وراء كٌل مصمم ناجح انتقاد بنّاء | لنقاشاتكم حول التصاميم (1 زائر)

[خَوْد]

السلام عليكم و رحمة الله و بركاته

هالموضوع رح يكون مساحة الكم انكم تعبروا عن جمال اي تصميم
و لتشجيع المصممين أنهم يتابعوا

و مشان نتطور مع بعض

هالموضوع أيضاَ لكل شخص حابب ينتقد انتقاد بنّاء للتصاميم الي بالمعارض

اذا عندكم اي ملاحظة , خدعة بسيطة ممكن تحسن من مستوى التصميم

مكانها هنا

و كَتقديراَ لتعبكم بالنقاشات و الإنتقادات البناءة

لكل رد/نقاش ( مفيد ) لصاحب المعرض رح يكسب صاحبه :
15 تونة عن كل رد + ختم لرده المميز

بشرط ان لا يكون الرد قصير

​

 

[DoLoR]

نورت والله
ونبدأ مع اول ضحية طاحت عيني عليها
@Mirai
جيبي مناديل ورقية قبل تقرين المهم
..
اخترت دا التصميم للاتكلم عنه للانه يحتوي خلاصة باقي التصاميم لي حطيتيها
لو معي الادوت لي صممتي فيها بقدر احلل اكثر
المهم اول شي بعلق عليه هو المقاس
دا اول شي لاحظته القياسات للامانة لاتستهينو فيها ،هي كمان تلعب دور مهم بالتصميم
المشكلة الحين وانا بحكي من وجهة نظري انا مو قادرة اركز على التصميم بسبب الفراغ الكثير فيه
لهيك بحكيلك المقاسات ضرورية حتى لو الملحقات لي معك مرة حجمها كبير وتبين تبرزين فيها اشياء كثيرة
تقدرين تصممين بطرق تانية وتستغلين الادوات بشكل مختلف .
ثاني شي الدمج عشوائي ،يعني حتى لو اكمل التصميم وعندك ساعة بس تصممين وادوات عشوائية من عضو ، اقل شي تسوينه ترتبين الخامات جنب بعض وتشوفين كل وحدة وايش الاشي المميز او الاشي لي تبين تبرزينه فيه بالخلفية .
طبعا الدمج صعب مانختلف وبده تركيز واحتراف وطريقة تعامل خاص وكل واحد ولمسته الفنية .
وبدون مادخل بكل خامة ودمجها وايش الخطأ فيها للانو دا كلام طويل واحتاج اكتب جريدة اطول من حياتي اشرح فيها
فانا بركز عالنقاط الضرورية بس نخلي الفلسفة لوقتها .
ثالث شي الالوان مافي تناسق بالالوان حتى لو حطيتي تأثير واضح
رابع شي الخطوط التصميم ياحلوة افضل شي نوعين خط بس انتي ماشاء الله عليك اعرفك تحبين ابداع احط ازرق على احمر ويطلع لنا اخضر
ولو حبيتي تزيدي خط كثالث اقصى حد بس الفكرة مو بعدد ونوعية الخطوط لي نحطهم بالتصميم الواحد
مو مشكلة احط عشرين خط مختلف بتصميم بس الفكرة بالتناسق
كيف ممكن اخلي الخط دا متناسق مع دا بدون مااغطي على جمالية التصميم
وكيق اختار لون مناسب وتأثير مناسب له
وانا بدي افهم ايش الفكرة من عبارة as u want المكتوبة بخط اعوج ولا مدري شنو
هالحركات لاتستخدميها على التصاميم بعشوائية في اوقات تستخدم فيها واوقات لا
خامس شي هو الرندر، انا اراهن انك فتحتي مجلد طلع لك دا قدامك شلتيه حطيتيه والسلام عليكم
ابسط شي تحطين له تأثير خفيف او تستغلين وحدة من الخامات لي عندك وتلعبي بتأثيرها على الرندر يمكن يطلع لك شي مختلف
اسوء شي اسويه الحين اني جالسة اشرح وانا ماعرف اشرح
المهم الاشي التانية ركزي على حواف التصميم في فراغ مبين مانك مرتبة الخامات مع الحواف بالضبط
وفي كثير اشياء تانية بس خلي اريح اصابعي شويتين للاني اعرف بدخل باشياء تانية وانا لي سنة ماطالعت فوتو

ولاتتضايقي من الاسلوب دا لي عندي وماقدر احط سكر على ملح
تدرين مش ضابطة
اشوفك على خير​

