته على الأغلب منحرف-مخلّ ومش بريء للأسف يعني ، لكن لو بنصحكم تشوفو وحدة من الروايات المرئية أقولكم ابحثو بالsteam عن نوعية تكون فيها story-rich يعني مغزاها مو علاقة عاطفية بين أحد الشخصيات بل تتابع حكاية أنمي كامل ، وأغلب الانميات الرهيبة اغلبهم كانو مقتبسين من رواية بصرية، لو تبغو دم وألغاز ورعب فيه سلسلة شهيرة umineko no naku koro ni وهنا قائمة للألعاب الفجوال نوفل اللي مافيها محتويات مخلّة ونظيفة تماما :

Tag: No Sexual Content | vndb

vndb.org

عاد انتو حوسو ودورو ويمكن تلاقو شي رهيب : ) !
طيب اللي بتكلم عنه هو الأنمي اللي مقتبس من فجوال نوفل اسمها" Ginyuu Mokushiroku Meine Liebe "
بصراحة للأسف ماقدرت ألعبها لأنها قديمة مرة وعلى قيم بوي وكان الرسم تعبان وماظن كان فيه تأدية صوت أصلا lol بس لقيت لها جزئين عالبلايستيشن 2 لكن بما أن لابتوبي ضعيف ومشي حالك فما يشتغل كويس المحاكي للأسف *تبكي بزاوية* نكتفي بالحديث عن الأنمي اللي هو مش شي كبير عالعموم فقط شيء لتغيير المزاج.

⊱─────────────────────⊰✯⊱─────────────────────⊰

الاسم: Meine Liebe للاختصار
سنة الاصدار:2004-2006
الاستديو: Bee train
النوع: دراما،فانتزي ،شوجو
عدد الحلقات: 26 مجزأة على موسمين
المصدر: فيجوال نوفل

القصة:

تتحدّث عن 5 نبلاء في العصر الذي لازالت فيه الطبقية سائدة ، وكل من هؤلاء الخمسة يروحو أكاديمية اسمها Rozenstolz فيها فصول متنوعة أظن ؟ حسب الاختصاص اللي يبغو يسوونه؟ وفيه كلاس اسمه Strahl معنيّ بتلمذة مجموعة من النبلاء الأذكياء والخبراء بهدف أنّهم بعد ماينجحوا بالامتحان هذا يصيرو مستشارين لدى البلاط الملكي للبلاد ، طيب الأنمي عبارة عن قصة حياتهم وهم بالأكاديمية يعني كيف تصير هوشات أحيانا وفوضى وهم الخمسة اولاد اكثر طلاب تعتمد عليهم الأكاديمية في اعادة النظام للاكاديمية واحيانا شغلهم يوصل إلى أنهم يحموا البلاد من الاغتيالات السياسية أو الحركات المشبوهة اللي تبغى تسوي فتنة أو انقلاب على الملك احيانا.. هو برأيي القصة جميلة يعني لو أنهم اشتغلو عليها أكثر من كذا بس المشكلة أن الانمي يمشي عالبيض .. لكن زي ماقلتلكم اذا تبغو تاخذوه كأنمي شريحة من الحياة وبطيء في العرض يعني عادي تفرجوه ينفع انمي صباح الواحد يروّق عليه ، العيب ان الجزء الاول ماكان ذاك الزود يعني الاخراج تعبان والاوستات حرفيا اوستين بالانمي فقط هههههههههههههه اوست وقت النكبة والورطة واوست لما ربي يفرّج عليهم بعد الشدة lol بس بصراحة كملته عشان واحد من الشخصيات عجبني ق8 ق8 ق8 ، لكن الخبر الحلو أن الجزء الثانيي أرهب من الاول بكثير يعني متنوعة الاوستات وبرضو فيه احداث كثير حلوة تصير وكل حلقة على شخصية ؟؟؟ لمن يهمه الامر؟؟ lol واصلا جاتني feels وفيه برضو شخصية واحد حكيم انا اسميه استاذي لأنه نصائحه ذهبية بغض النظر عن الانمي مشي حال الا ان الكلام اللي يقوله كبيييير وملهم : ( *تبكي*
انا بسوي تعريف على الشخصيات فقط عشان احمس اللي وده يشوف مع ان الانمي تحت الارض ومو معروف *احسن اصلا الناس يخربون الاشياء الجميلة كما قال احد الحكماء* بس هاه شرايكم مو فكرة حلوة كل مرة امسك انمي عجبني او لعبة او شي واتكلم عنه كذا عالسريع ، بديت احس بالنشاط وصحصحت بعد كذا احس اني اقدر اتكلم عن كثير اشياء ان شاء الله واشوف المدونة فرصة اخذ بريك من ضغوطات الحياة ومتسّع .

الشخصيات:

