الختم الذهبي ڪآن لُِمجٍرٍدِ إضآعٍة آلُِوُقٌت (1 زائر)

S a n d r a · 17 سبتمبر 2023

Dr.Saki~☆ قال:
اهلا مرت عمو
كيفك شو اخبارك

هلا كنتي الحب ، يلا هاي الحو برد بدنا نشطف البلكون تقعد برا بعد المغرب ...

Dr.Saki~☆ قال:
انا ما قلت شي و شهد شاهد من اهله

شهد شاهد من اهله ض000

Dr.Saki~☆ قال:
اذا جونثن بيقرب العم جون معناها كمان جون بيقرب ميغ احكيلك صلة قرابة بس هي مستحيل تكون صحيحة بما ان الاتنين اسمهم جونثن معناها الصغير حفيد الكبير او ابن اخوه

@أجنحَة الحريّة
سلوى الحقي جين لازم ينادي جون جدو هه4

Dr.Saki~☆ قال:
طيب مشان يدافع و يحمي اصحاب المنزل معه سبب و حجة ليش مراقب

لازم ما يقتله حز88

عشان المجرم مطلوب استجواب و زيما تحكي اصاباته خطيرة و فقد كثير دم هيرو6

شكرًا على ردودك الجميلة دكتورتنا ب11

بانتظار جديدك الحلو ! رجعت أيام الذكريات لاكتب فصل و ينرد عليه ~

Dr.Saki~☆ · 17 سبتمبر 2023

Fear || September

السلام عليكم ورحمة الله وبركاته
عدت من جديد
اليوم رح تشوفيني كتير هون بتمنى ما تملي

نجي للفصل ابداع ابداع ابداع

S a n d r a قال:
كان الغطاء ثقيلًا و مبطنًا مما جعله يشعر و كأنه جالسُ في جيب الكنغر ..

وصفك للمكان و الاحداث والدقة رهيبة صدقاً شوبت و انا عم اقرأ

S a n d r a قال:
كان مزيجًا جيدًا بالنسبة لشخص يكره الاشياء الحامضة

لاء ليش الاكلات الحامضة طيبة ما اتفقنا هالمرة بس المزيج الحلو الحامض ذكرني بالكاندي الحامضة صارت طعمتهم بتمي ☺

S a n d r a قال:
لكن مع ذلك قرر اخراج مسدسه الذي يبعث فيه نوعا من الامان .

كل فصل عم نتعرف على طبيعة شخصية جونثن

S a n d r a قال:
انه يملك مفاتيح ذلك الباب , من المحتمل جدا ان يكون شخصا مقربًا ...

توقعت يكون ابوها لأن راح على القسم التاني

S a n d r a قال:
ربما قد غيرت مكانها عندما رتبت الغرفة اخر مرة

انا اتوقع ان في شخص اخدهم يوم نامت بالكوخ و رجعت لقت البيت مكركب او احتمال ضعيف لما تركت البيت مشان التحقيقات

S a n d r a قال:
انسحب فجأة و ركض بسرعة مبتعدًا تاركًا ميغ على عتبة باب غرفتها -

حسيت ان جونثن عم يتدلل لأن من دقيقتين كان واقف و عم يتنفس بصعوبة و هلق صار يركض بس معلش بحقله يعمل شو ما بده

S a n d r a قال:
فرفع وجهها نحوه فوجد وجهها تغمره الحمرة و الدموع في عينيها محبوسة
قاومته فانزلت راسها ..