بخصوص أن الأقتباس مو منطقي؟ انيويز​

 

[خَوْد]

-




@Zahra~♡

تصاميمك وقعت بغرامهم

بس عندي تعليق بسيط

هالتصميم هنا

إن رُمتَ عيشًا ناعمًا ورقيقًا ، فاسْلك إليْه من الفنُون طريقًا | DESIGN GALERIE

احم - تنفض الغبار - زمان عن مواضيعي ش1 السلام عليكم و رحمة الله تعالى و بركاته ق1 كيفكم و3 عسى كل اموركم تمام ش2ق1 قررت فجأة افتح معرض خاص بي بسيط و متواضع ضض1 ق1 يعني انا مااصمم بالفوتوشوب زي الباقي بسبب ظروف ادت الى تعطل لابتوبي و انحراف مسيرتي التصميمية هيرو6 بس ماتوقفت و بلشت تحدي جديد اني...

www.anime-tooon.com

فكرتو حلوة و مٌبتكرة و اكتر شي عجبني فيها انها واضحة و مو محتاجة كتير تركيز
هالنوع من التصاميم بحبو كتير بكون بسيط و بوصل الفكرة بسهولة للمشاهد

عندي ملاحظتين :

1- عنصر التباين ضعيف بإختيارك لألوان الكتابة خاصةَ لكلمة Head لأنك معتمدة مدرسة
البساطة بالتصميم و بهل المدرسة الأفضل انو تخلي التباين قوي

2- حرف A طالع كتير ممطوط بالعرض لو مخليتيه بحجمو الطبيعي بس مكبرتيه بدون ما تلعبي بالأبعاد


عدا عن هيك التصميم توب و انيق ابدعتِ فيه

-


بالنسبة لهل التصميم ♡ There is no limit to creativity ⁦

كتير كتير حبيتو ! و لأني بعرف انك عم تصممي بالموبايل و منبهرة حرفياَ بالنتائج !
ما دققت ع الدمج لأن بالموبايل بحس صعب ينشاف و مع هيك الدمج بالموبايل بالرغم من صعوبتو
كان جيد ( دمج صورة البنت )

بس عندي تعليق بسيط و مارح يقل ابداَ من جمال هالتصميم و هو الخلفية اللونية ورا كلمة Smile
وورا الكلمة الطويلة

هيك حركة الافضل تكون كتير خفيفة ماتطلعيها زيادة برا الكلمة لأن رح تطلع التصميم ابتدائي
بالنسبة للخلفية اللونية ورا الكلمة الطويلة التباين ما كان تمام , بتقدري بهيك حركة انك تبرزي
جمال التصميم و الكلام بإختيار الوان مناسبة ( 1- للون الخط 2- للون التصميم ككل ) فيكش تستخدميها
انك تكسري من لون التصميم بلون متناسق اخر غير متواجد بالتصميم مثلاَ

بس التصميم ككل رهيب وحبيت فكرة النافذة

-

هاد التصميم وقعت بغرامه ♡ There is no limit to creativity ⁦

كتير ناعم و فعلاَ وصلتِ رسالتك منو
ماعندي اي تعليق عليه عدا واحد بس و هو عبارة عن حركة كتير بسيطة بتحولو للأجمل

و هو انو الحروف من اليسار مخليتيهم تحت القنينة و الي ع اليمين خليتيهم فوقها
لو مخلية الي ع اليمين كمان تحت القنينة هيك بتكوني عملتي تأثير ( العمق Depth )
بالتصميم , لأن القنينة فيها ظل و مبينة انها ثلاثية الابعاد و حركة الاحرف الي حكيتلك عنها
رح تعطيكي شعور بالعمق انو القنينة بارزة فوق الكتابة

كل شي بالتصميم رهيب و حبيت كتير افكارك بهل النوع من التصاميم

-

إن رُمتَ عيشًا ناعمًا ورقيقًا ، فاسْلك إليْه من الفنُون طريقًا | DESIGN GALERIE

احمم معليكم مجرد تسجيل دخول مشان تعرفوا اني لسه حية ه1

www.anime-tooon.com

هون حبيت كتيييييييييييييييييير تلاعبك بالخط !

و صدقاَ عطيتك ختم البنفسجي للكتابة بشكل اساسي و لتناسق الالوان ككل بالقالب كشكل ثانوي !
حبيت كتير كتير كيف ربطتي معنى الكلمة بأيقونة صغيرة بتعكس معناها !

