مجابة طريقه عمل الهيدرات المتحركة (1 زائر)

[Pleiades]

السلام عليكم ورحمه الله وبركاته
-ذا استفسار مو مشكلة-
جماعة ابغى اعرف كيف اصمم هيدر متحرك مو بس هيدر اي صورة ثانية
يعني كيف ادخل صورة بصيغة gif مع هيدر بصيغة png وتبقى الصورة متحركة
اعرف كيف اصمم فوق صورة متحركة بس ما اعرف كيف اصمم بصورة متحركة
جربت واجد بس ما عرفت كيف وبما ان كل التون موهوب اجيت اسألكم

 

[خَوْد]

اوكي هون بدك تركزي مزبوط لانو شوي بلخبط


بتختاري صورة متحركة

نصيحة: اذا بدك تحطيها ك صورة هيدر حاولي يكون حجما كبير مشان لما بدك تحطيها كهيدر ما تطلع مغبشة
او يكون الهيدر مو معتمد اعتماد كلي على هالحركة تخليها جانبية بشكل صغير بتصير حركة حلوة

النتيجة نفس هالهيدر https://www.anime-tooon.com/up/uploads/at16110163586571.gif

طبعا عدد الصور المتحركة بالتصميم انتِ مٌخيرة فيها انا رح علمك على صورة وحدة و بنفس الطريقة بتسوي التانية مع اختلاف بسيط بالشرح و رح وضحلك ياه تحت .

بتفتحي الصورة المتحركة المختارة بصفحة لحالها بالفوتو و بتفتحي صفحة العمل لحالها بتكون منفصلة يعني الصورة المتحركة لحال و التصميم لحال

و بتفتحي قائمة التايملاين . . رح تشوفي انو الليرات للصورة المتحركة بينت. . بتروحي لأول فريم ( مو لير فريييم ) رقم واحد و بتروحي لآخر فريم قبل لا تضغطي عليه اضغطي على شفت shift بعدين اضغطي على اخر فريم رح تشوفي انو كل الليرات صارت محددة

بعدين في ع اليمين خيار عليه ( 3 خطوط بالعرض ) بتضغطي عليها بتفتحلك قائمة بتختاري رابع خيار Copy frame

و انتبهي لهل النقطة مهمة جدا . . بصفحة التصميم بتعملي عدد فريمات بنفس عدد فريمات الصورة المتحركة
بتروحي لصفحة الصورة المتحركة و بتروحي لاخر فريم رح تشوفي في رقم فوقو بتسوي عدد فريمات بصفحة التصميم بنفس العدد مثلا لو العدد كان 50 فبتعملي 50

تنويه: لتسهيل عملية تكرار الفريمات بوقت قصير . . سوي نسخ يدوي لعدد عشرة بعدين بتحدديهم بنفس الطريقة الاولى باستخدام SHIFT بعدين بتضغطي على علامة الموجب هيك شكلها بصندوق الليرات رح تشوفي انو تم نسخ 10 فريمات اضافية و هيك ضلي انسخيهم ليصيرو قريبين من العدد المطلوب بعدها كمليها يدوي مثلا لو كان العدد 53 او 52 الخ بتكمليهم يدوي طبعا بعد ما تشيلي التحديد عنهم مشان ما يضلوا يتكرروا ب 10 تكرارات

لازم ذكرك انو لازم يكون بالتصميم في شكل مشان الصورة تدخل جوا الشكل . . اضغطي على اول فريم بعدين روحي لنفس هالخيار بصفحة التصميم و اختاري خامس خيار Paste frame رح تشوفي انو الصورة المتحركة دخلت للتصميم و هون ركزي منيح

بتروحي لصندوق الليرات ع اليمين بتضغطي على اول لير من الصورة المتحركة و بتروحي لآخر لير قبل ما تضغطي عليها اضغطي على شفت بعدين على اخر لير رح تشوف انهم كلهم تحددوا ولازم تتأكدي انهم فوق الشكل بقائمة الليرات بعدين بتقومي بتدخليهم جوا الشكل وانتبهي وانتبهي لازم تكوني حاطة التحديد فقط على اول فريم من التايم لاين اذا ما سويتي هيك رح يخرب كل شي

بتضغطي على كنترول + الت + G رح يدخلوا جوا الشكل بعدين اذا شغلتي الصورة رح تشوفي انها صارت تشتغل بدون اي تعب و نسخ فريمات و تشيلي عين و تخفي عين الخ

بنفس هالطريقة فيكي تجيبي صورة تانية ( بنفس عدد الفريمات الصورة الاولى او بتقدري انك تجيبي صورة و تقللي عدد فريماتها كمان هالشي ممكن يعني الشغلة بالابداع ) و تدمجي الصورة المتحركة التانية بالتصميم و بصيروا التنين بيشتغلوا مع بعض نفس الهيدر الي عطيتك ياه فوق.

واذا كانت الصورة التانية عدد فريماتها اقل من الاولى رح توقف قبل ما تنتهي الصورة الاولى وهالشي لازم تتجنبيه


​

 

[خَوْد]

+ ولا تنسي تسوي التوقيت نفس صورة المتحركة
لما تفتحي الصورة المتحركة لحالها رح تنفتح فريماتها
رح يكون في توقيت تحت حطي نفس التوقيت او مقارب بفريمات التصميم الاساسي مشان تكون مشابهة بالسرعة

وموفقة

 

[Pleiades]

شكرا مرة واسفة لو تعبتك معاي بطبقها ):
تمت الاجابة

 

[خَوْد]

شكرا مرة واسفة لو تعبتك معاي بطبقها ):
تمت الاجابة

اذا واجهتك مشكلة احكيلي