Orpherus

طبعا هذا الأسم الأول للشخصية يعني ماودّي أكتب اسامي عائلاتهم لأنها تسمية شجرة كاملة معرف وش يحس فيه الكاتب بس مشوار ياخي وراح يخترب التنسيق lol
المهم اورفيروس ويدلعّوه اورفي lol هو الشخصية الرئيسي بالانمي وواضح عليه مثل مانقول متمكّن وذكي ، ويقولو بأن لقب عائلته بالبداية Fürst يعني أمير بالالمانية لكن الله اعلم ماقالولنا اذا هو يقرب للملك او لاءه فيه غموض ماعلينا مش جايين المحقق كونان هنا مبدأنا اتفرج وانتا ساكت
اورفي شخصية يحب المثاليات لدرجة مو طبيعية يعني يبغى كل شي بيرفكت ، وهذا لأنه يحس بالذنب وانه لازم بسرعة يكمل دراسته وينجح احسن واحد عشان يمديه يشتغل في البلاط الملكي ويكون عنده منصب يحمي الناس الابرياء من الظلم السائد ويرجع الامانات لأهلها ، كانت عنده اخت كبيرة ولكنها ماتت بحادث سيارة وهي رايحة تشتري فستان زفافها *ياحراام* المهم فصار يتحسف عليها ويحس بالذنب ليش خلاها تروح وحدها مفروض راح معاها وماصار اللي صار بس الغريب انو هي اللي منعته يروح معها كنها حاسة انها بتموت ;-;
طيب شي حلو بالانمي ذا ان كل شخصية مثل ماقلتلكم عندهم وجهة نظر وفلسفة مختلفة بالحياة وراح اذكر كل واحد وبتعرفو الفرق، اورفي مثل ماقلنا مثاليّ جدا وأحيانا يعيّبو عليه بأن وجهة نظره كانها من زمن غير زمانه وبعيدة جدا عن ارض الواقع يعني التغيير اللي يبغى يسويه بالمجتمع صعب المنال وحتى سياسيا تفكيره مايصلح لزمن الحروب اللي هو فيه ،بس الحلو فيه ومميّز أن له احترام للاناث بغض النظر عن غيره من رجال وقته وهذا راجع لتربيته في العائلة على يد اخته الكبيرة يعني واو جنتلمان *كن مثل اورفي* .
مؤدي صوته سييو مشهور على فكرة Sakurai Takahiro لكن من بعد تأديته بسايكو باس عندي صعوبة اشوفه يأدي شخصية طيبة احسه بيغتالني من تحت لتحت lol.

Eduard

ايدوراد هو الشخصية الفلّة اللي ماخذ الحياة ببساطة يعني لما تشوفه ودك تصير زيه وتقول الله يرزقني الروقان اللي عنده ، ويعني هو بشكل عام اللي لما تصير مشادة كلامية بين اثنين يجي يفرق بينهم يعني انسان كويس
وحتى من طريقة لبسه للزي المدرسي يتحسه مايحب يمتثل للقوانين بحذافيرها ويكون متحرر وعلى راحته ، اصلا مين فينا مايبغى يصير ادوارد *لول* هو صحبة طيبة مع اورفي كنت احسبهم اصدقاء طفولة لان من جد يتصرفو كنهم يعرفو بعض من زمان بغض النظر عن الشخصية المرحة ماضيه تعيس ، يعني اكتشف ان ابوه كانت عنده زوجة أولى ولكنه خانها مع أم ايدوارد ، وهو طول الوقت يحسب انه الابن الوحيد ، مدري وش اقول بصراحة كانت سالفته ترفع الضغط يعني مرت ابوه الاولى تفرغ غضبها عليه وتبغضه بغضض طيب ياذكية ماتحقدي على ابوه الحيوان مو افضل؟؟ 0 قوة العين بالسالفة ان ايدوارد اخذ كل الصدمات اللي من المفترض ياخذها ابوه من زوجته ، الولد مظلوم وماغير تصارخ وتنافخ عليه وابوه كريييه مسوي فيها اانا ما اعرف ليش زعلانين هممممم؟؟ ليش ياترى؟ لماذا يا ترى؟ وهو قلبه كبير ويقول اوكي يا ابوي معليش ، انا للان مو فاهمة ليش ابوه ما اكل كف او تهزيئة من مرته الاولى طول الانمي ؟ يعني حسسوك انها غلطة الابن انه انولد .. طيب معلش تمالكي نفسك واللهي بصراحة plot hole كلبية جدا كانت لدرجة اني مشيت الحلقة lol

Naoji

اوكي هذا الشخصية اللي مثل ماشايفين من الاسم اللي مو اوروبي مثل البقية وياباني واضح عليه مبتعث lol اصلا من صورة العرض تعرفه ياباني تحس مؤدب وحساس جدا ويحس بالذنب على كل شي انوو انوو سوميماسيين سوميماسييين!! خو خو طيب ابوه ارسله للخارج عشان يحميه من الحرب العالمية الثانية او شيء كذا وبرضو ك مبتعث يتعلم لغة اجنبية ويتعرف على ثقافات جديدة ويقوي شخصيته لأنه من الواضح انه ضعيف الشخصية ويتردد كثير انه يتبع آرائه حتى لو كانت صحيحة وهذا يخلي شخصية ثانية بذكرها بعدين اللي قلتلكم ملهم وقوي انه يحاول يساعده يتحسن ، بالغالب شخصيته هادية وهو الولد اللي يصبلكم شاي الاعشاب الياباني التقليدي يعني هاذي الجاذبية حقته بين الشخصيات انه يعرّفهم على ثقافته اليابانية ، انا عن نفسي احب الاعشاب ودايم اجرب اشرب شراب اعشاب بس مش شاي lol واحب اتعلم عن كيف كل عشبة لها فوائد خو ... المهم ناوجي ولد مؤدب وخلاص ماكنت مركزة معاه كثير عشان اتذكر له مواقف قوية ، لكن على الاغلب بوقته الفاضي يتمرن على رمي السهام،
مؤدي صوته هو الاستاذ القدير الكبير Ishida Akira *لول* ق8 ق8