هالشي صدقيني كتير بيلفتني و كتير مشهور بعالم تصميم اللوقوات !

التصميم جداَ مريح للعين و تناسق الالوان و تباينهم ممتاز !!


-

إن رُمتَ عيشًا ناعمًا ورقيقًا ، فاسْلك إليْه من الفنُون طريقًا | DESIGN GALERIE

احمم معليكم مجرد تسجيل دخول مشان تعرفوا اني لسه حية ه1

www.anime-tooon.com

كتير بعشق هالنوع من التصاميم ! اسمهم كولاج
و كتير بدهم حس فني بشكل !!

ابدعتِ هون حرفياَ !

 

[خَوْد]

-



@Mirai

اهلاَ بمصممتنا المبدعة الي تصاميمها كلها حيوية و حب

كالعادة تأسريني دائماَ بتصاميمك على اد ما بينشروا طاقة ايجابية

بس عندي تعليق بسيط و هالتعليق ما رح يقلل ابداَ من جمال تصاميمك بس مجرد القاء الضوء على بعض الاشياء

It's a miracle that we met!

موضوع قديم لن يرى النورمسك1

www.anime-tooon.com

هالمجموعة من التصاميم انسحرت من جمالهم ! حرفياَ ! و حبيت كيف مخلية تحت كل هيدر رمزيات ع نفس المود !
حبيت الترتيب !

بالنسبة لتاني هيدر بجنن كتير و اكتر شي عجبني هو الخط و بتعرف يمن اي ناحية ؟ من ناحية التباين
انا بعاني كتير بأغلب التصاميم بكون تباين الخط مع التصميم مو كتير قوي و بعاني و انا بقرأ و كتير
بنجذب للتصاميم الي بكون فيه تباين الخط واضح ! لأن بكل تأكيد الخط عنصر من عناصر التصميم و الو
هدف لوضعه بالتصميم ف ليه مانقوي التباين او نلغيه كلو ؟

و طبعاَ نحن ما رح نلغيه لأن كيف رح نتدرب عليه بتصاميمنا ؟ مشان هيك كتير كتير كتير بشجع انو نخلي
تباين الخط قوي بالتصميم ! متل تصميمك

بس في شي زعجني ولو انو بسيط حتى ما بينحكى فيه بس انا بحب دقق بالتفاصيل الصغيرة لأنها هي الي
بتعمل الفرق !

في سكرابز ع اليسار ع شكل نجمة حسيتو داخل عرض حرفياَ او حاتطيه بالخطأ ؟ حسيتو ابداَ مو متناسق
بالتصميم , التصميم كلو دمج و الدمج كان جداَ ناجح معك بس هالسكرابز خرب التناسق ! < هيك حسيت

عدا عن هيك كل شي رهيييب حتى حبيت حركة الاضاءة من تحت عند الكلام كتير عاطية لمسة حلوة !

-

It's a miracle that we met!

موضوع قديم لن يرى النورمسك1

www.anime-tooon.com

هالتصميم وقت بغرامه !!!
الهيدر المتحرك الي عم يغنوا فيه

فكرتو جداَ مٌبتكرة بمجرد و انا عم شوف الهيدر فهمت انو قصدك بأنك تعملي حركة بالتصوير لما يغني حدا
يحطوا الكام عليه كتير حبيتها و عطيتها الختم البنفسجي لجمال هالفكرة و التصميم كلو

بس عتبي ع شي واحد و هو مو بس انا عتبي عليكِ حتى انا عتبي ع حالي و على حال كل مصمم و هو الخط
انا بعرف انو عنصر صعب صعب صعب و الكل اتفق عليه , بس انتِ يا جمالك و جمال خطوطك و تنويعها بكل تصميم
انا تعليقي ع شي واحد و هو التباين هون , الخط جدا متناسق مع مود التصميم بس عتبي ع التباين و انا بعرف
انو تنسيق الالوان صعب مو بس الخط و الالوان لحالها عالم و بدها دراسة و تعمق لحتى الشخص العادي يفهمها فما بالك المصمم
الي كل شغلو فيه ! بس تباين الخط مع الخلفية كان تباين ضعيف هاد تعليقي الوحيد لهل التصميم الرهيب

و متل ما حكيتلك هي تفاصيل صغيرة و التفاصيل الصغيرة هي الي بتعمل الفرق

-

لتعزيز المنويات

It's a miracle that we met!

