Fitness Club | النادي الرياضي (1 زائر)

[خَوْد]

​

 

[خَوْد]

-







السلام عليكم و رحمة الله و بركاته

كيفكم يا حلوين ؟ ان شاء الله الكل يكون بخير و سلامة

و اخيراَ تم افتتاح نادي خاص بالرياضة , طبعاَ لكل أنواع الرياضة

رح يكون هالنادي كتحفيز و تشجيع لكل الي حابب يبلش مشواره الرياضي

او الي مبلش و حابب انو يزيد معلوماتو بمجاله

طبعاَ مع طابع التسلية و التحدي بنفس الوقت

ان شاء الله رح نزل تحديات و شغلات حلوة رح تفيدكم

و اكيد بتمنى من الكل يشارك : تجاربه , خبراته بمجال الرياضة

لحتى الكل يستفيد

هالنادي رح يكون مختص حرفياَ بكل شي الو علاقة بالرياضة من :

1- البسة و مستلزمات الرياضة
2- برامج أكل و تغذية حسب هدف كل شخص
3- نصائح عامة : ان كانت تخص التمارين او الأكل
4- منتجات التغذية من : المكملات الغذائية , الفيتامينات الخ
5- فديوات تعليمية , ثقافية , تصحيح للأخطاء الشائعة الخ
6- برامج تدريبات حسب كل هدف و شرح الفرق بينها
7- إنشاء تحديات مختلفة المستويات و الأهداف
8- جوائز بكل تأكيد للأعضاء المتفاعلين و الي بتموا التحديات الي بتنزل
9- تبادل قوائم الأغاني الخاصة بالتمرين و نشر قوائم جديدة
10- تدعيم النادي بروابط خارجية لمدربين رياضيين مفيدين
11- نشر Tricks خاصة بطرق التصوير بالنادي
12- نشر عبارات تحفيزية
13- نصائح للأشخاص الي عندهم اصابات نفس الانزلاق الغضروفي و إصابات الكتف
14- نشر تمارين طبية تقلل من حالة الأشخاص الي عندهم إصابات و أهمها الانزلاق الغضروفي
15- مواقع و تطبيقات مفيدة للرياضيين
16- نشر قصص واقعية من أشخاص بدوا من الصفر
17- فديوات و MEMES فكاهية تخص الرياضة
18- سهرات خاصة بالرياضة , فلم او مسلسل بحمل ثيم رياضي
19- يوميات اعضاء النادي بالرياضة
20- نشر تمارين منزلية

و لسا في كتير رح يستناكن معنا

فهرس النادي :
هون رح حط روابط الردود المفيدة مشان يكون الرجوع الها سهل ​

 

[خَوْد]

-



حابة بلش اول و اسألكم

شو حابين اكتر شي ركز عليه ؟

 

[S A L W A]

السلام عليكم ورحمه الله وبركاته
حبيييت افتتاح النادي، مبروك عالجميع
انا شخصياً يفيدني لإني بلعب ايروبيك بالنادي جنبي
بس لا بتبع نظام غذائي معين ولا هم يحزنون
متابعة لك، هي اول مرة بدخل فما بعرف هل عادي الرد ولا كيف الشغل
بس متحمسة عطينا نظام غذائي اول شي
اما التركيز ع كل شي دخيل عينك حبييتهم كلهم
من اغاني لتمارين لمدربين يجننو.

 

[خَوْد]

السلام عليكم ورحمه الله وبركاته
حبيييت افتتاح النادي، مبروك عالجميع
انا شخصياً يفيدني لإني بلعب ايروبيك بالنادي جنبي
بس لا بتبع نظام غذائي معين ولا هم يحزنون
متابعة لك، هي اول مرة بدخل فما بعرف هل عادي الرد ولا كيف الشغل
بس متحمسة عطينا نظام غذائي اول شي
اما التركيز ع كل شي دخيل عينك حبييتهم كلهم
من اغاني لتمارين لمدربين يجننو.