Ludwig

المهم انا ما اعرف كيف ينطق اسمه بالالمانية صح لودفيه؟ لودويه؟ ومابي افشل نفسي ،لكنهم ينادونه لوي وخلينا ساكتين افضل لكي لانقول شيئا نندم عليه lol شخصية من الطبقة النبيلة وابوه دوق وامه قريبة الملك على الاغلب يحسوه بارد ومتكبر غير عن الشخصيات الثانيين بالعربي يزبّد ويعطيهم في الجبهة ومايحب التسليك والدلع الزايد المهممممم هو هذا خليته للاخير عشان يمديني اسكب مشاعيراتي هو بصراحة اكثر شخصية عاقل بمخه وبالغ يعني فعلا مُلهم ونصيحته عالجرح يصلح اناديه لوي سينسي او لوي شيشو! اكثر واحد منطقي وواقعي بين الشخصيات لايك ، المشكلة بفانز اخر زمن انهم يشوفو اي شخصية يكون صارم وقوي على انه خبيث او ماعنده احاسيس يعني هذا يكسرلك نظرية ان اللي يحبك لازم يوافقك على كل شيء تقوله ، الحقيقة ان اللي يحبك ويبغاك تتطور لازم يعطيك ملاحظات صارمة ما اقصد يحطمك وماعنده ذوق لكن اقصد يعني يعطيك الزبدةلاعيني1 اذا كانت فكرتك قصيرة النظر ومبنية على غير اساس راح يقلهم هالشي ماينفع والشي عشان ينفع مايحتاج مشاعر وحماسة فاضية وانك تتخيل نفسك بطل بل بالعكس يحتاج تقنيات ووجهة نظر تشوف عالمدى البعيد وتقيس كل الجهات ، يعني على الاغلب شيء ماراح يوافقك تماما لكنه يحاول يمشيك عالطريق الاقرب للصواب والاقرب لواقع المشكلة ، عنده اقتباسات جد رهيبة خلال الانمي ق8 ق8 ، يظهر الانمي الشخصية هاذي على انه بارد الاحساس وهما مساكين ظلمهم لأنه ماعجبه رأيهم وخالف الكل وكان عمليّ أكثر من انه طموح ، لكن هالحركة معروفة بكل الانميات يعني عيب في الاخراج ، لأنه بالحقيقة ماكان مثل ماحبو يوصلولنا لو نشوفها بوجهة نظر منطقية هو كان الوحيد الذكي اللي يعرف يخرج من المواقف الصعبة يعني داهية اوكي؟؟
كانت مرة عنده ملاحظة على شخصية وبصراحة الكلمة اثرت فيني جدا يعني حسيتها حكمة احتاجها بحياتي، قال له "أنت حساس بزيادة وتتأثر بكل شيء حولك بسهولة ، فلو ما قررت تكون صارم وتتحكم بنفسك بتوصل لدرجة ماتقدر تاقف فيها على رجلك " لأنو الشخصية هذا بتكلم عنه بالاخير جدا حساس وماعجبه ان الشخصيات خلال الانمي جالسة تتغير شخصياتهم قال ليش كذا جالسين يتغيرو ابغاهم يبقو مثل ماتعودت عليهم وهو قاله ان التغيير جزء من تطوير الذات مافي شي يصير الا اذا غيرنا شي ثاني خ .. شوفو بسس يالله كلام يكتب بماء العين lol : ((
يعني هو شخصية ناقدة يعرف مواقع الخلل بالشخصيات الثانيين حتى لو كان كلامه صادم فهو في النهاية اللي يساعدهم يغيرو نفسهم ويحلو مشاكلهم بنفسهم بدون مساعدة!
اوكي هو افضل شخصية عندي مع كاميو

Camus


كاميوووو اخيراا ولدي اللطيف البريء ، شخصية مليءة بجرعات السعادة ق8 ق8 ق8 هو صديق طفولة لوي على الرغم من اختلاف الشخصيتين تماما الاول صارم وصعب المراس وهذا حبّاب ولطيف مع الكل ، ومن مهاراته انه يتكلم مع الزهور ويقدر يتنبأ بالمستقبل ساعات تجيه رؤية في اليقظة عن شي بيصير ويعرف ويحاول ينقذ الموقف، شخصيته عاطفية جدا يعني يتفاعل لدرجة يأذي نفسه مع مشاعر غيره ، المشكلة احسه الشخصية الوحيدة اللي يذكرني بنفس وعنده نفس عيوبي عشان كذا استفدت لما تفرجت الانمي اني اطور من نفسي من الناحية هاذي بالذات لول يعني المؤثرات الخارجية تسيطر على حياته بشكل سلبي لو فرحو الناس يفرح ولو صارتلهم مصيبة يتصرف كانه هو اللي جاته مصيبة ويحسب انو بالطريقة هاذي راح يكسب محبة الناس للاسف ، بس الجميل بالجزء الثاني يصير تطور للشخصية ويحاول يكون اقوى من قبل المهم يعني احلى شخصية عندي lol

⊱─────────────────────⊰✯⊱─────────────────────⊰

وفي النهاية يدي تكسرت من زمان ماكتبت لكن بصراحة حسيت براحة نفسية لما كتبت بمدونتي شفتو كيف؟ المهم أراكم في تدوينة اخرى وان شاء الله اكيد مؤكد انو بنزل شي ثاني بالقريب وماراح اختفي مرة ثانية لأنه رتبت جدول لحياتي وحان وقت الجد ، نراكم في المرة القادمة يا اطفال خ ، نامو وتلحفو جيدا فالبرد قادم يعني موسم البيات الشتوي للدب القطبي.