أتمنى لو ما كنت كسولة وقمت أصمم طقم محترم بس نااه هه4 هذا المكان رح يكون مساحة لتصاميمي اللي ما عرفت وين أشاركهم ولأشياء عشوائية صممتها وما شافت النور أو يمكن شافت بس حابه أرجع أشاركها~ وسميت المعرض بهاي الجملة لأن مشاركتي لكل تصاميمي حتى لو ما كنت مقتنعة فيهم ١٠٠٪؜ أُعجوبة باندا2 دع تصاميمك...

www.anime-tooon.com

اول تصميم

هالتصميم كان من اجمل التصاميم بس كان في احلى منو للامانة
بس مو هاد موضوعنا , موضوعنا انو ختمتو بالختم البنفسجي لأنك طلعتي
برا اسلوبك المعتاد بالتصميم و للأمانة نادر ما شوفلك تصميم واقعي بهل الطريقة
الجمالية ! التصميم عنجد حلو كتير و الاحلى من هاد كلو انك مخليتيه بمود الكولاج
و متل ما ذكرت قبل انو هالفن محتاج عنجد حس فني متعمق بتنسيق قصاصات الصور !
الالوان متناسقة بشكل جميل و انيق الكلام واضح لولا الخط , تباين الخط مع التصميم جميل
كل شي حبيتو و ماحسيت في شي وجعلي عيوني او ركزت فيه كتير

بإختصار هالتصميم يفوز !

-

It's a miracle that we met!

أتمنى لو ما كنت كسولة وقمت أصمم طقم محترم بس نااه هه4 هذا المكان رح يكون مساحة لتصاميمي اللي ما عرفت وين أشاركهم ولأشياء عشوائية صممتها وما شافت النور أو يمكن شافت بس حابه أرجع أشاركها~ وسميت المعرض بهاي الجملة لأن مشاركتي لكل تصاميمي حتى لو ما كنت مقتنعة فيهم ١٠٠٪؜ أُعجوبة باندا2 دع تصاميمك...

www.anime-tooon.com

بالنسبة لهل التصميم واضح انو حلو بس حسيتو غير مكتمل
اكتر شي حبيتو فيه هو فكرة عزل الالوان كتير بحس فيها جمالية غريبة !

ملاحظات ممكن تطور العمل :

1- الفرشاة او خامة , الفضية الي جاية ع شكل برق , حاسة انها مخربة ع شكل الوجه الي تحت
ممكن بتغيير لونها تطلع احلى مثلاَ اصفر ؟

2- نوع الخط ممكن يكون احلا من هاد , يكون نوعو Basic بيطلع احلى و Sharp اكتر
و اللون كمان يغمق اكتر مشان يكسر لون التصميم لأنو اغلبو باهت او الوان خفيفة

حبيت كتير انو في مساحة بالتصميم و هالشي ما بعرف لو انك متقصدة او لا بس
هاد عنصر مهم بالتصميم و بيعطي طابع الراحة للمشاهد , بالرغم من انو في كتير
مساحة الا انو هالشي كتير حبيتو و حسيتو متناسق مع التصميم ككل !

هالتصميم اعطيه فرصة لو لسا عندك ملف البسد تبعو كتير حبيت فكرتو

 

[MEG]

-



@Zahra~♡

تصاميمك وقعت بغرامهم

بس عندي تعليق بسيط

هالتصميم هنا

إن رُمتَ عيشًا ناعمًا ورقيقًا ، فاسْلك إليْه من الفنُون طريقًا | DESIGN GALERIE

احم - تنفض الغبار - زمان عن مواضيعي ش1 السلام عليكم و رحمة الله تعالى و بركاته ق1 كيفكم و3 عسى كل اموركم تمام ش2ق1 قررت فجأة افتح معرض خاص بي بسيط و متواضع ضض1 ق1 يعني انا مااصمم بالفوتوشوب زي الباقي بسبب ظروف ادت الى تعطل لابتوبي و انحراف مسيرتي التصميمية هيرو6 بس ماتوقفت و بلشت تحدي جديد اني...

www.anime-tooon.com

فكرتو حلوة و مٌبتكرة و اكتر شي عجبني فيها انها واضحة و مو محتاجة كتير تركيز
هالنوع من التصاميم بحبو كتير بكون بسيط و بوصل الفكرة بسهولة للمشاهد

عندي ملاحظتين :

1- عنصر التباين ضعيف بإختيارك لألوان الكتابة خاصةَ لكلمة Head لأنك معتمدة مدرسة
البساطة بالتصميم و بهل المدرسة الأفضل انو تخلي التباين قوي