ضرتي بلشت تحب جونثن و يبان عليها عن جد عيب عليكِ يا بنت خليكي تقيلة

S a n d r a قال:
كان ادوارد متعجبًا مما يحدث امامه الان , كان يريد ان يسأل ما الذي يحدث معها و لكنه فضل ابقاء فمه مغلقًا و ان يستمتع بضحكات
ابنته على ان يعكر المزاج

طبعا بدو يستغرب دخل بيته و شاف شب غريب بالبيت وين الرجولة و ين الاخلاق خود السكين و ادبح ميغ خلينا نخلص منها و انا بحطلك محامي يطالعك منها

S a n d r a قال:
ضحك ادوارد ثم تمتم: من شابه اباه فما ظلم

مافي تلميح نعرف صلة القرابة بس واضح ان المعرفة قوية

S a n d r a قال:
كان ممتع كثير بالنسبة لي هعهعهع و انتو فاهمين ليش << كف

لاء مو ممتع لنفس السبب يلي انتي عاجبك بعدو ميغ عن جونثن

S a n d r a قال:
هذه اول مرة اخيط الجرح نفسه للشخص نفسه في نفس الساعة

لكن انتِ عم تخيطي مرتين بنفس الساعة لنفس الشخص وانا بتمنى بس يجي مريض ما يكون في دكاترة مشان خيطلهم

يسلمو على الفصل ❤ لا تعذبي حالك و تشطفي انا بشطف عنك مرت عمو

Dr.Saki~☆ · 17 سبتمبر 2023

Fear || September

رجعت مرة اخيرة لليوم
غسلت كاسات الشاي و رتبتلك المطبخ قبل ما امشي

الفصل الاخير من الفلاش باك حزين كتير ليش خليتيهم يموتوا انا بعرف بالقصص دائما الخير بفوز والشر بيخسر ليش غيرتي

S a n d r a قال:
لكن ابي قد كان لطيفا كفاية لكي يطردهم

اللطافة و الحنية الذوق

S a n d r a قال:
لمعذرة سيد ادوارد لا تكن قلقًا رجاءً انا لست متهورًا جدًا

ابدا انت وين والتهور وين انا صدقت حكيك

S a n d r a قال:
نظراته كانت كنظرات صقر ينتظر فريسته

الوصف رهيب

S a n d r a قال:
اجمل ردات الفعل التي قام بها كانت غضبه اثر سماع جملة " اشتقت لك "
و اشمئزازه عند سماعه لجملة " ارجو ان تنال الهدية اعجابك "
اما عن عدد المرات التي قد اخرج فيها التنهيدات كانت لا تعد و لا تحصى

في ريحة غيرة بلشت تطلع بس انا ليش خجلت لما كنت عم اقرأ مالي دخل

S a n d r a قال:
لو كنت مكانك لذهبت و ضربته لقد كان يرسل هذه الرسائل لابنتك كما تعلم .

من هالشخص واضح انهم بيعرفوه اتوقع اكتشف هويته من الارقام يلي آخر الرسائل لأن بالرسالة الآخيرة كان مكتوب رقم 8 فأتوقع كل الرسائل فيها ارقام تلمح عن صاحبها

S a n d r a قال:
هل لي ان اعلم لما ناداك لتوه ب" كابتن " ؟

وانا بدي اعرف ليش؟ هلق بالبداية توقعت يكون شرطي او عسكري بس لو كان هيك ليش ما ناداه برتبته متل الباقي بعدين فكرت كونه ما ناداه برتبة معناه مانو ضمن السلك العسكري

S a n d r a قال:
كان جونثن و توتره الذي يلاحظ بسهولة بسبب حركة حاجبه الايمن المستمرة في الارتفاع للاعلى بشكل لا ارادي
و حركة يده المستمرة بالانقباض و الانبساط و فركه لذقنه كل حين إشارة واضحة للآخرين بأنه في مزاج صعب ..