​

 

[Mihu]

┊　　┊　　✬ ✬ ┊ ┊

فقرة Idol games

┊　　★ ʜ ᴇ ʟ ʟ ᴏ ★ ┊

✧ ✧

هلووووووووووووووووووووووووو أقاااااييين من البعد الآخر !!!
ياسبحان الله كيف ربي أنقذ هذا اليوم ، كان بيكون من الأيام الكئيبة عندي اللي كلها أحيط نفسي بأفكار
سلبية ومش عارفة ايش ،لكنه بيكون يوم رهيب!!!
المهم المهم هنا هو جتني فكرة جهنمية بعد أن حكيت صلعة رأسي سبعمية مرة في غضون صباح واحد رو ، ياربي وش اكتب من موضوع؟ يعني ودي اخلي المدونة رهيبة واحط فيها حاجات تشد القارئ يعني مثلا اكيد انو محد بيهتم يسمع قصة حياتي صح؟ فعشان كذا قلت اكتب شي يصلح يكون ترجمة لحاجات مش معروفة بالوطن العربي يعني العاب مش معروفة عندنا او trends طبعا ما اتكلم عن التريندز الغبية عشان جو التيك توك مو حقي انا ناقمة على الاشياء الجديدة واعتنق الكلاسك والقديم لول اقصد صح التجديد جيد بس بصراحة ليس كل ما هو مشهور يعني يستحقّ النظر يعني شوفو بالله عاجبكم المسخرة اللي بكوكب الارض ؟؟ فعلا لو دخلو مو بس جحر ضب لو جحر نملة دخلوه ؟؟ وعّه ، لكن يوجد ماهو مشهور وفعلا يستحق التجربة ؟؟ اظن؟؟ لحد يهاوشني لو ماعجبكم الموضوع مثل اعلانات المكنسة الكهربائية الرهيبة اللي لو سجادك كان فيه غبار الارض كله ينظفه بلمحة عين * بالله اللي يعرف وين يتباع يتواصل معي ، للجادين فقط *..
طيب من الواضح بعد النقطة هاذي انكم لاحظتو الكلام مش متواصل معنويا ولا تركيبيا لأني ناقصة نوم لكن فلندخل بالموضوع سريع سرييععع......رككضضض ركض جريي هرولة!! ليتس قووو
طيب فيه ألعاب جوال حق آيدولز يعني أغلبها فرق أولاد مغنيّين ، ومشهورة شهرة واسعة باليابان المشكلة لما أتكلم مع كثير ناس ماعندهم فكرة عليها ؟؟هي مشهورة بس يعني فيها ذوق ، القصص حقتها اغلبها غبية ؟؟ مافي شي مميز؟ وموجهة للفتيات اكثر من الشبان؟ لكن فيها ذوق يعني مثلا! الرسم حلو مرة ، والأغاني حماااس وحلوة يعني أي أحد يقدر يشيك عالموسيقى الفخمة والا الكروت اللي رسمها خارق... فقلت ليش ما أتكلم عن بعض أشهر الألعاب اللي حق ايدولز مغنيين أولاد ولها شهرة حاليا في اليابان ، يعني حارقين التريند ومتأكدة أن اللي بتشوفوهم مريتو عليهم الف مرة بس ماعندكم فكرة هذول ليش مشهورين كذا؟؟ طيب يلا بسم الله...

+
أول حاجة ، قبل ما نسرد لستة الألعاب اللي اخترتهم ، اللي ودّه يلعب واحدة من الألعاب هاذي تراهي region locked يعني ممنوع على اللي جوالهم مو ياباني وخارج اليابان يلعبوها ؟ ليش مدري؟ اللعبة لعبتهم وهم حريّن. ق4
أقصد بقلعتهم فيه برنامج اسمو Qooapp تقدرو تبحثوه في الانترنت وعلى طول حملوه بالجهاز وبيفتح لكم الستور الاسيوي كله يعني حلالكم ، المهم الموضوع هذا بيكون تقرير مختصر ، لكن بكل صورة للشخصية راح يفتح لكم البروفايل حقها فتقدرو تشوفو معلومات الشخصية وبرضو انتبهو لخيار Cards بالويكي لما تضغطوه راح يوريكم الكروت حق الشخصية والصور ، برضو اذا دورتو بالويكي راح تلقو Music وتشوفو اغانيهم لو تبغو ، لكن يبغالها جلسة كاملة عشان أحطلكم روابط الاغاني وأنا ماخذة راحتي هنا ماتعمقّت لأنو حاسبة حساب أنو ايش لو محد مهتم بالحاجات هاذي فما ابغى أعمل مجهود عالفاضي ، لكن لو صار وأحد يبغى روابط أنا راح ازبطكم ولايهمكم أو لو عجبتكم وحدة من الالعاب وودكم اترجم event stories لأنو زي ماشايفين الالعاب ذي بالياباني فقط وعندهم كل مرة ايفنت ولها قصة لو حابين اترجم قصة او شي قولو.
__________________________________________

(تذكرت شي ضحكني فعلا يعني سلامات؟؟ فيه لعبة مشهورة بس مش ايدولز بل ساموراي وسيوف على شكل بشر اسمها Touken Ranbu قوة العين أن اللعبة كانت أول مانزلت عالكمبيوتر فقط لازم تدخل موقع أونلاين عشان تلعبها وعشان تلعبها اعوذ بالله قد ايش من vpn لازم تستعمل وبرضو لازم تحط اعدادات كوكيز بالمتصفح عشان تفتحلك ويعتبرك كنك شابك عليها من اليابان يعني نتذكّى عليهم فهمتوا؟ لوووول
المهم اتذكر السالفة كانت قبل خمس سنين أول مانزلت ب 2015 كذا وانا لسة بالمدرسة فكانت اللعبة زي السندويتش اللذيذ اللي الحق يا ما تلحق عليه ، اللي يجي منو شوية فقط ولازم تحارب عشان تاخذه ، المهم كان التسجيل يتسّع كذا انسان الله اعلم كم ويفتح مرة بالشهر عاد يومتها استنيت شهر عشان يفتحوه عشان اسجل المشكلة من زينها اللعبة مافيها لعب وكلها بالحظ وانا حظي زفت اصلا وش الفايدة؟ المهم يوم فتحوه اركض ركضض عشان الحق وخليت اختي تسجل معايا وبعدها مامرت ساعة الا وقفل يعني جينا باللحظة الاخيرة لوووووول
المهم بعد سنين من اشتهار اللعبة كان فيه زي العروض مسوينها للعبة هاذي ويروحو بلدان يعني خارج اليابان ..ف تحريات كلب الخاصة بي تستفسر؟؟؟ يعني لو انتو رحتو خارج اليابان عشان تتقابلو مع فانز لعبتكم اللي هي "ممنوع لغير القاطنين باليابان" كريس7 يعني رحتو لمين بالضبط؟؟؟؟ يعني عارفين ان العالم كله يلعبها ومو سامع الحجر Region lock حقهم
لول)