2- حرف A طالع كتير ممطوط بالعرض لو مخليتيه بحجمو الطبيعي بس مكبرتيه بدون ما تلعبي بالأبعاد


عدا عن هيك التصميم توب و انيق ابدعتِ فيه

-


بالنسبة لهل التصميم ♡ There is no limit to creativity ⁦

كتير كتير حبيتو ! و لأني بعرف انك عم تصممي بالموبايل و منبهرة حرفياَ بالنتائج !
ما دققت ع الدمج لأن بالموبايل بحس صعب ينشاف و مع هيك الدمج بالموبايل بالرغم من صعوبتو
كان جيد ( دمج صورة البنت )

بس عندي تعليق بسيط و مارح يقل ابداَ من جمال هالتصميم و هو الخلفية اللونية ورا كلمة Smile
وورا الكلمة الطويلة

هيك حركة الافضل تكون كتير خفيفة ماتطلعيها زيادة برا الكلمة لأن رح تطلع التصميم ابتدائي
بالنسبة للخلفية اللونية ورا الكلمة الطويلة التباين ما كان تمام , بتقدري بهيك حركة انك تبرزي
جمال التصميم و الكلام بإختيار الوان مناسبة ( 1- للون الخط 2- للون التصميم ككل ) فيكش تستخدميها
انك تكسري من لون التصميم بلون متناسق اخر غير متواجد بالتصميم مثلاَ

بس التصميم ككل رهيب وحبيت فكرة النافذة

-

هاد التصميم وقعت بغرامه ♡ There is no limit to creativity ⁦

كتير ناعم و فعلاَ وصلتِ رسالتك منو
ماعندي اي تعليق عليه عدا واحد بس و هو عبارة عن حركة كتير بسيطة بتحولو للأجمل

و هو انو الحروف من اليسار مخليتيهم تحت القنينة و الي ع اليمين خليتيهم فوقها
لو مخلية الي ع اليمين كمان تحت القنينة هيك بتكوني عملتي تأثير ( العمق Depth )
بالتصميم , لأن القنينة فيها ظل و مبينة انها ثلاثية الابعاد و حركة الاحرف الي حكيتلك عنها
رح تعطيكي شعور بالعمق انو القنينة بارزة فوق الكتابة

كل شي بالتصميم رهيب و حبيت كتير افكارك بهل النوع من التصاميم

-

إن رُمتَ عيشًا ناعمًا ورقيقًا ، فاسْلك إليْه من الفنُون طريقًا | DESIGN GALERIE

احمم معليكم مجرد تسجيل دخول مشان تعرفوا اني لسه حية ه1

www.anime-tooon.com

هون حبيت كتيييييييييييييييييير تلاعبك بالخط !

و صدقاَ عطيتك ختم البنفسجي للكتابة بشكل اساسي و لتناسق الالوان ككل بالقالب كشكل ثانوي !
حبيت كتير كتير كيف ربطتي معنى الكلمة بأيقونة صغيرة بتعكس معناها !

هالشي صدقيني كتير بيلفتني و كتير مشهور بعالم تصميم اللوقوات !

التصميم جداَ مريح للعين و تناسق الالوان و تباينهم ممتاز !!


-

إن رُمتَ عيشًا ناعمًا ورقيقًا ، فاسْلك إليْه من الفنُون طريقًا | DESIGN GALERIE

احمم معليكم مجرد تسجيل دخول مشان تعرفوا اني لسه حية ه1

www.anime-tooon.com

كتير بعشق هالنوع من التصاميم ! اسمهم كولاج
و كتير بدهم حس فني بشكل !!

ابدعتِ هون حرفياَ !

فددديتت اسلوبك في النصح جدا رائع و حالا اول مااتفرغ احاول اطبق النصائح احب انك تنتبهي للتفاصيل الصغيرة و مااطيب قلبك و الفاظك شوي و ارجع

 

[خَوْد]

-


@Mirai

It's a miracle that we met!