وصفك كان دقيق و تخيلت منظره تماما كأنه قدامي

S a n d r a قال:
على كل كان الشاب متحمسًا لأجل هذه الرحلة لأنه كان يسعى للحصول على سبق صحفي

تذكرته هاد يلي استهترتي بمهنة الصحافة لما ذكرتيه بالبداية وانا ناديت سلوى تجي تشوفك

S a n d r a قال:
كانت فتاة متوسطة الطول ذات شعر بني قصير متموج
تملك عينين واسعتين كعيني غزالٍ جبلي وحدقتين عسليتيّ اللون و نمشٍ كثيفٍ منتشرٍ اسفل عينيها و على انفها الصغير

اول مرة بتوصفيلنا ميغ كأني شفتك راسمتيها بآخر الفصول

S a n d r a قال:
اخفض من صوت انفاسه فبدأ بالتتنفس رويدًا رويدًا

انا شو دخلني ما عم راقب حدا حتى صير اتنفس شوي شوي و انا عم اقرأ بس اسلوبك دخلني بالقصة

S a n d r a قال:
النهاية الوحيدة ربما قد تكون الموت !

لما وصلت لهون قلت لاء بكفي و فرحت لأن عم اقرأ بعد ما نزلت الفصول يلي بعده و اعرف شو بده يصير فورا تخيلي لو متابعة من زمان كنت رح انجلط لبين ما ينزل الفصل يلي بعده و شوف شو بده يصير

S a n d r a قال:
كانت تقر بذات نفسها بأنها لم تكن تتنصت و انما صوتهما كان عاليا كفاية لتسمعه ..

مظبوط صدقت انا بعمل نفس الشي

S a n d r a قال:
: حسنًا لقد رأيتك تحوم حول رجال الشرطة قبل قليل تريد قول شيءٍ ما لهم لكن لم يستمع اليك احد اليس كذلك ؟
.....
لذلك ظننت بانني قد اكون خير المستمع لك

بالبداية فكرته بيشتغل مع الرجال الملثمين و بده يمسك ارثر قبل ما يفضحهم

S a n d r a قال:
اسمي هو ارثر برنت اما الفتاة فاسمها مارغريت تشارلز ,
ان حدث لها اي شيء فسوف احمل الجيش كامل المسؤولية و لأكتبن مئة مقال عن ما حدث هنا لأفضح الجيش بأي طريقة

شو دخل الجيش اذا عم يشتغل حط الحق على الملثمين و جماعتهم بعدين شو الفائدة بتحميل المسؤولية اذا الناس ماتت و خلص يعني يلي بيحمل المسؤولية بيقدر يرجع يلي مات

S a n d r a قال:
خلع معطفه و قام بالكشف عن القنبلة التي قام بارتداءها و التي تشير الى انها سوف تنفجر بعد نصف ساعة
من الضغط على الزر الذي يقوم بتحفيزها ..
نظر حوله نظرة سريعة ثم قال : انا آتٍ لك يا ماغريت .

شو عم تعمل عزيزي وين الانقاذ بالموضوع انت عم تنتحر ما عم تنقذ حدا

S a n d r a قال:
لكن هنالك خدعة
- ابتسم الرائد لأول مرة -

اكيد لازم يكون في خدعة مو معقول يركبوا عليه قنبلة و تنفجر فيه اتوقع هي القنبلة صوتية بس لأن مو منطقي يخلوا مدني ينفجر

S a n d r a قال:
لا تثقوا كثيرًا فأنتم في موقف صعب , نهايتكما ان تموتا كوالديكما ..

ستوب شو عرفه بوالديهم

S a n d r a قال:
الا تظن بأنك تكثر الحديث ؟ اتعلم ان صوتك قد يكون دليلًا دامغَا عليك خصيصًا اذا قام احدهم بالوقوف فجأةً لكي
يقوم بنزع قناعك فحينها سوف تكون في خطر محدق

اول مرة بتعجبني ميغ برافو

S a n d r a قال:
فهو يعلم بانه متهور و لكنه لا يتسطيع ان يمنع نفسه ....