⊱─────────────────────⊰✯⊱─────────────────────⊰

Hypnosis Mic: Alternative Rap Battle
رابط اللعبة للتحميل

صور من اللعبة:

نبذة عن اللعبة:

اللعبة قصّتها تتمحور حول اليابان في المستقبل القريب حيث لا مكان لسيادة الرجال وعبثهم فالحكم المطلق للنساء ولإحكام قبضتهم على الحكومة اليابانية فقد قررّن حظر الأسلحة تماماً ومنع استعمالها فلا مجال للخصومات حول المناطق بين العصابات، وهنا جاءت الفكرة لبعض الأفراد في خضم هذه الاضطرابات بأن يستعملوا بديلاً عن الأسلحة الميكروفونات السحرية "Hypnosis Mic" للدفاع عن أنفسهم وللتمسّك بالمناطق التي ترغب العصابات الاستيلاء عليها ، الميكروفونات عبارة عن القدرة على غناء راب مع كلمات قوية ذات تأثير عالي، ليصبح سلاح الدفّاع عن النفس الجديد هو الكلمات ومدى قدرتها على اختراق النفوس.
- - - - - - - -
+ يعني بكل بساطة الشخصيات تتحارب باستعمال الغناء ، قد يكون هذا النوع جديد علينا تقريبا لكن السلسلة هاذي نالت شعبية واسعة في وسط الاوتاكو اليابانيين ، بالنسبة لي كل شي تمام يعني فقط ما قدرت اهضم فكرة انو اغانيهم تكون Rap يعني ربما لو كانت الاغاني بوب والا روك مثل اية العاب ايدول ثانية لكان حماسي اكثر ، والانمي حاليا ينعرض وفعلا الفكرة تضحك جدا يعني كيف انهم حرفيا يتقاتلو بالمكرفونات وعايشين جو حروب العصابات هههههه برأيي أنو ما أحد ياخذ الأنمي بجدية ويقول ايش هذا الهبل ، لأنو حرفيا تقدر تقول نوع من الParody والمحاكاة الساخرة ، انصحكم تتفرجوه من باب الكوميديا لأنو حتى الفاندوم الياباني مثل كذا ، طيب تقول ايش يحمس الناس فيها ؟؟ بالنسبة لي الاغاني فيه بعضها كويس ويعني catchy لكن الاغلب انهم خاقين مع الشخصيات لوووول (انا خاقة حاليا على هيتويا و جاكوراي وساماتوكي طبعا ) بس جد يعني الرسم يجننننن والكروت خارقة باللعبة ، اللعبة نوعيتها ريثم يعني تلعب اغنية وتضغط ازرار على حسب الايقاع وبعدها تجمع نقاط وتسوي سكاوت او مثل مانقول gacha .. هذا صندوق موجود باغلب الالعاب اليابانية تحاول تطلع منه كروت للشخصية اللي تبغاها وطبعا للاسف التحصل على الشخصيات مبنيّ على الحظ ، يعني البرمجة على الاحتمالات وليس مضمون تماما انك راح تاخذ الكرت اللي تبغاه فكل اللي عليك تجمع نقاط وتدعي تاخذ كرت الشخصية اللي تبغاها ، ليش انصح فيها اللعبة هاذي بالذات؟ لأن النظام هذا تقدر تقول رحيم ، يعني مش مثل الالعاب الايدول الثانية تطلع روحك عشان تاخذ الكرت ولازمك تصرف فلوس حقيقية عشان تجمع نقاط وتعمل سكاوت.. بس هنا اللعبة كريمة فعلا يعطونك كثير نقاط بمجرد انك تلعب وبرضو تقدر تاخذ كروت بسهولة مقارنة بالالعاب الثانية .

الشخصيات:
(اضغط على الصورة لرؤية معلومات الشخصية)


!!!Buster Bros​

​

Saburo.................Ichiro ....................Jiro
​

​

Fling Posse


Gentaro ............Ramuda ......................Dice
​

​

MAD TRIGGER CREW​

​

Jyuto....................Samatoki.................Rio
​

​

Matenrou
​

​

Hifumi...............Jakurai.................Doppo
​

​

BADASS TEMPLE


Jyushi..................Kuko...................Hitoya
​

​

Dotsuitare Hompo

Rei.................Sasara...................Rosho




⊱─────────────────────⊰✯⊱─────────────────────⊰



Twisted Wonderland
رابط اللعبة للتحميل

صور من اللعبة:

نبذة عن اللعبة:

اللعبة تتمحور قصّتها حول شخصيات مستوحاة من الأشرار في كلّ قصص سلسلة ديزني ، يعني هم الأبطال هنا على عكس المعتاد من ديزني بتسلطيها الضوء على الأبطال الأخيار .
والقصة هنا تبدأ عندما يُستدعى اللاعب إلى عالم جديد باستعمال المرآة السحريّة وعليه أن يعيش قصّته مع هؤلاء الشخصيات غريبيّ الأطوار ، فيجد نفسه طالبا داخل معهد خاص بتدريب النبلاء على علوم السحر والاستدعاء يٌدعى "Night Ravens College" ، فعليه الآن التعرّف على هؤلاء الطلاّب العباقرة بغض النظر عن غرابتهم ، إلى حين أن يجد طريقاً للعودة إلى العالم الذي أتى منه.
- - - - -
+ مرحبا بكم في اللعبة اللي مكسرّة الدنيا وأنا عن نفسي مش عارفة ليش؟؟ يعني شهرتها مش طبيعية؟؟ ياجماعة اللي يبغى يترزّق الله يروح يرسم والا يسوي اي شي له علاقة باللعبة هاذي راح تصير معروف على طول ، يعني أعتقد اكثر لعبة مشهورة باليابان والظاهر هذا راجع لسببين أولا ان مصممة الشخصيات هيا Yana Toboso المانجاكا المشهورة حق كوروشيتسوجي ، وثانيا لأنها برعاية ديزني .. يعني يلعبو على الخطير هذول ، طيب ماعلينا..
ستايل اللعب متنوع يعني مش فقط ريثم لأن ما اعتقد أن الشخصيات يغنو أو حاجة أو يمكن يغنو بس مش هذا الاساس حق اللعبة ، الاساس هو فيه زي الريثم وبرضو mini games زي السحر والقتال .. رسم الكروت جدا رهيب بس عن نفسي ما اعرف ليش خاقين مع كل الشخصيات ما جذبني كثير هنا فقط شخصية جميل و ليونا و فيل .. اليابانيين اكثر شخصية ميتين عليه هو واحد من المفترض يكون عربي ؟ اسمو كريم ماعليكم من الترجمة الخربانة kalim لأن اليابانيين ينطقو الاسم بالراء لما يكون اصلو لام والمترجم الاجنبي ماعندو سالفة بالعربي يعني من الواضح انهم قصدهم اسمو كريم مش كليم ... لكن لقبه إلى الآن محيّرني يعني مكتوب kalim al-asim يعني سوينا قرعة وتحديات بالبيت مين يطلع الاسم بالعربي وكانت ابداعاتنا انو وحدة من ثنين يا هو كريم العظيم والا كريم العاصم أو اختي مصرّة تقلي شكل قصدهم كريم الاعجم لول المهم يعني فطست كيف صعب انهم يكتبو الاسم بالعربي ويخليني اتساءل للهدرجة مافي عرب بكوكب الارض ينادونهم للخبرة لما يبغو يصممو شخصية عربية؟؟ ياجماعة الخير لحستو مخي ابغى اعرف ايش اسمو lol وحش القرامر الذي في داخلي يتشقلب من الحيرة ، المهم الشخصيات مقسّمة على حسب المبيتات حقتهم بالمعهد.

الشخصيات:
(اضغط على الصورة لرؤية معلومات الشخصية)
​

Heartslabyul​

Trey.....................Riddle...................Deuce

Ace...................Cater



Savanaclaw


Jack.....................Ruggie...............Leona



Octavinelle

Floyd....................Jade..................Azul



Scarabia


Jamil....................Karim



Pomefiore

Epel.....................Rook.....................Vil



Ignihyde

Ortho......................Idia



Diasomnia

Sebek..................Silver......................Lilia................Malleus



⊱─────────────────────⊰✯⊱─────────────────────⊰



IDOLISH7
رابط اللعبة للتحميل

صور من اللعبة:

نبذة عن اللعبة:

قصة اللعبة عن 7 شبّان يجتمعون على الرغم من الاختلاف الواسع بين شخصياتهم السبعة ويقرّروا تكوين فريق غنائي ، في واقع قاسي يصعب على الايدولز الجدد أن يشتهروا ويصلوا إلى القمم في خضم التنافس الرهيب الذي تشهده الساحة الفنية بين الفرق الكبرى ، فكيف يمكن لشباب من شركة متوسطة الدخل وليست ذات صيت كبير إيجاد مكان لهم بين كل هؤلاء النجوم ؟؟ الأجوبة تصل بالشخصيات أحيانا إلى حدّ الاستسلام لما يجري من ألعاب قذرة تحت الطاولة من قبل المشاهير حتى يحفظو مكانتهم الشعبية، فهل سيستعمل فريق هؤلاء الطرق الملتوية ليصلوا إلى الشهرة؟ أم سيحاولوا الوصول إليها بالطموحات والروح المشتعلة؟ اللعبة قد تحصلّت على أنمي تلفزيوني منذ سنة 2018 ، ويوجد موسم ثانٍ ولكنه متوقّف حتى إشعار آخر بسبب الظروف الصحية الطارئة.
- - - - - - - -
+ اللعبة كانت من أول ألعاب الايدولز اللي العبها وكانت السبب اني اشتري جوال جديد lol الgameplay ممتع والكروت جدا جميلة والى الان يوكي هو زوجي يعني ما نسيته lol المهم هاذي انصح اي احد يتفرج الانمي حقها لأنه مش موجه للفتيات بل بالعكس لكل الناس ومغزاه ليس التميلح بل فيه احداث كثير تصير ويوريك فضايح الشركات ايش تعمل عشان تخلي الايدولز حقها يشتهرو بشتى الطرق وكثير حاجات ترفع الضغط وتخليك على اعصابك يعني انمي بالغ شوية وليس طفولي ويوريك خطوات الشخصيات كيف يشتهرو بعد مجهود عظيم يعني فعلا يرفع المعنويات ومُلهم بقوة، مصممة الشخصيات هي نفسها اللي رسمت انمي شوجو قديم معروف Full moon ، ومالنا الا ندعي يارب يكملو الجزء الثاني عما قريب على اعصابنا نستنى *كذابة* .