هنا طلباتي المفضلة من وكالتي القديمة ق6 - هذا الهيدر حفلة تأثيرات مع كم خامةرانزو2 [/FONT][/SPOILER] - عاجبني دمج الخامات هنا^ أحتاج تدريب على الفواصلمهدي7 - ^هذا الغلاف سبق وصممت بنفس قالبه هه4 - حتى هذا هيدره ما كان زيادة لهيك بكتفي بالرمزيات بس باندا1 - - وهنا بعض التصاميم لفريق التصميم

www.anime-tooon.com

نبدأ مع هالتصميم الرهيب
خطف قلبي بشكل, اول شي جذبني كتير انك استخدمتي 3 صور متحركة بتصميم واحد
هاد بعتبرو فعلاَ تحدي , لأن انا جربت صمم باستخدام صورتين و كان الموضوع معقد
و محتاج توحيد فريمات الصورتين فما بالك 3 صور ! كتير حسيت الموضوع صعب
و هاد غير انك تاخدي بعين الاعتبار انك ما تخربي تسلسل الصورة المتحركة

هاد لحالو عليه 3 نقاط , اما باقي التفاصيل كتير حبيتها , طريقة دمجك للصور المتحركة
بفرشة , هاد الاسلوب قريب لقلبي و بحس كتير نتيجتو بتكون smooth مع التصميم
كان اختيارك موقف للدمج خاصةَ لما يكون في كذا صورة متحركة بحيث ما تبين زواياها
و تكون متداخلة مع بعضها هي لحالها بعطيك عليها 3 نقاط

الكماليات الباقية , فريم التصميم كتير عاطي لمسة جمالية الو بالتصميم الاول حبيتو
اكتر طريقة دمجك للكلام مع التصميم ككٌل , و اختيارك للألوان كان موفق هاد عليه نقطتين

اخر نقطتين و هي انك اول مرة بتدمجي 3 صور متحرك بتصميم واحد و كانت هيك النتيجة
كيف لو كنت متمرسة للموضوع ؟ ابدعتِ بحق

حبيت انك استفدتي من هالتحدي و انك قدرتي تطلعي برا دائرة الراحة و تجربي شغلات جديدة

لأول مرة , حسيت انو ماعندي اي تعليق بخص تحسين من مستوى التصميم , التصميم متل ماهو
جميل و اخدك لمستوى مختلف تماماَ من التصميم ! رح احكيلك شغلة وحدة و هي انك لا تتجنبي
اسلوب دمج كذا صورة متحركة بتصميم واحد لأني شايفة انك بتقدري تبدعي اكتر و اكتر بالمرات
الجاية , صح هو اسلوب صعب بس نتائجو مٌبهرة متل هالتصميم

استحققتي افخم ختم يا مٌبدعة

 

[خَوْد]

-



@Mirai

It's a miracle that we met!

هنا طلباتي المفضلة من وكالتي القديمة ق6 - هذا الهيدر حفلة تأثيرات مع كم خامةرانزو2 [/FONT][/SPOILER] - عاجبني دمج الخامات هنا^ أحتاج تدريب على الفواصلمهدي7 - ^هذا الغلاف سبق وصممت بنفس قالبه هه4 - حتى هذا هيدره ما كان زيادة لهيك بكتفي بالرمزيات بس باندا1 - - وهنا بعض التصاميم لفريق التصميم

www.anime-tooon.com

نروح لتاني تصميم , التصميم كنتيجة نهائية كتير رايق , كلاسيكي , هادي و انيق

حبيت كيف استغليتي اسلوب التحدي ( الاحادي ) بإنك تخلقي تصميم كلاسيكي متل هاد

و اقرب اسلوب للأحادي بنظري هو الكلاسيكي , لأن متل ما منعرف قبل ما كان في
الوان بالتصوير ف كان معروف انو الاحادي للكلاسيكي لحتى طلعت باقي الاساليب

انا مع و ضد استخدام الاشكال بشكل واضح بالتصميم , مع لما تكون مندمجة بشكل
يتناسب مع فكرة التصميم و موقع الشكل بالتصميم و شو الفكرة منو متل ما استخدمتيه
بالتصميم

و ضد لما يكون واضح انو اضافة زائدة بالتصميم بدون هدف ( فقط لزيادة تفاصيل
من غير هدف )

اللي تعلمته من التحدي أن إذا ما كان في أللوان بالتصميم لازم تركز على الأشكال اللي فيه
أو حتى تتجنب تصمم شيء مو مستطيل أو مربع، ببساطة أي شكل مثير للإهتمام بيفي بالغرض

هالكلام صحيح من مصممة مرموقة متلك و سبق ذكرت هالشي بأحد دروس الفوتوشوب الاحادية
لما ما يكون عنا عنصر اللون ف هون فينا نستخدم عناصر أٌخرى لحتى نخلي التصميم جذاب كإستخدام عنصر
الشكل , الخط ( Line وليس الكتابة ) , الكتابة و ممكن ايضاَ استخدام سكرابز أو دمج خامات او صور