ليش كل يلي بتعرفهم ميغ متهورين

وصلنا للنهاية لليوم شكرا على الحماس ❤ الموجود كتير زعلت لما موتي هاري و هارلين حرام ما بحب النهايات الحزينة الخبر الحلو اني خلصت نص القصة

Dr.Saki~☆ · 19 سبتمبر 2023

Fear || September

اليوم ما تقلت عليكم هو رد واحد
هاو ار يو سندورة

فصل جميل تعرفنا على ام ميغ . فرحت ان هارلين عايشة بس لسا زعلانة على هاري ما حطيت غير واحد حداد على هاري

S a n d r a قال:
زرقاءٌ عينَاكِ و حمرَاءٌ عينَاي ... - الجزء الاخير - )

لما صرت بالجزء الاخير خطر على بالي مين يلي عيونه حمراء

S a n d r a قال:
انا اتذكر.... تلك هي امي ... امي و هي تموت ..

يعني آرثر مو ابن عمتها لميغ و هو يتيم امه توفت برصاصة

S a n d r a قال:
" هاري , هارلين ارجوكما , ارجوكما ...... لا تموتا "

هي انا لما وقفت بالفصل يلي قبل هاد

S a n d r a قال:
انا لم اعلم بذلك قط , كما ان عمتي لم تذكر ذلك لي , و على قدر علمي آرثر نفسه لم يكن يعلم بذلك ....
ما الذي يحصل بالضبط ؟ -

اتوقع ان عمتك تبنته بعد ما فقد ذاكرته واكيد بتعرف امه و ربته كرمالها

S a n d r a قال:
لما لا تستيقظين ؟
هل سوف ترحلين انتي ايضًا ؟

لااااء

S a n d r a قال:
لكن بطلنا لم يكن موجودًا في مكانه و لا بأي مكان اخر في الغرفة ..

ويت وير ار يو غوينغ خليك طيب بس قلنا وين رايح اتركلنا رسالة

S a n d r a قال:
لكن سوف يكون جيدًا الحصول على زياراتك اكثر اليس كذلك ؟

نسيت شو كنت بدي قول هون الاقتباس صرله اكتر من 7 ساعات لحتى اجيت رد علق المنتدى

S a n d r a قال:
مايكل و هو يتفرج على ارثر و هو يمشي مشية الطاووس بنص الساحة :

مشاهدة المرفق 11593
تربايتي ....

تخيلي لشكل هارلين و هي تطالع الرجال مشمئزة :

مشاهدة المرفق 11594

جونثن و هو ينتظرني احطه بفصل :

مع انه الصور ما ظهرتلي بس تخيلتها بتضحك

S a n d r a قال:
اسمحي لي اقول لك انه الاحداث لسا بأولها ... رح اجلطكم بالرواية

تم انجلطنا

S a n d r a قال:
هو ان اليوم كان يوم مولدي
الثاني عشر من ابريل ...

Happy birthday to you كل عام وانتي بألف خير و عقبال المية سنة و تعقلي شوي

S a n d r a قال:
قد اشتريت اخيرًا ثلاجة جديدة ,

لاء شو هالهدية خلي ابوكِ يشتري الثلاجة و خبي المصاري واشتري فيهم شي احلى

S a n d r a قال:
هو اتصال صباحي من هارلين ..
تتصل بي قبل ذهابها الى عملها ككل يوم

حبيت صارو صحبات

S a n d r a قال:
و طبعًا حدث ولا حرج عن عمل الجيش

الله يعينها شي متعب

S a n d r a قال:
ثم ان جدة مايكل لن تجعله يعيش يومًا مسالمًا من دون ان تفتعل مشكلة ..

شو بيقربهم مايكل لهاري و هارلين

S a n d r a قال:
كانت سيارته تمثله تمامًا... لونها اخضر باهت كلون عينيه ..
انيقة و مهندمة كمظهره ...

مبين عليه من وصفك ان هيك اكابر

S a n d r a قال:
تبدو دومًا كانها جديدة كما يبدو هو و كانه ما زال شابًا على الرغم من انه قد تعدى الخمسين !
انه رجل رائع حقًا , كنت اظن دائمًا انه لمن الاهدار انه غير متزوج ...