الشخصيات:
(اضغط على الصورة لرؤية معلومات الشخصية)


IDOLiSH7


Sogo...................Riku.......................Tamaki...............Mitsuki

Iori........................Yamato..............Nagi



TRIGGER


Ryunosuke...................Tenn...................Gaku



Re:Vale

Yuki.....................Momo



ŹOOĻ


Toma..................Haruka...............Torao...............Minami




⊱─────────────────────⊰✯⊱─────────────────────⊰


Ensemble Stars!! : Music
رابط اللعبة للتحميل

صور من اللعبة:

نبذة عن اللعبة:

اللعبة قصّتها عن فتاة اسمها آنزو ، أو اي اسم يختاره اللاعب تنتقل حديثاً لأكاديمية شهيرة باليابان اسمها Yumenosaki Academy
تتعرف فيها على شبّان يطمحو لتكوين فرق غنائية شهيرة ، ولكن نظام هذه الأكاديمية مبني على تصويت الطلاب يعني في حالة لم يعجبهم عرض أحد فبإمكانهم أن يصوّتوا عليه بالرفض الأمر الذي يجعل من هو جديد على هذا النظام يتردّد ويخاف من الجمهور ويخشى الفشل الذريع أمام هذا الكمّ الهائل من الفرق اللامعة والمحترفة ، فكيف يمكن للطالبة آنزو مساعدة كل من هؤلاء الطلّاب على تحقيق طموحاتهم والوقوف جنباُ إلى جنب مع أكثر الفرق الشهيرة في هذه الأكاديمية في خضم هذه المنافسات الشرسة على من سيقف على المنصّة ويستحقّ لقب الأفضل في الأكاديمية.
- - - - - - - -
+ اللعبة نظامها ريثم و اللعبة على ايقاع الموسيقى مع وجود خاصية 3D في الرسم وبأمكانك تلبيس الشخصيات ملابس تتحصل عليها من خلال الكروت ، أنصح في هذه اللعبة بقوة لان أغانيهم رهيييييبة وحلووة مررة والكروت تجنن ، لكن من ناحية القصة بصراحة فيه كثير دراما ومشاكل ونفسيات وحاجات تنرفز تصير يعني غيير تماما عن ألعاب الايدول الثانيين القصة فيه جوانب سوداوية بكثيير ، للأسف يوجد أنمي للعبة هاذي ولكنه من رأيي كان مشي حالك يعني سطحي جدا وماجابلك القصص حق الشخصيات كما ينبغي ، وكما قلت اللي يبغى اترجم قصص ايفنتات او يهتم بشخصية يقلي وبحاول اترجم انا ماتعمقت بالموضوع لانني مو عارفة اذا فيه أحد عنده اهتمام ولسة جالسة اشوف .


الشخصيات:
(اضغط على الصورة لرؤية معلومات الشخصية)


Trickstar


Hokuto.....................Mao..................Makoto...............Subaru



fine

Eichi................Yuzuru...................Tori...................Hibiki



Ryuuseitai


Chiaki................Tetora...................Kanata


Shinobu..................Midori



ALKALOID


Hiiro.................Mayoi...............Tatsumi..................Aira



Eden


Nagisa...................Ibara....................Jun...................Hiyori



2wink


Hinata....................Yuta



Valkyrie


Shu...................Mika



Crazy:B


Rinne..................Niki..................Kohaku.............HiMERU



UNDEAD


Rei....................Kaoru...................Koga................Adonis



Ra*bits


Tomoya..................Nazuna.............Hajime................Mitsuru



Akatsuki


Keito...................Kuro...............Souma



Knights


Tsukasa..................Leo....................Arashi

Ritsu....................Izumi



Switch


Natsume.................Sora...............Tsumugi



MaM


Madara


⊱─────────────────────⊰✯⊱─────────────────────⊰

طيب هذا كان موضوعنا لهذا اليوم ، ان شاء الله يكون ساعدت أنكم تتعرفو على الالعاب اللي مكسرة الدنيا بين اليابانيين وطبعا هي العاب جوال وغنائية يعني العاب ايدولز ، ترا تقدرو تشيكو على كل شخصية عشان تشوفو كروتها والاغلب الرسم خارق وجميل ، واغانيهم برضو حلوة لكن تويستد وندرلاند ليست غنائية من بين الكل يعني يمكن فيه كم اغنية بس مش ايدولز اللعبة بل عن السحر ومدري ايش ، لكن مثل ماقلتلكم فيه كثيير مصادر عندي حق قصص وترجمات بالانجليزي عن الشخصيات والا قصصهم والا قصص الايفنتات اللي تكون موجودة باللعبة ودايما تتجدّد لو أحد مهتم بالاشياء هاذي ان شاء الله احاول اترجم شوية من القصص ذي عالاقل اشوف اذا فيه احد جذبه الموضوع والا هه هه ... في كل الاحوال شكرا انكم تعبتم نفسكم عشان تقرو كل هذا وان شاء الله الاقي فانز عندهم اهتمامات متشابهة حتى نقدر نتواصل روحيا مع بعض لول
ملاحظة: وييه جتني السكتة القلبية المؤقتة ، بالصدفة رفعت موضوعي قبل يوم من تطوير المنتدى وتلخبطت ابو الصور على بعضها وانمسحت من الفجعة انصدمت وقفلت المنتدى لكن اليوم توكلت على الله وقلت يلا اصلحه ورب ضارة نافعة ، وفعلا ماكانت مشكلة كبيرة فقط روابط الصور تغيرت قليلا يعني كل شي بمكانه واحتاج دقائق بسيطة لاصلاحه المهم ولله الحمد ومبروك علينا المنتدى الجديد *تشكر العاملين عليه ماقصرتو معانا* ولا أعادها الله من فجعة ♥