مشان نبرز بالتصميم اكتر , كون عنصر اللون مهم جداَ بإيصال فكرة معينة , انتِ وصلتِ فكرتك و احساسك
بإستخدام لونين


حبيت كتير كيف دمجتي خامة تحت الشكل عطتها جمالية حلوة و طريقة كتابتك للكلام كتير انيقة و متناغمة
جداَ مع التصميم. اكتر شي حسيتو قلب التصميم و يمكن تستغربي من هالملاحظة هو سكرابز الطيور
حسيتو فعلاَ عطى لمسة جمالية خيالية للتصميم ! و تناثر الكلام ما بينهم زادهم جمال و جمال

تنوعك بالخط كان موفق , ككٌل التصميم رائع

برأيي وهو مجرد رأي لا يٌنقص من جمال التصميم شي و هو لو كانت الصورة التي بالمنتصف مٌتحركة
و فيها تأثير ضوء خفيف ورا اليد ( كأن في شمس ورا ) كان رح تكون احلى ( انا ما بعرف بس عم
اتخيل كيف رح يكون لو كانت هيك ) ^^

بس عندي ملاحظة صغنونة :

بما أني ما كنت مضطرهأوازن بالألوان والتأثيرات لأن أخرتها رح يطلع أبيض وأسود

انا كنت مفكرة فعلاَ انو تصاميم الاحادية هي وحدة و انو كلها بالاخير بدون الوان و فقط ابيض و اسود و تدرجاتهم ( الرمادي قصدي )
بس اتضح بعد ما كنت دور على كتير تصاميم او تأثيرات احادية , انو في منها درجات , في تصاميم بتشوفيها غاااامقة وحادة و هي احادية
و تصاميم باهتة بألوانها ( الالوان الابيض و الاسود مو واضحين بقوة ) نفس تصميمك , في تصاميم الابيض بيطغي اكتر و في العكس
و كل تصميم بيعكس شعور مختلف للمشاهد ( و استغربت كيف هيك ) التصاميم الحادة بحسها عدوانية او بتعكس غضب بعض الاحيان
او بتعكس غموض بعكس التصاميم الباهتة بتعكس الرواق و الهدوء

اكتشف انو حتى التصاميم ذات الون الواحد او اللونين بيختلف شعورهم باختلاف درجات قوتهم بالتصميم و باختلاف كثرة انتشارهم بالتصميم

مبدعة كعادتك

 

[خَوْد]

-



@Detective JoulZ

Just a Gallery ،

يو ! مدري ليه فتحته بس بيكون معرض بسيط لاشياء صممتها سريع يمكن تستفيدون منها < برا اقصد يكون مكان لي او متنفس ق1 وحبيت يكون غير متكلف بحيث اركز على التصاميم اكثر من المحتوى نفسه < احلفي ض2 صممت رمزيات صيفية قلت اعرضها aw1ق1 ^ و2

www.anime-tooon.com

منروح لتاني تصميم من هالرد

التصميم كتير عجبني و الوانو مٌفرحة و مٌبهجة , التصميم ككٌل رائع و استحققتي
افخم ختم , بس عندي ملاحظة صغنونة و هالملاحظة مارح تٌنقص من جمال
التصميم شي و لكن ( ربما ) قد تزيده جمال .

وهو استخدامك للأشكال بشكل صريح , شكل الاشكال جميل جداَ بس كانت ملاحظتي
لو دمجتي ( شكل المربع من الجانب ) مع التصميم و خليتي شكل الاخر واضح كان رح يكون
اجمل برأيي , لأن حسيت انو الاشكال داخلة بشكل غير متناغم مع التصميم الاصلي و هو الدمج
الي فوق , الاشكال كانت رح تكون حلوة متل ما هي , لو كان التصميم فيه اشكال واضحة و غير
مدموجة بشكل ( او بشكل واضح )

هي مجرد ملاحظة بسيطة ^^

طريقتك بكتابة الكلام كتير انيقة و متناغمة مع التصميم , التصميم كلو ع بعضو بجنن و وقعت
بغرامو و استحققتي اخر ختم يا مٌبدعة

 

[خَوْد]