اكيد بتقدري تشاركي بردود او تعليقات
تراه نادي متل باقي النوادي الموجودة بالتون

من عيوني رح نزل جداول اكل

 

[خَوْد]

-



دايت منخفض السعرات/كاربز

ملاحظة : هالدايت انا شخصياَ نقصت عليه 18 كيلو والحلو فيه انو كتير سلس
و ما حرمني من شي و رح تنتبهوا بالدايت انو اغلب الشغلات موجودة فيه وهالشي
بيعني انو ما رح يحرمنا من الفيتامينات

-

الأسبوع الأول :

الفطور ( ثابت طوال الأسبوع ) :

كاسة شاي ( أحمر او اخضر )

أو

قهوة

أو

كاسة حليب بنسكافيه خالي الدسم

و

بيضة مسلوقة

أو

ملعقة كبيرة جبن خالي + نصف خبز أسمر

العشاء ( ثابت طوال الاسبوع ) :

زبادي خالي الدسم و 2 حبة فاكهة سالبة السعرات

السبت :

3 مغارف شوربة عدس بدون دهون + 1 توست

أو

ربع خبز أسمر + صحن سلطة كبير

الأحد :

ربع دجاجة مشوية

أو

2 همبرجر مشوي + 6 ملاعق مكرونة + صحن سلطة كبير

الأثنين :

3 ملاعق فول مع 2 بيضة مسلوقة + نصف خبز أسمر

أو

صحن شوربة خضار مع 2 بيضة مسلوقين بدون خبز + صحن سلطة كبير

الثلاثاء :

150 غرام لحم مشوي أو مسلوق

أو

ربع دجاجة + 4 ملاعق رز + صحن سلطة كبير

الأربعاء :

نصف كيلو سمك مشوي أو بالفرن مع 4 ملاعق رز

أو

ربع خبز مع صحن سلطة كبير

الخميس :

علبة تونة ( بماء النهر ) + نص خبز أسمر + صحن سلطة

الجمعة :

صحن شوربة خضار وسط مع قطعة لحم 100 غرام و 4 ملاعق رز و صحن سلطة كبير





بس تخلصوا هالاسبوع اكتبوا هون مشان نزل الاسبوع التاني
​

 

[خَوْد]

-



بعض الملاحظات للدابت الي فوق :

في من ضمن الايام وجبة فيها سمك مشوي افضل سمك للدايت و فعلاَ كتير لذيذ هو سمك
السلمون , كتير مفيد بشكل خيالي فيه فسفور كتير و الحلو فيه انو بتحسوه متل الزبدة بتدوب
بالتم من كتر مانو Juicy يعني ما رح تحسوه ناشف وقت الشوي !

و تتبيلتو كتير سهلة لأنو سلمون و هو حلاوتو بنكهتو فدايماَ بينصحونا ما نعطيه تتبيلة
تطغي ع طعمو ف أفضل تتبيلة هي الملح مع شوي فلفل اسود مطحون بدون زيت لأنو
السلمون وقت ينشوى رح يطلع كتير مي و دهون صحية رح تغنينا عن الزيت .

مندهن الملح و الفلفل ع السلمون و فينا نحط عرق روزماري جمبو مشان يتنكه شوي

ممكن نحط بالفرن مع السمك شوي بروكلي بتطلع كتير طيبة و هي مشوية .
( انا حطيت البروكلي بسلوفانة منفصلة عن السمك مشان ما تشرب مرقة
السمك و تروح نكهتها ) طبعاَ دهنتا بشوي زيت زيتون مشان لما تنشوى
ما تطلع قاسية مع شوي ملح و فلفل اسود .

منحطن بالفرن شي تلت ساعة - 20 دقيقة - و صينية الفرن بتكون بالنص
يعني مو اعلى شي ولا اوطى شي مشان يستوي من كل النواحي .