​

 

[Mihu]

┊　　┊✬ ✬ ┊ ┊

فقرة Art Time

┊　　★ ʜ ᴇ ʟ ʟ ᴏ ★ ┊

✧ ✧

مت هنا ، الله يرحمني : ( ومات شغفي في التدوين والمنتديات... لكن لكن، نوعا ما لأنه أكره أعمل شي مالو فايدة ;~; يعني احس وجودي كعدمي هنا OTL لكن نوعا ما بطريقة ما اتساءل والان الساعة 5 مغرب . ايش اللي مرجعني ؟؟ هممم تقدر تقول ماعندي شي ثاني أسويه ماخذه بريك من الدراسة اليوم لأن صحّتي متدهورة بسبب الشتاء ، ويدي متكسرة مافيني ارسم برضو دخلت هنا صدفة .. ليش فيه فصل شتاء من اصلو؟؟ .. طيب أنا ما ارسم كثير لأني أقعد قرن برسمة وحدة .. لكن اوكيه برفع اخر لوحاتي الفنية اللي قعدت عليها قرون OTL ... ولاسيّما أن اللوحة رسمتها فيها شخصيتي اللي شعرو بني "ميهارو" وشخصية صاحبتي اللي شعرو بنكي واسمو " كيي" .. اعتزلت التويتر من زمان ومافي مكان اسرد فيه مشاعيراتي فما اعرف اقعد هنا ولا ابقى على حالة الفراغ الكئيب ، صعب اجادة الجواب بينما انا في دوامة الانهزامية للمشاعر السلبيةعندي مشكلة في اتخاذ القرارات ، لكن فيه شي واحد فقط اؤمن به عن قناعة داخلية.. اللي هو الامور حلوة لما ناخذها ببساطة يعني مش ضروري كل يوم ادوّن ولا كل شهر ان شا الله لو كل سنة ارجع فقط عشان احس بمشاعر ايجابية من مشاركة افكار والى اخره يكفي ، احيانا العبرة من هذا الهراء كله تتمثّل في صورة شعور ايجابي، خاطرة، اي شي يعيدلك القليل من النور والتركيز على العودة إلى طريق سيرك الذي اضعته بينما انت تضطرب في خلجاتك .

​

✧･ﾟ: *✧･ﾟ━━ uɴɪᴄᴏʀɴ☆tᴡɪɴs ━━･ﾟ✧*:･ﾟ✧

مشاهدة المرفق 5755​

Sketch version

مشاهدة المرفق 5753

Clothes Design

مشاهدة المرفق 5754

Tools


البرنامج :

Paint Tool Sai 2

التابلت :

One by Wacom

هممم وهذا كان نوعا ما بوادر ايجابية أنني اشارك حاجات ثانية من جديد والله اعلم، يمكن مايزبط الحال هنا واقعد في فراغي المعتاد بس نتمنى يحصل خير في الفترات القادمة.هيروي

 

[Mihu]

┊　　┊ ✬ ✬ ┊ ┊

فقرة Music

┊　　★ ʜ ᴇ ʟ ʟ ᴏ ★ ┊

- - - - - - - - - - -

"There are no limits, no absolutes. That's what you told me
I reach my hands out to you because you are what I want to become."

✧ ✧​

 

[Mihu]

┊　　┊ ✬ ✬ ┊ ┊

فقرة Design

┊　　★ ʜ ᴇ ʟ ʟ ᴏ ★ ┊

اهللاااا.....
هنا بغيت اسوي شي ومو متأكدة اصلا اذا بيضبط كذا والا لاءه يعني هو عادي اسوي كذا بالمدونة ؟ اذا مش عادي اقبضو علي اوكيه مو مشكلة.. ؟ مدري ;_; يعني أنا انسان يبغى يسوي شي ممتع في وقته الفارغ اللي ما اكون ادرس فيه والا انضغط فيه ، فقلت بما انو عندي مهارات تصميمية قديمة يمكن اجرب اخذ طلبات أي احد بالمجان يعني لأنو هذا اسويه عشان نفسي ، واسوي خلفيات جوال يعني وحدة Lock screen ووحدة لل background لكن لسة مو متأكدة من المقاسات بما انه جوالي قديم فبأعرض بعض الخلفيات اللي سويتها في الماضي .

- - - - - - -
+ المهم : أنا بأسوي خلفيتين وحدة للوك سكرين ووحدة للخلفية لأي أحد يبغى يطلب لكن بشرط يكون أنمي لأن انا اسفة ما اعرف اصمم شي غير الانمي/العاب يعني اي شي يكون animation او 2D ;~; ، وممكن أتأخر شوية لكن for now باخذ 5 طلبات اسويهم الفترة هاذي ، وبسجل عندي لستة عشان اسوي طلبيات كل فترة يعني خدمات تعتبر مشي حالك بس للراغبين والجادين فقط lol وللصابرين برضو لأني انا انسان مضغوط اصلا يعني يكون بالاعتبار التأخر موجود ;0; ، اللي يبغى يطلب يكتب رسالة عالحيط حقي ويعطيني الشخصية او اذا عندك صورة معينة انا ازبطك .

- - - - - - - - - - - -

مشاهدة المرفق 5867 مشاهدة المرفق 5866

مشاهدة المرفق 5876 مشاهدة المرفق 5869

مشاهدة المرفق 5871 مشاهدة المرفق 5870

مشاهدة المرفق 5872 مشاهدة المرفق 5873

مشاهدة المرفق 5875 مشاهدة المرفق 5874

- - - - - - - - - - - - - - - - - - - - - - - -

أوكي هاذي كانت فقرتنا لهذا اليوم ،

┊　　★ Bye ★ ┊​