-



@جويلان

مطبعة جويلان لنشرات التصاميم

السلام عليكم ~~ مساء / صباح الخير ما اعرف ايش قصة العنوان .. it's 12 am .. المهم .. كان يمكن يوم من الأيام ارجع اصمم صح .. نسيت كيف اسوي اي شي ه1 كبداية ؟ هيدر صممته حق مدونتي بما ان غيرت العنوان bla bla bla .. it's just me .. trying to ne related to Dottore.. which isn't the best thing but...

www.anime-tooon.com

منروح لهل التصميم الفخم

التصميم فكرتو رهيبة , ووقعت بجمال مو بس الالوان الزاهية ( و المقربة لقلبي )
بل حتى وقعت بجمال الشخصيات الي فيه ( انا من عشاق فلم الجميلة و الوحش )

طريقة دمجك للصور المتحركة بداخل التصميم كتير عجبتني هي لحالها بعطيكي عليها
10 من 10 , الدمج كان كتير smooth و مانو حاد بحيث انو يخرب من شكل التصميم لا
كتير حبيت , عتبي ع شغلتين بس و الي بشوفها مشكلة 90% من المصممين و بما فيهم
انا

و هو الخط ! اول ملاحظة عندي , مابدي تضايقي من ملاحظاتي , التصميم كلو جميل
و متناغم بس ممكن شوي تعديل عليه بيطلع اجمل و اجمل ^^

اول ملاحظة هو اختيارك لنوع الخط كان غير موفق , بتصميم متل هيك ( فكرتو رومنسية )
خاصةَ للأشخاص الي حضروا الفلم , هالشخصيتين بحبوا بعض , كان اجمل بكتير انك تستخدمي
خط رومنسي او Signature بس يكون كتييير ناعم و تحتو خط Basic خفيف بس مو متل هالسماكة
الخط الي اخترتيه ممكن يصير للتصاميم الصريحة , القوية و الي بدا توصل رسالة واضحة نفس مجلة
او كتاب كوميك , اختيار نوع الخط انا بعرف والله من اصعب خطوات التصميم و انا شخصياَ بضل
ساعات و انا اختار خط مناسب و اخر شي بجيب العيد

بس اختيار نوع خط يناسب التصميم بغير من جمال التصميم 160 درجة !

تاني ملاحظة كانت , و هي استخدامك لخواص دمج الخط في غير محلها !

هيك نوع من الدمج حلو لو كان جزء من الخط متباين , بحركتك هي , روحتي من وضوح الخط
و هي كانت رسالتك منو صح ؟ انك توصلي رسالة معينة من الخط ؟

استخدام اي عنصر من عنصار التصميم لازم يكون الو هدف و الهدف لازم يكون متناغم بنفس
الوقت مع التصميم الكلي !

مثلاَ شوفي تباين اللون الابيض بالدمج , افضل بكتير من تباين لون الغامق بعد الدمج
( هيك قصدي بمعنى جزء متباين و جزء آخر لا و يكون الاخر ( الواضح ) نسبتو بالوضوح
اكتر من الاخر بحيث ما يخرب رسالتك من الخط

تالت ملاحظة و هي جانبية يعني مو اساسية ولا تٌنقص من جمال التصميم شيء
و هو الفريم الي استخدمتيه , لأنك مٌصممة محترفة حابة احكيلك هالملاحظة

و هي انك تستبدلي الفريم الصريح متل الي اعتمدتيه انك تستبدليه بفريم
خامة , حطي خامة ع جوانب التصميم كأنو فريم و غيري من اعدادات الدمج
بيطلع احلى بكتير من فريم صريح متل هيك , مثلاَ خامة فيها زخارف رومنسية
يعني خليكي بإطار ( ثيم التصميم العام ) كون التصميم فكرتو الرئيسية رومنسية
لأنك مختارة شخصيات من فلم رومنسي ^^

التصميم ككٌل للأمانة وقعت بغرامه , و حبيت كتير الفكرة العامة الو و تناسق و تناغم
الالوان رهيب جداَ

بالنسبة لتصميم مٌعقد , فهاد تجسيد لكلمة مٌعقد و ممكن كمان تلاقي
تصميم نتيجتو النهائية جداَ بسيطة بس هو فعلياَ يٌصنف تحت المعقد ف المعقد
مو بس بكترة التفاصيل , ممكن تكون تفاصيل قليلة بس استخدم خواص معقدة
مثلاَ دمج خامتين مع سكرابز يعتبر معقد مع انو هيك تصميم ممكن يكون بسيط
كنتيجة نهائية

استححقتي الختم يا مُبدعة