على اعلى درجة كانت عندي اعلى درجة عندي 200

و منسوي جمبو شوي رز أبيض ع البخار بدون اي شي بدون ملح
او زيوت , بس الرز مع مي و منخليه ليستوي

- كل كاسة رز بقابلا كاسة و ربع مي - و منعير المي بنفس كاسة
الرز الي صبينا فيها . طبعاَ هون كاسة الشرب العادية بتكفي
كاسة وحدة لشخص و نحن ما بدنا نكتر الرز كمان .

و دعولي على لذاذة هالوجبة , جداَ صحية و خالية من الدهون
و الدسم .

شوي معلومات عن السلمون و ليه لازم ندخلو بدايتنا :

يعمل السلمون الذي يحوي نسبة قليلة من الدهون، على التخفيف من احتمال ارتفاع
الكولسترول الضار، ويعزز الكولسترول الجيد في الدم . بالإضافة إلى أن السلمون من
الأسماك التي بها نسبة كبيرة من الأوميغا 3 ، وهي مادة أساسية لتعديل مستوى الكولسترول
في الدم ، وتوفير الغذاء السليم للجسم . يحتوي كل 85 غرام من سمك السلمون على 214
ملغم من الفوسفور . سمك السلمون يعد قوة غذائية متعددة المهام لأنه يحتوي على عناصر
مغذية يصعب العثور عليها معاَ في عنصر واحد من بينها فيتامين D ودهون أوميغا-3 الصحية
بالإضافة إلى خصائص السلمون كمضاد للالتهابات .

و صحيح السلمون غالي مقارنةَ بباقي الأنواع لهل السبب انا كنت اكلو مرة بالاسبوع او مرة كل اسبوعين .

​

 

[خَوْد]

-



بعض التمارين لحتى نخفف من وجع ضهرنا و خاصتاَ السفلي :

​

 

[B O R U T O]

السلام عليكم ورحمه الله وبركاته

كيف حالك اختي عساك ب الف خير وصحه

من الحجات الجميله اللي ممكن اشوفها هي افتتاح
النادي الرياضي خصوصا اني بعشق الرياضه
وبالمناسبه

عجبتني جدا صورتك الرمزيه بالتوفيق ان شاء الله

وانا اول الداعمين لهذا الصرح الكبير ويارب اخواتي

يستفادو من المواضيع اللي بتتقدم هنا في النادي كل التوفيق والدعم ​

 

[خَوْد]

-


نصائح هامة للتمرين ج1 :

١ شرب الماء طول التمرين ( حاولي تشربي بعد كل عدة )
٢ وانتي رايحة الجيم لازم تكوني عارفة شو رح تتمرني ( جهزي نفسياَ لهل اليوم لحتى جسمك يتفاعل معك )
٣ خلي كل تركزك على العضلة الي بتمرنيها ( إتبعي قاعدة Muscle & Mind Connection )
٤ ا سكري الموبايل ( بشتت التركيز )
٥ مافي شي اسمو انحف بالأول بعدين ببلش تمرين , التنين أهم من بعض
٦ لازم نظام غذائي سواء بدك تضخمي , تنشفي أو تنحفي
٧ خلي الك حلقة صغيرة للناس يشجعوكِ فيها - أصدقائك أو عائلتك
٨ خلي معك منشفة للعرق
٩ اذا بتنحبطي لما تشوفي جسم حلو لا تطلعي عليه ( حاولي تبعدي عن الإحباط و تكتري مسببات الحماس و التحفيز )
١٠ خلي عندك هدف لأي شي بتعمليه ( أنا ليه بديت ؟ )
١١ رجعي الاوزان لمكانها
١٢ الكارديو هو الي بيحرق دهون مع الدايت
١٣ جهزي الغدا قبل ما تروحي للتمرين
١٤ اتمرني لنفسك ولصحتك مو مشان تتباهي بجسمك تمرني لتكوني أفضل من مبارح
١٥ تمرين البطن كل يوم ما رح ينحفلك بطنك - 3 مرات بالأسبوع بكفوا ( بينهم يومين راحة )