- إنضم
- 30 يوليو 2019
- رقم العضوية
- 10216
- المشاركات
- 31,525
- الحلول
- 1
- مستوى التفاعل
- 77,612
- النقاط
- 2,134
- أوسمتــي
- 23
- توناتي
- 17,599
- الجنس
- أنثى
LV
5
نۈرتي آلقسسم بمۈۈضۈعڪ آلجمييل ،
لآ تحرمينَآ وصفآتڪ الشَهيية
.gif "At (209) ش2")
.gif "at1 ق1")
ديسمبر || يوڪي
.gif "At (490) و3")
السلام عليكـم و رحمة الله وبركـاته
كيفكـم يا حلوين
بعد زماااان والله
هاي أول طلة لي بالقسم بعد ما أنفصل
صارلي زمان عن المواضيع وما جيت غير على حس المسابقة
وحاسة حالي زي الطلاب بأول يوم دراسي فسلكولي وتغاضوا عن أي عثرات
.gif "At (448) ض2")
أخترلكم 4 وصفات لأطباق جانبية خفيفة وسهلة بنقدر نقدمها مع أكلاتنا الاعتيادية
أو لوحدها كوجبة خفيفة بين الوجبات
المهم بكفي لت وعجن و خلونا نفوت بالموضوع و نبدأ بأول وصفة
هالشوربة خفيفة لطيفة و أستلمتها فترة منيحة لما كنت عاملة دايت
طيبة و مُشبعة وصحية و الناس اللي بحبوا الكوسا راح يحبوها كثير
3 حبات كوسا متوسطة الحجم بصلة صغيرة ثوم حسب زيت نباتي 
نبدأ بفرم البصل والثوم فرم ناعم و نقطع الكوسا لمكعبات صغيرة إلى متوسطة الحجم
في طنجرة على النار نضع قدر ملعقتي طعام من الزيت و ننتظر قليلاً لحتى يسخن
ثم نضيف فوقه البصل والثوم و نبدأ بتقليبهم لحد ما يأخذوا لون
بعدها نضيف عليهم الكوسا المقطعة و نستمر بالتقليب 2 - 3 دقائق
ثم نغمرهم بالماء ونتركهم حتى يستوا
و نضيف القليل من ( ملح ، فلفل ، كمون ، بهارات الكيجن واي بهارات أخرى بتحبوها )
وآخر شي بنهرسها بالخلاط اليدوي حتى تصبح قوامها سلس و ناعم ونرجع نغليها على النار لحتى تتسبك و نضيف ماء اذا كان في حاجة لذلك
بالعادة بتكون البطاطا مقلية بهالوصفة بس أنا أخترت أعملها مشوية
لحتى تكون أخف و صحية أكثر
حبيتين بطاطا متوسطة الحجم كزبرة خضراء مفرومة ملعقتين كبار زيت زيتون ثوم مهروسعصير نص ليمونة ملعقة صغيرة بابريكا حارة او حلوة حسب الرغبة
أول شي بنقطع البطاطا إلى مكعبات صغيرة
بعدها على جنب بنحضرتتبيلة البطاطا بنخلط الزيت مع الثوم المهروس، الليمون ،البابريكا ،ملح ،فلفل
وبنوزعها على البطاطا ويفضل نتركها لبعض الوقت قبل ما ندخلها الفرن
بنتركها لحد ما تستوي بتحتاج لـ نصف ساعة تقريباً
وعند التقديم بنوزع الكزبرة المفرومة فوقها
** يمكن أضافة فلفل أخضر حار أو شطة بودرة بالتتبيلة في حال بتحبوا حرارة اضافية
معكرونة بالشكل اللي بتفضلوه حبة طماطم صغيرة حبة فلفل رومي أخضر أو ملون حسب الرغبة ذرة كزبرة خضراء ملعقتين طعام زيت زيتون عصيرنصف ليمونة ثوم مهروس ملعقة صغيرة خل
بالبداية بنسلق المعكرونة (نصف باكيت تقريباً) بماء مغلي مملح لحتى تستوي وبنصفها من الماء وبنتركها تبرد
و في هذه الاثناء بنقطع الطماطم و الفلفل والكزبرة تقطيع ناعم
و بنجهز تتبيلة السلطة بصحن جانبي بنخلط (الزيت ،الليمون ،الخل ،الثوم المهروس وملح وفلفل )
و أخيراً بنخلط المعكرونة مع الذرة والخضار و نوزع التتبيلة فوقهم
الوصفة التقليدية للمسخن بتختلف شوي عن هاي الوصفة
أخترت أقدملكم أياها بهالطريقة لانها أبسط و أخف و تناسب أكثر لانها تكون طبق جانبي
كص1
صدور دجاج عدد 2 بصلتين كبار زيت زيتون خبزصاج "شراك" اذا مو متوفر ممكن تستبدلوه بخبز التورتيلا سماق ملعقتين كبار تقريباً
بنقطع الدجاج والبصل إلى شرائح طولية "جوانح"
في مقلاة على النار نضع قدر ربع كوب من زيت زيتون ونتركه يسخن قليلاً
نضع البصل بالمقلاة ونتركه 3-4 دقائق لحتى يذبل مع التقليب المستمر
بعدها نضيف الدجاج لكن بعد ما نتأكد أن حرارة المقلاة عالية ونقلبهم حتى يستوا بنضيف السماق وملح وفلفل
ونتركهم على جنب لـ يبردوا شوي
نقطع الخبز إلى 8 قطع على شكل "مثلثات البيتزا"
ونأخذ شريحة خبز بندهنها بقليل من زيت الزيتون و نضع كمية كافية من خليط الدجاج والبصل على طرف الخبز و نبدا نلفها مع طوي الأطراف الجانبية لتصبح بشكل اسطواني و ندهن الجهة الخارجية من الخبز بقليل من زيت الزيتون وبنكمل بهذا الشكل حتى ننهي الكمية كلها
نضع الرولات في صينية مدهونة بقليل من الزيت وندخلها للفرن للشوي تحتاج 20 دقيقة تقريباً
وصحتين وعافية
إلى هُـنا نكون قد وصلنا لنهاية مشوارنا اليوم نلقاكم بحلقة قادمة
.gif "At (432) هاها2")
بتمنى تكون الوصفات عجبتكم و الطريقة واضحة
وأي استفسار عندكم لا تترددوا نستقبل اتصالاتكم بأي وقت
بستنى أشوف تطبيقاتكم الجميلة
.gif "At (543) حب2")
نسيت أشكر @HIKAYAMI على الطقم الرهيب
يسلموووو دياتك
بقلكم طالبة جديدة
في أمان الله
التعديل الأخير بواسطة المشرف:
.png "At (39) ش1")
.gif "sky (15) سكاي19")
لاحظت ان بتيته اسهل وأخف من بطاطا ههههههههههه المهم نرجع لصلب الموضوع الوصفة رهيبه وكمان سريعة يعني ياسلام هو ذا المطلوب عند تولاي.png "At (48) ق7")