خلص رح ندورلو على عروس بدك من التون او من برا ؟ والله يوفقك من جمع راسين بالحلال

S a n d r a قال:
شعرت بالامتنان لوالدي لمنحي هذه الهدية ...
قلبي قد امتلأ بعطفهم بالفعل ...

بركي بتتصلح علاقتكم سوا

S a n d r a قال:
اه من اين له رقمي ..

اتقلي يا بنت التقل صنعة

S a n d r a قال:
ايجب ان اقوم بمضايقته هكذا كل فترة ؟ انه ممتع تبادل الادوار هيهي "

ضحكتيني وانا عم اتخيل اشكالهم

شكرا كسيرا كسيرا على الفصلين الجميلين سلمت يداك ❤

S a n d r a · الخميس في 23:11

Dr.Saki~☆ قال:
اليوم ما تقلت عليكم هو رد واحد
هاو ار يو سندورة

ولو يا بنت الناس تقلي على قد ما بدك اذا أنتي ما بيطلعلك مين يده يطلعله ينقل ولو ض000

احلى طلة والله يا أحلى ساكي

!

Dr.Saki~☆ قال:
لما صرت بالجزء الاخير خطر على بالي مين يلي عيونه حمراء

جاوبتك بأحد الردود اللي فوق بجيب لك يااه ضض1

Dr.Saki~☆ قال:
هي انا لما وقفت بالفصل يلي قبل هاد

متت هاي أنا لما كنت بدي اكتب الفضل مع إنه كان مخطط من زمان يموت ابن الحلال حز88

عاد كان لطيف تخيلي لو ضله عايش كانت رح تكون حياة عارفين مستقرة اكثر حز88

Dr.Saki~☆ قال:
مع انه الصور ما ظهرتلي بس تخيلتها بتضحك

تخيلها سهل خصيصا اني ما قصرت بالتشبيهات و اكثر إشي عجبتني مشية الطاووس هه4

Dr.Saki~☆ قال:
تم انجلطنا

الله يسامحك لحقتي ؟

Dr.Saki~☆ قال:
لاء شو هالهدية خلي ابوكِ يشتري الثلاجة و خبي المصاري واشتري فيهم شي احلى

معلش أبوها عنده ظروف فهي بتشتغل و بتجيب من عرق جبينها حز88

Dr.Saki~☆ قال:
شو بيقربهم مايكل لهاري و هارلين

أصدقاء طفولة ، رح اعمل فلاش باك لإلهم قريبًا بالمناسبة لأول لقاء بين عارفين و مايكل حز88

ممكن اذا تحمست نزله اليوم او بكرا هه4

لانه هو مكتوب جاهز على الدفتر بس لازم انقله ب11

Dr.Saki~☆ قال:
اتقلي يا بنت التقل صنعة

ولو التقل ما بيزبط لما يكون عندك اسمراني امور زي جين ب11

Dr.Saki~☆ قال:
ضحكتيني وانا عم اتخيل اشكالهم

تسلملي هالضحكة ان شاء الله دائما الضحك يرافقك و السعادو برضه هه4

Dr.Saki~☆ قال:
شكرا كسيرا كسيرا على الفصلين الجميلين سلمت يداك ❤

و شكرًا كثيرًا جدًا جدًا لأنك قرأتي فصولي اللطيفة

للتسجيل راجع الرابط التالي طريقة التسجيل الجديدة

الختم الذهبي ڪآن لُِمجٍرٍدِ إضآعٍة آلُِوُقٌت (1 زائر)

S a n d r a

- جنّاتُ عَدْنٍ تجْرِي مِن تحتِهَا الأنهَار -

Dr.Saki~☆

Dr.Saki~☆

Dr.Saki~☆

S a n d r a

- جنّاتُ عَدْنٍ تجْرِي مِن تحتِهَا الأنهَار -

المتواجدون في هذا الموضوع